Lomɛŋ 1:23 - Eka Eswhī

²³ Pɔ́ le tshī á lewuʼte Ndém, páʼ a naáŋ á lemiʼɛ nnéŋ, ńcʉ́ʼɛ ŋgūʼtɛ áa ekeke tsīi, mɛ́ é kɔ́ tɛ é swhí á ŋiŋnɔŋ, tɛ́ á ké ŋgɔ́ áa akwhʉɛ́‑azō, ńcʉ́ʼɛ ŋgūʼtɛ áa meséŋ, ŋ́gūʼte mena mekhu lekua, mbɔɔ epi é kɔŋɔ á esī esī.

Lomɛŋ 1:23 Iomraidhean Croise

Mefaʼ Meziŋ-ntō 10:12

Mena nzhɛ zhɛ ntií ntsem, é pú ŋgɔ́ á ntē éwú, emɔ̄ʼ é gɔ́ epi é shuŋɔ levem tsɔ́p á esī, emɔ̄ʼ é gɔ́ meséŋ.

Mefaʼ Meziŋ-ntō 17:29

Púp, páʼ ḿpɛ é si ŋgɔ́ nzwɛt Ndém lā, ndɛ́ʼ ḿpɛ é zéŋ ŋkwāŋ ŋ́gɛ, Ndém a swhií ajū mīi, ŋiŋnɔŋ a gɔ elɔ̄ɔk leghi tsí, pɔ́ mbū mí ncūŋte, páʼ akeke zīi, mɛ́ lɔkɔ á gɔ́ɔl, kɛ́ atʉɛ́ ŋkāp, kɛ́ tɔ́, ńcūŋtɛ lā.

Lomɛŋ 1:25

Pɔ́ lē ndɔk mela, ŋ́kúmne anuúnē zīi, á fhɔ́ɔ á mbū Ndém. Ŋ́gūʼte á ajū mīi, Ndém a le cuŋtēē, ńjúʼ á mbū yí, ńtɔ́k á lewuʼte á Ndém yīi, a le cuŋtē etsō mɛ́t. Mɛ́ pɔŋteé á leyā á lepɛ áa mbū yí, á meŋguʼ meŋguʼ. Á ajʉʼ éwú, ŋ́gɔ́ épúp.

1 Kɔlɛŋte 12:2

Pɛ é si nzhɛ́ɛ páʼ, pɛ le zɛ́t te zhɛ́ á Yɛɛ́so Klísto, mɛ́ nɔŋ eshūŋnɛ á wɛ́ ndɔkɔ ŋgʉ̄ɔ mé ejʉʼ mesī, á piŋ nzī ŋgɔ́ yīi, mesī mɛ́t é gɔ́ le shúŋne.

1 Piɛ 4:3

Pɛ lē ndáʼ mbí njhʉ̄, ńdɔk ŋghʉ̄ ajū mīi, wɔ te zhɛ́‑kwaʼ Ndém, é si ŋkɔ̄ŋɔ ŋ́gɛ mɛ́ eghʉ̄, tɛ á kuʼ. Pɛ lɛɛ́ nnáŋa á ntē agā, ntií ntiī ekwaŋte tepɔŋ é gɔ́ á ntē pɛ. Ŋ́gɔ́ wɔ núnú‑meluʼ, ńnɔŋ ŋkʉ̄ɔ ŋgɔŋ eleʼé metsem, ḿbú nnɔŋ nnúu meluʼ tɛ mbíatɛ, ńzéŋ nnɔŋ ŋgūʼtɛ emɔ̄ʼ etsō, ńtɔ́ŋɔ lɛ Ndém, á gɔ́ ajū mīi, á té á Ndém pɔŋ.

Menjʉɔ te lí 9:20

Ŋ́gɔ́ mé avuʼ epuɔ menɔŋ, épuɔ pīi meŋgʉɔ̄ʼ mwɔ̄ mɛ́ntɛ́t, é lɛ te á wɔ́p zwhí lā, pɔ́ lɛ te gɔ̄ nnɛ̄t zɔp, ńtó ánɛ melém pīi, pɔ́ le lɔ̄k mbū mɔ́p ncūŋte ɛ́. Pɔ́ le zɛ́t ntswiʼnɛ ŋgūʼtɛ áa mesī, mbɔɔ melém pīi, pɔ́ le lɔ̄k á gɔ́ɔl ká atʉɛ́ ŋkāp, ká mmɔʼ ntií atʉɛ́, ká metɔ́, ká methʉ́ tɛ́ ncūŋte. Melém puɔ mɛ́t, é gɔ le kūʼ á lejʉ̄ɔ ejʉʼ ɛ́, pɔ́ le kūʼ á lejūʼ ejʉʼ ɛ́, ńzéŋ le kūʼ á leziŋ ɛ́.