Lomɛŋ 1:3 - Eka Eswhī

³ Ŋke mbɔŋ wuɔ mɛ́t, é cʉte á Méŋ yi. Páʼ a zeéŋ ŋgɔ́ á ŋiŋnɔŋ lā, mɛ́ fhó ánɛ ndhu Ndavít tɛ́ nzhí á yí.

Lomɛŋ 1:3 Iomraidhean Croise

Matío 1:1

Menzēŋ wɔ maŋgānjʉʼ Yɛɛ́so Klísto e emuɔ páʼa. Yɛɛ́so Klísto a lɛ á méŋ Efɔ Ndavít. Efɔ Ndavít á tó ánɛ nzwɛt Ablaham.

Matío 1:16

Yakɔ́p á kó nzhí á Yosɛ́p ndō Malía. Malía mé le pīŋ nzhí á Yɛɛ́so, páʼ mɛ́ zéŋ ntɔ́ŋ á yí é lɛ, Nzaʼ‑Ŋkhʉ á ntɔ̄ŋ apuʼ lā.

Matío 1:6

Jese á kó nzhí á Efɔ Ndavít, Efɔ Ndavít á kó nzhí á Salomɔŋ ánɛ nzwí Uli.

Matío 12:23

Alāʼ ntsem á jʉ́ɔ épúp, á pú ntsyā á wɔ́p tsyaa, tɛ pɔ́ lé ŋ́gɛ: «Ŋiŋ wuɔ a te ŋiŋ, ánɛ nzwɛt Efɔ Ndavít ɛ́ lɛ́?»

Matío 15:22

Ńdɛ ŋgē ekó éwú, mmɔʼ menzwí, ŋ́gɔ́ á mɔ́ Kánaŋ, á lɛ nzī á legaʼte ndé ŋ́gɛ: «Ndi, méŋ Efɔ Ndavít, lɛ ntsá mezeŋɛ má. Méŋ ga eyi menzwí a á mba, mbɔ mmɔʼ esī e lē ŋgɔ á yí, ḿbú nnɔŋ ŋgēnɛ á yí tɛʼ. »

Matío 26:63

Yɛɛ́so á pú te tsɔ́p. Tɛŋgyā wɔ nɔŋ‑epɔʼ á zéŋ nzɛ́tte á yí ŋ́gɛ: «Lɔk lezēŋ Ndém yīi a naáŋ ntē, ŋ́kā, éshúŋ á wék, kɛɛ wu mé Nzaʼ‑Ŋkhʉ, á Méŋ Ndém lɛ́. »

Matío 27:43

Nɔ́ŋ ŋ́gɛ, a lɛɛ́ nnéŋɛ ntē yí ánɛ Ndém tɛ ndʉ́ɛ́ ŋ́gɛ, yí é si ŋgɔ́ á Méŋ Ndém. A gɔ́ ŋké ŋgɔ́ éyi Ndém mɛ́t a kɔɔ̄ŋ á yí, á shʉʼ tsetsɔŋɔ, ntswí á yí á mbū lewhʉ̄. »

Matío 3:17

Á zéŋ njúʼ mmɔʼ ŋghi é fhó éwú ndé ŋ́gɛ: «Ŋiŋ wuɔ a á Méŋ ga, meŋ kɔ̄ɔŋ á yí tɛʼ, a ghʉʉ̄ ntē gá é gáŋte. »

Matío 9:27

Yɛɛ́so á ghʉ efhó á ajʉʼ mɛ́t, ńnɔŋ ŋgʉ̄ɔ, emɔ̄ʼ wɔ efʉʉ́‑menēk mémpīa é nɔŋ nzhɛ̄nɛ á yí, ńnɔŋ ŋgāʼtɛ mé ŋghi teté ŋ́gɛ: «Yɛɛ́so méŋ Efɔ Ndavít, lɛ ntsá mezeŋɛ mék. »

Lúkási 1:35

Cɔʼ Ndém á pwɛt á mbū yí ŋ́gɛ: «Azwakne Ndém a shʉʼ eshʉʼ ekápte á wú, yí méŋwɛ̄t Ndém‑tɛ‑athʉ́‑lephū, a epiŋ ndɔ̄k mete mí ŋghʉ̄, o egɔ́ ŋgɔ Ndém. Melaʼ épúp tɛ́, mɔ́ yīi o o shʉʼ ezhí, mɛ́ é shʉʼ etɔ́ŋ á yí lɛ, Méŋ Ndém, ŋ́gɔ́ á kwaʼ Ndém.

Lúkási 1:69

A á fhó ánɛ nzwɛt ŋgaŋ afaʼ yi, Efɔ Ndavít, ńtó á taʼ Ŋghʉɛ‑mɛ́‑tswɛ́t á mbū pímpɛ.

Jáaŋ 1:14

Ashuŋne jɔ̄, a le sɛ̄t ncʉ́ʼ á kwaʼ ŋiŋnɔŋ, tɛ nnáŋ á tsetsɛlɛ pek, ŋ́gɔ́ á ŋgaŋ apɔŋɔ́ ntē te ndhʉ, ŋ́gɔ́ á ŋgaŋ anuúnē tɛ nzōko. Pek jʉ́ɔ á shʉ́shɔ́k yi, shʉ́shɔ́k wuɔ mɛ́t, Mɔʼɔ́ yímpɛ Ndém mé le yá á mbū tséŋ Méŋ yi mɛ́t.

Jáaŋ 1:34

Meŋ méŋwɛ̄t é njʉ́ɔ, ńchʉ́ nnɛ̄t mvéŋ á légɛ, ŋiŋ mɛ́t mé si ŋgɔ́ á Méŋ Ndém. »

Jáaŋ 1:49

Natanayɛl á zéŋ ŋ́gɛ: «Ńziʼnɛ, o ó si ŋgɔ́ á Méŋ Ndém. O ó si ŋgɔ́ á efɔ epuɔ Islaɛl. »

Jáaŋ 10:30

Pek Mɔʼɔ́ ga é puú ŋgɔ́ áa taʼ. »

Jáaŋ 10:36

Á gɔ́ épúp mbɔ, meŋ yīi, Mɔʼɔ́ ga Ndém a ke pīŋ nchʉ́ á gá, ńtó á ŋgɔŋ, pɛ é gaá ndé ŋ́gɛ, meŋ á si nzɔ̄tɛ á yí í, páʼ meŋ á véŋ ŋ́gɛ, meŋ á si ŋgɔ́ á Méŋ yi í?

Jáaŋ 20:28

Tomási á pwɛt á mbū yí ŋ́gɛ: «O ó Atsyapuɔ ga, ŋ́gɔ́ á Ndém ga. »

Jáaŋ 20:31

Mɛ́ le tí emuɔ páʼa, ńdɔkɔ ŋ́gɛ, pɛ evéŋ á légɛ, Yɛɛ́so mé zi ŋgɔ́ á Nzaʼ‑Ŋkhʉ, á Méŋ Ndém. Ńzéŋɛ ndɔkɔ ŋ́gɛ, o fíɛ́ nnɛ̄t ŋgyá á mbū yí, mbɔ a a láʼ eghʉ, o etā á lezēŋ Ndém.

Jáaŋ 5:25

Kwaʼ anuúnē anuúnē, meŋ shúŋɔ á wɛ́ ŋ́gɛ, afʉʼ á si eshʉ̄ʼɛ, tɛ á nzi ndáʼ eshʉ̄ʼ, ázi mepfhō, e júʼ anu zīi, Méŋ Ndém a á lé. Epuɔ pīi pɔ́ é júʼ ŋkúʼte, pɔ́ egɔ́ éwú.

Jáaŋ 7:42

Nɔ́ŋ ŋ́gɛ Ndém a leé á ntē aŋwaʼne yí ŋ́gɛ, Nzaʼ‑Ŋkhʉ a a láʼ efhó ánɛ ndhu Efɔ Ndavít, égɔ́ á ŋiŋ Bétlehɛm, á méŋ agáʼ tésɔŋ yīi, Ndavít a á ŋiŋ éwú. »

Mefaʼ Meziŋ-ntō 2:30

A le tswī ŋke Ndém, ḿbiŋ nnɔ̄ŋ nzhɛ́ɛ alaʼne zīi, Ndém a le tswī á mbū yí tɛ ŋkā ŋ́gɛ, yí e shʉʼ eyá lefɔ tsí á mbū mmɔʼ ŋiŋ yīi, a á tó ánɛ nzwɛt zi.

Mefaʼ Meziŋ-ntō 3:13

Ndém mé ghʉ tɛ á ziŋ, ńdɔkɔ ŋkɔ́ʼnɛ nzwiŋ Yɛɛ́so, á Njuʼ‑Nchu Ndém Ablaham, ŋ́gɔ́ á Ndém Izak, ńzéŋ ŋgɔ́ á Ndém Yakɔ́p, éwɔ maŋgānjʉʼ pímpɛ. Yɛɛ́so wuɔ mɛ́t, pɛ ke gɔ̄ á yí, ŋ́gyá á mbū wɔ sáʼ‑ŋgɔŋ. Pilat á kó njʉ́ɔ azí tɛ ndé ŋ́gɛ, mɛ́ etshī á yí nnēŋ, pɛ mé lʉʼ.

Mefaʼ Meziŋ-ntō 8:36

Pɔ́ yí é zɛ́t nzīŋ ziŋ, ŋ́gʉɔ tɛ ŋkó amɔ̄ʼ ajʉʼ, ntshi é gɔ́ éwú. Mɔ́ ndʉɛ mɛ́t á lé á mbū yí ŋ́gɛ: «Ntshi e ewuɔ. Akɔ̄ á gɔ evɛ́ne, tɛ mɛ́ le á gá á ntshi nōoʼ ē?»

Mefaʼ Meziŋ-ntō 9:20

á lɛ nzī á lekʉ̄ʼne ánɛ meŋgyā aswiŋte epuɔ Yúda, ésáʼ ŋ́gɛ, Yɛɛ́so a á Méŋ Ndém.

Lomɛŋ 1:9

Ndém a á si nzhɛ́ɛ á légɛ, anu zīi meŋ gɔ á eshúŋɔ la, á anuúnē, á yí yīi meŋ á si ndɔ̄kɔ á letswi ŋke mbɔŋ ánɛ Méŋ yi, ŋ́gūʼtɛ á yí mé taʼ ntē. A á si nzhɛ́ɛ á légɛ, meŋ kimteé á wɛ́ té ká.

Lomɛŋ 4:1

Tsetsɔŋɔ meŋ gɔ á eshúŋ anu ánɛ Ablaham maŋgānjʉʼ epuɔ Yúda. A le lɔ̄k mete mí méŋwɛ̄t ŋgwɛ̄ akɔ̄?

Lomɛŋ 9:3

Á ŋgwíʼe ŋgɔ́ yīi, Ndém á letēm nzem za, mbɔɔ wék Klísto, á legɔ̄ le gɔ́ nnɔ ɔ́, á gɔ etswíte epɔ̄ memía pá, épuɔ alāʼ pék, mbɔ a ke gɔ́, meŋ etsá épúp.

Lomɛŋ 9:5

Pɔ́ é si ŋgɔ́ ndhu memíá memaŋgānjʉʼ, mbɔ Klísto a le tó áa ánɛ ndhu jʉɔ mɛ́t, ḿbú ntshí mvhɔ ánɛ ajūɔ tsem, ŋ́gɔ́ á Ndém, mɛ́ yá mekuʼ á mbū yí, á lemiʼɛ. Á épúp.

1 Kɔlɛŋte 1:9

Ndém a le tɔ́ŋ á wɛ́, ŋ́gɛ pɛ a Méŋ yi Atsyapuɔ Yɛɛ́so Klísto, e ecʉ́ʼ á taʼ. A laʼneē akɔ̄ lɛ́, ńdáʼ ŋghʉ̄.

1 Kɔlɛŋte 10:18

Pɛ enáʼ ncʉ̄te epuɔ Islaɛl njʉ́ɔ, pɔ́ gɛ nzwhítɛ mena, ńdɔkɔ nnɔ̄ŋɔ epɔʼ á mbū Ndém. Epuɔ pīi pɔ́ é pfɛ́t mbap jʉɔ mɛ́t, á páʼā pɔ́ a Ndém é lɔkɔ te ŋgɔ́ɔ nnɔ ɔ́ lɛ́?

Galat 4:4

Táʼ, afʉʼ zīi Ndém a le ké mbiŋ ńzápa, á shʉʼ nnáŋ tɛ ŋkūʼ, á tó á Méŋ yi á ndo esī atsetsáʼ. Taʼ menzwí mé zhí á yí, mɔ́ mɛ́t á náŋ ánɛ páʼ lepé Mɔɔ́sɛ é si nzɛ́ttɛ.

1 Tesalonik 1:10

Pɛ ghʉ̄ɛ épúp, ńdɔkɔ nzwíʼtɛ ŋ́gɛ, Méŋ yi Yɛɛ́so, páʼ yí Ndém a le ghʉ̄ʉ̄, á zím ánɛ lewhʉ̄ lā, a efhó a lephū eshʉ̄ʼ. Méŋ yi mɛ́t, a le ghʉ̄ʉ̄, ḿpɛ vūʼɔ á lɔ́ŋ yīi, Ndém a le nɔ̄ŋ ŋgɔ̄ efú ezáŋ ánɛ pímpɛ.

1 Timotɛ 2:5

Meŋ ndʉ́ɛ́ páʼa melaʼ mīi, taʼ Ndém mé éwú, taʼ nziŋ‑ekém mé zéŋ ŋgɔ́ éwú, á tsetsɛlɛ Ndém pɔ́ epuɔ menɔŋ. Ŋ́gɔ́ á ŋiŋnɔŋ, á Yɛɛ́so Klísto,

1 Timotɛ 3:16

Kwaʼ anuúnē, mía anu ndʉɔne lʉɔne yīi ḿpɛ pɔŋteé á lekūʼte, á cʉte á Yɛɛ́so, Ndém a le ghʉ̄ ḿpɛ zhɛ́, ńzéŋ nnɔ̄ŋ eshúŋɔ á yímpɛ páʼ, ḿpɛ náŋa épúp, á pɔŋ á yí. Yɛɛ́so a le cʉ́ʼ á ŋiŋnɔŋ, Azwakne Ndém á shúŋ á yímpɛ ŋ́gɛ, a á si ŋgɔ́ á ŋiŋ ndeŋ ndeŋ. Mecɔʼ Ndém é le jʉ́ɔ á yí. Epuɔ é sáʼ anu zí, á mbū ŋgɔŋ ŋgɔŋ. Mɛ́ fɛɛ́ nnɛ̄t ŋgyá mé yí, á ntē ŋgɔŋ. Ndém á kɔ́ʼne á yí, nnáŋ á ntē shʉ́shɔ́k yi.

2 Timotɛ 2:8

Kímte á Yɛɛ́so Klísto, páʼ Ndém a le ghʉ̄ʉ̄, á zím ánɛ lewhʉ̄. Yɛɛ́so wuɔ mɛ́t, a á ndhu Efɔ Ndavít, ńdeŋ ndeŋ páʼ ŋke mbɔŋ yīi meŋ tswii, é si ndʉ́ɛ́ épúp.

1 Jáaŋ 1:3

Ajū mīi pek le jʉ́ɔ̄, ńzéŋ njúʼ, aziɛ́ tɛ́ pek shúŋɔ á wɛ́ azɛ́, tɛ́ ḿpɛ elɔk ŋgɔ́ á táʼ nchu, ḿpɛ a Ndém Mɔʼɔ́, mbɔɔ Méŋ yi Yɛɛ́so Klísto, e epú nzéŋ ŋgɔ́ á taʼ nchu.

1 Jáaŋ 3:23

Pɛ eké njʉ́ɔ lepé tsí mɛ́t: é si ŋgɔ́ á lefɛ̄ nnɛ̄t ŋgyá á mbū Méŋ yi Yɛɛ́so Klísto, ńzéŋ ŋkɔ̄ŋne mennɛ̄t mímpɛ nzeŋne zeŋné, páʼ Klísto a le tswī á mbū pímpɛ épúp.

1 Jáaŋ 3:8

Ŋiŋ yīi a ghʉʉ̄ mefa, a á ŋiŋ Sɛ́ta, melaʼ mīi, Sɛ́ta a á ŋgaŋ mefa, tɛ efhó á anɔŋɔ́‑ŋgɔŋ. Melaʼ akɔ̄ Méŋ Ndém a lɛɛ́ eshʉʼɛ á ŋgɔŋ ŋ̄? A lɛɛ́ eshʉʼɛ, á ḿbīk mefaʼ Sɛ́ta.

1 Jáaŋ 4:15

Ŋiŋ a véŋɛ á légɛ, Yɛɛ́so a á Méŋ Ndém, mbɔ Ndém a á me ŋgaŋ, ŋgaŋ á zéŋ ŋgɔ́ mé yí.

1 Jáaŋ 5:1

Ŋiŋ ntsem yīi, a veéŋ á légɛ, Yɛɛ́so a á Nzaʼ‑Ŋkhʉ, ŋiŋ wuɔ mɛ́t, a á méŋ Ndém. Ŋiŋ ntsem yīi, a kɔɔ̄ŋ á Ndém Mɔʼɔ́, a zeéŋ ŋkɔŋ á ŋiŋ ntsem yīi, a á méŋ Ndém.

1 Jáaŋ 5:20

Ḿpɛ é si nzhɛ́ɛ á légɛ, Méŋ Ndém a le shʉ̄ʼ á ŋgɔŋ, ŋ́gyá á yímpɛ leghi, á lelɔk nzhɛ́ á kwaʼ Ndém. Ḿpɛ pīiŋ nzápa ánɛ Yɛɛ́so Klísto Méŋ Ndém, ŋ́gɔ́ á alá apū kwaʼ Ndém mɛ́t. Yɛɛ́so mɛ́t a á si ŋgɔ́ á Ndém, ŋ́gɔ́ kwaʼ Ndém, ŋ́gɔ́ á Ŋghʉɛ mɛ́ ta á lezēŋ Ndém.

1 Jáaŋ 5:5

Awɔ́ a á ŋgɔŋ ega, ŋ́gɔ́ á asaʼa‑ndʉɔ́ʼ é? A te gɔ́ áa ŋiŋ yīi, a á véŋ á légɛ, Yɛɛ́so a á si ŋgɔ́ á Méŋ Ndém lɛ̄?

2 Jáaŋ 1:7

Megaŋ mela tɛ nzáne, é kʉʉ̄ŋ mbú ésāŋ ndo esī atsetsáʼ. Pɔ́ té si mvéŋɛ ŋ́gɛ, Yɛɛ́so Klísto a le cʉ́ʼ á ŋiŋnɔŋ, éshʉ̄ʼ á ndo esī atsetsáʼ á. Ntií ŋiŋ jʉɔ mɛ́t, a á si ŋgɔ́ á ŋgaŋ mela, ŋ́gɔ́ á ŋgaŋ mbo Klísto.

Menjʉɔ te lí 2:18

Tí á mbū cɔʼ Ndém yīi a cʉtɛ alúŋ epuɔ Yɛɛ́so zīi, á tésɔŋ Tiatii ŋ́gɛ: «Méŋ Ndém, á ŋiŋ yīi menēk mí é kɛʼɛ̄ ejʉʼ páʼ melē mmók lā, mekhu mí é ŋwaŋne páʼ mmɔʼ ntií atʉɛ́ zīi, mɛ́ tok lā, a á si ndʉ́ɛ́ ŋ́gɛ: