Lomɛŋ 10:15 - Eka Eswhī

¹⁵ Ŋiŋ a gɔ epīiŋ ŋghʉ̄ páʼ lā, éshúŋ anu ánɛ yí, té gɔ́ yīi, mɛ́ é tó á yí í. Á gɔ́ páʼ, mɛ́ leé á ntē aŋwaʼne Ndém ŋ́gɛ: «Á mbɔŋ á lejʉ̄ɔ epuɔ pīi, pɔ́ shʉʼɛ á ntswiī ŋke mbɔŋ. »

Lomɛŋ 10:15 Iomraidhean Croise

Matío 9:38

Púp, pɛ elɛ mbúʼ mbū, éswíŋte á ŋgaŋ ŋkāʼ, a etó megaŋ afaʼ, pɔ́ egʉɔ efāʼ etsō tsí mɛ́t. »

Lúkási 10:1

Ajʉɔ anu á tɔ́k páʼa, Yɛɛ́so á tsɔ́ʼ mmɔʼ megaŋ nnɔ pí ntsɔp pīa megēm esambīa, ŋ́gāpte á wɔ́p mémpīa mémpīa, ńtó á wɔ́p ŋ́gɛ pɔ́ ezī mvhɔ, ŋ́gʉ̄ɔ ánɛ metésɔŋ pīi, yí mé nnɔŋ ŋgɔ̄ egʉɔ éwú, mbɔɔ ánɛ mekap alāʼ.

Lúkási 2:10

Tɛ́ cɔʼ Ndém á lé á mbū pɔ́p ŋ́gɛ: «Ndɛ́ʼ pɛ ezéŋ mbɔ́k, meŋ gɔ á ntswiī ŋke mbɔŋ á mbū pɛ, éyi e yá á mía lekāk á mbū alāʼ ntsem:

Lúkási 2:14

«Awuʼte á mbū Ndém tɛ‑athʉ́‑lephū. Apwɛne zí á gɔ́ á ndo esī atsetsáʼ, á mbū epuɔ pīi, a kɔɔ̄ŋ á wɔ́p. »

Lúkási 8:1

Á tɔ́k eleʼé shɔ́ʼɔ́ lɛ́, Yɛɛ́so pɔ́ a nnɔ yí, épi mmɔ̄ʼ ntsɔp pīa mé legēm, é nɔŋ ntɔ́ktɛ ánɛ metésɔŋ pɔ́ a mekap alāʼ, ńtswīi ŋke mbɔŋ, ńnɔŋ ŋkɛ́ʼtɛ eshúŋɔ epuɔ páʼ Lefɔ Ndém é épúp.

Jáaŋ 20:21

Á zéŋ ndé á mbū pɔ́p ŋ́gɛ: «Apwɛne e egɔ́ mé pɛ. Páʼ Mɔʼɔ́ ga a le tó á gá á ŋgɔŋ lā, meŋ a zéŋ etó á wɛ́ azá. »

Mefaʼ Meziŋ-ntō 10:36

Pɛ ke júʼ ŋke mbɔŋ yīi, Ndém a ke tó á mbū epuɔ Islaɛl ŋ́gɛ, Yɛɛ́so Klísto a ke shʉʼē, á letswaŋ epuɔ menɔŋ, pɔ́ a Ndém é cʉ́ʼ á taʼ nchu. Yɛɛ́so mɛ́t, a á Atsyapuɔ ŋgɔŋ epuɔ metsem.

Mefaʼ Meziŋ-ntō 13:26

Pɔ́ɔl á zéŋ ndé ŋ́gɛ: «Epɔ̄ memía, pɛ pīi pɛ́ é ndhu Ablaham, mbɔɔ pɛ metsem pīi, pɛ wuʼtɛ á Ndém epuɔ Islaɛl, Ndém a á tó ŋke wuɔ yīi, é tswii páʼ epuɔ é gɔ eghʉ̄ʉ épúp tɛ́ ndáʼ ntswɛ́t lā, á mbū pímpɛ puɔ.

Mefaʼ Meziŋ-ntō 22:21

Atsyapuɔ á zéŋ ndé á mbū meŋ ŋ́gɛ: “Ké efhó á tésɔŋ ega ntó tó, meŋ méŋwɛ̄t e tó á wú tɛ ŋgia e esāk, á mbū epuɔ pīi, é té epuɔ Yúda á.”»

Mefaʼ Meziŋ-ntō 9:15

Atsyapuɔ á tsɔ́ʼ ŋ́gɛ: «Ké ŋgʉ̄ɔ gʉɔ. Meŋ á tsɔ́ʼ á ŋiŋ mɛ́t ŋ́gɛ, a eghʉ̄ afaʼ zá, ńzéŋ eshúŋ á ŋiŋ yīi meŋ á ewiɛ́, á mbū melāʼ ndɛʼɛ, mbɔɔ á mbū mefɔ pɔ́p, mbɔɔ á mbū epuɔ Islaɛl.

Lomɛŋ 1:15

Melaʼ épúp tɛ́, meŋ tsáa á gá á leshʉʼ ntswī ŋke mbɔŋ, á mbū pɛ azɛ́ pīi, pɛ naáŋ á Lóma.

Lomɛŋ 15:20

Táʼ, meŋ nde ké ŋkɔ̄ŋ á letswi ŋke mbɔŋ áa ánɛ ejʉʼ tsīi, mɛ́ laá nzi ŋkím lezēŋ Klísto éwú ú, ḿbɔ́k á gá lekwɛ̄t ŋgyā, ánɛ atseŋ zīi, mmɔʼ ŋiŋ mé le nɔ̄ŋŋ̄.

Efɛze 2:17

A le shʉ̄ʼ á ntswiī ŋke mbɔŋ yīi, é yáa apwɛne, á mbū pɛ pīi, pɛ lɛ á tɛ éwú ánɛ Ndém, mbɔɔ á mbū epuɔ pīi, pɔ́ naáŋ mbáte á Ndém.

Efɛze 3:8

Meŋ yīi, meŋ gɔ́ áa kwaʼ nzoknzem, á nnɔ epuɔ Ndém metsem, Ndém a le ké nzápa ánɛ apɔŋɔ́ ntē te ndhʉ zīi, a wɛɛ̄ ánɛ meŋ, ŋ́ghʉ̄, meŋ egʉ̄ɔ eshúŋ epuɔ pīi, é té epuɔ Yúda á, léwūʼ tsīi, é ánɛ Klísto. Lewūʼ mɛ́t é te mi lewūʼ.

Efɛze 6:15

Lekhʉ̄ne á letswi ŋke mbɔŋ, páʼ é yáa apwɛne lā, a egɔ́ á mbū pɛ, ŋ́gɔ́ páʼ meláŋ mīi, pɛ zwiík á mekhu pɛ lā.

1 Piɛ 1:12

Ndém a le kɛʼté eshúŋ á wɔ́p ŋ́gɛ, ŋke yīi mɛ́ le gɛ, pɔ́ egʉɔ ntswī, é té cʉ̄te á wɔ́p pɔ́p méŋwɛ̄t ɛ́, ŋ́ké mbiŋ ncʉ̄te á wɛ́. Ŋke mɛ́t, tɛ́ wɔ shúŋ‑anu Ndém, ŋ́ke mbɔŋ, pɔ́ é ayáʼa ntswīi, á mbū pɛ. Ŋké ndɔ̄kɔ áa mete Azwakne Ndém, páʼ Ndém a le fhó á lephū ŋgyá lā, tɛ́ ntswīi. Mecɔʼ Ndém, é zeéŋ nnɔŋ eshʉ́ɛ́ azɔ́p, á lezhɛ̄ ŋke wuɔ mɛ́t.