Lomɛŋ 1:5 - Eka Eswhī

⁵ Ndém a le zapá ánɛ yí, ŋ́gwɛ̄ apɔŋɔ́ ntē te ndhʉ ánɛ meŋ, ŋ́ghʉ̄ meŋ ecʉ́ʼ á nziŋ‑ntō. Éfāʼa ŋ́gɛ, meŋ eghʉ̄, elāʼ ntsem e efɛ́ nnɛ̄t ŋgyá á mbū Klísto, ńjúʼ nchu yí. Meŋ eghʉ̄ɛ épúp, ńdɔkɔ ŋgūʼtɛ á yí.

Lomɛŋ 1:5 Iomraidhean Croise

Jáaŋ 1:16

Páʼ a á ŋgaŋ apɔŋɔ́ ntē te ndhʉ lā, a le kēm ephʉ yímpɛ metsem. Ŋ́kem ntswīʼne ŋkēm.

Mefaʼ Meziŋ-ntō 1:25

a ecʉ́ʼ á nziŋ‑ntō Yɛɛ́so, ńjhʉ́ ajʉʼ Yúdas. Ŋ́ghʉ̄ mefaʼ mīi a kɛɛ́ ŋghʉɛ, mbɔ a ke pīŋ ntshī nnéŋ, ŋ́gʉ̄ɔ mé azí ajʉʼ zīi, a á kɔŋ. »

Mefaʼ Meziŋ-ntō 15:14

Simɔŋ a á pɛ́te eshúŋ páʼ, tɛ efhó á nzií ŋke mbɔŋ, Ndém á kɔŋ epuɔ pīi, pɔ́ té epuɔ Yúda á azɔ́p, ńtsɔ́ʼ emɔ̄ʼ epuɔ á nnɔ pɔ́p, ńdɔk ŋghʉ̄ epuɔ pí.

Mefaʼ Meziŋ-ntō 6:7

Á gɔ́ épúp, ashuŋne Ndém á nɔŋ ntswīʼnɛ esāŋa ejʉʼ. Nnɔ Yɛɛ́so é nɔŋ nzáa ŋgʉ̄ɔ mé mvhɔ á Yelósalɛm. Wɔ nɔŋ‑epɔʼ tɛ nzáne, é véŋ anu Yɛɛ́so, ŋ́kúʼte.

Mefaʼ Meziŋ-ntō 9:15

Atsyapuɔ á tsɔ́ʼ ŋ́gɛ: «Ké ŋgʉ̄ɔ gʉɔ. Meŋ á tsɔ́ʼ á ŋiŋ mɛ́t ŋ́gɛ, a eghʉ̄ afaʼ zá, ńzéŋ eshúŋ á ŋiŋ yīi meŋ á ewiɛ́, á mbū melāʼ ndɛʼɛ, mbɔɔ á mbū mefɔ pɔ́p, mbɔɔ á mbū epuɔ Islaɛl.

Lomɛŋ 12:3

Meŋ á lɔk páʼ Ndém a le ghʉ̄ anu mbɔŋ té ndhʉ ánɛ meŋ la, ńdé á mbū awíɛ awíɛ á tsetsɛlɛ pɛ ŋ́gɛ: ndɛ́ʼ ŋiŋ á nɛ́tte. Ndɛ́ʼ ŋiŋ á ghʉ, mɛ́ lɔk á yí ntɔ́ŋ á ajū mīi, a te aziɛ́ ɛ́. Awiɛ́ awiɛ́ a ecuŋte nzhɛ́ páʼ yí é épúp. Awíɛ awíɛ a efhó ánɛ páʼ, Ndém a le yá á yí á lefɛ̄ nnɛ̄t épúp, tɛ́ nzhɛ́ páʼ yí é épúp.

Lomɛŋ 16:26

Á ké ŋgɔ́ tsetsɔŋɔ, mbɔ meŋwaʼne metswi‑ŋke Ndém, é lē ŋghʉ, ntsem mɛ́t é tó á ntentā. Ndém yīi a naáŋ lemiʼɛ, a lē ntswi ŋ́gɛ, mɛ́ eghʉ̄, epuɔ elāʼ tsem, é ezhɛ́ ntsem mɛ́t. Ńzhɛ́ épúp, éfɛ́ nnɛ̄t ŋgyá mé yí, ńjúʼ nchu yí.

Lomɛŋ 3:29

Á le wíʼe á té épúp ɔ́, mbɔ Ndém a gɔ áa Ndém epuɔ Yúda ndaʼ. Mbɔ a te á Ndém epuɔ pīi, é té epuɔ Yúda á. Ŋgáŋ, Ndém a zeéŋ ŋgɔ́ á Ndém epuɔ pīi, é té epuɔ Yúda á.

1 Kɔlɛŋte 15:10

Táʼ, Ndém a le ké nzápa ánɛ apɔŋɔ́ ntē te ndhʉ zí, tɛ́ ŋghʉ̄ meŋ ecʉ́ʼ ajū mīi, meŋ á ayáʼa ŋgɔ́ aziɛ́ la. Apɔŋɔ́ ntē te ndhʉ mɛ́t zīi, a le wɛ̄ ánɛ meŋ, á lɛ te ndémndēm azō ɔ́. A cʉ́ʼɛ épúp mbɔ, meŋ nde ghʉ̄ afaʼ ntɔ́k meziŋ‑ntō metsem. Meŋ te ndʉ́ɛ́, ńdɔ̄k mete má tɛ́ ŋghʉ̄ afaʼ á, mete Ndém mé le tswité á gá á leghʉ.

1 Kɔlɛŋte 9:2

a piŋɛ ŋgɔ́ éyi á mbū emɔ̄ʼ epuɔ, meŋ gɔ́ te á nziŋ‑ntō ɔ́, mbɔ á mbū pɛ, meŋ ŋké ŋgɔ́ ewiɛ́. Á épúp melaʼ mīi, páʼ pɛ lɛtneē ánɛ Atsyapuɔ lā, pɛ elɔ̄ɔk ŋgɔ́ ayiŋne zīi, á tswii á légɛ, meŋ á nziŋ‑ntō.

Efɛze 1:12

Ŋ́ghʉ̄ épúp ŋ́gɛ, epuɔ e ejʉ́ɔ á mía mía ajū mīi, a le ghʉ̄ á mbū pek pīi, pek le té njhʉ̄ mmāʼ ŋgua zek, ŋgyá á mbū Klísto, ńjʉ́ɔ epúp, ŋ́gūʼte á Ndém.

Efɛze 1:6

Púp, ḿpɛ ewūʼte á yí, melaʼ mía apɔŋɔ́ ntē te ndhʉ zīi, a le zapá ánɛ Méŋ yi, ŋ́ghʉ̄ ánɛ pímpɛ, a kɔɔ̄ŋ á Méŋ yi mɛ́t tɛʼ.

Eble 5:9

Ndém á náŋ á yí ánɛ mía ajʉʼ, á cʉ́ʼ á mbū epuɔ pīi é juúʼ nchu yí, ŋ́gɔ́ á Ŋghʉɛ‑mɛ́‑tswɛ́t á lemiʼɛ.