Lomɛŋ 1:21 - Eka Eswhī

²¹ melaʼ mīi pɔ́ le nɔ̄ŋ nzhɛ́ɛ á légɛ, Ndém a á éwú, ḿbiŋ te mekuʼ mí ghʉ, pɔ́ té yí syákne. Pɔ́ lɛ te ghʉ̄ páʼ á zɛtteé ŋ́gɛ, mɛ́ eghʉ̄ á mbū Ndém épúp ɔ́. A cʉ́ʼɛ épúp, mbɔ ekwaŋte tsɔ́p tsīi, é zi ŋgɔ́ áa ŋŋiké, é le ghʉ̄ʉ̄, pɔ́ fa nzhɛ. Legɔ̄ yīi, pɔ́ té kwāŋte anu á mbɔŋɔ́ ɔ́, á ghʉ, pɔ́ pú ntsé á ntē nzém.

Lomɛŋ 1:21 Iomraidhean Croise

Jáaŋ 3:19

Pɛ eké njʉ́ɔ á ajū mīi á ghʉ̄ʉ, ŋiŋ a pí á asāʼ á mvhɔ Ndém. A lē ntó ŋkaʼ á ŋgɔŋ ega, epuɔ menɔŋ é si mbiŋɛ kʉ̄ŋnɛ, ŋ́kāŋa áa nzém, melaʼ mīi ŋghʉʉ́‑enu tsɔ́p é té pɔŋ.

Mefaʼ Meziŋ-ntō 26:18

Étó á wú épúp, o egʉɔ ŋŋáʼa menēk epuɔ mɛ́t, ŋ́ghʉ̄ pɔ́ efhó á ntē nzem ntó, ŋ́kó á ntē ŋkaʼ. Ŋ́ghʉ̄ Sɛ́ta a á le zéŋ á wɔ́p esáʼ á, Ndém mé ecʉ́ʼɛ esáʼa á wɔ́p, tɛ́ pɔ́ efɛ́ nnɛ̄t ŋgyá á mbū meŋ, Ndém a elēkne mefa mɔ́p, ŋ́gyá á azɔ́p ajʉʼ á nnɔ epuɔ pīi, pɔ́ epí tɛ ntsékne.”

Lomɛŋ 1:19

Á piŋ ŋké ŋ́gɔ́ páʼā, ajū mīi mɛ́ gɔ elɔ̄ɔk nzhɛ́ á Ndém, á fók lɛ púúú, á mbū epuɔ metsem. Ndém a lē ndáʼ ntswī á wɔ́p á azō mɛ́t.

Lomɛŋ 1:28

Páʼ pɔ́ le jʉ́ɔ ŋ́gɛ, pɔ́ gɔ le á Ndém zhɛ́ lā, á sákne á wɔ́p á ntē akwaŋte tepɔŋ zīi, pɔ́ wɛ̄ɛ. Á épúp tɛ́, pɔ́ ghʉʉ̄ ajū mīi, mɛ́ té pɔŋté á leghʉ ɛ́.

Lomɛŋ 11:10

Ŋ́gɛ menēk mɔ́p e eséŋ, tɛ pɔ́ le zéŋ ejʉʼ njʉ́ɔ ɔ́. Ŋ́gɛ Ndém a elɔ̄k ŋgʉɔ̄ʼ eswɛ́t á wɔ́p, tɛ pɔ́ enáŋ efʉʼ metsem, ńzīŋ áa ŋŋɔʼne ŋɔʼné. »

Lomɛŋ 15:9

A lɛɛ́ eshʉʼɛ á ŋgɔŋ páʼā, ńzéŋɛ ndɔkɔ efāʼa ŋ́gɛ, epuɔ pīi é té epuɔ Yúda á, e ewūʼte á Ndém, melaʼ atsāmezeŋɛ zīi, Ndém a wɛɛ̄ ánɛ epuɔ. Á lɔk ŋgɔ́ páʼ, mɛ́ le tí á ntē aŋwaʼne Ndém ŋ́gɛ: «É melaʼ épúp tɛ́, meŋ a shʉʼɛ ewuʼtɛ á wú, á tsetsɛlɛ epuɔ pīi é té epuɔ Yúda á, meŋ a shʉʼɛ ezɔpɔ, élɔkɔ ewuʼtɛ á wú. »

2 Timotɛ 3:2

Meŋ ndʉ́ɛ́ épúp melaʼ mīi, epuɔ menɔŋ e shʉʼ ecʉ́ʼ wɔ tɛtɔŋ‑azɔ́p. Écʉ́ʼɛ ekɔŋɔ áa ŋkāp. Écʉ́ʼɛ eŋia ŋia. Écʉ́ʼɛ ekɔ́ʼne kɔʼné. Écʉ́ʼɛ ezɔte á Ndém zɔte. Écʉ́ʼɛ etʉɛ athū á mbū memɔʼɔ́ pɔ́p. Écʉ́ʼ wɔ te zhɛ́ á ku‑ntáŋ wɔp. Écʉ́ʼ wɔ te yá‑mekuʼ Ndém.

1 Piɛ 1:18

Pɛ é si nzhɛ́ɛ nzwiŋ yīi, Ndém a le lɔ̄k ncuʼ á wɛ́, ŋ́ghʉ̄ pɛ fhó á ntē mɛt tepɔŋ yīi, wɔ maŋgānjʉʼ pɛ́ é le ziʼné á wɛ́, ńtó. A lɛ te lɔ̄k ajū mīi á gɔ epék, ázō páʼ gɔ́ɔl, páʼ ŋkāp lā, tɛ́ ncūʼ á wɛ́ ɛ́.

1 Piɛ 2:9

Ŋ́gɔ́ mé pɛ, mbɔ pɛ é si ŋgɔ́ nzwɛt epuɔ pīi, Ndém a le kāŋŋ̄, ŋ́gɔ́ nnɔ wɔ nɔŋ‑epɔʼ Efɔ ŋgɔŋ, ŋ́gɔ́ á alāʼ zīi, á azi Ndém, ŋ́gɔ́ epuɔ pīi, pɔ́ é epuɔ Ndém. A le ghʉ̄ pɛ fhó á ntē nzém, ŋ́kó á ntē ajʉʼ zīi á fók lɛ púú. Ŋghʉ̄ɛ épúp páʼa ŋ́gɛ, pɛ esáʼ eshúŋ á mɛgém ajū mīi, a le ghʉ̄ʉ̄.

Menjʉɔ te lí 14:7

Cɔʼ Ndém mɛ́t, á nɔŋ ndʉ́ɛ́ mé ŋghi teté ŋ́gɛ: «Pɛ eghʉ̄ mekuʼ Ndém, ŋ́gūʼte á yí, melaʼ mīi njhʉ̄ zīi, a gʉɔ mé nzaáʼ ntsaŋ ezɔp a epuɔ metsem, e é kuʼ. Pɛ etswíʼte, ŋ́ŋɔ́ʼne tɛ ethū tsɛ́ e epfēŋ esī á mvhɔ yí, yí mé le ghʉ̄ lephū, mbɔɔ esī atsetsáʼ. Á ŋiŋ yīi a le ghʉ̄ memía mentshi, mbɔɔ ejʉʼ tsīi, mentshi é sáʼa éwú. »

Menjʉɔ te lí 15:4

Atsyapuɔ, awɔ́ a gɔ ekūuʼ á lewāk á wú ú? Awɔ́ a gɔ enéŋ té yá mekuʼ á mbū wu ū? Wu ndaʼ mé si ŋgɔ́ á Ndém. Melāʼ ntsem e láʼ eshʉʼ etswíʼte á mvhɔ wu, éwuʼte á wú, melaʼ mīi, o ó tswi á wɔ́p, á ndeŋ ndeŋ menu mīi, o gɛ ŋghʉ̄ɛ. »