Lomɛŋ 10:20 - Eka Eswhī

²⁰ A gɔ gɔɔ́, tɛ Ndém á lɔk nchu ntswi‑ŋke yi Izayi ndé ŋ́gɛ: «Epuɔ pīi é le nɔ̄ŋ te efāʼa á gá á, pɔ́ le pīŋ njʉ́ɔ á gá. Meŋ nde ghʉ̄ʉ̄, epuɔ pīi pɔ́ kaá nnɔŋ nzɛ́ttɛ á gá á azō ɔ́, é zhɛ́ á gá. »

Lomɛŋ 10:20 Iomraidhean Croise

Matío 20:16

Yɛɛ́so á ge emakne ndé ŋ́gɛ, á épúp tɛ́ mezoknzem, e fú ecʉ́ʼ megaŋ mvhɔ, megaŋ mvhɔ e epīŋ ncʉ́ʼ mezoknzem. »

Lúkási 14:23

Mɔʼɔ́ afaʼ yi á lé á mbū yí ŋ́gɛ: “Fhó á tésɔŋ ntó tsetsɔŋɔ, ŋ́gʉɔ ŋkʉ́ʼne á methū nzhɛ mekap alāʼ, ŋ́kōne awíɛ awíɛ yīi, o ó jʉ́ɔ á yí, pɔ́ eshʉʼ ŋkó tɛ ŋgyā za e eló.

Lomɛŋ 10:3

Pɔ́ té si nzhɛ́ɛ páʼ, Ndém a gē etɔ́ŋ á ŋiŋ lɛ ŋiŋ ndeŋ ndeŋ, á ziŋ épúp ɔ́. Pɔ́ méŋwɛ̄t mé si efāʼa ewɔp mɛnzhɛ, á lelɔk ŋgɔ́ epuɔ ndeŋ ndeŋ, á mvhɔ Ndém. Pɔ́ é si ŋghʉ̄ɛ épúp, ńdɔkɔ ndʉ̄ʼɛ á mɛnzhɛ yīi, Ndém a tsiā éwú, tɛ́ ntɔ́ŋ á ŋiŋ lɛ, ŋiŋ ndeŋ ndeŋ.

Lomɛŋ 9:30

Ḿpɛ gɔ efhó ánɛ ajʉɔ anu, ńdé ŋ́gɛ akɔ̄? Ḿpɛ gɔ elé ŋ́gɛ, epuɔ pīi é té epuɔ Yúda á, épuɔ pīi é lɛ te nɔ̄ŋ efāʼa á wɔ́p á legɔ̄ epuɔ ndeŋ ndeŋ, á mvhɔ Ndém ɛ́, Ndém a le fhó ánɛ wɔ́p á lefɛ̄ nnɛ̄t ŋgyá mé Yɛɛ́so, ńtɔ́ŋ á wɔ́p lɛ, epuɔ ndeŋ ndeŋ.

Lomɛŋ 9:31

Mbiŋ ŋgɔ́ mé epuɔ Islaɛl, mbɔ pɔ́ le nɔ̄ŋ efaʼa á wɔ́p á lefhō ánɛ lekūʼte lepé, tɛ́ ŋgɔ́ epuɔ ndeŋ ndeŋ á mvhɔ Ndém, ḿbiŋ ndáʼ te lɔ̄k ewuɔ mɛnzhɛ mɛ́t, ŋ́gʉɔ tɛ ŋkó ɔ́.

1 Jáaŋ 4:19

Ŋ́gɔ́ mé pímpɛ, mbɔ ḿpɛ kɔɔ̄ŋ epuɔ, melaʼ mīi, Ndém a le té njhʉ̄, ŋ́kɔ̄ŋ á yímpɛ.