Lomɛŋ 10:10 - Eka Eswhī

¹⁰ Ŋiŋ a fɛɛ́ nnɛ̄t ŋgyá á mbū Yɛɛ́so páʼā, Ndém á tɔ́ŋ á ŋgaŋ lɛ, ŋiŋ ndeŋ ndeŋ. Ŋiŋ a lɔɔ̄k nchu yí, ḿvéŋ á mvhɔ epuɔ á légɛ, Yɛɛ́so a á Atsyapuɔ páʼā, Ndém á ghʉ ŋgaŋ á tswɛ́t.

Lomɛŋ 10:10 Iomraidhean Croise

Málkúsi 9:23

Yɛɛ́so á lé á mbū yí ŋ́gɛ: «O ó gɛ éyi meŋ á kuʼ e? Amɔ̄ʼ azō á té éwú zīi, á gɔ etsya á ŋiŋ yīi, a fɛɛ́ nnɛ̄t ŋgyā á mbū Ndém ɛ́. »

Lúkási 8:15

Emɔ̄ʼ epuɔ é piŋ ŋkó ŋ́gɔ́ páʼ ajʉʼ atsáʼ mbɔŋ zīi, ashuŋne mɛ́t á whʉ éwú lā, pɔ́ juúʼ ashuŋne Ndém, ńdɔ̄k ntē mbɔŋ ntswí, ŋ́kúʼte á mbɔŋɔ́, ŋ́gɔ́ ndeŋ ndeŋ, éfhó ánɛ lekak ete, ánɛ mɛnzhɛ Ndém, ńzém ntá. »

Mefaʼ Meziŋ-ntō 8:37

[Fílíio á lé á mbū yí ŋ́gɛ: «A gɔ́ éyi o ó fɛ́ nnɛ̄t ju ntsem, ŋ́gyá á mbū Yɛɛ́so, mbɔ meŋ gɔ enōoʼ á wú á ntshi. » Á pwɛt ŋ́gɛ: «Meŋ á véŋ ŋ́gɛ Yɛɛ́so Klísto, a á Méŋ Ndém. »]

Lomɛŋ 10:11

Aŋwaʼne Ndém á leé ŋ́gɛ: «Ŋiŋ a fíɛ́ nnɛ̄t ŋgyá á mbū Yɛɛ́so, mbɔ ŋgaŋ a te e láʼ etapne ɛ́. »

Lomɛŋ 10:9

Púp, o lɔkɔ nchu wú mvéŋ á mvhɔ epuɔ ŋ́gɛ, Yɛɛ́so a á Atsyapuɔ, ḿvéŋ á ntē wu á légɛ, Ndém a le ghʉ̄ á zím ánɛ lewhʉ̄, mbɔ Ndém a fú eghʉ, o etswɛ́t.

Galat 2:16

Ḿpɛ é si ŋké nzhɛ́ɛ á légɛ, Ndém a te fhó ánɛ ŋiŋ á lekūʼte mbé mí, tɛ́ ntɔ́ŋ á ŋgaŋ lɛ, ŋiŋ ndeŋ ndeŋ ɛ́. A fhoó áa ánɛ ŋiŋ á lefɛ̄ nnɛ̄t ŋgyá á mbū Yɛɛ́so Klísto. Ḿpɛ azímpɛ é le fɛ́ nnɛ̄t ŋgyá á mbū Yɛɛ́so Klísto, ńdɔkɔ efāʼa ŋ́gɛ, a etsīa ánɛ lefɛ̄ nnɛ̄t mɛ́t, ńtɔ́ŋ á yímpɛ lɛ, epuɔ ndeŋ ndeŋ. A á le zápa ánɛ pímpɛ á lekūʼte mbé mí í, melaʼ mīi, Ndém a gɔ le fhó ánɛ ŋiŋ á lekūʼte mbé mí, tɛ́ ntɔ́ŋ á ŋgaŋ lɛ, ŋiŋ ndeŋ ndeŋ ɛ́.

Fílíip 3:9

Élɛtne ánɛ yí épúp, meŋ ńde zéŋ esé ŋ́gɛ, lekūʼte lepé epuɔ Yúda mé ghʉʉ̄, tɛ́ meŋ gɔ́ á ŋiŋ ndeŋ ndeŋ, á mvhɔ Ndém ɛ́. Táʼ, ajū mīi á gɔ eghʉ̄ʉ, tɛ́ meŋ gɔ́ á ŋiŋ ndeŋ ndeŋ á mvhɔ Ndém, á gɔ́ áa gá á lefɛ̄ nnɛ̄t ŋgyá á mbū Klísto. Ndém mé le ghʉ̄ʉ̄, meŋ egɔ́ á ŋiŋ ndeŋ ndeŋ á mvhɔ yí, melaʼ mīi meŋ ndē efɛ́ nnɛ̄t ŋgyá á mbū Klísto.

Eble 10:22

Púp, ḿpɛ elɔ̄k á taʼ ntē, ńtshóte nnɛ̄t mé lezēŋ Ndém, ńnɔŋ mbúu efíɛ́ nnɛ̄t ŋgyáa á mbū yí, té miʼte, melaʼ mīi, Yɛɛ́so a le lɔ̄k metshi mí, ésōk ntē yímpɛ, ńdɔ̄k ntshi te alɔ́ʼ, ésōk mbe nnɛ̄t zímpɛ.

Eble 3:12

Púp me epɔ̄ memía, pɛ elāk athū zɛ́, ndɛ́ʼ ŋiŋ nnɔ wɛ, á wɛ ntē tepɔŋ, ńtē yīi e ghʉ, ŋiŋ a á le fɛ́ nnɛ̄t ŋgyá á mbū Ndém yīi, a ghʉɛ mɛ́ gɔ́ɔ éwú ú, ńtē yīi e ghʉ, a efhó á nzem Ndém ntó.

1 Jáaŋ 4:15

Ŋiŋ a véŋɛ á légɛ, Yɛɛ́so a á Méŋ Ndém, mbɔ Ndém a á me ŋgaŋ, ŋgaŋ á zéŋ ŋgɔ́ mé yí.

Menjʉɔ te lí 2:13

Meŋ á si nzhɛ́ɛ á ajʉʼ zīi, o naáŋ éwú. Á si ŋgɔ́ á ajʉʼ zīi, Sɛ́ta a náŋa éwú esáʼa lefɔ tsí. O naáŋ éwú épúp páʼā, ŋ́ké nzɛ́t ntswiʼnɛ ntsēŋnɛ áa ánɛ meŋ. O la néŋ té fɛ́ nnɛ̄t ŋgyá áa mbū meŋ ɛ́. Tɛ mbɔɔ ánɛ meleʼé mīi, mɛ́ le zwhí á Aŋtioas á alāʼ pɛ, á ajʉʼ zīi Sɛ́ta a naáŋ éwú lā. Aŋtioas wuɔ mɛ́t, a lɛ á ŋiŋ yīi a tswii á légɛ anu zá á anuúne.