Lomɛŋ 10:1 - Eka Eswhī

¹ Epɔ̄ memía, ajū mīi meŋ á ntē meŋ ntsáa, ńnɔŋ eswíŋtɛ á Ndém á athū epuɔ Yúda melaʼ aziɛ́, á si ŋgɔ́ á légɛ, pɔ́ evéŋ, Ndém a eghʉ̄ pɔ́ etswɛ́t.

Lomɛŋ 10:1 Iomraidhean Croise

Lúkási 13:34

Ḿbiŋ ndé ŋ́gɛ: «Yaāa me pɛ, epuɔ Yelósalɛm, yaāa me pɛ pīi, pɛ zwhítɛ metswi‑ŋke Ndém, ńdɔ̄kɔ metɔ́ ntémtɛ epuɔ metsem pīi, Ndém a á tó á mbū pɛ, ńzwhítɛ. Meŋ á faʼ lɛ akɔ̄ lɛ́, á lecūʼte á wɛ́ á lezēŋ meŋ, páʼ mía ŋgāp yīi, a júptɛ epɔ̄ pí á ntē mbap yí lā. Pɛ epīiŋ te véŋ.

Jáaŋ 5:34

Ŋ́gɔ́ mé meŋ, mbɔ meŋ te si ntsáa ŋ́gɛ, ŋiŋnɔŋ a etswí ntāŋ za á. Meŋ ké eshúŋɔ emuɔ menu páʼa, tɛ́ Ndém a eghʉ̄, pɛ eláʼ ntsīa éwú ntswɛ́t.

Lomɛŋ 10:2

Meŋ gɔ eké ntswí ntāŋ wɔ́p á légɛ, pɔ́ é si ŋkhʉ́nɛ á letsɔ̄ʼ akhu Ndém, ńdaʼ ŋ́gɛ, pɔ́ té si ncuŋtɛ nzhɛ́ɛ á mɛnzhɛ mbɔŋ, á lelɔk ntsɔ́ʼ akhu zí mɛ́t ɛ́.

Lomɛŋ 9:33

Á gɔ́ páʼ mɛ́ le tí á ntē aŋwaʼne Ndém ŋ́gɛ: «Awuɔ yīi meŋ á si nnɔ̄ŋɔ á tɔ́ yīi, a ghʉʉ̄ mɛ́ kwate, á tésɔŋ Siɔŋ la. Á mía mía tɔ́ yīi, a ghʉʉ̄, ŋiŋ á whʉ á esī. Táʼ, ŋiŋ a ké efɛ́ nnɛ̄t ŋgyá á mbū tɔ́ wuɔ mɛ́t, mbɔ a te e láʼ etapne ɛ́. »