Lomɛŋ 1:25 - Eka Eswhī

²⁵ Pɔ́ lē ndɔk mela, ŋ́kúmne anuúnē zīi, á fhɔ́ɔ á mbū Ndém. Ŋ́gūʼte á ajū mīi, Ndém a le cuŋtēē, ńjúʼ á mbū yí, ńtɔ́k á lewuʼte á Ndém yīi, a le cuŋtē etsō mɛ́t. Mɛ́ pɔŋteé á leyā á lepɛ áa mbū yí, á meŋguʼ meŋguʼ. Á ajʉʼ éwú, ŋ́gɔ́ épúp.

Lomɛŋ 1:25 Iomraidhean Croise

Matío 10:37

«Ŋiŋ a kɔŋɔ á mɔʼɔ́ yi kɛ́ mɛ́ wɔp, tɛ ntɔ́k á gá, mbɔ ŋgaŋ, a gɔ le kūʼ á yí, á legɔ̄ á ŋiŋ nnɔ ga á. Ŋiŋ a kɔŋɔ á méŋ yi, éyi mbaŋa kɛ́ eyi menzwí, tɛ ntɔ́k á gá, mbɔ ŋgaŋ a gɔ le kūʼ á yí, á legɔ̄ á ŋiŋ nnɔ ga á.

Matío 6:24

«Taʼ ŋiŋ a gɔ le fāʼ, á mbū memɔʼɔ́ afaʼ mémpīa á taʼ legʉɔ ɔ́. A ghʉɛ épúp, mbɔ a a shʉʼ epa mmɔʼ, épiŋ ekɔŋ mmɔʼ. Ŋ́gɔ́ te épúp ɔ́, á júʼ nchu mmɔʼ, ḿbiŋ ŋgwák eyi mmɔʼ. Ŋiŋ a gɔ le júʼ á mbū Ndém, ḿbiŋ nzéŋ njúʼ á mbū ŋkāp á.

Jáaŋ 2:8

Á lé mé pɔ́p ŋ́gɛ: «Tsetsɔŋɔ, pɛ eké ntúʼ, ŋ́gʉɔ ŋgyá á mbū ŋiŋ yīi, a tɛ́nɛ etsō. » Pɔ́ túʼ, ńdɔk ŋgʉ̄ɔ ŋ́gyá mé yí.

Lomɛŋ 1:18

Ndém a fhoó á lephū, ńtswī á légɛ, yí zaáŋ á lɔ́ŋ á mbū megaŋ atʉɛ́‑athū metsem. Ńzáŋ á lɔ́ŋ ánɛ anu tepɔŋ ntsem zīi, epuɔ menɔŋ é ghʉɛ, épuɔ pīi é lɔɔ̄k anu tepɔŋ, ŋ́kápte á anuúnē.

Lomɛŋ 1:23

Pɔ́ le tshī á lewuʼte Ndém, páʼ a naáŋ á lemiʼɛ nnéŋ, ńcʉ́ʼɛ ŋgūʼtɛ áa ekeke tsīi, mɛ́ é kɔ́ tɛ é swhí á ŋiŋnɔŋ, tɛ́ á ké ŋgɔ́ áa akwhʉɛ́‑azō, ńcʉ́ʼɛ ŋgūʼtɛ áa meséŋ, ŋ́gūʼte mena mekhu lekua, mbɔɔ epi é kɔŋɔ á esī esī.

Lomɛŋ 9:5

Pɔ́ é si ŋgɔ́ ndhu memíá memaŋgānjʉʼ, mbɔ Klísto a le tó áa ánɛ ndhu jʉɔ mɛ́t, ḿbú ntshí mvhɔ ánɛ ajūɔ tsem, ŋ́gɔ́ á Ndém, mɛ́ yá mekuʼ á mbū yí, á lemiʼɛ. Á épúp.

2 Kɔlɛŋte 11:31

Ndém, á Mɔʼɔ́ Atsyapuɔ yímpɛ Yɛɛ́so, a á si nzhɛ́ɛ á légɛ, meŋ te ntáŋa mela á. Awuʼte a egɔ́ á mbū yí á lemiʼɛ.

Efɛze 3:21

Ŋ́gɛ epuɔ Yɛɛ́so metsem, e ezápa ánɛ Yɛɛ́so Klísto, ŋ́gūʼte á Ndém mɛ́t, efʉʼ metsem, á meŋguʼ meŋguʼ. Á épúp.

1 Tesalonik 1:9

melaʼ mīi, awíɛ a á si ŋgē eshúŋɔ anu ekímɛ á wék, éshúŋɔ áa páʼ, pek le shʉ̄ʼ á alāʼ pɛ, pɛ kókne á wék épúp, mbɔɔ páʼ pɛ lē ntém nzem mesī, ŋ́kúʼte á kwaʼ Ndém páʼ a naáŋ nte, ńcʉ́ʼɛ ŋgūʼtɛ áa yí.

1 Timotɛ 1:11

Anu jʉɔ zīi, meŋ zíʼnɛ á wɛ́ la, á fhɔ́ɔ á ntē ŋke mbɔŋ páʼ Ndém a le tsekné á mbū meŋ épúp. Ndém wuɔ mɛ́t, a á ŋiŋ, shʉ́shɔ́k yi á gɔ́ éwú. A naáŋ efʉʼ metsem, á ntē lepɔŋ.

1 Timotɛ 1:17

Awuʼte pɔ́ mekuʼ, e egɔ́ á mbū Ndém yīi, a á eséŋɛ lɛ́, ŋ́gɔ́ áa efɔ, á mbū Ndém te kwhʉ́, á te jʉ́ɔ‑eshhʉ̄ yí, á Ndém yīi a á yíléyī. A egɔ́ épúp á meŋguʼ meŋguʼ. Á páʼa.

2 Timotɛ 3:4

Ńcʉ́ʼ wɔ jhʉ́‑mezoʼ. Ńcʉ́ʼ wɔ ghʉ‑anu té kwaŋte. Ńcʉ́ʼ epuɔ pīi, leŋia a lē mbú njhʉ́ á wɔ́p. Ńcʉ́ʼ yīi pɔ́ e kɔŋ á Ndém, pɔ́ kɔŋ áa ajū mīi, mbe nnɛ̄t zɔp, e é si nzɛ́ttɛ.

1 Jáaŋ 5:20

Ḿpɛ é si nzhɛ́ɛ á légɛ, Méŋ Ndém a le shʉ̄ʼ á ŋgɔŋ, ŋ́gyá á yímpɛ leghi, á lelɔk nzhɛ́ á kwaʼ Ndém. Ḿpɛ pīiŋ nzápa ánɛ Yɛɛ́so Klísto Méŋ Ndém, ŋ́gɔ́ á alá apū kwaʼ Ndém mɛ́t. Yɛɛ́so mɛ́t a á si ŋgɔ́ á Ndém, ŋ́gɔ́ kwaʼ Ndém, ŋ́gɔ́ á Ŋghʉɛ mɛ́ ta á lezēŋ Ndém.