Lomɛŋ 1:30 - Eka Eswhī

³⁰ Ŋ́gɔ́ wɔ sɛ́ʼ‑epuɔ. Ŋ́gɔ́ megaŋ mbo Ndém. Ŋ́gɔ́ wɔ zɔte‑epuɔ. Ŋ́gɔ́ megaŋ leŋia. Ŋ́gɔ́ megaŋ memía eshuŋne. Ŋ́gɔ́ wɔ zɔ́ptɛ‑ŋgwɛ̄t. Ŋ́gɔ́ megaŋ atʉɛ́ athū á mbū memɔʼɔ́ pɔ́p.

Lomɛŋ 1:30 Iomraidhean Croise

Matío 15:4

Ndém a le ké ndé ŋ́gɛ, ŋiŋ a eghʉ̄ mekuʼ mɔʼɔ́ yi pɔ́ mɛ́ wɔp. Ńzéŋ ndé ŋ́gɛ, ŋiŋ a zɔɔ á mɔʼɔ́ yi kɛ́ mɛ́ wɔp, mɛ́ lɛ nzwhí á ŋgaŋ zwhií.

Matío 16:21

Á fhó afʉʼ mɛ́t, Yɛɛ́so Klísto á zi á leshūŋne á mbū nnɔ yí esá saá ŋ́gɛ, yí pɔŋteé á legʉɔ mé Yelósalɛm, ékó éwú, mekém alāʼ, ŋ́ghʉ̄ wɔ nɔŋ‑epɔʼ epi melʉɛ mbɔɔ wɔ kɛ́ʼte‑mbé Ndém, e eyá á yí ŋgʉɔ̄ʼ tɛʼ, tɛ ŋghʉ̄ mɛ́ ezwhí á yí. A epiŋ ŋgɔ́ eleʼé tɛ́t, Ndém a eghʉ̄, yí ezím ánɛ lewhʉ̄.

Lúkási 21:16

Epuɔ pɛ́ mé shʉʼ eswiŋ á wɛ́, mémɔʼɔ́ pɛ́, mémía pɛ́ pɔ́ epɔ̄ memía pɛ́ mbɔɔ mesoó pɛ́, mɛ́ eŋāk ntsaŋ zɛ, ńzwhíte emɔ̄ʼ epuɔ á nnɔ pɛ.

Jáaŋ 7:7

Epuɔ ŋgɔŋ puɔ é gɔ le jʉ́ɔ ajū mīi, pɔ́ lɔk epa á wɛ́ ɛ́. Té ŋké ŋgɔ́ mé meŋ, mbɔ pɔ́ é si mbāa á gá, melaʼ mīi, meŋ á si eshúŋɔ á wɔ́p á légɛ, ŋghʉʉ́‑anu tsɔ́p é té pɔŋ.

Mefaʼ Meziŋ-ntō 5:36

Ŋgia é ka esāk páʼ mmɔʼ ŋiŋ a ke lū azí á esī, lezēŋ tsí é gɔ́ lɛ Tedas. Á gɛ, yí é mía ŋiŋ, epuɔ menɔŋ é tsé á nzem yí tɛ nnɔ̄ŋ ŋkūʼɔ ajūɔ ŋkhʉ lekua. Táʼ, mɛ́ shʉʼ nzwhí á yí, nnɔ yí é pú ntáka, azí anu á pú mbí.

Lomɛŋ 2:17

Wu yīi o ó si ndʉ́ɛ́ ŋ́gɛ, o ó ŋiŋ Yúda, ńnɔŋ ntsēŋnɛ ánɛ lepé Mɔɔ́sɛ, ńnɔŋ ndɔ̄kɔ á Ndém ŋkāʼtɛ.

Lomɛŋ 2:23

O ó si ndɔ̄kɔ lepé Mɔɔ́sɛ ŋkāʼtɛ, ḿbiŋɛ ndɔ̄kɔ á wú á legɔ̄ le zīŋ páʼ lepé mɛ́t é si ndʉ́ɛ́, ńtsēŋtɛ lezēŋ Ndém.

Lomɛŋ 3:27

Anu á ké ŋgɔ́ páʼa, mbɔ ŋiŋ a gɔ eké nzéŋ ŋ́kāʼte kɛ? Ŋgáŋ, melaʼ akɔ̄? Melaʼ mīi mía azō, a te á lekūʼte lepé ɛ́, a gɔ́ áa lefɛ̄ nnɛ̄t ŋgyá mé Klísto.

2 Kɔlɛŋte 10:15

Pek te si ŋkāʼtɛ tɛ nzíʼɛ ndhʉ, tɛ á gɔ́ páʼ pek é si ndɔ̄kɔ mefaʼ emɔ̄ʼ epuɔ, ŋ́ŋīa á. A cʉ́ʼɛ épúp, mbɔ pek é si ntsáa, ńnɔŋ nzhɛ́ɛ á légɛ, pɛ etswiʼne efɛ́ nnɛ̄t eyá á mbū Ndém. Púp, afaʼ zék á tsetsɛlɛ pɛ, á etswiʼne ŋgʉ̄ɔ mé mvhɔ, ŋ́ké le zíʼ ndhʉ yīi, Ndém a le kīa ā.

2 Kɔlɛŋte 12:20

Meŋ á si mbɔ́kɔ á gá á lekō á alāʼ pɛ, meŋ ńde jʉ́ɔ pɛ wɛ̄ɛ atswhī zīi, meŋ á si ŋkɔ̄ŋɔ ŋ́gɛ, pɛ ewɛ̄ ɛ́. Púp, pɛ azɛ́, pɛ é le jʉ́ɔ meŋ gɔ́ páʼ, pɛ é si ŋkɔ̄ŋɔ ŋ́gɛ, meŋ egɔ́ épúp ɔ́. Meŋ á si mbɔ́kɔ á gá á legē eshʉʼe, ńjʉ́ɔ membo é gɔ́ á tsetsɛlɛ pɛ, pɛ nɔ̄ɔŋ ŋgwīɛ̄ á sɛ́h ntē á nnɔ pɛ, ńnɔŋ nzáŋa á lɔ́ŋ, ńnɔŋ nnɛ́ttɛ, ńnɔŋ ntáŋa mela, ńnɔŋ esɛ́ʼɛ epuɔ, ńnɔŋ nzɔ̄ɔ epuɔ, ńnɔŋ ntáktɛ ejʉʼ.

2 Tesalonik 2:4

Ŋiŋ wuɔ mɛ́t, a a shʉʼ epʉ́ʼɛ nnɛ̄t, élé gɛ, yí puú ntɔ́k akʉ̄ɛ akʉ̄ɛ zīi, mɛ́ wuʼtɛ ntɔ́ŋɔ lɛ ndém, ḿbú nzéŋ ńtsyā tɛ mbɔɔ kwaʼ Ndém. Égɔ́ gɔ́ɔ, tɛ yí méŋwɛ̄t e egʉɔ ŋkó á Mía Ŋgyā Ndém, ńnáŋ éwú, ésáʼ ŋ́gɛ yí é Ndém.

2 Timotɛ 3:2

Meŋ ndʉ́ɛ́ épúp melaʼ mīi, epuɔ menɔŋ e shʉʼ ecʉ́ʼ wɔ tɛtɔŋ‑azɔ́p. Écʉ́ʼɛ ekɔŋɔ áa ŋkāp. Écʉ́ʼɛ eŋia ŋia. Écʉ́ʼɛ ekɔ́ʼne kɔʼné. Écʉ́ʼɛ ezɔte á Ndém zɔte. Écʉ́ʼɛ etʉɛ athū á mbū memɔʼɔ́ pɔ́p. Écʉ́ʼ wɔ te zhɛ́ á ku‑ntáŋ wɔp. Écʉ́ʼ wɔ te yá‑mekuʼ Ndém.

Tíit 3:3

Á lɛ amɔ̄ʼ afʉʼ, ḿpɛ gɔ́ wɔ ghʉ‑anu té sáŋ, ŋ́gɔ́ wɔ tʉɛ‑athū á mbū Ndém, ńnɔŋ efā nzhɛ. Mbɔ ntií ntiī ekwaŋte, mbɔɔ leziŋ páʼ mbé nnɛ̄t e é si ndʉ́ɛ́, e lē mbú njhʉ́ á yímpɛ. Ḿpɛ nɔŋ nzáa esɔ̄, ńnɔŋ esʉ́ɛ́ etsō epuɔ. Ńnɔŋ ŋghʉ̄ɛ mɛ́ paa á yímpɛ, ńnɔŋ mbānɛ mennɛ̄t mímpɛ.

Jáak 3:5

Ndeŋ ndeŋ épúp, alē á si ŋgɔ́ á méŋ agáʼ ajʉʼ nnɛ̄t ŋiŋ, ŋ́ké ŋkūʼ á yí á lelē ŋ́gɛ, yí ghʉʉ̄ memía menu. Pɛ ejʉ́ɔ páʼ, esesaʼ mmók é gɛ ntɔ̄ɔ á mía mía mbīŋ.

Jáak 4:16

Pɛ é si mbiŋɛ njúʼɔ ŋkūʼɔ, ńdɔkɔ ŋŋīaa. Ntií lejūʼ ŋkūʼ jʉɔ mɛ́t, e é si ŋgɔ́ té pɔŋ.

2 Piɛ 2:18

Pɔ́ é si ndɔ̄kɔ menu mīi pɔ́ shúŋɔ, ŋ́ŋáʼnɛ, tɛ́ menu mɛ́t é zi ŋgɔ́ áa ndémndēm. Pɔ́ é si mbɔ̄ptɛ epuɔ pīi, pɔ́ ke zɛ́t efhɔ́ɔ ánɛ mɛnzhɛ epuɔ pīi, é té á Ndém zhɛ́ ntúɔ́. Ńzíʼnɛ á wɔ́p menu esē, ŋ́gɛ ŋiŋ a gɔ eghʉ̄ʉ akɔ̄ akɔ̄ lɛ́ zīi, mbe nnɛ̄t e é si ntshónɛ á yí ŋ́gɛ a eghʉ̄.

Zwide 1:16

Epuɔ puɔ mɛ́t é efʉʼ metsem, ńzwɛ́tte zwɛtté, ńzéŋ ndā nnɛ̄t la. Pɔ́ é efʉʼ metsem, ŋ́ghʉ̄ áa ajū mīi mbe nnɛ̄t zɔ́p e é si ntshónɛ á wɔ́p, ŋ́gɛ pɔ́ eghʉ̄. Meshuŋne aŋaʼte nnɛ̄t, mé nɔŋ ntúɔ́ á nchu pɔ́p. Pɔ́ gē elʉte á ŋiŋ, á gɔ́ áa éyi, pɔ́ lɔkɔ efāʼa á lejhʉ̄ apɛ á nzem yí.