Lomɛŋ 1:8 - Eka Eswhī

⁸ Meŋ a ge ezi mvhɔ, étsia á nzem Yɛɛ́so Klísto, ésyákne á Mɔʼɔ́ yímpɛ Ndém á athū pɛ metsem. Ésyáknɛ épúp, melaʼ mīi, mɛ́ é ejʉʼ tsem á ndo esī atsetsáʼ, ésáʼa eshúŋɔ páʼ, pɛ fɛɛ́ nnɛ̄t épúp, ŋ́gyá á mbū Yɛɛ́so.

Lomɛŋ 1:8 Iomraidhean Croise

Matío 24:14

Mɛ́ e láʼ etswi ŋke mbɔŋ wuɔ yīi é cʉteē Lefɔ Ndém, á ntē ŋgɔŋ ntsem. Melāʼ melāʼ e ejúʼ épúp, ńzhɛ́ á légɛ Ndém a á éwú, ŋgɔŋ e elɛ mmī. »

Lúkási 2:1

Á le gē egɔ́ afʉʼ mɛ́t, Ágúsi á gɔ́ ŋwɛ́t ŋgɔŋ Lóma. Á shʉʼ nnáŋ tɛ nnéŋ lepé ŋ́gɛ, mɛ́ epú esáŋ epuɔ metsem á ntē melāʼ mīi a pɔ́ŋŋ.

Mefaʼ Meziŋ-ntō 11:28

Azwakne Ndém á lɛ ŋghʉ̄, mmɔʼ ŋiŋ wɔp á lu á esī, mɛ́ tɔ́ŋ á yí lɛ Agabus, ńzī á lesāʼ ŋ́gɛ, mía mía afʉɔne a a shʉʼ ewhʉ á ntē ŋgɔŋ ntsem. Á shʉʼ ŋgwhʉ̄ épúp, á afʉʼ zīi, Klɔde á lɛ á ŋwɛ́t ŋgɔŋ Lóma.

Mefaʼ Meziŋ-ntō 28:22

Táʼ, pek é ké ŋkɔ̄ŋ ŋ́gɛ, o ekɛ́ʼte anu zīi á ntē wu, éshúŋ á wék. Pek lʉ́ɛ́ páʼa, nzi nnɔ̄ŋ nzhɛ́ɛ á légɛ, mɛ́ é tɛ mbɔɔ akɔ̄ ajʉʼ lɛ́, ŋ́kím nnɔ yīi, o ó éwú la té pɔŋ. »

Lomɛŋ 10:18

Meŋ gɔ epīiŋ nzɛ́tte ŋ́gɛ: epuɔ Yúda é lɛ té ŋke mbɔŋ júʼ lɛ́? Ŋgáŋ, pɔ́ le júʼē. Á lɔk ŋgɔ́ páʼ, mɛ́ leé á ntē aŋwaʼne Ndém ŋ́gɛ: «Ŋghi metswi‑ŋke Ndém, e le gʉ̄ɔ tɛ ŋkó á ejʉʼ tsem, á ndo esī atsetsáʼ. Mɛ́ le júʼ ashuŋne zɔ́p, tɛ ŋkó á nzokó ŋgɔŋ. »

Lomɛŋ 16:19

Epuɔ metsem é si nzhɛ́ɛ páʼ, pɛ juúʼ nchu Atsyapuɔ. A épúp tɛ́, ntē gá é si ŋgáŋtɛ melaʼ mɛ́. Meŋ á si ŋké ntsáa ŋ́gɛ, pɛ ewɛ̄ azhɛ̄‑anu, á lelɔk ŋghʉ̄ anu mbɔŋ, ŋ́gɔ́ efʉʼ metsem, ŋ́kʉ̄ anu tepɔŋ.

Lomɛŋ 6:17

Ḿpɛ eké ŋgūʼte á Ndém. Pɛ lɛ amɔ̄ʼ afʉʼ, ŋgɔ́ apuʼ mefa. Á piīŋ ŋgɔ́ tsetsɔŋɔ, anu zīi epuɔ é le ziʼnéē, pɛ júʼ mvéŋ, pɛ ekúʼte mé ntē wɛ́ ntsem.

1 Kɔlɛŋte 1:4

Meŋ á si esyáknɛ á Ndém té ká á athū pɛ, melaʼ anu mbɔŋ té ndhʉ zīi, a á si ntsīa ánɛ Yɛɛ́so Klísto, ŋ́ghʉ̄ɛ ánɛ pɛ.

2 Kɔlɛŋte 2:14

Awuʼte a eké ŋgɔ́ á mbū Ndém. A á efʉʼ metsem, ŋ́ghʉ̄ pek gɔ́ á nnɔ wɔ asaʼa‑ndʉɔ́ʼ, Klísto á tshí mvhɔ. A zapaá ánɛ pek, ŋ́ghʉ̄ mɛ́ zhɛ́ á Klísto ejʉʼ tsem, páʼ azík alamńda á jhʉ́ɛ ejʉʼ tsem lā.

Efɛze 1:15

Melaʼ épúp tɛ́, tɛ efhó páʼ meŋ nde júʼ azá á légɛ, pɛ é si efíɛ́ nnɛ̄t ŋgyáa á mbū Atsyapuɔ Yɛɛ́so, ńzéŋ njúʼ á légɛ, pɛ é si ŋkɔ̄ŋɔ epuɔ Ndém metsem,

Efɛze 1:16

meŋ te si nnéŋɛ té kím lezēŋ tsɛ́, á afʉʼ zīi, meŋ á si eswíŋtɛ á Ndém ɛ́. Meŋ á si esyákne á yí, ánɛ athū zɛ́ efʉʼ metsem.

Efɛze 3:21

Ŋ́gɛ epuɔ Yɛɛ́so metsem, e ezápa ánɛ Yɛɛ́so Klísto, ŋ́gūʼte á Ndém mɛ́t, efʉʼ metsem, á meŋguʼ meŋguʼ. Á épúp.

Efɛze 5:20

Pɛ egɔ́ efʉʼ metsem, ńzápa ánɛ lezēŋ Atsyapuɔ yímpɛ Yɛɛ́so Klísto, ésyákne á Ndém Mɔʼɔ́, ánɛ ajūɔ tsem.

Fílíip 1:11

Yɛɛ́so mɛ́t, a a shʉʼ eghʉʉ, ajūɔ tsem zīi, pɛ ghʉɛ, a egɔ́ áa mbɔŋ. Epuɔ menɔŋ e ejʉ́ɔ épúp, ŋ́ghʉ̄ mekuʼ Ndém, ńzéŋ ŋgūʼte á yí.

Fílíip 1:3

Meŋ kwaŋteē á wɛ́ efʉʼ akɔ̄ lɛ́, ésyákne á Ndém ga ánɛ athū zɛ́.

Kɔlɔs 1:3

Efʉʼ metsem yīi, pek é si eswíŋtɛ á Ndém, á Mɔʼɔ́ Atsyapuɔ yímpɛ Yɛɛ́so Klísto, á athū pɛ, pek esyákne á yí.

1 Tesalonik 1:2

Ḿpek é si esyáknɛ á Ndém té ká, á athū pɛ metsem. Ŋ́gɔ́ efʉʼ metsem, ŋ́gē eswíŋtɛ á yí, ńnɔŋ ŋkímɛ á wɛ́.

1 Tesalonik 2:13

Amɔ̄ʼ ajū mīi á zéŋɛ ŋghʉ̄ɛ, tɛ́ pek syáknɛ á Ndém té ká, ánɛ athū zɛ́, a ajʉɔ: pɛ le júʼ ashuŋne Ndém, páʼ pek le shúŋ á wɛ́ lā, ŋ́kúʼte á mbɔŋɔ́, pɛ te kuʼté páʼ ashuŋne zīi, á fhɔ́ɔ á mbū ŋiŋnɔŋ lā á, ŋ́kúʼte áa páʼ á ajʉʼ éwú ŋgɔ́ épúp, áshuŋne zīi, á fhɔ́ɔ á mbū Ndém méŋwɛ̄t lā. Ashuŋne mɛ́t, á zém ntá á ntē pɛ wɔ fɛ́‑nnɛ̄t.

2 Tesalonik 1:3

Epɔ̄ memía, pek pɔɔ́ŋ á lesyākne á Ndém té ká, ánɛ athū zɛ́. Á zi ŋgɔ́ ndeŋ ndeŋ ŋ́gɛ, pek eghʉ̄ épúp, melaʼ mīi pɛ é si ntswhíɛ tɛʼ, ánɛ lefɛ̄ nnɛ̄t. Ŋkɔŋne zīi pɛ wɛɛ̄ á tsetsɛlɛ pɛ, é nɔŋ ntswhíɛ á ntē awɔ́ ŋiŋ wɛ lɛ́, ŋgʉ̄ɔ mé mvhɔ,

2 Timotɛ 1:3

Meŋ á si mbúu esyáknɛ á Ndém tɛʼ, ánɛ athū jú. Á Ndém yīi meŋ ŋguʼtɛ mé taʼ ntē, páʼ wɔ maŋgānjʉʼ pék, é le wuʼtē azɔ́p. Efʉʼ metsem yīi, meŋ á si eswíŋtɛ á Ndém, étsōʼ pɔ́ ezokó, meŋ ekím lezēŋ cú.

Filemɔŋ 1:4

Filemɔŋ, meŋ nɔɔ̄ŋ eswíŋtɛ á Ndém efʉʼ akɔ̄ lɛ́, ŋ́kím lezēŋ cú, ésyákne á yí melaʼ mú.

Eble 13:15

Ḿpɛ ezápa ánɛ Yɛɛ́so, azɔp zīi ḿpɛ lɔkɔ ŋgūʼtɛ á Ndém, a egɔ́ páʼ epɔʼ yīi, ḿpɛ nɔŋɔ á mbū yí lā. Púp, ashuŋne zīi á túɔ́ á nchu pímpɛ, a egɔ́ á lelɔk ŋgūʼte á Ndém, á mvhɔ epuɔ.

1 Piɛ 2:5

Pɛ azɛ́, pɛ ecʉ́ʼ páʼ metɔ́ nte lā. Ńcʉ́ʼ, Ndém a elɔ̄k á wɛ́ ŋkwɛ́t ŋgyā zi. Ŋgyā mɛ́t, Azwakne Ndém mé naáŋ éwú. Pɛ egɔ́ á ŋgyā mɛ́t, ŋ́gɔ́ nnɔ wɔ nɔŋ‑epɔʼ Ndém, Azwakne Ndém a etshóne á wɛ́, pɛ eyá etsō epɔʼ á mbū Ndém, étsō epɔʼ tsīi e pɔŋ á Ndém, a etswí melaʼ Yɛɛ́so Klísto.

1 Piɛ 4:11

A gɔ́ éyi Ndém a le yá eyi nthū ŋiŋ, é gɔ́ á yí á lezhɛ̄ á leshūŋne, ŋgaŋ á shúŋne ndɔ̄k ńtswī ŋke Ndém. Ŋ́gɔ́ éyi, eyi nthū mmɔʼ ŋiŋ é á letswīte emɔ̄ʼ epuɔ, á lɔk áa mete mīi, Ndém a le yá á yí, tɛ́ ntswíte. Pɛ eghʉ̄ épúp, tɛ́ epuɔ metsem e ezápa ánɛ Yɛɛ́so Klísto, ŋ́gūʼte á Ndém ánɛ ajūɔ tsem. Yɛɛ́so wuɔ mɛ́t mé saáʼ ajūɔ tsem. Awuʼte a egɔ́ á mbū yí, á meŋguʼ meŋguʼ. Á páʼa.