Lomɛŋ 10:19 - Eka Eswhī

¹⁹ Meŋ gɔ ezéŋ nzɛ́tte ŋ́gɛ: epuɔ Islaɛl é lɛ te júʼ anu zīi, ŋke mɛ́t é lɔkɔ ndʉ́ɛ́ lɛ̄? Pɔ́ lɛ te júʼ. Ndém a le zī nté njhʉ̄, ńdɔ̄k nchu Mɔɔ́sɛ ńde ŋ́gɛ: «Meŋ a shʉʼ eghʉʉ, pɛ eséŋ eshhʉ̄ ánɛ alāʼ zīi, á kaá ŋgɔ́ á alāʼ zá á. Éghʉʉ, ntē wɛ́ e efūʼ, melaʼ alāʼ zīi, leghi tsɔ́p é té éwú ú.

Lomɛŋ 10:19 Iomraidhean Croise

Lomɛŋ 10:18

Meŋ gɔ epīiŋ nzɛ́tte ŋ́gɛ: epuɔ Yúda é lɛ té ŋke mbɔŋ júʼ lɛ́? Ŋgáŋ, pɔ́ le júʼē. Á lɔk ŋgɔ́ páʼ, mɛ́ leé á ntē aŋwaʼne Ndém ŋ́gɛ: «Ŋghi metswi‑ŋke Ndém, e le gʉ̄ɔ tɛ ŋkó á ejʉʼ tsem, á ndo esī atsetsáʼ. Mɛ́ le júʼ ashuŋne zɔ́p, tɛ ŋkó á nzokó ŋgɔŋ. »

Lomɛŋ 11:11

Meŋ á páʼā ndɔkɔ nzɛ́tɛ ŋ́gɛ: á páʼā, mbɔ epuɔ Islaɛl é le pú ŋkwate ŋ́gwhʉ̄ á esī áa ndaʼ kɛ akɔ̄ lɛ́? Ŋgáŋ, á té épúp ɔ́. Pɔ́ le kwatē épúp, tɛ́ Ndém á zápa épúp, ŋ́ghʉ̄, epuɔ pīi é té epuɔ Yúda á, é tswɛ́t. Á ghʉɛ épúp, ńdɔkɔ efāʼa ŋ́gɛ, epuɔ Islaɛl e eséŋ eshhʉ̄ ánɛ pɔ́p.

Lomɛŋ 11:14

Meŋ a ghʉ afaʼ mɛ́t, tɛ́ elɔk eghʉ, ntɔ̄ŋ epuɔ alāʼ pék, e efūʼ, ńzhɛ́ páʼ, Ndém a a shʉʼ á nnɔ pɔ́p, éghʉ, emɔ̄ʼ ntaʼné shɔ́ʼɔ́ lɛ́, e etswɛ́t.

Lomɛŋ 3:26

Éfhó ánɛ páʼ, a á ŋiŋ, a te gákne nzáŋ á lɔ́ŋ ɔ́. A piīŋ ŋgɔ́ tsetsɔŋɔ, ńnɔŋ ntswīi páʼ, yí gē etɔ́ŋ á ŋiŋ lɛ, ŋiŋ ndeŋ ndeŋ, á ziŋ épúp. A etsīa épúp, epuɔ menɔŋ e ezhɛ́ á légɛ, yí é ŋiŋ ndeŋ ndeŋ. Ŋiŋ yīi a á ge enáŋ, ńnɔŋ efíɛ́ nnɛ̄t ŋgyáa mé Yɛɛ́so, yí etɔ́ŋ á yí lɛ, ŋiŋ ndeŋ ndeŋ.

1 Kɔlɛŋte 1:12

Ńdɔkɔ ŋ́gɛ, emɔ̄ʼ epuɔ é nnɔ pɛ ndʉ́ɛ́ ŋ́gɛ: «Meŋ á ŋiŋ Pɔ́ɔl. » Emɔ̄ʼ é nɔŋ ŋ́gɛ: «Meŋ á ŋiŋ Apolos. Emɔ̄ʼ é nɔŋ ŋ́gɛ: «Meŋ á ŋiŋ Sefas. » Emɔ̄ʼ é nɔŋ ŋ́gɛ: «Meŋ á ŋiŋ Klísto. »

1 Kɔlɛŋte 10:19

Meŋ á páʼā, ńdɔkɔ ndʉ́ɛ́ ŋ́gɛ akɔ̄? Mesī pɔ́ mbap zīi, mɛ́ lɔk ŋgwáʼ njʉʼ á mbū pɔ́p é azō lɛ́?

1 Kɔlɛŋte 11:22

Meŋ á kwaŋ ŋ́gɛ, memba mɛ́ é éwú mīi, pɛ gɔ enáŋte éwú mpfɛ́t, ńzéŋ nnú. Ndɛ́ʼ pɛ ezéŋ alúŋ epɔ̄ Ndém ntsēŋte. Ndɛ́ʼ pɛ ezéŋ nnéŋ esē á athū wɔ te kuʼ ánɛ azō. Meŋ á páʼa ezéŋ elé mé pɛ gɛ akɔ̄? Pɛ é kwaŋ ŋ́gɛ, meŋ gɔ ekɔ̄ŋte á wɛ́ ánɛ jʉɔ ntií lenāŋ mɛ́t lɛ́? Ŋgáŋ, meŋ gɔ le á wɛ́ kɔŋte.

1 Kɔlɛŋte 12:2

Pɛ é si nzhɛ́ɛ páʼ, pɛ le zɛ́t te zhɛ́ á Yɛɛ́so Klísto, mɛ́ nɔŋ eshūŋnɛ á wɛ́ ndɔkɔ ŋgʉ̄ɔ mé ejʉʼ mesī, á piŋ nzī ŋgɔ́ yīi, mesī mɛ́t é gɔ́ le shúŋne.

1 Kɔlɛŋte 15:50

Epɔ̄ memía, anu zīi meŋ ndɔkɔ ndʉ́ɛ́ a a jʉɔ. Mbe nnɛ̄t páʼ e é si ŋgɔ́ mbap pɔ́ metshi lā, e gɔ le náŋ á ajʉʼ zīi, Ndém a naáŋ éwú esáʼa epuɔ ɔ́. Ajū mīi á gɔ ekwhʉ́, pɔ́ azi á naáŋ á lemiʼɛ, á gɔ le púte ajʉʼ nnáŋ á.

1 Kɔlɛŋte 7:29

Epɔ̄ memía, anu zīi meŋ ndɔkɔ ndʉ́ɛ́ a ajʉɔ páʼa. Njhʉ̄ e te zɛ́t nzá á. Púp, tɛ efhó tsetseŋɔ, ŋiŋ yīi a lé lá ŋgyā, a enáŋ páʼ a zi la ŋgyā lá á lā.

Tíit 3:3

Á lɛ amɔ̄ʼ afʉʼ, ḿpɛ gɔ́ wɔ ghʉ‑anu té sáŋ, ŋ́gɔ́ wɔ tʉɛ‑athū á mbū Ndém, ńnɔŋ efā nzhɛ. Mbɔ ntií ntiī ekwaŋte, mbɔɔ leziŋ páʼ mbé nnɛ̄t e é si ndʉ́ɛ́, e lē mbú njhʉ́ á yímpɛ. Ḿpɛ nɔŋ nzáa esɔ̄, ńnɔŋ esʉ́ɛ́ etsō epuɔ. Ńnɔŋ ŋghʉ̄ɛ mɛ́ paa á yímpɛ, ńnɔŋ mbānɛ mennɛ̄t mímpɛ.

1 Piɛ 2:10

Á lɛ amɔ̄ʼ afʉʼ, pɛ zɛ́t té gɔ́ epuɔ Ndém. Á piīŋ ŋgɔ́ tsetsɔŋɔ, pɛ gɔ́ epuɔ Ndém. Á lɛ amɔ̄ʼ afʉʼ, Ndém á nɔŋ te ntsáa mezeŋɛ mɛ́ ɛ́. A piīŋ ŋgɔ́ tsetsɔŋɔ, ńnɔŋ ntsáa mezeŋɛ mɛ́.