Lomɛŋ 1:9 - Eka Eswhī

⁹ Ndém a á si nzhɛ́ɛ á légɛ, anu zīi meŋ gɔ á eshúŋɔ la, á anuúnē, á yí yīi meŋ á si ndɔ̄kɔ á letswi ŋke mbɔŋ ánɛ Méŋ yi, ŋ́gūʼtɛ á yí mé taʼ ntē. A á si nzhɛ́ɛ á légɛ, meŋ kimteé á wɛ́ té ká.

Lomɛŋ 1:9 Iomraidhean Croise

Málkúsi 1:1

Nzií ŋke mbɔŋ Yɛɛ́so Klísto, Méŋ Ndém, e ejʉɔ páʼa.

Lúkási 18:1

Yɛɛ́so á zéŋ ndɔ̄k ashuŋne lepúʼ jʉɔ, ńzíʼne nnɔ yí páʼ á mbɔŋ leswīŋte Ndém efʉʼ metsem, té láʼ ŋká.

Mefaʼ Meziŋ-ntō 12:5

Piɛ á gɔ́ á ŋgyā atʉɛ́ épúp, megaŋ alúŋ epuɔ Yɛɛ́so, é ké ŋgɔ́ si eswíŋtɛ á Ndém té ká té ká, ánɛ athū zí.

Mefaʼ Meziŋ-ntō 19:21

Menu muɔ mɛ́t é tɔ́k páʼa, Pɔ́ɔl á wɛ akwaŋte á yí á letɔ̄k ánɛ apak ŋgɔŋ Maseduan pɔ́ Akayi, ŋgʉ̄ɔ mé Yelósalɛm. Ńnɔŋ ndʉ́ɛ́ ŋ́gɛ: «Meŋ shʉʼɛ ŋgʉ̄ɔ tɛ ŋkó éwú, mbɔ á pɔŋ ŋ́gɛ, meŋ egʉ̄ɔ á tésɔŋ Lóma. »

Mefaʼ Meziŋ-ntō 24:14

Táʼ, meŋ gɔ etshí á mvhɔ wu ega, ḿvéŋ á taʼ azō. Meŋ á si nziŋɛ azá ánɛ mɛnzhɛ yīi, Yɛɛ́so a ke kīā. Á piŋ ncʉ́ʼ á mbū pɔ́p, ŋ́gɔ́ áa yīi, meŋ kʉʉ̄ŋ ŋkó ánɛ nnɔ tepɔŋ. Meŋ ké nzɛ́t ŋgūʼtɛ á Ndém yīi, wɔ maŋgānjʉʼ pék é kɛɛ́ ŋguʼtɛ. Ńzɛ́t mvéŋɛ anu zīi, mɛ́ le tí á ntē aŋwaʼne lepé, mbɔɔ á ntē aŋwaʼne metswi‑ŋke Ndém.

Mefaʼ Meziŋ-ntō 27:23

Meŋ ndʉ́ɛ páʼa, melaʼ mīi á ŋgɔ́ ŋkɔʼɔ́‑atswɛt ayáʼa, Ndém yīi meŋ á ŋiŋ yi, ḿbiŋɛ ŋgūʼtɛ á yí, á tó á cɔʼ yi á mbū meŋ,

Mefaʼ Meziŋ-ntō 3:26

melaʼ epúp tɛ́, Ndém a ke gē ezi a letō á Njuʼ‑Nchu yi, ńtó á yí melaʼ mɛ́. Ńtó á yí ŋ́gɛ, a eshʉ̄ʼ ŋghʉ̄ anu mbɔŋ ánɛ pɛ, éfhó ánɛ mɛnzhɛ tepɔŋ, éfók á wɛ́. »

Lomɛŋ 9:1

Páʼ meŋ á ŋiŋ Klísto lā, anu zīi meŋ gɔ́ á eshúŋɔ la, á anuúnē. Meŋ te ntáŋa mela á. Azwakne Ndém á nɔŋ ntswíi ntāŋ gá, ŋ́ghʉ̄ɛ, ntē gá é té ŋāka á gá á.

2 Kɔlɛŋte 1:23

Ajū mīi á le ghʉ̄ tɛ meŋ te á Kɔlɛŋte shʉ̄ʉʼ, a ajʉɔ páʼa: meŋ nde nɔ̄ŋ te ŋkɔ̄ŋɔ á gá á leghʉ, ntē wɛ́ é záŋ á. A gɔ́ éyi meŋ ndátɛ, Ndém á lɛ nzwhí á gá.

2 Kɔlɛŋte 11:31

Ndém, á Mɔʼɔ́ Atsyapuɔ yímpɛ Yɛɛ́so, a á si nzhɛ́ɛ á légɛ, meŋ te ntáŋa mela á. Awuʼte a egɔ́ á mbū yí á lemiʼɛ.

Galat 1:20

Anu zīi meŋ shúŋɔ á wɛ́, á si ŋgɔ́ anuúnē, meŋ tshií á mvhɔ Ndém tɛ́ eshúŋnɛ, é té epoó‑anu ú.

Efɛze 6:18

Pɛ eswíŋte á Ndém, ánɛ ajūɔ tsem. Azwakne Ndém a etswíte á wɛ́, á lelɔ̄ á Ndém azō efʉʼ metsem. Ndɛ́ʼ ŋiŋ á lí, pɛ eswíŋte á Ndém té ká, á athū epuɔ Ndém metsem.

Fílíip 1:3

Meŋ kwaŋteē á wɛ́ efʉʼ akɔ̄ lɛ́, ésyákne á Ndém ga ánɛ athū zɛ́.

Fílíip 1:4

Efʉʼ akɔ̄ lɛ́ yīi, meŋ á si eswíŋtɛ á Ndém á athū pɛ metsem lɛ́, meŋ ndɔ̄ɔk áa lekāk tɛ́ eswíŋte,

Fílíip 2:22

Ŋ́gɔ́ mé Timotɛ, mbɔ pɛ é si nzhɛ́ɛ páʼ, a ke tswī á légɛ, yí wɛɛ̄ atswhī mbɔŋ. Pek yí é ke puté ŋghʉ afaʼ, á letswi ŋke mbɔŋ. Á nɔŋ ntswítɛ á gá ánɛ afaʼ jʉɔ mɛ́t, páʼ méŋkhʉ̄ a tswítɛ mɔʼɔ́ yi lā.

Fílíip 3:3

Ḿpɛ mé kwaʼ epuɔ pīi, mɛ́ lé tém á wɔ́p. Ḿpɛ mé si ŋgē ewuʼtɛ á Ndém, Azwakne zí mé tshónɛ á yímpɛ. Ḿpɛ é si ndɔ̄kɔ á Yɛɛ́so Klísto tɛ́ ŋkāʼtɛ. Ḿpɛ gɔ le lɔ̄k ajū mīi, epuɔ menɔŋ mé le zapáā, tɛ́ ŋkāʼtɛ ɛ́.

1 Tesalonik 1:2

Ḿpek é si esyáknɛ á Ndém té ká, á athū pɛ metsem. Ŋ́gɔ́ efʉʼ metsem, ŋ́gē eswíŋtɛ á yí, ńnɔŋ ŋkímɛ á wɛ́.

1 Tesalonik 3:10

Pek é si ŋgē esyáknɛ á yí, ńnɔŋ eswíŋtɛ á yí etsōʼ pɔ́ ezokó, té ká, ŋ́gɛ a ezéŋ ntsɔ́ʼ á mɛnzhɛ, pek ezéŋ eshʉʼ njʉ́ɔ á wɛ́, ŋ́kó ntswīʼne ajū mīi, ánɛ lefɛ̄ nnɛ̄t wɛ ŋgyá á mbū Yɛɛ́so, ŋ́kíŋɛ.

1 Tesalonik 5:17

Pɛ egɔ́ efʉʼ metsem, éswíŋte á Ndém.

1 Timotɛ 2:7

É melaʼ épúp tɛ́, Ndém a le tsɔ́ʼ á gá ŋ́gɛ, meŋ egɔ́ á ntswi‑ŋke yi, ŋ́gɔ́ á nziŋ‑ntō. A le tsɔ́ʼ á gá ŋ́gɛ, meŋ ezíʼne epuɔ pīi, é té epuɔ Yúda á, á lefɛ̄ nnɛ̄t ŋgyá á mbū yí, ńzéŋ nzíʼne á wɔ́p anuúnē ánɛ yí. Meŋ shúŋɔ anuúnē, meŋ te ŋghíɛ mela á.

2 Timotɛ 1:3

Meŋ á si mbúu esyáknɛ á Ndém tɛʼ, ánɛ athū jú. Á Ndém yīi meŋ ŋguʼtɛ mé taʼ ntē, páʼ wɔ maŋgānjʉʼ pék, é le wuʼtē azɔ́p. Efʉʼ metsem yīi, meŋ á si eswíŋtɛ á Ndém, étsōʼ pɔ́ ezokó, meŋ ekím lezēŋ cú.

Filemɔŋ 1:4

Filemɔŋ, meŋ nɔɔ̄ŋ eswíŋtɛ á Ndém efʉʼ akɔ̄ lɛ́, ŋ́kím lezēŋ cú, ésyákne á yí melaʼ mú.