Lomɛŋ 10:2 - Eka Eswhī

² Meŋ gɔ eké ntswí ntāŋ wɔ́p á légɛ, pɔ́ é si ŋkhʉ́nɛ á letsɔ̄ʼ akhu Ndém, ńdaʼ ŋ́gɛ, pɔ́ té si ncuŋtɛ nzhɛ́ɛ á mɛnzhɛ mbɔŋ, á lelɔk ntsɔ́ʼ akhu zí mɛ́t ɛ́.

Lomɛŋ 10:2 Iomraidhean Croise

Jáaŋ 16:2

Mɛ́ e shʉʼ efhó á meŋgyā aswiŋte, éjuŋ á wɛ́. Á té épúp ndaʼá, afʉʼ á si eshʉ̄ʼɛ, ázi epuɔ é ge ezwhíte á wɛ́, énɔŋ ekwaŋa ŋ́gɛ, pɔ́ ghʉɛ épúp páʼā, ńdɔkɔ ŋgūʼtɛ á Ndém.

Mefaʼ Meziŋ-ntō 21:20

Pɔ́ júʼ anu zīi, a á lé tɛ á mi, ŋ́gūʼte á Ndém, tɛ mbīŋ ndé mé Pɔ́ɔl ŋ́gɛ: «Méŋ mɔ́ wek, o ka jʉ́ɔ kɛ, jʉ́ɔ páʼ atʉtʉ epuɔ Yúda, á cʉ́ʼ epuɔ Yɛɛ́so, ŋ́kúʼte lepé tsīi Mɔɔ́sɛ a le ziʼnéē, á mbɔŋɔ́.

Mefaʼ Meziŋ-ntō 21:28

ńnɔŋ ndʉ́ɛ́ mé ŋghi teté ŋ́gɛ: «Epuɔ Islaɛl, pɛ eshʉ̄ʼ nnéŋ mbū lo. Ŋiŋ yīi a kʉ́ʼnɛ á ajʉʼ tsem, ńzíʼnɛ á mbū epuɔ metsem ŋ́gɛ, mɛ́ ewák á wɛ́, a awuɔ. A á si nzéŋɛ nzíʼnɛ ŋ́gɛ, mɛ́ ekʉ̄ŋne lepé tsīi Mɔɔ́sɛ a le ziʼnéē. Ńzéŋɛ ndʉ́ɛ́ ŋ́gɛ, ajʉʼ jʉɔ páʼa, á pú te ajūɔ ɔ́. Tɛ mbɔɔ tsetsɔŋɔ wuɔ, a á lɔk epuɔ pīi, é té epuɔ Yúda á, ŋ́kó á ntē Mía Ŋgyā Ndém, ńdɔkɔ ntsēŋtɛ ajʉʼ alɔ́ʼ jʉɔ mɛ́t. »

Mefaʼ Meziŋ-ntō 22:22

Alāʼ á zwíʼte anu zīi, Pɔ́ɔl a shúŋɔ, ńzwíʼte tɛ njúʼ á lé páʼa mɛ́t, pɔ́ lɛ nzī á lelē mé ŋghi teté ŋ́gɛ: «Mɛ́ ezwhí á ŋiŋ wuɔ zwhií, a te ŋiŋ yīi, mɛ́ gɔ etshi á yí nnéŋ, á gɔ́ éwú ú. »

Mefaʼ Meziŋ-ntō 22:3

«Meŋ á ŋiŋ Yúda, mɛ́ zhí á gá á tésɔŋ Táase, á apak ŋgɔŋ Silisi. Mɛ́ le pīŋ ŋkɔ́ʼte á gá á tésɔŋ ega. Ŋgamaliɛl mé le ziʼné á gá á leziŋ ndeŋ ndeŋ, ánɛ mbé mīi memɔʼɔ́ pímpɛ é le néēŋ. Meŋ ndɛɛ́ ŋkɔŋɔ azá á Ndém tɛ mmāʼa afɛ̄, ńdeŋ ndeŋ páʼ pɛ é ayáʼa, ŋ́kɔ̄ŋɔ á yí épúp lā.

Lomɛŋ 10:1

Epɔ̄ memía, ajū mīi meŋ á ntē meŋ ntsáa, ńnɔŋ eswíŋtɛ á Ndém á athū epuɔ Yúda melaʼ aziɛ́, á si ŋgɔ́ á légɛ, pɔ́ evéŋ, Ndém a eghʉ̄ pɔ́ etswɛ́t.

Lomɛŋ 10:3

Pɔ́ té si nzhɛ́ɛ páʼ, Ndém a gē etɔ́ŋ á ŋiŋ lɛ ŋiŋ ndeŋ ndeŋ, á ziŋ épúp ɔ́. Pɔ́ méŋwɛ̄t mé si efāʼa ewɔp mɛnzhɛ, á lelɔk ŋgɔ́ epuɔ ndeŋ ndeŋ, á mvhɔ Ndém. Pɔ́ é si ŋghʉ̄ɛ épúp, ńdɔkɔ ndʉ̄ʼɛ á mɛnzhɛ yīi, Ndém a tsiā éwú, tɛ́ ntɔ́ŋ á ŋiŋ lɛ, ŋiŋ ndeŋ ndeŋ.

2 Kɔlɛŋte 4:4

Pɔ́ té mvéŋɛ ŋke mɛ́t ɛ́ melaʼ mīi, Sɛ́ta ndém ŋgɔŋ wuɔ, a lē ŋkápte leghi tsɔ́p, ḿbɔ́k ŋkaʼ yīi é fhɔ́ɔ ánɛ ŋke mbɔŋ, á lekɛʼɛ á wɔ́p. Ŋke mbɔŋ é si mbiŋɛ ntswīi páʼ, shʉ́shɔ́k Klísto a á épúp. Mɛ́ jʉɔ́ á Klísto, ńzhɛ́ á légɛ mɛ́ é jʉ́ɔ á Ndém.

2 Kɔlɛŋte 4:6

Púp melaʼ mīi, Ndém yīi a le lé ŋ́gɛ: «Á pɔŋ ŋ́gɛ ŋkaʼ e ekɛ̄ʼɛ ánɛ nzém», yí méŋwɛ̄t mé le zéŋ ŋghʉ̄, ŋkaʼ yí é kɛʼɛ á ntē pek. Ńdɔkɔ efāʼa ŋ́gɛ, pek ezhɛ́ á légɛ, ŋkaʼ mɛ́t é si ŋgɔ́ á shʉ́shɔ́k yi, ńnɔŋ ŋwāŋnɛ ánɛ eshhʉ̄ Yɛɛ́so Klísto.

2 Kɔlɛŋte 8:3

Meŋ shúŋɔ, ŋ́gɔ́ á njhʉɛ‑njʉɔ́. Pɔ́ le fhó ánɛ ajū mīi pɔ́ kuūʼ éwú, ŋ́gyá azō ndɔk mbʉ́ʼte afaʼ Ndém, ŋ́gyá tɛ á zá ntɔ́k. Ŋ́gyá páʼ á kɔ́ʼ á ntē pɔ́p.

Galat 1:14

Meŋ ndɛ ánɛ mɛt epuɔ Yúda wuɔ mɛ́t, ńnɔŋ ŋkāka ete ŋgʉ̄ɔ mé mvhɔ, ńtɔ́kɔ emɔ̄ʼ epuɔ Yúda ánɛ akhu ŋkaŋa zék. Akhʉne zīi á lɛ á ntē meŋ, á nɔŋ ntshónɛ á gá á lekūʼte á mɛt memɔʼɔ́ pá.

Galat 4:15

Á lɛ afʉʼ mɛ́t, ŋgɔŋ é pú mbɔ̄ŋ á wɛ́, tɛ pɛ é gɔ́ mé letsɔ̄ʼ menēk mɛ́ ŋgyá mé meŋ. Meŋ nde chʉ́ nnɛ̄t, ńdɔ̄k menēk má njʉ́ɔ, lekāk wɛ mɛ́t, a ke pīŋ ŋghʉ páʼ lā mmī í?

Fílíip 1:9

Aswiŋte zīi, meŋ á si ŋghʉ̄ɛ á mbū Ndém á athū pɛ, a ajʉɔ: meŋ á si ndɔ́ɔ ŋ́gɛ, Ndém a eghʉ̄, pɛ etswiʼne ŋkɔ̄ŋne mennɛ̄t mɛ́, ńdɔk ŋgʉ̄ɔ mé mvhɔ. Púp, ńdɔk nzhɛ́ páʼ Ndém a á épúp, ḿbiŋ ŋghʉ̄ menu mīi, é mbɔŋ á leghʉ.

Fílíip 3:6

Ntē gá é le pú ŋkhʉ́ne á lekūʼte lepé epuɔ Yúda kuʼtée, tɛ meŋ ndʉɔ́ʼɔ epuɔ pīi, pɔ́ é ánɛ alúŋ epuɔ Yɛɛ́so. Ŋ́gɔ́ mé leziŋ ndeŋ ndeŋ, páʼ lepé é si nzɛ́ttɛ, mbɔ mɛ́ lɛ té alɔ́ʼ zá jʉ́ɔ.

Kɔlɔs 4:13

Meŋ méŋwɛ̄t é si ndɔ̄kɔ menēk, ńjʉ́ɔ mefaʼ mīi, a kaka ete, ŋ́ghʉ̄ɛ á athū pɛ, mbɔɔ á athū epuɔ Yɛɛ́so á tésɔŋ Laodisɛ, mbɔɔ á tésɔŋ Yiɛlapolis.