Lomɛŋ 10:17 - Eka Eswhī

¹⁷ Á páʼā, ŋiŋ á ge efɛ́ nnɛ̄t eyá á mbū Klísto, éfhó ánɛ anu zīi a á júʼ, anu mɛ́t á gɔ́ ŋke mbɔŋ ánɛ Klísto.

Lomɛŋ 10:17 Iomraidhean Croise

Málkúsi 4:24

Yɛɛ́so á zéŋ ndé á mbū pɔ́p ŋ́gɛ: «Pɛ epá ntií zīi, pɛ lɔkɔ njúʼɔ anu. Efʉʼ zīi pɛ lɔkɔ efʉ̄ʼɛ azō tɛ́ ŋgyáa á mbū ŋiŋ, Ndém a shʉʼ elɔk efʉʼ mɛ́t, tɛ́ efʉʼ azɛ́ eyá, tɛ ezéŋ etswiʼne,

Lúkási 11:28

Yɛɛ́so á pwɛt ndé ŋ́gɛ: «Kwaʼ eshhʉ̄ mbɔŋ, a gɔ́ áa ŋiŋ yīi, á juúʼ ashuŋne Ndém, ŋ́ghʉ̄ ndeŋ ndeŋ épúp. »

Lúkási 8:11

Yɛɛ́so á zéŋ ndé ŋ́gɛ: «Ashuŋne lepúʼ jʉɔ, á páʼa ndɔkɔ ndʉ́ɛ́ ŋ́gɛ: nzwɛt etsō, é si ŋgɔ́ ashuŋne Ndém.

Lúkási 8:21

Yɛɛ́so á piŋ mbwɛ̄t ńdé ŋ́gɛ: «Mɛ́ ga, pɔ́ epɔ̄ memía pá, é si ŋgɔ́ epuɔ pīi, pɔ́ é si njúʼɔ ashuŋne Ndém, ńzéŋɛ ŋghʉ̄ɛ ndeŋ ndeŋ épúp. »

Jáaŋ 1:37

Megaŋ nnɔ pí pwɔ̄ é júʼ á yí á lelē épúp, ńtsé á nzem Yɛɛ́so.

Lomɛŋ 1:16

Esē é té si ŋkúu á gá á letswi ŋke mbɔŋ ɔ́. É si ŋgɔ́ mete Ndém á lelɔk ŋghʉ̄, tɛ mbɔɔ awɔ́ lɛ́ yīi, a á fɛ́ nnɛ̄t ŋgyá á mbū Yɛɛ́so, á tswɛ́t. Epuɔ Yúda é zi mvhɔ, ńtswɛ́t, emɔ̄ʼ epuɔ é páte.

Lomɛŋ 10:14

Ŋiŋ a gɔ epīiŋ ŋghʉ̄ páʼ lā, ńda ntɔ́ŋ á yí, té gɔ́ yīi ŋgaŋ a fɛɛ́ nnɛ̄t ŋgyá á mbū yí í? Ŋiŋ a gɔ epīiŋ ŋghʉ̄ páʼ lā, éfɛ́ nnɛ̄t ŋgyá á mbū yí, té gɔ́ yīi ŋgaŋ a lé júʼ á lekīm á yí í? Ŋiŋ a gɔ epīiŋ ŋghʉ̄ páʼ lā, ńjúʼ á lekīm á yí, té gɔ́ yīi, ŋiŋ a á shúŋ á yí anu, ánɛ yí í?

2 Kɔlɛŋte 2:17

Pek te si ŋgɔ́ páʼ emɔ̄ʼ epuɔ pīi, pɔ́ lɔkɔ ashuŋne Ndém ntáŋa esaá á. Pek é si ŋgē eshúŋɔ anu Ndém, ńdɛ̄tne ánɛ Klísto, ńdɔ̄kɔ anuúnē tɛ́ eshúŋɔ, Ndém mé túɔ́ á wék, pek a pɔ́p mé gɔ́ nnɔ.

Galat 3:2

Pɛ elɛ mbwɛ̄t anu jʉɔ eshúŋ á gá. Ndém a le gē eyá Azwakne zí á mbū pɛ péʼe, á gɔ́ melaʼ mīi pɛ kuʼteé mbé mí, kɛ á gɔ́ melaʼ mīi, pɛ le júʼ ŋke mbɔŋ, ḿvéŋ ŋ́?

Galat 3:5

Ndém a le gē eyá Azwakne zí á mbū pɛ, ŋ́gē eghʉ meŋkʉʼne anu á nnɔ pɛ páʼā, a te efhó ánɛ wɛ́ á lekūʼte mbé mí í. A le fhó ánɛ páʼ pɛ le júʼ ŋke mbɔŋ, ḿvéŋ.

Kɔlɔs 3:16

Ŋ́gɛ ashuŋne Klísto, páʼ á wɛɛ̄ lewūʼ ntsem lā, a egɔ́ á ntē pɛ efʉʼ metsem. Pɛ elɔ̄k azhɛ̄‑anu, ńzíʼne anu Ndém á nnɔ pɛ, ńzeŋne zeŋné, ńtékne mennɛ̄t mɛ́. Pɛ ezɔ̄p mé ntē wɛ́ ntsem, ńdɔk ŋgūʼte á Ndém. Ńzɔ̄p mezɔp ntshi mīi, é ntē aŋwaʼne Ndém, ńzɔ̄p mezɔp ntshi epuɔ Yɛɛ́so. Ńzɔ̄p mezɔp ntshi mīi, Azwakne Ndém á néŋ á ntē pɛ.

1 Tesalonik 2:13

Amɔ̄ʼ ajū mīi á zéŋɛ ŋghʉ̄ɛ, tɛ́ pek syáknɛ á Ndém té ká, ánɛ athū zɛ́, a ajʉɔ: pɛ le júʼ ashuŋne Ndém, páʼ pek le shúŋ á wɛ́ lā, ŋ́kúʼte á mbɔŋɔ́, pɛ te kuʼté páʼ ashuŋne zīi, á fhɔ́ɔ á mbū ŋiŋnɔŋ lā á, ŋ́kúʼte áa páʼ á ajʉʼ éwú ŋgɔ́ épúp, áshuŋne zīi, á fhɔ́ɔ á mbū Ndém méŋwɛ̄t lā. Ashuŋne mɛ́t, á zém ntá á ntē pɛ wɔ fɛ́‑nnɛ̄t.

Eble 4:2

Ḿpɛ le júʼ azímpɛ ashuŋne Ndém, ńdeŋ ndeŋ páʼ, epuɔ pīi é lɛ á késáatswɛt, é le júʼ azɔ́p. Ashuŋne mɛ́t zīi pɔ́ le júʼē, á lɛ te á wɔ́p tswíte, melaʼ mīi, pɔ́ lɛ te cʉ́ʼ ashuŋne mɛ́t, á kóte á ntē pɔ́p, tɛ ŋghʉ̄ pɔ́ fɛ́ nnɛ̄t ŋgyá á mbū Ndém ɛ́.

1 Piɛ 1:23

Pɛ ezhɛ́ á légɛ, ashuŋne Ndém á naáŋ á lemiʼɛ. Aziɛ́ mé ghʉʉ̄, mɛ́ gɔ́ éwú. Á ghʉʉ̄ mɛ́ zéŋ nzhí á wɛ́ leswhī leswhī, pɛ pú ncʉ́ʼ ewɔŋkhʉ̄ ŋiŋ yīi, a gɔ le kwhʉ́. Ŋiŋ mɛ́t mé le zéŋ nzhí á wɛ́, ŋiŋ yīi a gɔ ekwhʉ́ mé lɛ te zéŋ á wɛ́ nzhí ɛ́.

Menjʉɔ te lí 1:9

Meŋ Jáaŋ méŋ mɔ́ wɛ, ńdɛ̄tne ánɛ Yɛɛ́so páʼ pɛ lā, meŋ á si njʉ́ɔ azá ŋgʉɔ̄ʼ páʼ pɛ lā, ńnɔŋ ŋŋíŋɛ azá á ntē Lefɔ Ndém. Mɛ́ le lɔ̄k á gá ŋgʉ̄ɔ mé Patmos, álāʼ, ntshi é kɛ́nne nnéŋ á esɔŋ, ńdɔ̄kɔ á gá ŋgʉɔ épúp, melaʼ ashuŋne Ndém zīi, meŋ kuʼtéē, mbɔɔ melaʼ anu Yɛɛ́so zīi, meŋ shúŋɔ.