Lomɛŋ 10:21 - Eka Eswhī

²¹ Ḿbiŋ ŋgɔ́ á mbū epuɔ Islaɛl, Ndém á lé ŋ́gɛ: «A kɛ eleʼé tsem, meŋ nɔ̄ɔŋ nnā apū zá, á mbū wɔ te júʼ‑nchu gá, ŋ́gɔ́ megaŋ atʉɛ́‑athū. »

Lomɛŋ 10:21 Iomraidhean Croise

Lúkási 24:47

Ńzéŋ ŋgɔ́ lɛ, mɛ́ e ké eláʼ ezi á Yelósalɛm, á lelɔk lezēŋ tsí ntswī á mbū ŋgɔŋ ŋgɔŋ ŋ́gɛ, awíɛ awíɛ a egɔ̄ nnɛ̄t zi, ŋ́gwáʼ atswhī tepɔŋ zí, Ndém a shʉʼ ndēkne mefa mí.

1 Tesalonik 2:16

Pɔ́ é si mvɛ́nɛ á wék á letswi ŋke Ndém, á mbū epuɔ pīi, é té epuɔ Yúda á, ńdɔk ŋghʉ̄ pɔ́ láʼ ntswɛ́t azɔ́p. Ŋ́ghʉ̄ɛ épúp efʉʼ metsem páʼā, mefa mɔ́p é lɔkɔ ntswīʼnɛ ŋgáʼa mbū. Ndém a a ké eláʼ ege ezoko, ézáŋ á lɔ́ŋ ánɛ pɔ́p.

1 Piɛ 2:8

Á zéŋ ndé ŋ́gɛ: «Tɔ́ mɛ́t a zeéŋ ŋgɔ́ á tɔ́ yīi, a ghʉʉ̄ mɛ́ kwate. Á mía mía tɔ́ yīi, a ghʉʉ̄ ŋiŋ á whʉ á esī. » Epuɔ é kwate éwú, melaʼ mīi, pɔ́ é lʉʼ á lejūʼ ashuŋne Ndém, ḿvéŋ. Á gɔ́ anu zīi, Ndém a le zapá ŋ́gɛ, a fú eláʼ egɔ́ épúp, á mbū pɔ́p.