Lomɛŋ 10:7 - Eka Eswhī

⁷ Ńzéŋ le lé ŋ́gɛ: «Awɔ́ a a láʼ esóʼo á apeŋte ē?» Ńdɔkɔ ŋ́gɛ, awɔ́ a a láʼ esóʼo á apeŋte, tɛ́ eghʉ, Klísto a efhó á nnɔ mepfhō ndū á esī í?

Lomɛŋ 10:7 Iomraidhean Croise

Lúkási 8:31

Mesī mɛ́t, é swíŋte á Yɛɛ́so ŋ́gɛ, ńdɛ́ʼ á juŋ á wɔ́p mmāʼ á apeŋte, pɔ́ ge nnáŋa éwú, ńjʉ́ɔ ŋgʉɔ̄ʼ.

Lomɛŋ 4:25

Yɛɛ́so mɛ́t, Ndém a le véŋ á kwhʉ́, melaʼ mefa mímpɛ, á piŋ ŋghʉ̄ á zím ánɛ lewhʉ̄, á lɔk épúp, ńtɔ́ŋ á yímpɛ lɛ, epuɔ ndeŋ ndeŋ.

Eble 13:20

Ndém, á ŋwɛ́t apwɛne, a le ghʉ̄ʉ̄, Atsyapuɔ yímpɛ Yɛɛ́so, á zím ánɛ lewhʉ̄. Ńzím épúp, ńcʉ́ʼ á mía mía mpfɛnne‑memvhō Ndém, ńtsīa ánɛ páʼ, á le lɔ̄k metshi mí, ŋ́kwɛ́t eka yīi, é naáŋ á lemiʼɛ.

1 Piɛ 3:18

Klísto yí méŋwɛ̄t a le jʉ́ɔ ŋgʉɔ̄ʼ, ńdɔk esōk mefa epuɔ metsem. A le ghʉ̄ épúp legʉɔ lemɔʼɔ́, á kuʼ épúp. Yí yīi, a lɛ á ŋiŋ ndeŋ ndeŋ, a le pīŋ ŋkwhʉ́ melaʼ megaŋ mefa, tɛ́ ndɔk ŋghʉ̄ pɛ ezéŋ ŋkūʼ á wɛ́, á lezēŋ ntshí á mvhɔ Ndém. Mɛ́ le zwhí áa mbap nnɛ̄t zi, táʼ, Azwakne Ndém á ké ŋghʉ̄, á zím ánɛ lewhʉ̄.

1 Piɛ 3:22

A le zím épúp, ŋ́kɔ́ʼ mé lephū, ńnáŋ ánɛ ŋkɔʼɔ́ apū ete Ndém. A naáŋ éwú esáʼa mecɔʼ Ndém, mbɔɔ ntií ntiī ajūɔ tsem zīi, á wɛɛ̄ mete á athʉ́ lephū.

Menjʉɔ te lí 1:18

Ŋ́gɔ́ nte. Meŋ nde kwhʉ́ʉ̄, ńzím ánɛ lewhʉ̄, tɛ awuɔ yīi, meŋ mbiīŋ ŋgɔ́ nte á meŋguʼ meŋguʼ lāa. Meŋ nde tsyā á lewhʉ̄, ḿbɔ́ŋ mete ánɛ alāʼ mepfhō.