Lomɛŋ 1:18 - Eka Eswhī

¹⁸ Ndém a fhoó á lephū, ńtswī á légɛ, yí zaáŋ á lɔ́ŋ á mbū megaŋ atʉɛ́‑athū metsem. Ńzáŋ á lɔ́ŋ ánɛ anu tepɔŋ ntsem zīi, epuɔ menɔŋ é ghʉɛ, épuɔ pīi é lɔɔ̄k anu tepɔŋ, ŋ́kápte á anuúnē.

Lomɛŋ 1:18 Iomraidhean Croise

Lomɛŋ 1:19

Á piŋ ŋké ŋ́gɔ́ páʼā, ajū mīi mɛ́ gɔ elɔ̄ɔk nzhɛ́ á Ndém, á fók lɛ púúú, á mbū epuɔ metsem. Ndém a lē ndáʼ ntswī á wɔ́p á azō mɛ́t.

Lomɛŋ 1:28

Páʼ pɔ́ le jʉ́ɔ ŋ́gɛ, pɔ́ gɔ le á Ndém zhɛ́ lā, á sákne á wɔ́p á ntē akwaŋte tepɔŋ zīi, pɔ́ wɛ̄ɛ. Á épúp tɛ́, pɔ́ ghʉʉ̄ ajū mīi, mɛ́ té pɔŋté á leghʉ ɛ́.

Lomɛŋ 1:32

Tɛ mbɔɔ páʼ pɔ́ é si ncūŋtɛ nzhɛ́ páʼ, lepé Ndém é leé ŋ́gɛ, epuɔ pīi pɔ́ fʉʼtɛ ntií menu jʉɔ mɛ́t, pɔ́ gɔ le vūʼu lā. Pɔ́ té lɛ efʉ̄ʼte ntií menu jʉɔ mɛ́t ndaʼá, pɔ́ zeéŋ ntswíʼte epuɔ pīi, pɔ́ é si efʉ̄ʼtɛ.

Lomɛŋ 2:3

Wu yīi, o thúɔ alɔ́ʼ epuɔ pīi, pɔ́ fʉʼtɛ ejʉɔ ntií menu, ḿbiŋɛ nnɔ̄ŋɔ ŋghʉ̄ɛ ajú páʼ pɔ́p, o ó jʉ́ɔ ŋ́gɛ, o gɔ ekʉ̄ʉ azāŋalɔ́ŋ Ndém, tɛ ntswɛ́t lɛ́?

Lomɛŋ 3:9

Meŋ á páʼā ndɔkɔ ŋ́gɛ akɔ̄? Ŋ́gɛ pek epuɔ Yúda, é páʼā, ńtsyā emɔ̄ʼ epuɔ lɛ́? Ŋgáŋ, meŋ ndē ndáʼ ŋkɛ́ʼte éshúŋ ŋ́gɛ, ŋiŋ ntsem, épuɔ Yúda mbɔɔ epuɔ Glɛk, é puú ŋgɔ́ áa epuʼ mefa.

Lomɛŋ 4:15

Ŋiŋ a te zīŋ páʼ lepé Mɔɔ́sɛ é si nzɛ́ttɛ ɛ́ páʼā, Ndém á záŋ á lɔ́ŋ. Lepé é piīŋ te á esī í páʼā, ŋ́gɔ́ yīi mɛ́ gɔ le lé ŋ́gɛ, ŋiŋ a á fa lepé ɛ́.

Lomɛŋ 5:6

Meŋ á páʼā ndɔkɔ ŋ́gɛ, á lɛ amɔ̄ʼ afʉʼ, ḿpɛ zɛ́t té wɛ mete á lelɔk nzó athū zímpɛ. Afʉʼ zīi Ndém a le néēŋ, á piŋ eshʉ̄ʼ nnáŋ tɛ ŋkūʼ, Klísto á kwhʉ́ á athū pímpɛ megaŋ mefa.

Lomɛŋ 5:9

A le kwhʉ́ épúp, tɛ́ Ndém á tsia épúp, ńtɔ́ŋ á yímpɛ lɛ epuɔ ndeŋ ndeŋ. Klísto mɛ́t, a gɔ epīiŋ ŋghʉ̄ páʼ lā, ńnéŋ té ghʉ, ḿpɛ etswɛ́t azāŋalɔ́ŋ Ndém ḿ?

Lomɛŋ 6:13

Ndɛ́ʼ pɛ ezéŋ ndɔ̄k ejʉʼ nnɛ̄t tsɛ́ ŋghʉ̄ mefa, tɛ á gɔ́ páʼ, ejʉʼ nnɛ̄t tsɛ́, é si ŋgɔ́ á tsitsi á lelɔk ŋghʉ̄ anu tepɔŋ lā. A cʉ́ʼɛ épúp, pɛ elɔ̄ɔk ŋghʉ̄ mefaʼ ndeŋ ndeŋ, páʼ epuɔ pīi é nte, mbɔ Ndém a lē ŋghʉ, pɔ́ zím ánɛ lewhʉ̄ lā. Pɛ elɔ̄k mbe nnɛ̄t ntsem, ŋ́ghʉ̄ afaʼ Ndém.

Efɛze 5:6

Ndɛ́ʼ pɛ ecʉ́ʼ, ŋiŋ á lɔk ashuŋne te methū mbɔ̄p á wɛ́. Menu tepɔŋ muɔ mɛ́t ntsem mé ghʉʉ̄, Ndém á záŋ á lɔ́ŋ á mbū epuɔ pīi, é teē athū á mbū yí.

Kɔlɔs 3:6

Melaʼ ejʉɔ ntií etsō mɛ́t, tɛ́ Ndém a a láʼ ezáŋ á lɔ́ŋ á mbū epuɔ [pīi, pɔ́ teē athū á mbū yí].

2 Tesalonik 2:10

Ézéŋ elɔk anu tepɔŋ ntií ntsem, é pɔpte epuɔ pīi, pɔ́ nzi nnɔ̄ŋ mbíi. Epuɔ puɔ mɛ́t é píi páʼā, melaʼ mīi pɔ́ lɛ te kɔ̄ŋ anuúnē, ŋ́kúʼte ɛ́, tɛ́ á piŋ ŋgɔ́ yīi, aziɛ́ mé le gɔ́, á ghʉ pɔ́ tswɛ́t.

2 Tesalonik 2:6

Tsetsɔŋɔ, pɛ é si nzhɛ́ɛ ajū mīi, á si ŋkúʼtɛ á Ŋgaŋ Mbo wuɔ mɛ́t, á leshʉʼ. A a láʼ eŋwak áa ánɛ afʉʼ zīi, Ndém mé le néēŋ.