Lomɛŋ 10:18 - Eka Eswhī

¹⁸ Meŋ gɔ epīiŋ nzɛ́tte ŋ́gɛ: epuɔ Yúda é lɛ té ŋke mbɔŋ júʼ lɛ́? Ŋgáŋ, pɔ́ le júʼē. Á lɔk ŋgɔ́ páʼ, mɛ́ leé á ntē aŋwaʼne Ndém ŋ́gɛ: «Ŋghi metswi‑ŋke Ndém, e le gʉ̄ɔ tɛ ŋkó á ejʉʼ tsem, á ndo esī atsetsáʼ. Mɛ́ le júʼ ashuŋne zɔ́p, tɛ ŋkó á nzokó ŋgɔŋ. »

Lomɛŋ 10:18 Iomraidhean Croise

Matío 24:14

Mɛ́ e láʼ etswi ŋke mbɔŋ wuɔ yīi é cʉteē Lefɔ Ndém, á ntē ŋgɔŋ ntsem. Melāʼ melāʼ e ejúʼ épúp, ńzhɛ́ á légɛ Ndém a á éwú, ŋgɔŋ e elɛ mmī. »

Matío 26:13

Meŋ shúŋɔ á wɛ́ á kwaʼ anuúnē ŋ́gɛ: mbɔɔ egɔ́ lɛ́ yīi, mɛ́ e shʉʼ enɔŋ etswii ŋke mbɔŋ éwú, á ntē ŋgɔŋ ntsem, mɛ́ e shʉʼɛ ekímɛ á menzwí wuɔ, épiŋɛ eshúŋɔ anu mbɔŋ zīi a á ghʉ, epuɔ menɔŋ e elɔkɔ nnáŋa ŋkímtɛ á yí. »

Matío 28:19

Púp, pɛ egʉ̄ɔ á ŋgɔŋ ŋgɔŋ, ŋ́ghʉ̄ epuɔ menɔŋ e ecʉ́ʼ megaŋ nnɔ pá, ńnōʼ á wɔ́p á ntshi ánɛ lezēŋ Mɔʼɔ́, ánɛ lezēŋ Mɔ́, mbɔɔ ánɛ lezēŋ Azwakne Ndém,

Matío 4:8

Sɛ́ta á zéŋ ndɔ̄k á yí, ŋ́kɔ́ʼ tɛ ŋkó á ndo mmɔʼ sisia lekwɛ̄t, ńtshí éwú, ńtswī á yí elāʼ ntsem tsīi, é ndo esī atsetsáʼ, mbɔɔ lewūʼ tsīi é ntē éwú.

Málkúsi 16:15

Ńdé á mbū pɔ́p ŋ́gɛ: «Pɛ egʉɔ ŋkʉ́ʼne á ŋgɔŋ esī atsetsáʼ ntsem, ńtswī ŋke mbɔŋ á mbū nzwɛt ŋiŋnɔŋ ntsem.

Málkúsi 16:20

Megaŋ nnɔ Yɛɛ́so ntsem é pú ŋgʉ̄ɔ, ŋ́kʉ́ʼne ejʉʼ tsem ntswī ŋke mbɔŋ. Atsyapuɔ á nɔŋ ntswítɛ á wɔ́p ánɛ afaʼ jʉɔ mɛ́t, ḿbiŋɛ ŋghʉ̄ɛ pɔ́ ghʉɛ meŋkʉʼne anu, e nɔŋ ntswīi á légɛ, ŋke mɛ́t é fhɔ́ɔ á mbū Ndém.]

Mefaʼ Meziŋ-ntō 1:8

Azwakne Ndém mé gɔ eshʉʼ esóʼo ánɛ pɛ, éyá á wɛ́ mbʉʼ, tɛ́ pɛ elɔk eshúŋ ajū mīi, pɛ é si nzhɛ́ɛ ánɛ meŋ, ńzī á tésɔŋ Yelósalɛm, éshúŋ mmāk ŋgɔŋ Yudéa, ŋ́kó á Samalía ntsem, éshúŋ shúŋ tɛ ndáʼ mbú ŋ́kó á nzokó ŋgɔŋ. »

Mefaʼ Meziŋ-ntō 26:20

tɛ meŋ kʉʉ̄ŋ ndáʼ ńzī á leshūŋ anu zí á mbū epuɔ Damas, ḿbáte epuɔ Yelósalɛm, éshʉʼ eshúŋ á mbū epuɔ Yudéa ntsem, mbɔɔ á mbū emɔ̄ʼ melāʼ ndɛʼɛ ŋ́gɛ, pɔ́ egɔ̄ nnɛ̄t zɔp, ŋ́gwáʼ atswhī tepɔŋ zɔ́p, ḿbīŋ nzem á mbū Ndém, ḿbiŋ ŋghʉ̄ menu membɔŋ mīi, é tswii á légɛ, pɔ́ é wáʼ atswhī tepɔŋ zɔ́p.

Mefaʼ Meziŋ-ntō 28:23

Mekém mɛ́t e lé épúp, pɔ́ a Pɔ́ɔl e táŋ aleʼé zīi, pɔ́ a pɔ́p e zéŋ epote. Á láʼ aleʼé mɛ́t, pɔ́ shʉʼ ntswɛ́tte á yí á mba yí. Ŋ́gē eshʉʼ tsetsɔŋɔ, ḿbú nzá tɛ ntɔ́k á aleʼé mvhɔ. Pɔ́ɔl á zi nzemɛ́nzēm, ŋ́kɛ́ʼte menu eshúŋ á wɔ́p tɛ ŋkó eseéŋ‑njhʉ̄. Éshúŋ á wɔ́p anu ánɛ Lefɔ Ndém. Ḿbiŋ ŋgē efaʼ eshhʉ̄ á leghʉ tɛ pɔ́ méŋwɛ̄t e evéŋ anu ánɛ Yɛɛ́so, éfók anu ánɛ lepé Mɔɔ́sɛ mbɔɔ á ntē aŋwaʼne metswi‑ŋke Ndém, tɛ́ eshúŋ á wɔ́p.

Lomɛŋ 1:8

Meŋ a ge ezi mvhɔ, étsia á nzem Yɛɛ́so Klísto, ésyákne á Mɔʼɔ́ yímpɛ Ndém á athū pɛ metsem. Ésyáknɛ épúp, melaʼ mīi, mɛ́ é ejʉʼ tsem á ndo esī atsetsáʼ, ésáʼa eshúŋɔ páʼ, pɛ fɛɛ́ nnɛ̄t épúp, ŋ́gyá á mbū Yɛɛ́so.

Lomɛŋ 15:19

Ńzápa ánɛ páʼ Azwakne Ndém á le yá á gá mete, á lelɔk ŋghʉ̄ mendajʉ́ɔ menu, mbɔɔ meyiŋne menu mīi, é tswii mete Ndém, tɛ́ ŋghʉ̄ épúp. Púp, meŋ zīi, á Yelósalɛm, ńtɔ́kte nchʉ́ nnɛ̄t ntswī ŋke mbɔŋ ánɛ Klísto, tɛ ŋkó á apak ŋgɔŋ Ilili.

Kɔlɔs 1:23

Á si ŋké nzɛ́ttɛ ŋ́gɛ, pɛ ekāk ete, ńtswiʼne efɛ́ nnɛ̄t ŋgyá á mbū Klísto, ńdɔk ŋgʉ̄ɔ mé mvhɔ. Ŋ́kúʼte á lefɛ̄ nnɛ̄t mɛ́t, tɛ a echʉ́ nnɛ̄t ntēte, páʼ ŋgyā zīi, mɛ́ lɔɔ̄k á tɔ́ nnɔ̄ŋ atseŋ lā. Pɛ é le cʉ́ʼ, azō á ghʉ, pɛ ewáʼ ajū mīi, pɛ gɛ ntsáa, tɛ efhó á aleʼé zīi, pɛ le júʼ ŋke mbɔŋ, ńnɔŋ nzhɛ́ɛ á légɛ, Ndém a a láʼ eyá mé pɛ ɛ́. Mɛ́ le tswī ŋke mbɔŋ mɛ́t, á mbū epuɔ menɔŋ metsem á ŋgɔŋ. Meŋ Pɔ́ɔl, meŋ ndē ncʉ́ʼ á ŋgaŋ afaʼ Ndém, á letswi ŋke mbɔŋ mɛ́t.

Kɔlɔs 1:6

Ŋke mbɔŋ é le shʉ̄ʼ tɛ ŋkó á mbū pɛ, tɛ́ ŋghʉ̄, pɛ ezhɛ́. Ŋke mbɔŋ mɛ́t, é si esāŋa ŋgɔŋ ntsem, ńnɔŋ nzémɛ ntá. É si nzéŋɛ ŋghʉ̄ɛ épúp á tsetsɛlɛ pɛ, tɛ efhó mvhɔ legʉɔ zīi, pɛ le júʼ á leshūŋ menu mbɔŋ té ndhʉ mīi, Ndém a ghʉɛ, ńzéŋ njʉ́ɔ, ḿvéŋ á légɛ é si ŋgɔ́ anuúnē,

1 Tesalonik 1:8

Ashuŋne Ndém a le fhó a alāʼ pɛ, ḿbú esāŋ ejʉʼ épúp, á té lɛ ŋkó á apak ŋgɔŋ Maseduan, mbɔɔ apak ŋgɔŋ Akayi ndaʼ á. Mɛ́ le zéŋ mbú nzhɛ́ ejʉʼ tsem, páʼ pɛ fɛɛ́ nnɛ̄t ŋgyá á mbū Ndém épúp, tɛ ŋgɔ́ yīi, pek gɔ le zóko nzéŋɛ ŋkímɛ ɛ́,