Lomɛŋ 10:16 - Eka Eswhī

¹⁶ Táʼ, epuɔ metsem mé lɛ te ŋke mbɔŋ véŋ. Á lɔk ŋgɔ́ páʼ, Izayi ntswi‑ŋke Ndém, a le lé azí á ntē aŋwaʼne Ndém ŋ́gɛ: «Atsyapuɔ, awɔ́ a á ké mvéŋ ŋke mbɔŋ yīi, pek tswii ī?»

Lomɛŋ 10:16 Iomraidhean Croise

Matío 13:14

Á gɔ́ épúp á mbū pɔ́p, ńdɔk ŋgɔ́ páʼ Ndém a le lɔ̄k nchu ntswi‑ŋke yi Izayi, ńdé ŋ́gɛ: “Pɛ e shʉʼ echʉ́ nnɛ̄t ezwíʼte ejʉʼ, éké le azō júʼ. Pɛ e shʉʼ echʉ́ nnɛ̄t ecʉte ejʉʼ, éké le azō jʉ́ɔ.

Jáaŋ 10:26

Pɛ piīŋ te si mvéŋɛ melaʼ mīi, pɛ te ánɛ nnɔ memvhō má á.

Mefaʼ Meziŋ-ntō 28:24

Emɔ̄ʼ epuɔ á tsɛtsɛlɛ pɔ́p é júʼ anu zīi, Pɔ́ɔl a á lé, ḿvéŋ, epi emɔ̄ʼ é júʼ, pɔ́ té véŋ.

Lomɛŋ 1:5

Ndém a le zapá ánɛ yí, ŋ́gwɛ̄ apɔŋɔ́ ntē te ndhʉ ánɛ meŋ, ŋ́ghʉ̄ meŋ ecʉ́ʼ á nziŋ‑ntō. Éfāʼa ŋ́gɛ, meŋ eghʉ̄, elāʼ ntsem e efɛ́ nnɛ̄t ŋgyá á mbū Klísto, ńjúʼ nchu yí. Meŋ eghʉ̄ɛ épúp, ńdɔkɔ ŋgūʼtɛ á yí.

Lomɛŋ 11:17

Epuɔ Islaɛl é si ŋgɔ́ páʼ, athʉ́ olive zīi, mɛ́ tuŋneé lā, mbɔ Ndém a lē nzáʼ emɔ̄ʼ mbū athʉ́ mɛ́t, ńzáʼ épúp, ḿbiŋ mbɛ́ á wú yīi, o te ŋiŋ Islaɛl ɛ́, ŋ́gɔ́ páʼ apū athʉ́ olive zīi, á tshií á mbaʼ lā, ŋ́gyɛ̄t á ajʉʼ mɛ́t. Á piīŋ ŋgɔ́ tsetsɔŋɔ, ŋ́gɔ́ yīi, o gɔ́ ejhʉ́ ajú á apɛ mbɔŋ ŋka athʉ́ yīi, é fhɔ́ɔ ánɛ athʉ́ olive, ḿbʉɛ.

Lomɛŋ 16:26

Á ké ŋgɔ́ tsetsɔŋɔ, mbɔ meŋwaʼne metswi‑ŋke Ndém, é lē ŋghʉ, ntsem mɛ́t é tó á ntentā. Ndém yīi a naáŋ lemiʼɛ, a lē ntswi ŋ́gɛ, mɛ́ eghʉ̄, epuɔ elāʼ tsem, é ezhɛ́ ntsem mɛ́t. Ńzhɛ́ épúp, éfɛ́ nnɛ̄t ŋgyá mé yí, ńjúʼ nchu yí.

Lomɛŋ 2:8

Ḿbiŋ ŋgɔ́ mé epuɔ pīi, pɔ́ teē athū á mbū yí, pɔ́ té kɔ̄ŋ á leziŋ páʼ anuúnē á si ndʉ́ɛ́ épúp ɔ́, ŋ́kɔ̄ŋ á leziŋ áa ánɛ mɛnzhɛ ŋgɛ́tté, a ezáŋ á alɔŋ ánɛ pɔ́p, ńtswá á wɔ́p á tepɔŋ ŋgʉɔ athʉ́ lepé.

Lomɛŋ 3:3

A zi ŋgɔ́ éyi, emɔ̄ʼ epuɔ á nnɔ pɔ́p, é le sɛ̄t nzem Ndém, mbɔ wɔ́p á lesɛt nzem Ndém, á gɔ eghʉ̄ʉ, Ndém á sɛt nzem zɔp lɛ́?

Lomɛŋ 6:17

Ḿpɛ eké ŋgūʼte á Ndém. Pɛ lɛ amɔ̄ʼ afʉʼ, ŋgɔ́ apuʼ mefa. Á piīŋ ŋgɔ́ tsetsɔŋɔ, anu zīi epuɔ é le ziʼnéē, pɛ júʼ mvéŋ, pɛ ekúʼte mé ntē wɛ́ ntsem.

Galat 3:1

Pɛ epuɔ Ŋgalati, pɛ gɔ̄ áa wɔ tee‑athū kɛ. Pɛ ke gaā mvéŋ ŋ́gɛ, mɛ́ ekʉ̄lɛ leghi tsɛ́ ɛ́? Tɛ́ mbɔ meŋ ke kɛʼté eshúŋ á wɛ́, á ŋiŋ yīi Yɛɛ́so Klísto, páʼ mɛ́ le kwɛtē á yí ánɛ mbaŋne paŋné, a ewiɛ́.

Galat 5:7

Pɛ kɛ si nzīŋɛ á mbɔŋɔ́ péʼe, awɔ́ a á si mbīŋɛ mvɛ́nɛ á wɛ́, á lezēŋ nzīŋ ánɛ mɛnzhɛ anuúnē mɛ́t é?

2 Tesalonik 1:8

Éshʉ̄ʼɛ épúp, á ntē mía mía mmók, á mbʉʉ̄ʼ anu á mbū epuɔ pīi, pɔ́ té á Ndém véŋ, épuɔ pīi, pɔ́ lʉʉ̄ʼ á lekūʼte ŋke mbɔŋ yí Atsyapuɔ yímpɛ Yɛɛ́so.

Eble 11:8

Á le fhó ánɛ páʼ, Ablaham a le fɛ́ nnɛ̄t épúp, ŋ́gyá á mbū Ndém, tɛ́ Ndém á tɔ́ŋ á yí, á lɛ mvéŋ, ŋ́gʉ̄ɔ mé alāʼ zīi, Ndém a le phʉ́ á leyā á mbū yí ŋ́gɛ, a ecʉ́ʼ azí. Ŋ́gē egʉɔ, a te nzhɛ́ ajʉʼ zīi, a gʉɔ mé éwú ú.

Eble 4:2

Ḿpɛ le júʼ azímpɛ ashuŋne Ndém, ńdeŋ ndeŋ páʼ, epuɔ pīi é lɛ á késáatswɛt, é le júʼ azɔ́p. Ashuŋne mɛ́t zīi pɔ́ le júʼē, á lɛ te á wɔ́p tswíte, melaʼ mīi, pɔ́ lɛ te cʉ́ʼ ashuŋne mɛ́t, á kóte á ntē pɔ́p, tɛ ŋghʉ̄ pɔ́ fɛ́ nnɛ̄t ŋgyá á mbū Ndém ɛ́.

Eble 5:9

Ndém á náŋ á yí ánɛ mía ajʉʼ, á cʉ́ʼ á mbū epuɔ pīi é juúʼ nchu yí, ŋ́gɔ́ á Ŋghʉɛ‑mɛ́‑tswɛ́t á lemiʼɛ.

1 Piɛ 1:22

Pɛ ke lɔ̄k á leziŋ páʼ ashuŋne Ndém á si ndʉ́ɛ́ épúp, ésōk ntē wɛ́, ńdɔkɔ efāʼa á lewɛ kwaʼ ŋkɔŋne á tsetsɛlɛ epɔ̄ memía, ŋ́kɔŋne te sɛt. Púp, pɛ elɔ̄k á taʼ ntē, ńchʉ́ nnɛ̄t ŋkɔ̄ŋne mennɛ̄t mɛ́, éfʉʼ metsem.

1 Piɛ 2:8

Á zéŋ ndé ŋ́gɛ: «Tɔ́ mɛ́t a zeéŋ ŋgɔ́ á tɔ́ yīi, a ghʉʉ̄ mɛ́ kwate. Á mía mía tɔ́ yīi, a ghʉʉ̄ ŋiŋ á whʉ á esī. » Epuɔ é kwate éwú, melaʼ mīi, pɔ́ é lʉʼ á lejūʼ ashuŋne Ndém, ḿvéŋ. Á gɔ́ anu zīi, Ndém a le zapá ŋ́gɛ, a fú eláʼ egɔ́ épúp, á mbū pɔ́p.

1 Piɛ 3:1

Ndeŋ ndeŋ páʼ wɔ ghʉ‑afaʼ á mba epuɔ, é pɔŋteé á lenɔŋ nnɛ̄t á esī á mvhɔ memɔʼɔ́ afaʼ pɔ́p lā, ewíɛ́ menzwí lɛ́ a enɔ̄ŋ nnɛ̄t á esī á mvhɔ ndō yi, tɛ ŋgɔ́ yīi, azi ŋgɔ́ éyi emɔ̄ʼ mbaŋa, é kaá nnɔ̄ŋ njúʼɔ ashuŋne Ndém ɛ́, awɔ́ ŋiŋ wɔp lɛ́, á fhó ánɛ atswhī mbɔŋ nzwí yi, ŋ́kúmne ntē yí, té gɔ́ yīi, pɛ é lé á anu,