Lomɛŋ 10:12 - Eka Eswhī

¹² Púp, atɛʼte á té zɛ́t á tsetsɛlɛ epuɔ Yúda pɔ́ a epuɔ pīi, é té epuɔ Yúda á. Pɔ́ metsem é puú ŋgwɛ̄ á taʼ Atsyapuɔ, á pú ŋgyá etsō mbɔŋ á mbū epuɔ metsem pīi, pɔ́ é si eswíŋtɛ á yí.

Lomɛŋ 10:12 Iomraidhean Croise

Mefaʼ Meziŋ-ntō 7:59

Mɛ́ nɔŋ ntémtɛ á yí mé metɔ́ púp, á swíŋte á Ndém ndé ŋ́gɛ: «Atsyapuɔ Yɛɛ́so, lɛ ndɔ̄k agega zá mé lephū. »

Mefaʼ Meziŋ-ntō 9:14

A ke zéŋ ŋgʉɔ njʉ́ɔ wɔ nɔŋ‑epɔʼ epi melʉɛ, ńtswí mete, tɛ a á ega tsetsɔŋɔ, ŋ́gɔ̄ á ŋgɔteē epuɔ metsem pīi, pɔ́ wuʼtɛ lezēŋ cú. »

Lomɛŋ 14:9

melaʼ mīi a le kwhʉ́ʉ̄, ńzéŋ nzím ánɛ lewhʉ̄ páʼā, ńdɔkɔ ŋgɔ́ á Atsyapuɔ á mbū mepfhō, mbɔɔ á mbū epuɔ mete.

Lomɛŋ 15:12

Izayi ntswi‑ŋke Ndém a le lé azí ŋ́gɛ: «Emɔ̄ʼ ŋiŋ a shʉʼ etó ánɛ nzwɛt Jese, éshʉʼ esáʼ elāʼ epuɔ pīi, é té epuɔ Yúda á. Pɔ́ emāʼ ŋgua zɔp, ŋgyá á mbū yí. »

Lomɛŋ 2:4

O ghʉɛ épúp, á gɔ́ yīi, o lɔkɔ ŋgwáka á Ndém, tɛ́ á ké ŋgɔ́ á kwaʼ ŋiŋ mbɔŋ, ŋ́gɔ́ á ŋiŋ yīi a kwɛɛ́t ntē, a te gákne ntswá á ŋiŋ ŋgʉɔ athʉ́ lepé ɛ́. O ka zhɛ́ á légɛ, Ndém a á épúp páʼā, ńdɔkɔ ŋgyáa á wú meshhʉ̄ á legɔ nnɛ̄t ju, ŋ́gwáʼ á atswhī tepɔŋ jú lɛ̄?

Lomɛŋ 3:22

Á épúp, Ndém a lɔɔ̄k páʼ ŋiŋ á fɛɛ́ nnɛ̄t ŋgyá á mbū Yɛɛ́so Klísto, tɛ́ ntɔ́ŋ á ŋgaŋ lɛ ŋiŋ ndeŋ ndeŋ. Ŋ́ghʉ̄ épúp á mbū wɔ fɛ́‑nnɛ̄t metsem, melaʼ mīi, a te á ŋiŋ tɛ̄ʼte.

1 Kɔlɛŋte 1:2

Ńtíi á mbū alúŋ epɔ̄ Ndém zīi, á tésɔŋ Kɔlɛŋte, á wɛ́ pīi Ndém a le zapá ánɛ Yɛɛ́so Klísto, ŋ́ghʉ̄ pɛ ecʉ́ʼ epuɔ pí. A lɛɛ́ ntɔ́ŋɔ á wɛ́ ŋ́gɛ, pɛ ecʉ́ʼ epuɔ pí, pɛ a epuɔ metsem pīi, pɔ́ gʉɔ̄ tɛ ŋkó á akɔ̄ ajʉʼ lɛ́, ńtɔ́ŋ lezēŋ Atsyapuɔ Yɛɛ́so Klísto, á Atsyapuɔ wɔp, ńzéŋ ŋgɔ́ eyímpɛ.

1 Kɔlɛŋte 15:47

Ndém a le lɔ̄k atsetsáʼ tɛ́ mbɔ́ mvhɔ ŋiŋnɔŋ. Melaʼ épúp tɛ́, a gɔ́ áa ŋiŋ esī atsetsáʼ. Mbáte epīa ŋiŋ, á ke mbīŋ efhó áa lephū.

2 Kɔlɛŋte 8:9

Pɛ é si nzhɛ́ɛ apɔŋɔ́ ntē te ndhʉ zīi, Atsyapuɔ yímpɛ Yɛɛ́so Klísto a wɛɛ̄ ánɛ pɛ, ajūɔ tsem á lɛ á alá apū yí, á véŋ á lecʉ̄ʼ á te kuʼ ánɛ azō melaʼ mɛ́, ńdɔkɔ efāʼa ŋ́gɛ, pɛ etsīa épúp, ŋ́gwɛ̄ ajūɔ tsem.

Galat 3:28

Á tsia épúp, pɛ metsem lɔkɔ ncʉ́ʼɛ á taʼ azō á mvhɔ Ndém, tɛ mɛ́ le zéŋ ntɛ̄ʼte ŋ́gɛ, ŋiŋ Yúda a awuɔ, ŋiŋ Glɛk á gɔ́ ewuɔ ɔ́. Ŋ́gɛ ŋkwa e ejʉɔ, ŋiŋ yīi a naáŋ á ŋga athū yí á gɔ́ ewuɔ ɔ́. Ŋ́gɛ menzwí a awuɔ, ŋiŋ mbaŋa á gɔ́ ewuɔ ɔ́, mbɔ pɛ é zápa ánɛ Yɛɛ́so Klísto, ńcʉ́ʼ á taʼ.

Efɛze 1:7

Méŋ yi mɛ́t a le lɔ̄k metshi mí, ńzó athū zímpɛ, ŋ́ghʉ̄, Ndém á fhó ánɛ mía apɔŋɔ́ ntē te ndhʉ zí, ńdēkne mefa mímpɛ.

Efɛze 2:4

Táʼ, atsāmezeŋɛ Ndém á te ndhʉ. Ŋkɔŋ zīi a wɛɛ̄ ánɛ pímpɛ, é faáŋ tɛʼ.

Efɛze 2:7

Ndém a le zapá ánɛ Yɛɛ́so Klísto, ńtswī apɔŋɔ́ ntē zí ánɛ pímpɛ, ńdɔkɔ ntwīi á mbū epuɔ, á meŋguʼ meŋguʼ ŋ́gɛ, yí é ŋiŋ té mmɔʼ, éyi a ghʉʉ̄ anu mbɔŋ té ndhʉ.

Efɛze 3:16

Ŋ́gɛ a elɛ efhó ánɛ te ndhʉ lewūʼ tsí, ńzápa ánɛ Azwakne zí, ŋ́gyá á wɛ́ mete, tɛ́ agega zɛ́ a elɔk nnáŋ efʉʼ metsem, ńtēte.

Efɛze 3:6

Ntsem mɛ́t, e ejʉɔ: epuɔ pīi é té epuɔ Yúda á, é zapaá ánɛ ŋke mbɔŋ, ńdɛ̄tne ánɛ Yɛɛ́so Klísto, ŋ́gwɛ̄ azɔ́p akim, páʼ epuɔ Yúda lā, ánɛ ajū mīi, Ndém a le phʉ́ʉ̄. Á páʼā, pɔ́ lɔkɔ mbúu ncʉ́ʼɛ á taʼ mbe nnɛ̄t, pɔ́ a epuɔ Yúda, éfú ewɛ azɔ́p ajū mīi, Ndém a le laʼnēē.

Efɛze 3:8

Meŋ yīi, meŋ gɔ́ áa kwaʼ nzoknzem, á nnɔ epuɔ Ndém metsem, Ndém a le ké nzápa ánɛ apɔŋɔ́ ntē te ndhʉ zīi, a wɛɛ̄ ánɛ meŋ, ŋ́ghʉ̄, meŋ egʉ̄ɔ eshúŋ epuɔ pīi, é té epuɔ Yúda á, léwūʼ tsīi, é ánɛ Klísto. Lewūʼ mɛ́t é te mi lewūʼ.

Fílíip 2:11

Ŋ́gɛ, ŋiŋ ntsem a esáʼ ŋ́gɛ, Yɛɛ́so Klísto mé Atsyantsɔp. Awiɛ́ awiɛ́ a eghʉ̄ épúp, ńdɔk ŋgūʼte á Ndém Mɔʼɔ́.

Fílíip 4:19

Ndém yīi meŋ ŋguʼtɛ, a wɛɛ̄ lewūʼ te ndhʉ. A a láʼ etsia á nzem Yɛɛ́so Klísto, éyá á wɛ́ ajūɔ tsem zīi, á mbū pɛ ŋkíŋɛ, té cʉ nzem.

Kɔlɔs 1:27

Ndém a ke kɔ̄ŋ á leghʉ, pɔ́ zhɛ́ ntsem mɛ́t. Ńzhɛ́ páʼ, nzwiŋ ntsem mɛ́t, é teē épúp. Ńzhɛ́ lewūʼ tsīi é ánɛ ntsem mɛ́t. Ńzhɛ́ épúp, á tsetsɛlɛ epuɔ pīi, é té epuɔ Yúda á. Ntsem mɛ́t é gɔ́ lɛ: Klísto a á tsetsɛlɛ pɛ, yí mé zéŋ nnɔ̄ŋ ŋghʉ̄ɛ, pɛ ekúʼtɛ á légɛ, pɛ e fú ekó á ntē lewūʼ Ndém.

Kɔlɔs 3:11

Púp, mɛ́ le zéŋ ŋghʉ̄ á tɛʼte ŋ́gɛ, ŋiŋ Glɛk a awuɔ, ŋiŋ Yúda á gɔ́ ewuɔ ɔ́. Ŋ́gɛ, ŋiŋ yīi mɛ́ lē ntém á yí a awuɔ, ŋiŋ yīi mɛ́ la á yí tém ɛ́, á gɔ́ ewuɔ ɔ́. Ŋ́gɛ, ŋiŋ alāʼ ndɛʼɛ a awuɔ, epuɔ pīi pɔ́ naáŋ páʼ mena mbaʼ lā, é gɔ́ epuɔ ɔ́. Ŋ́gɛ, apuʼ a ajʉɔ, ŋiŋ yīi a naáŋ á ŋga athū yí, á gɔ́ ewuɔ ɔ́. Klísto mé puú ŋgɔ́ ndaʼ mɛgém anu, ńnáŋ á ntē epuɔ metsem pīi, pɔ́ fɛɛ́ nnɛ̄t ŋgyá mé yí.

1 Timotɛ 2:5

Meŋ ndʉ́ɛ́ páʼa melaʼ mīi, taʼ Ndém mé éwú, taʼ nziŋ‑ekém mé zéŋ ŋgɔ́ éwú, á tsetsɛlɛ Ndém pɔ́ epuɔ menɔŋ. Ŋ́gɔ́ á ŋiŋnɔŋ, á Yɛɛ́so Klísto,

Menjʉɔ te lí 17:14

Pɔ́ e shʉʼ elʉɔ́ʼ á Mɔ́ Njʉnjhʉ, a eké njhʉ́ á wɔ́p, melaʼ mīi, a á Atsyantsɔp, ŋ́gɔ́ á Efɔ mefɔ. Pɔ́ a epuɔ pīi, a le tɔ́ŋ á wɔ́p, ŋ́kāŋ á wɔ́p, épuɔ pīi pɔ́ juúʼ nchu yí té sɛt, mé epú njhʉ́ɛ á wɔ́p épúp. »

Menjʉɔ te lí 19:16

Mmɔʼ lezēŋ é tíne ánɛ nzhó efwɔ̄k zi, mbɔɔ ánɛ ntā yí, ŋ́gɔ́ lɛ: «Efɔ mefɔ, mbɔɔ lɛ Atsyantsɔp. »