Lomɛŋ 1:26 - Eka Eswhī

²⁶ Melaʼ épúp tɛ́, Ndém a le tshī á wɔ́p nnéŋ, pɔ́ ghʉ menu esē mīi, mbe nnɛ̄t zɔp e tshónɛ á wɔ́p ŋ́gɛ pɔ́ eghʉ̄. Wɔnzwí é tshi melō pɔ́p nnéŋ, ńcʉ́ʼɛ nnɔ̄ŋɔ áa pɔ́ a emɔ̄ʼ wɔnzwí.

Lomɛŋ 1:26 Iomraidhean Croise

Lomɛŋ 1:24

Á melaʼ épúp tɛ́, Ndém a le tshī á wɔ́p nnéŋ, pɔ́ ghʉ menu epe, páʼ ntē wɔ́p é si ntshónɛ á wɔ́p ŋ́gɛ, pɔ́ eghʉ̄ épúp. Ŋ́ghʉ̄ épúp, ńdɔk nnéŋ esē á athū pɔ́p méŋwɛ̄t.

Lomɛŋ 1:28

Páʼ pɔ́ le jʉ́ɔ ŋ́gɛ, pɔ́ gɔ le á Ndém zhɛ́ lā, á sákne á wɔ́p á ntē akwaŋte tepɔŋ zīi, pɔ́ wɛ̄ɛ. Á épúp tɛ́, pɔ́ ghʉʉ̄ ajū mīi, mɛ́ té pɔŋté á leghʉ ɛ́.

1 Kɔlɛŋte 6:9

Pɛ te si nzhɛ́ɛ á légɛ, wɔ ghʉ‑anu tepɔŋ, é té láʼ ewɛ azɔ́p ajʉʼ á ntē Lefɔ Ndém ɛ́ lɛ̄? Ndɛ́ʼ azō á kʉɛ leghi tsɛ́. Megaŋ agā, mbɔɔ epuɔ pīi, pɔ́ wuʼtɛ mesī, mbɔɔ wɔ wɛ‑mɛgap, mbɔɔ mbaŋa zīi, é véŋɛ ŋ́gɛ, mɛ́ elɔ̄k á wɔ́p ŋghʉ̄ wɔnzwí, mbɔɔ mbaŋa zīi, pɔ́ a emɔ̄ʼ mbaŋa é nɔŋɔ, ká wɔnzwí pīi, pɔ́ a emɔ̄ʼ é nɔŋɔ,

Efɛze 4:19

Esē é gɛ te nzɛ́t ŋkúu á wɔ́p, ánɛ amɔ̄ʼ azō ɔ́. Pɔ́ puú ntshí ntē wɔ́p áa leghʉ menu epe. Á kɔɔ́ʼ á athū pɔ́p, á leghʉ aziɛ́ anu esē lɛ́, pɔ́ ghʉ, té pú ŋkúʼte nnɛ̄t zɔp.

Efɛze 5:12

Ajū mīi, epuɔ puɔ mɛ́t, é lʉɔnɛ ŋghʉ̄ɛ, á tɛ esē é kú epuɔ á leshūŋ.

1 Tesalonik 4:5

Pɛ é le cʉ́ʼ, ntē wɛ́ é khʉ́ne ánɛ anu wɔnzwí, páʼ emɔ̄ʼ epuɔ, éwɔ te véŋ‑kwaʼ Ndém, é ghʉʉ̄ épúp ɔ́.

1 Timotɛ 1:10

Melaʼ megaŋ agā, melaʼ mbaŋa zīi, pɔ́ a emɔ̄ʼ mbaŋa é nɔŋɔ, ká wɔnzwí pīi, pɔ́ a emɔ̄ʼ é nɔŋɔ. Melaʼ wɔ táŋ‑epuʼ, melaʼ wɔ táŋ‑mela. Melaʼ wɔ ge eka‑meka é gɔ́ mela, melaʼ epuɔ metsem pīi, pɔ́ shúŋɔ anu ndɔkɔ mbíktɛ anuúnē ánɛ anu Yɛɛ́so.

Zwide 1:10

Epuɔ pīi pɔ́ ŋɛ́tɛ ŋkúɔ́ á tsetsɛlɛ pɛ lā, pɔ́ é si nzɔ̄tɛ ajū mīi, pɔ́ té si nzhɛ́ ɛ. Azi pɔ́ é si nzhɛ́ɛ, á lɛ ŋgɔ́ á mbū pɔ́p, ŋ́gɔ́ áa páʼ ajū mīi, á kɔ́ʼɔ á athū na lā, á te leghi. Aziɛ́ mé piŋ nnɔ̄ŋ ŋghʉ̄ɛ, pɔ́ faa nzhɛ.

Zwide 1:7

Ŋ́gɔ́ mé tésɔŋ Sodɔm pɔ́ eyi Gomɔɔ, mbɔɔ emɔ̄ʼ metésɔŋ á legʉ̄ŋ éwú pīi, pɔ́ le zīŋ azɔ́p ánɛ mɛnzhɛ tepɔŋ, páʼ mecɔʼ Ndém mɛ́t lā, ńcʉ́ʼ megaŋ agā, tɛ ŋ́gʉɔ njʉ́ɔ mecɔʼ Ndém ŋ́gɛ, pɔ́ a pɔ́p e enɔ̄ŋ, tɛ́ mecɔʼ Ndém é zi te páʼ epuɔ menɔŋ ɔ́. Ndém á le néŋ epuɔ tésɔŋ puɔ mɛ́t á ntē mmók yīi, é té láʼ epí í, ńdɔkɔ ŋgyáa efʉʼ á mbū epuɔ metsem.