Lomɛŋ 1:28 - Eka Eswhī

²⁸ Páʼ pɔ́ le jʉ́ɔ ŋ́gɛ, pɔ́ gɔ le á Ndém zhɛ́ lā, á sákne á wɔ́p á ntē akwaŋte tepɔŋ zīi, pɔ́ wɛ̄ɛ. Á épúp tɛ́, pɔ́ ghʉʉ̄ ajū mīi, mɛ́ té pɔŋté á leghʉ ɛ́.

Lomɛŋ 1:28 Iomraidhean Croise

Mefaʼ Meziŋ-ntō 17:23

Meŋ á nnɔŋ ntɔ́ktɛ á tésɔŋ pɛ ega, ńjʉ́ɔ mejʉʼ esī mīi, pɛ cúʼtɛ éwú, ŋ́gwáʼa njʉʼ á mbū mesī. Meŋ á jʉ́ɔ amɔ̄ʼ ajʉʼ esī, mbɔ mɛ́ lē ntí éwú ŋ́gɛ: “Á mbū ndém te zhɛ́ á yí.” Púp, Ndém yīi pɛ wuʼtɛ, té zhɛ́ á yí, yí tɛ́ meŋ méŋwɛ̄t, meŋ shʉʼɛ mé eshuúŋ pɛ.

Mefaʼ Meziŋ-ntō 17:32

Epuɔ pīi é ŋgɔ́ á esī, é júʼ páʼ Pɔ́ɔl a shúŋɔ ŋ́gɛ, ŋiŋ a le zím ánɛ lewhʉ̄, emɔ̄ʼ epuɔ é zwi á yí, emɔ̄ʼ epuɔ é lé azɔ́p ŋ́gɛ: «Shʉʼ afʉʼɛ́ ndɛʼɛ, tɛ́ nzéŋ eshúŋ á wék azō, ánɛ anu jɔ̄ mɛ́t. »

Lomɛŋ 1:18

Ndém a fhoó á lephū, ńtswī á légɛ, yí zaáŋ á lɔ́ŋ á mbū megaŋ atʉɛ́‑athū metsem. Ńzáŋ á lɔ́ŋ ánɛ anu tepɔŋ ntsem zīi, epuɔ menɔŋ é ghʉɛ, épuɔ pīi é lɔɔ̄k anu tepɔŋ, ŋ́kápte á anuúnē.

Lomɛŋ 1:21

melaʼ mīi pɔ́ le nɔ̄ŋ nzhɛ́ɛ á légɛ, Ndém a á éwú, ḿbiŋ te mekuʼ mí ghʉ, pɔ́ té yí syákne. Pɔ́ lɛ te ghʉ̄ páʼ á zɛtteé ŋ́gɛ, mɛ́ eghʉ̄ á mbū Ndém épúp ɔ́. A cʉ́ʼɛ épúp, mbɔ ekwaŋte tsɔ́p tsīi, é zi ŋgɔ́ áa ŋŋiké, é le ghʉ̄ʉ̄, pɔ́ fa nzhɛ. Legɔ̄ yīi, pɔ́ té kwāŋte anu á mbɔŋɔ́ ɔ́, á ghʉ, pɔ́ pú ntsé á ntē nzém.

Lomɛŋ 1:24

Á melaʼ épúp tɛ́, Ndém a le tshī á wɔ́p nnéŋ, pɔ́ ghʉ menu epe, páʼ ntē wɔ́p é si ntshónɛ á wɔ́p ŋ́gɛ, pɔ́ eghʉ̄ épúp. Ŋ́ghʉ̄ épúp, ńdɔk nnéŋ esē á athū pɔ́p méŋwɛ̄t.

Lomɛŋ 1:26

Melaʼ épúp tɛ́, Ndém a le tshī á wɔ́p nnéŋ, pɔ́ ghʉ menu esē mīi, mbe nnɛ̄t zɔp e tshónɛ á wɔ́p ŋ́gɛ pɔ́ eghʉ̄. Wɔnzwí é tshi melō pɔ́p nnéŋ, ńcʉ́ʼɛ nnɔ̄ŋɔ áa pɔ́ a emɔ̄ʼ wɔnzwí.

1 Kɔlɛŋte 15:34

Pɛ echʉ́ nnɛ̄t tɛ́ ŋgɔ̄ nnɛ̄t zɛ, ndɛ́ʼ pɛ ezéŋ ŋgwhʉ̄ ánɛ mefa. Emɔ̄ʼ epuɔ á nnɔ pɛ, é té á Ndém á mbɔŋɔ́ zhɛ́, á gɔ́ á anu esē tɛ́ʼ á mbū pɛ.

2 Kɔlɛŋte 10:5

Ḿbík ajūɔ tsem zīi, á lɔkɔ á leŋia, ńtɛ́nnɛ á lezhɛ̄ á Ndém. Ŋ́ghʉ̄, epuɔ é wáʼ mekwaŋte mīi, é ntē pɔ́p, ńjúʼ á mbū Klísto.

Efɛze 5:4

Ndɛ́ʼ pɛ eshúŋ meshuŋne esē, ndɛ́ʼ pɛ eshúŋ meshuŋne mīi, methū é té éwú ú, ndɛ́ʼ pɛ eshúŋ meleém eshuŋne. Á épúp páʼā, á té pɔŋ. Pɛ nɔŋ eshúŋnɛ, pɛ eshúŋne ndɔ̄k esyákne á Ndém.

2 Tesalonik 1:8

Éshʉ̄ʼɛ épúp, á ntē mía mía mmók, á mbʉʉ̄ʼ anu á mbū epuɔ pīi, pɔ́ té á Ndém véŋ, épuɔ pīi, pɔ́ lʉʉ̄ʼ á lekūʼte ŋke mbɔŋ yí Atsyapuɔ yímpɛ Yɛɛ́so.

2 Timotɛ 3:8

Ndeŋ ndeŋ páʼ Janɛs pɔ́ Jamblɛs é le lʉ̄ʼ anu zīi, Mɔɔ́sɛ a zíʼnɛ lā, epuɔ puɔ mɛ́t, é si ndʉ̄ʼɛ anuúnē. Pɔ́ wɛɛ̄ mekwaŋte tepɔŋ. Pɔ́ lɛ te kwāʼ efɛ́ nnɛ̄t, ŋ́gyá á mbū Yɛɛ́so ó.

Tíit 1:16

Pɔ́ é efʉʼ metsem, ḿvéŋ ŋ́gɛ pɔ́ é si nzhɛ́ɛ á Ndém. Efʉʉ́ʼ‑enu tsɔ́p, é piŋ nnɔ̄ŋ ntswī á légɛ pɔ́ té á yí zhɛ́. Pɔ́ ghʉʉ̄ ajū mīi mɛ́ e tóne á wɔ́p tóne, ŋ́gɔ́ megaŋ atʉɛ́‑athū á mbū Ndém, ŋ́gɔ́ epuɔ pīi, é zi te kūʼ á leghʉ anu mbɔŋ ɔ́.

Filemɔŋ 1:8

Púp, tɛ mbɔɔ páʼ meŋ gɔ elɔ̄ɔk á legɔ̄ yīi, meŋ á nziŋ‑ntō Klísto, éshúŋ á wú té pɔ́k, ajū mīi o gɔ eghʉ̄ʉ lā,

2 Piɛ 3:5

Pɔ́ e shʉʼ ege elé épúp, énɔŋ eghʉɛ páʼ pɔ́ é lekne á légɛ, tɛ efhó tɛ afʉʼ, Ndém á lɔk ashuŋne, ŋ́ghʉ̄ lephū pɔ́ esī atsáʼ. Éfāk atsáʼ ánɛ ntshi, ŋ́ghʉ̄, ajūɔ tsem á lɔk ntshi tɛ́ ŋgɔ́ éwú.