Lomɛŋ 1:24 - Eka Eswhī

²⁴ Á melaʼ épúp tɛ́, Ndém a le tshī á wɔ́p nnéŋ, pɔ́ ghʉ menu epe, páʼ ntē wɔ́p é si ntshónɛ á wɔ́p ŋ́gɛ, pɔ́ eghʉ̄ épúp. Ŋ́ghʉ̄ épúp, ńdɔk nnéŋ esē á athū pɔ́p méŋwɛ̄t.

Lomɛŋ 1:24 Iomraidhean Croise

Matío 15:14

Pɛ etshī á wɔ́p nnéŋ. Pɔ́ é si ŋgɔ́ wɔ efʉʉ́‑menēk pīi, pɔ́ tsaŋa emɔ̄ʼ. Afʉʉ́‑menēk á piŋɛ ntsāŋ amɔ̄ʼ, mbɔ pɔ́ mémpīa é pú ewhʉ á ntē lephʉ̄. »

Mefaʼ Meziŋ-ntō 14:16

A lɛ afʉʼ mvhɔ, ńtshī epuɔ menɔŋ á ntē melāʼ ndɛʼɛ ntsem nnéŋ, pɔ́ ghʉ ajū mīi pɔ́ kɔŋ.

Mefaʼ Meziŋ-ntō 7:42

Ndém á jʉ́ɔ épúp, ńtém nzem zɔp, ńtshī á wɔ́p nnéŋ. Pɔ́ cʉ́ʼɛ ŋgūʼtɛ áa lezēk nu, mbɔɔ saŋ pɔ́ mecɔʼ saŋ, ńdeŋ ndeŋ páʼ mɛ́ le tí á ntē aŋwaʼne metswi‑ŋke Ndém ŋ́gɛ, Ndém a á lé ŋ́gɛ: “Pɛ epuɔ Islaɛl, pɛ ke zīŋ á késáatswɛt ŋguʼ megēm lekua péʼe, ńdáʼ nzwhí mena, ńdɔk nnɔ̄ŋ epɔʼ á mbū meŋ kɛ?

Lomɛŋ 6:12

Púp, ndɛ́ʼ mefa é zéŋ mbɔ́ŋ mete, ánɛ mbe nnɛ̄t zɛ zīi, e zi ŋgɔ́ áa akwhʉɛ́‑azō, ńtshóne á wɛ́ á leghʉ ajū mīi, mbe nnɛ̄t mɛ́t mé si ŋkɔ̄ŋɔ.

1 Kɔlɛŋte 6:13

Pɛ zeéŋ ndé ŋ́gɛ, Ndém a le ghʉ̄ etsō lejhʉ̄ melaʼ levem. Ŋ́ghʉ̄ levem, melaʼ etsō lejhʉ̄. Táʼ, pɛ eké nzhɛ́ á légɛ, Ndém a a láʼ aleʼé, éghʉ, levem pɔ́ etsō lejhʉ̄ e elákne. Ndém a lɛɛ́ te ŋghʉ̄ɛ mbe nnɛ̄t ŋ́gɛ, mɛ́ elɔk ŋghʉ̄ á agā á, á lɛɛ́ ŋghʉ̄ɛ ŋ́gɛ, mɛ́ elɔk ŋgūʼte á yí, yí mé piŋ ntúŋne mbe nnɛ̄t mɛ́t.

1 Kɔlɛŋte 6:18

Pɛ epú mbíʼte á agā ŋgwáʼ. Emɔ̄ʼ mefa mīi ŋiŋnɔŋ a ghʉɛ, é gɔ áa nzem apɛ́, ánɛ mbe nnɛ̄t zi. Táʼ, ŋiŋ yīi a á piŋ ŋghʉ̄ á agā, á páʼā, ŋgaŋ á lɔkɔ efāa, ánɛ mbe nnɛ̄t zi méŋwɛ̄t.

Efɛze 2:3

Ḿpɛ metsem é le zéŋ ŋgɔ́ azímpɛ páʼ pɔ́p lā, ńnɔŋ nnáŋa páʼ mbe nnɛ̄t zímpɛ, é si ntshónɛ á yímpɛ ŋ́gɛ, ḿpɛ enáŋ épúp. Ḿpɛ le nɔ̄ŋ ŋghʉɛ páʼ mbe nnɛ̄t zímpɛ e é si ŋkɔ̄ŋɔ, ńnɔŋ nzīŋɛ páʼ á kɔ́ʼ á athū pímpɛ épúp. Ndém a lɛ eláʼ ezáŋ á lɔ́ŋ á mbū pímpɛ, páʼ a záŋa á mbū awɔ́ ŋiŋ lɛ́ yīi, a teē athū á mbū yí.

1 Tesalonik 4:4

Ŋ́gɔ́ á légɛ, awíɛ á nnɔ pɛ, a ezhɛ́ á yí a lewɛ nzwí yi, ŋ́gwɛ̄ á yí ánɛ ntií zīi, a pɔŋ á Ndém, ŋ́gwɛ̄ á yí ánɛ ntií zīi, epuɔ e jʉ́ɔ, éwuʼte.