Lomɛŋ 10:8 - Eka Eswhī

⁸ Á páʼā, aŋwaʼne Ndém á lɔkɔ ndʉ́ɛ́ ŋ́gɛ akɔ̄? Ŋ́gɛ: «Ashuŋne Ndém, á lezēŋ wu, á nchu wu, á ntē wu. » Ashuŋne mɛ́t, á si ŋgɔ́ ŋke mbɔŋ yīi pek tswii, ŋ́gɛ mɛ́ pɔŋteé á lefɛ̄ nnɛ̄t ŋgyá á mbū Ndém.

Lomɛŋ 10:8 Iomraidhean Croise

Mefaʼ Meziŋ-ntō 10:43

Yɛɛ́so mɛ́t, tɛ́ metswi‑ŋke Ndém metsem, é le lé ánɛ lezēŋ tsí ŋ́gɛ, ŋiŋ a fíɛ́ nnɛ̄t ŋgyá mé yí, mbɔ Ndém a a shʉʼ elekne mefa ŋgaŋ, melaʼ mí. »

Mefaʼ Meziŋ-ntō 16:31

Pɔ́ pwɛt á mbū yí ŋ́gɛ: «Fɛ́ nnɛ̄t ju ŋgyá á mbū Atsyapuɔ Yɛɛ́so, Ndém a eshʉʼ ŋghʉ̄, pɛ a epuɔ ŋgyā pú metsem, e etswɛ́t. »

Lomɛŋ 10:17

Á páʼā, ŋiŋ á ge efɛ́ nnɛ̄t eyá á mbū Klísto, éfhó ánɛ anu zīi a á júʼ, anu mɛ́t á gɔ́ ŋke mbɔŋ ánɛ Klísto.

Galat 3:2

Pɛ elɛ mbwɛ̄t anu jʉɔ eshúŋ á gá. Ndém a le gē eyá Azwakne zí á mbū pɛ péʼe, á gɔ́ melaʼ mīi pɛ kuʼteé mbé mí, kɛ á gɔ́ melaʼ mīi, pɛ le júʼ ŋke mbɔŋ, ḿvéŋ ŋ́?

Galat 3:5

Ndém a le gē eyá Azwakne zí á mbū pɛ, ŋ́gē eghʉ meŋkʉʼne anu á nnɔ pɛ páʼā, a te efhó ánɛ wɛ́ á lekūʼte mbé mí í. A le fhó ánɛ páʼ pɛ le júʼ ŋke mbɔŋ, ḿvéŋ.

Efɛze 5:26

A le kɔ̄ŋ á yí á lelɔk épúp, ŋ́ghʉ̄, alúŋ epuɔ pí, á kuʼ á legɔ̄ ajūɔ Ndém, ŋ́gē eghʉ epúp, ńdɔ̄k ashuŋne zí pɔ́ ntshi esōk á wɔ́p.

1 Timotɛ 4:6

Shúŋ menu muɔ mɛ́t ntsem, á mbū epɔ̄ memía, púp, ńdɔk ŋgɔ́ á mbɔŋ ŋgaŋ afaʼ Yɛɛ́so Klísto. Ńzīŋ páʼ ashuŋne Ndém zīi, ḿpɛ kuʼteé tɛ á te, á si ndʉ́ɛ́ épúp. Ŋ́kúʼte menu ntsem mīi, mɛ́ ke ziʼné á wú.

1 Piɛ 1:23

Pɛ ezhɛ́ á légɛ, ashuŋne Ndém á naáŋ á lemiʼɛ. Aziɛ́ mé ghʉʉ̄, mɛ́ gɔ́ éwú. Á ghʉʉ̄ mɛ́ zéŋ nzhí á wɛ́ leswhī leswhī, pɛ pú ncʉ́ʼ ewɔŋkhʉ̄ ŋiŋ yīi, a gɔ le kwhʉ́. Ŋiŋ mɛ́t mé le zéŋ nzhí á wɛ́, ŋiŋ yīi a gɔ ekwhʉ́ mé lɛ te zéŋ á wɛ́ nzhí ɛ́.

1 Piɛ 1:25

Táʼ, ashuŋne Atsyapuɔ á piŋɛ ŋgɔ́ á le mīi. » Ashuŋne mɛ́t, á si ŋgɔ́ ŋke mbɔŋ yīi, wɔ shúŋ‑anu Ndém é ke tswī á mbū pɛ.