Lomɛŋ 1:32 - Eka Eswhī

³² Tɛ mbɔɔ páʼ pɔ́ é si ncūŋtɛ nzhɛ́ páʼ, lepé Ndém é leé ŋ́gɛ, epuɔ pīi pɔ́ fʉʼtɛ ntií menu jʉɔ mɛ́t, pɔ́ gɔ le vūʼu lā. Pɔ́ té lɛ efʉ̄ʼte ntií menu jʉɔ mɛ́t ndaʼá, pɔ́ zeéŋ ntswíʼte epuɔ pīi, pɔ́ é si efʉ̄ʼtɛ.

Lomɛŋ 1:32 Iomraidhean Croise

Lúkási 11:48

Pɛ ghʉɛ páʼa, ńdɔkɔ ntswíʼtɛ anu zīi, memɔʼɔ́ pɛ́ é lɛɛ́ ŋghʉɛ. Pɔ́ le zwhité metswi‑ŋke Ndém, pɛ pīiŋ ncʉ́ʼ ncūŋte mesi mɔ́p, á mbɔŋɔ́.

Mefaʼ Meziŋ-ntō 22:20

Mɛ́ le gē ezwhí á Etiɛn, á ŋiŋ yīi a lɛɛ́ eshúŋɔ anu jú, meŋ gɔ́ azá éwú, ńnɔŋ ŋkɔ̄ŋtɛ ajū mīi pɔ́ ghʉɛ, ńtswí menzhó mɔ́p ŋgwɛ̄.”

Mefaʼ Meziŋ-ntō 8:1

Sɔ́ɔl a le tshí éwú, ńnɔŋ ŋkɔ̄ŋtɛ ajū mīi, mɛ́ ghʉɛ ánɛ Etiɛn. Á fhó aleʼé mɛ́t, mɛ́ pú nzī á lelʉɔ̄ʼ alúŋ epuɔ Yɛɛ́so zīi á Yelósalɛm. Epuɔ Yɛɛ́so metsem é pú ŋkʉ̄ esāŋ á apak ŋgɔŋ Yudéa mbɔɔ Samalía. Meziŋ‑ntō Yɛɛ́so ndaʼ mé cʉ́ʼ nzɛ́t á Yelósalɛm.

Lomɛŋ 1:18

Ndém a fhoó á lephū, ńtswī á légɛ, yí zaáŋ á lɔ́ŋ á mbū megaŋ atʉɛ́‑athū metsem. Ńzáŋ á lɔ́ŋ ánɛ anu tepɔŋ ntsem zīi, epuɔ menɔŋ é ghʉɛ, épuɔ pīi é lɔɔ̄k anu tepɔŋ, ŋ́kápte á anuúnē.

Lomɛŋ 1:21

melaʼ mīi pɔ́ le nɔ̄ŋ nzhɛ́ɛ á légɛ, Ndém a á éwú, ḿbiŋ te mekuʼ mí ghʉ, pɔ́ té yí syákne. Pɔ́ lɛ te ghʉ̄ páʼ á zɛtteé ŋ́gɛ, mɛ́ eghʉ̄ á mbū Ndém épúp ɔ́. A cʉ́ʼɛ épúp, mbɔ ekwaŋte tsɔ́p tsīi, é zi ŋgɔ́ áa ŋŋiké, é le ghʉ̄ʉ̄, pɔ́ fa nzhɛ. Legɔ̄ yīi, pɔ́ té kwāŋte anu á mbɔŋɔ́ ɔ́, á ghʉ, pɔ́ pú ntsé á ntē nzém.

Lomɛŋ 6:21

A lɛ afʉʼ mɛ́t, pɛ ghʉ̄ʉ menu mīi, esē é ayáʼa ŋkúu á wɛ́ melaʼ épúp. Pɛ le ghʉ̄ épúp páʼā, tɛ njhʉ́ á apɛ akɔ̄? Menu muɔ mɛ́t, é tshoneé á ŋiŋ, ŋ́gyá áa mbū lewhʉ̄.

Lomɛŋ 6:23

Á épúp, ntsɔʼɔ́‑afaʼ mefa, é si ŋgɔ́ á lewhʉ̄. Ajū mīi Ndém a piŋɛ ŋgyáa á mbū epuɔ menɔŋ ndémndēm, á gɔ́ á lezāpa ánɛ Yɛɛ́so Klísto Atsyapuɔ yímpɛ, ńtā á lezēŋ yí.

2 Tesalonik 2:12

Tɛ́ a etsīa épúp, a etswá ŋgʉɔ athʉ́ lepé, á athū epuɔ metsem pīi, pɔ́ té anuúnē véŋ, mbe zɔp é zaŋne á leghʉ anu tepɔŋ.