Lomɛŋ 1:7 - Eka Eswhī

⁷ Meŋ tíi akɛtte jʉɔ páʼa, á mbū pɛ epuɔ tésɔŋ Lóma metsem. Á wɛ́ pīi Ndém a kɔɔ̄ŋ á wɛ́, á wɛ́ pīi Ndém a le tɔ́ŋ á wɛ́, ŋ́gɛ pɛ egɔ́ epuɔ pí. Ŋ́gɛ Mɔʼɔ́ yímpɛ Ndém, pɔ́ Yɛɛ́so Klísto Atsyapuɔ yímpɛ, e elɛ ŋghʉ̄ anu mbɔŋ té ndhʉ ánɛ pɛ, ŋ́ghʉ̄ pɛ enáŋ mé apwɛne.

Lomɛŋ 1:7 Iomraidhean Croise

Matío 5:16

Ndeŋ ndeŋ épúp, ŋkaʼ wɛ́ e ekɛ̄ʼɛ efʉʼ metsem, á tsetsɛlɛ epuɔ menɔŋ. Púp, pɔ́ ejʉ́ɔ menu membɔŋ mīi, pɛ é si ŋghʉ̄ɛ, ŋ́gūʼte á Mɔʼɔ́ wɛ Ndém yīi, a á athʉ́ lephū.

Jáaŋ 20:17

Yɛɛ́so á lé á mbū yí ŋ́gɛ: «Ndɛ́ʼ o ekúʼte á gá. Meŋ zɛɛ́t te pe njʉ́ɔ á Mɔʼɔ́ ga. Ŋ́gɔ́ mé wu mbɔ, gʉɔ njʉ́ɔ epɔ̄ memía pá, ńdé á mbū pɔ́p ŋ́gɛ, meŋ a pe á njʉ́ɔ á Mɔʼɔ́ ga, páʼ a zeéŋ ŋgɔ́ á Mɔʼɔ́ wɛ lā, mé lezēŋ Ndém ga, páʼ a zeéŋ ŋgɔ́ á Ndém wɛ lā. »

Mefaʼ Meziŋ-ntō 15:23

Mɛ́ tí ánɛ akɛtte zīi, pɔ́ lɔkɔ ŋgʉ̄ɔ ŋ́gɛ: «Pek, épɔ̄ memía pɛ́, méziŋ‑ntō, ŋ́ghʉ̄ epɔ̄ melʉɛ ánɛ alúŋ epuɔ Yɛɛ́so, pek é pú ntsāʼte á wɛ́ metsem. Á wɛ́ epɔ̄ memía pék pīi, é té epuɔ Yúda á, épi é tésɔŋ Aŋtiɔsh, mbɔɔ epi é ntē ŋgɔŋ Sili mɛ́t, ŋ́ghʉ̄ é epi é ntē ŋgɔŋ Silisi.

Mefaʼ Meziŋ-ntō 9:13

Ananias á lɛ ndé ŋ́gɛ: «Atsyapuɔ, meŋ ke júʼ epuɔ tɛ nzáne, é nɔŋ eshúŋɔ menu ánɛ ŋiŋ wuɔ mɛ́t, éfhó ánɛ páʼ, a á si ŋgēnɛ epuɔ pú épúp, á Yelósalɛm.

Lomɛŋ 1:6

Pɛ é azɛ́ á nnɔ epuɔ puɔ mɛ́t, á wɛ́ pīi Ndém a le tɔ́ŋ á wɛ́, ŋ́gɛ pɛ elɛ̄tne ánɛ Yɛɛ́so Klísto.

Lomɛŋ 5:1

Páʼ Ndém á lē ntɔ́ŋ á yímpɛ lɛ epuɔ ndeŋ ndeŋ, melaʼ mīi ḿpɛ fɛɛ́ nnɛ̄t ŋgyá á mbū yí lā, ḿpɛ zapaá ánɛ Atsyapuɔ yímpɛ Yɛɛ́so Klísto, ḿpɛ a pɔ́p é náŋ ńda nda.

Lomɛŋ 5:5

Ŋiŋ a piīk tɛ nnéŋ á ntē yí épúp páʼā, á té shʉʼ nnéŋ té tó áa épúp ɔ́, melaʼ mīi Ndém a le zapá ánɛ Azwakne zí zīi, a le néŋ á ntē pímpɛ, ńnéŋ ŋkɔŋne zi á ntē pímpɛ.

Lomɛŋ 8:28

Ḿpɛ é si ŋké nzhɛ́ɛ á légɛ, Ndém a ghʉʉ̄, ajūɔ tsem a láʼ mmakne áa mbɔŋɔ́, á mbū epuɔ pīi é kɔɔ̄ŋ á yí, épuɔ pīi, a le kɔ̄ŋ ntɔ́ŋ á wɔ́p, ńdɔk ŋghʉ̄ epuɔ pí.

Lomɛŋ 8:39

Tɛ é láʼa ŋgɔ́ mete mīi, é lephū ká emi, é nzem esī. Tɛ á láʼa ŋgɔ́ ajūɔ ndɛʼɛ zīi, Ndém a le pɔ́ɔ̄, mbɔ amɔ̄ʼ azō á gɔ le fāk á yímpɛ ánɛ ŋkɔŋ zīi, Ndém a lɔɔ̄k ŋkɔŋ á yímpɛ ɛ́. A le zapá ánɛ Atsyapuɔ Yɛɛ́so Klísto, tɛ́ ntswī ŋkɔŋ mɛ́t.

Lomɛŋ 9:25

Á gɔ́ kwaʼ anu zīi, a le lé á ntē aŋwaʼne ntswi‑ŋke yi Oze ŋ́gɛ: «Epuɔ pīi é lɛ te epuɔ alāʼ pá á, meŋ a shʉʼ etɔ́ŋ á wɔ́p lɛ, epuɔ alāʼ pá. Epuɔ pīi meŋ ndɛ te nɔ̄ŋ ntswhiɛ ŋkɔ̄ŋɔ á wɔ́p ɔ́, meŋ etɔ́ŋ á wɔ́p lɛ, megaŋ ŋkɔŋ pá.

1 Kɔlɛŋte 1:24

Táʼ, ŋ́ké ŋgɔ́ á mbū epuɔ pīi, Ndém a le tɔ́ŋ á wɔ́p, tɛ a láʼa ŋgɔ́ á ŋiŋ Yúda kɛ́ á ŋiŋ yīi a te ŋiŋ Yúda á, mbɔ pɔ́ é si nzhɛ́ɛ á légɛ, Klísto mé si ntswīi mete Ndém, yí mé zéŋ nnɔ̄ŋ ntswīi azhɛ̄‑anu Ndém.

1 Kɔlɛŋte 16:23

Ŋ́gɛ Atsyapuɔ Yɛɛ́so a elɛ ŋghʉ̄ anu mbɔŋ té ndhʉ, ánɛ pɛ.

Galat 6:18

Epɔ̄ memía, ŋ́gɛ Atsyapuɔ yímpɛ Yɛɛ́so Klísto, a elɛ ŋghʉ̄ anu mbɔŋ té ndhʉ ánɛ pɛ, ŋ́gɔ́ mé pɛ efʉʼ metsem. Á páʼa.

Efɛze 1:2

Ŋ́gɛ Mɔʼɔ́ yímpɛ Ndém, pɔ́ Atsyapuɔ Yɛɛ́so Klísto, e eghʉ̄ anu mbɔŋ té ndhʉ ánɛ pɛ, ŋ́ghʉ̄ pɛ enáŋ mé apwɛne.

Efɛze 6:23

Ŋ́gɛ Ndém Mɔʼɔ́ mbɔɔ Atsyapuɔ Yɛɛ́so Klísto, e eghʉ̄, epɔ̄ memía metsem, e enáŋ mé apwɛne, ńnáŋ mé ŋkɔŋne á tsetsɛlɛ pɔ́p, éfɛ́ nnɛ̄t ŋgyá á mbū Ndém.

Fílíip 1:2

Ŋ́gɛ Ndém, á Mɔʼɔ́ yímpɛ, pɔ́ Atsyapuɔ Yɛɛ́so Klísto, e elɛ ŋghʉ̄ anu mbɔŋ té ndhʉ ánɛ pɛ. Ŋ́ghʉ̄ pɛ enáŋ mé apwɛne.

Fílíip 4:13

Klísto mé si ŋgyáa á gá mete, á lelɔk ŋkūʼ á lenāŋ ánɛ meshhʉ̄ metsem.

Fílíip 4:20

Awuʼte a egɔ́ á mbū Ndém, á Mɔʼɔ́ yímpɛ, á meŋguʼ meŋguʼ. Á páʼa.

Fílíip 4:23

Ŋ́gɛ Atsyapuɔ Yɛɛ́so Klísto, a lɛ ŋghʉ̄ anu mbɔŋ té ndhʉ ánɛ pɛ.

Kɔlɔs 1:2

Ńtíi á mbū epuɔ Ndém pīi, pɔ́ é tésɔŋ Kɔlɔs, épɔ̄ memía metsem pīi, pɔ́ lɛtneē ánɛ Klísto. Ŋ́gɛ Ndém, á Mɔʼɔ́ yímpɛ, a eghʉ̄ anu mbɔŋ té ndhʉ á mbū pɛ, ŋ́ghʉ̄ pɛ enáŋ mé apwɛne.

Kɔlɔs 3:12

Páʼ pɛ é si ŋgɔ́ epuɔ pīi, Ndém a lē ŋkaŋ á wɔ́p, pɛ cʉ́ʼ epuɔ pīi, a kɔɔ̄ŋ á wɛ́ lā, pɛ ecʉ́ʼɛ ŋgwīɛ̄ áa atswhī jʉɔ páʼa: pɛ ewɛ̄ ntē atsāmezeŋɛ, ŋ́gwɛ̄ ntē mbɔŋ, ésóʼne nnɛ̄t zɛ mé esī, ŋ́gwɛ̄ apwɛné ntē, ńzhɛ́ á wɛ́ á lekwɛ̄t ntē.

Kɔlɔs 3:15

Ŋ́gɛ apwɛne zīi, á fhɔ́ɔ á mbū Klísto, a egɔ́ á ntē pɛ. Ndém a lɛɛ́ ntɔ́ŋɔ á wɛ́ ndɔkɔ ŋghʉ̄ɛ epuɔ pí páʼā, ŋ́gɛ pɛ enáŋ á ntē apwɛne jʉɔ mɛ́t, ŋ́gɔ́ á taʼ nchu. Pɛ esyákne á yí efʉʼ metsem.

1 Tesalonik 1:1

Meŋ Pɔ́ɔl, meŋ tíi akɛtte jʉɔ páʼa, pek a Silvɛŋ, ŋ́ghʉ̄ á Timotɛ mé tíi. Ńtíi ŋgyáa á mbū alúŋ epuɔ Yɛɛ́so zīi, á tésɔŋ Tesalonik. Pɛ é si ŋgɔ́ epuɔ Ndém Mɔʼɔ́, ńzéŋ ŋgɔ́ epuɔ Atsyapuɔ Yɛɛ́so Klísto. Ŋ́gɛ Ndém a elɛ ŋghʉ̄ anu mbɔŋ té ndhʉ ánɛ pɛ, ŋ́ghʉ̄ pɛ enáŋ mé apwɛne.

1 Tesalonik 1:3

Pek tshií á mvhɔ Mɔʼɔ́ yímpɛ Ndém tɛ́ eswíŋtɛ épúp, ńnɔŋ ŋkímtɛ ajū mīi, lefɛ̄ nnɛ̄t wɛ ŋgyá á mbū yí, a le tshoné á wɛ́, pɛ ghʉ̄ʉ. Ńzéŋ nnɔŋ ŋkímtɛ páʼ, ŋkɔŋne zīi pɛ wɛ̄ɛ, e le tshoné á wɛ́, pɛ ghʉ̄ʉ afaʼ, ńdɔk ntswíte emɔ̄ʼ epuɔ. Ńnɔŋ ŋkímtɛ páʼ, pɛ é si nnéŋɛ ntē té ká, ńzwíʼtɛ ajū mīi, Ndém a le laʼnēē. Á gɔ́ lɛ: Atsyapuɔ yímpɛ Yɛɛ́so Klísto, a a láʼ ezéŋ epiŋ nzem.

1 Tesalonik 1:4

Pek é si nzhɛ́ɛ me epɔ̄ memía, Ndém a le kɔ̄ŋ á wɛ́, ŋ́kāŋ á wɛ́, pɛ cʉ́ʼ epuɔ pí.

1 Tesalonik 4:7

Ḿbáte, mbɔ Ndém a lɛɛ́ te ntɔ́ŋɔ á yímpɛ páʼā, ŋ́gɛ ḿpɛ elɔ̄k agā nnáŋ á. A lɛɛ́ ntɔ́ŋɔ á yímpɛ ŋ́gɛ, ḿpɛ enáŋ páʼ á pɔŋ á yí.

1 Tesalonik 5:28

Ŋ́gɛ Atsyapuɔ yímpɛ Yɛɛ́so Klísto, a elɛ ŋghʉ̄ á anu mbɔŋ té ndhʉ, ánɛ pɛ.

2 Tesalonik 1:2

Ŋ́gɛ Mɔʼɔ́ yímpɛ Ndém, mbɔɔ Atsyapuɔ Yɛɛ́so Klísto, é elɛ ŋghʉ̄ anu mbɔŋ té ndhʉ ánɛ pɛ, ŋ́ghʉ̄ pɛ enáŋ mé apwɛne.

2 Tesalonik 3:16

Ŋ́gɛ Atsyapuɔ méŋwɛ̄t, á ŋwɛ́t apwɛne, a eyá á wɛ́ apwɛne, éfʉʼ tsem mbɔɔ ánɛ ntií ntsem. Ŋ́gɛ Atsyapuɔ a egɔ́ mé pɛ metsem.

2 Tesalonik 3:18

Ŋ́gɛ Atsyapuɔ Yɛɛ́so Klísto, a elɛ ŋghʉ̄ anu mbɔŋ té ndhʉ ánɛ pɛ metsem.

1 Timotɛ 1:2

Meŋ tíi páʼa á mbū wu Timotɛ, kwaʼ méŋ ga á nzem Yɛɛ́so, páʼ pɔkɔ puú efɛ́ nnɛ̄t ŋgyá mé yí lā. Ŋ́gɛ Ndém Mɔʼɔ́ mbɔɔ Yɛɛ́so Klísto, á Atsyapuɔ yímpɛ, e elɛ ŋghʉ̄ anu mbɔŋ té ndhʉ á mbū wu, ŋ́gwɛ̄ atsāmezeŋɛ á mbū wu, ŋ́ghʉ̄ o enáŋ mé apwɛne.

1 Timotɛ 6:2

Epuʼ tsīi, epuɔ pīi é le zó á wɔ́p, é epuɔ Yɛɛ́so, ndɛ́ʼ pɔ́ lɔk á légɛ, pɔ́ a memɔʼɔ́ pɔ́p mɛ́t, é epɔ̄ memía á nzem Yɛɛ́so, ŋ́gwák á wɔ́p. A cʉ́ʼɛ épúp, pɔ́ chʉ́ nnɛ̄t njúʼ nchu wɔ́p, melaʼ mīi memɔʼɔ́ pɔ́p mɛ́t, é si ŋgɔ́ epuɔ Yɛɛ́so, pɔ́ a pɔ́p é lɔk ŋgɔ́ epɔ̄ memía, á ntē ŋkɔŋne. Pɔ́ elɔ̄k épúp, ńchʉ́ nnɛ̄t njúʼ nchu wɔ́p. Anu zīi o pɔŋteé á lezīʼne epuɔ, ńzéŋ ntswɛ̄te á wɔ́p á lekūʼte, a ajʉɔ páʼa.

2 Timotɛ 1:2

Meŋ tíi páʼa á mbū wu Timotɛ méŋ ga, meŋ ŋkɔ̄ɔŋ á wú tɛʼ. Meŋ á si ndɔ́ɔ á mbū Ndém, á Mɔʼɔ́ yímpɛ, mbɔɔ á mbū Atsyapuɔ yímpɛ Yɛɛ́so Klísto, ŋ́gɛ pɔ́ lɛ ŋghʉ̄ anu mbɔŋ té ndhʉ, ŋ́gwɛ̄ á atsāmezeŋɛ ánɛ wu, ŋ́ghʉ̄, o enáŋ mé apwɛne.

2 Timotɛ 4:22

Atsyapuɔ a egɔ́ mé wu. Ŋ́gɛ Ndém a elɛ ŋghʉ̄ anu mbɔŋ té ndhʉ, ánɛ pɛ metsem.

Tíit 1:4

Meŋ tíi páʼa, á mbū wu Tíit, kwaʼ méŋ ga, á nzem Yɛɛ́so, á ŋiŋ yīi pɔkɔ fɛɛ́ nnɛ̄t ŋgyá á mbū yí. Ŋ́gɛ Ndém Mɔʼɔ́, mbɔɔ Yɛɛ́so Klísto Ŋghʉɛ‑mɛ́‑tswɛ́t, e elɛ ŋghʉ̄ anu mbɔŋ té ndhʉ, á mbū wu, ŋ́ghʉ̄ o enáŋ mé apwɛne.

Filemɔŋ 1:25

Ŋ́gɛ Atsyapuɔ yímpɛ Yɛɛ́so Klísto, a elɛ ŋghʉ̄ á anu mbɔŋ té ndhʉ, ánɛ pɛ.

Filemɔŋ 1:3

Ŋ́gɛ Mɔʼɔ́ yímpɛ Ndém, pɔ́ Atsyapuɔ Yɛɛ́so Klísto, e eghʉ̄ anu mbɔŋ té ndhʉ ánɛ pɛ, ŋ́ghʉ̄ pɛ enáŋ mé apwɛne.

Jáak 1:1

Meŋ Jáak, ŋ́gɔ́ á njuʼ‑nchu Ndém, mbɔɔ eyi Atsyapuɔ Yɛɛ́so Klísto, meŋ mé tíi ndɔkɔ ntsāʼtɛ epuɔ, ánɛ etseŋ ŋgyā Islaɛl ntsɔp pīa mé legēm, épi pɔ́ naŋteé á nzem apɛ́.

1 Piɛ 1:15

Á gɔ́ áa lɛ, pɛ egɔ́ té alɔ́ʼ, ánɛ meziŋɛ́ mɛ́ ntsem, ńdeŋ ndeŋ páʼ Mɔʼɔ́ wɛ Ndém, páʼ a le tɔ́ŋ wɛ lā, a á azí té alɔ́ʼ.

1 Jáaŋ 3:1

Pɛ ejʉ́ɔ páʼ Ndém Mɔʼɔ́, a wɛɛ̄ á mía ŋkɔŋ ánɛ pímpɛ épúp. A le kɔ̄ɔ̄ŋ, ńtɔ́ŋ á yímpɛ lɛ, ewɔŋkhʉ̄ pí. Ḿpɛ é ké nzéŋ ŋgɔ́ epiɛ́. Epuɔ ŋgɔŋ puɔ, é lɛ te á Ndém zhɛ́, melaʼ épúp tɛ́ pɔ́ té zhɛ́ á légɛ, ḿpɛ é si ŋgɔ́ epɔ̄ Ndém ɛ́.

2 Jáaŋ 1:3

Ŋ́gɛ Ndém, á Mɔʼɔ́ yímpɛ mbɔɔ Yɛɛ́so Klísto Méŋ yi, e elɛ ŋghʉ̄ anu mbɔŋ té ndhʉ ánɛ pímpɛ, ŋ́gwɛ̄ atsāmezeŋɛ ánɛ pímpɛ, ŋ́ghʉ̄ ḿpɛ enáŋ mé apwɛne, ńnɔŋ nnéŋɛ ntē yímpɛ ánɛ anuúnē, ŋ́gwɛ̄ ŋkɔŋne á tsetsɛlɛ pímpɛ.

Menjʉɔ te lí 2:1

Tí á mbū cɔʼ Ndém yīi, a cʉtɛ alúŋ epuɔ Yɛɛ́so zīi, á tésɔŋ Efɛze ŋ́gɛ: «Ŋiŋ yīi a wɛɛ̄ mecɔʼ saŋ esambīa ánɛ apū ete zí, ńnɔŋ nzīŋɛ á tsetsɛlɛ etsō esambīa tsīi, mɛ́ le lɔ̄k á gɔ́ɔl tɛ́ ncūŋte, mɛ́ tshíɛ meláam éwú, a á si ndʉ́ɛ́ ŋ́gɛ:

Menjʉɔ te lí 2:12

Tí á mbū cɔʼ Ndém yīi, a cʉtɛ alúŋ epuɔ Yɛɛ́so zīi, á tésɔŋ Pɛɛgam ŋ́gɛ: «Ŋiŋ yīi a wɛɛ̄ ŋŋí ncu é swíne, ńdó meshhʉ̄ mbīa, a á si ndʉ́ɛ́ ŋ́gɛ:

Menjʉɔ te lí 2:18

Tí á mbū cɔʼ Ndém yīi a cʉtɛ alúŋ epuɔ Yɛɛ́so zīi, á tésɔŋ Tiatii ŋ́gɛ: «Méŋ Ndém, á ŋiŋ yīi menēk mí é kɛʼɛ̄ ejʉʼ páʼ melē mmók lā, mekhu mí é ŋwaŋne páʼ mmɔʼ ntií atʉɛ́ zīi, mɛ́ tok lā, a á si ndʉ́ɛ́ ŋ́gɛ:

Menjʉɔ te lí 2:29

«Ŋiŋ a wiɛ metuúŋ á lelɔk njúʼ ejʉʼ, á júʼ ajū mīi, Azwakne Ndém á si ndʉ́ɛ́, á mbū melúŋ epuɔ Yɛɛ́so. »

Menjʉɔ te lí 2:8

Tí á mbū cɔʼ Ndém yīi, a cʉtɛ alúŋ epuɔ Yɛɛ́so zīi, á tésɔŋ Smiine ŋ́gɛ: «Ŋiŋ yīi a á Nzií, ńzéŋ ŋgɔ́ Nzokó, á ŋiŋ yīi a le kwhʉ́ʉ̄, ḿbiŋ nzím ánɛ lewhʉ̄, a á si ndʉ́ɛ́ ŋ́gɛ:

Menjʉɔ te lí 22:21

Ŋ́gɛ Atsyapuɔ Yɛɛ́so a elɛ ŋghʉ̄ anu mbɔŋ té ndhʉ, ánɛ epuɔ Ndém metsem.

Menjʉɔ te lí 3:14

Tí á mbū cɔʼ Ndém yīi, a cʉtɛ alúŋ epuɔ Yɛɛ́so zīi, á tésɔŋ Laodisɛ ŋ́gɛ: «Ŋiŋ yīi lezēŋ tsí lɛ Á épúp, á kwaʼ ŋiŋ yīi a tswii á légɛ, anu Ndém á anuúne. Á ŋiŋ yīi Ndém a le lɔ̄k á yí tɛ́ nnɔ̄ŋ ŋgɔŋ, a á si ndʉ́ɛ́ ŋ́gɛ:

Menjʉɔ te lí 3:22

Ŋiŋ a wiɛ metuúŋ á lelɔk njúʼ ejʉʼ, á júʼ ajū mīi, Azwakne Ndém á si ndʉ́ɛ́, á mbū melúŋ epuɔ Yɛɛ́so. »

Menjʉɔ te lí 3:7

Tí á mbū cɔʼ Ndém yīi, a cʉtɛ alúŋ epuɔ Yɛɛ́so zīi, á tésɔŋ Filadɛlfi ŋ́gɛ: «Ŋiŋ yīi a fhɔ́ɔ á mbū Ndém, ŋ́gɔ́ á ŋgaŋ anuúne, ŋ́gwɛ̄ á kí Efɔ Ndavít, ŋ́gɔ́ á ŋiŋ yīi a tsɔ́ʼɔ, ŋiŋ a á le kɛ̄ɛ, ŋ́kɛ̄, ŋiŋ a á le tsɔ́ʼ, a á si ndʉ́ɛ́ ŋ́gɛ: