Lomɛŋ 1:16 - Eka Eswhī

¹⁶ Esē é té si ŋkúu á gá á letswi ŋke mbɔŋ ɔ́. É si ŋgɔ́ mete Ndém á lelɔk ŋghʉ̄, tɛ mbɔɔ awɔ́ lɛ́ yīi, a á fɛ́ nnɛ̄t ŋgyá á mbū Yɛɛ́so, á tswɛ́t. Epuɔ Yúda é zi mvhɔ, ńtswɛ́t, emɔ̄ʼ epuɔ é páte.

Lomɛŋ 1:16 Iomraidhean Croise

Málkúsi 8:38

Ŋiŋ a nɔŋ ŋkúu esē á legɔ̄ á ŋiŋ nnɔ ga, ńnɔ̄ŋ ŋkúu esē á lekūʼte ashuŋne zá, á mvhɔ epuɔ ŋguʼ puɔ pīi, pɔ́ lē ŋgwáʼ á Ndém, ńcʉ́ʼɛ ŋghʉ̄ɛ áa menu tepɔŋ, mbɔ Méŋ‑Ŋiŋnɔŋ wuɔ a a láʼ epuŋne á ŋgaŋ, áfʉʼ zīi a láʼa mbīŋɛ nzem pɔ́ a mecɔʼ Ndém, á ntē shʉ́shɔ́k Mɔʼɔ́ yi.

Lúkási 9:26

Ŋiŋ a nɔŋ ŋkúu esē á legɔ̄ ŋiŋ nnɔ ga, ńnɔ̄ŋ ŋkúu esē á lekūʼte ashuŋne zá, mbɔ Méŋ‑Ŋiŋnɔŋ wuɔ, a a láʼ epuŋne á yí afʉʼ zīi, a láʼa mbīŋɛ nzem á ntē shʉ́shɔ́k yí, ŋ́gɔ́ eyi Mɔʼɔ́ yi pɔ́ a mecɔʼ pí.

Jáaŋ 7:35

Mekém epuɔ Yúda é zi á lelē á tsetsɛlɛ pɔ́p ŋ́gɛ: «A á páʼa ŋgʉ̄ɔ mé egɔ́, tɛ ŋgɔ́ yīi ḿpɛ e gɔ le zéŋ á yí njʉ́ɔ ɔ̄? Élɛ a gʉɔ mé ntswɛtteé epuɔ alāʼ pímpɛ pīi, pɔ́ lē esaŋa ŋgʉ̄ɔ mé alāʼ epuɔ Glɛk e? Kɛ a gʉɔ mé nziʼné epuɔ Glɛk lóo?

Mefaʼ Meziŋ-ntō 3:26

melaʼ epúp tɛ́, Ndém a ke gē ezi a letō á Njuʼ‑Nchu yi, ńtó á yí melaʼ mɛ́. Ńtó á yí ŋ́gɛ, a eshʉ̄ʼ ŋghʉ̄ anu mbɔŋ ánɛ pɛ, éfhó ánɛ mɛnzhɛ tepɔŋ, éfók á wɛ́. »

Lomɛŋ 10:17

Á páʼā, ŋiŋ á ge efɛ́ nnɛ̄t eyá á mbū Klísto, éfhó ánɛ anu zīi a á júʼ, anu mɛ́t á gɔ́ ŋke mbɔŋ ánɛ Klísto.

Lomɛŋ 15:19

Ńzápa ánɛ páʼ Azwakne Ndém á le yá á gá mete, á lelɔk ŋghʉ̄ mendajʉ́ɔ menu, mbɔɔ meyiŋne menu mīi, é tswii mete Ndém, tɛ́ ŋghʉ̄ épúp. Púp, meŋ zīi, á Yelósalɛm, ńtɔ́kte nchʉ́ nnɛ̄t ntswī ŋke mbɔŋ ánɛ Klísto, tɛ ŋkó á apak ŋgɔŋ Ilili.

Lomɛŋ 15:29

Meŋ á si ncuŋtɛ nzhɛ́ɛ á légɛ, meŋ a shʉʼ eshʉʼ tɛ ekó á alāʼ pɛ, mbwɛ́né zīi é fhɔ́ɔ á mbū Klísto, e efūʼte ánɛ pɛ.

Lomɛŋ 2:9

Ndém a a láʼ enéŋ ŋgʉɔ̄ʼ pɔ́ atapne, ánɛ awíɛ awíɛ yīi, a á si ŋghʉ̄ɛ anu tepɔŋ. Ézi ánɛ epuɔ Yúda, épáte epuɔ Glɛk.

Lomɛŋ 4:11

Ndém a le tɔ́ŋ á Ablaham lɛ ŋiŋ ndeŋ ndeŋ, tɛ́ mɛ́ shʉʼ ntém á yí, á gɔ́ ayiŋne. Ayiŋne jʉɔ mɛ́t á lɔkɔ ntswīi á légɛ, Ndém a á zápa ánɛ lefɛ̄ nnɛ̄t Ablaham, tɛ́ ntɔ́ŋ á yí lɛ, ŋiŋ ndeŋ ndeŋ, tɛ mɛ́ zɛ́t té tém á yí. Á fhó épúp, Ndém á lɔk á yí ŋghʉ̄ á mɔʼɔ́ epuɔ pīi, pɔ́ fɛɛ́ nnɛ̄t ŋgyá á mbū yí Ndém, té gɔ̄ yīi, mɛ́ é tém á wɔ́p, tɛ́ a etsīa épúp, a etɔ́ŋ á wɔ́p lɛ epuɔ ndeŋ ndeŋ.

1 Kɔlɛŋte 15:2

Ndém a a láʼ ezápa ánɛ ŋke mbɔŋ mɛ́t, tɛ́ eghʉ pɛ etswɛ́t, éyi á gɔ́ yīi, pɛ kuʼteé ndeŋ ndeŋ páʼ, meŋ nde ziʼné á wɛ́ épúp. Tɛ á té épúp ɔ́, mbɔ pɛ le júʼ mvéŋ páʼā, á gɔ́ áa ndémndēm.

1 Kɔlɛŋte 2:2

Meŋ ndɛ á tsetsɛlɛ pɛ épúp, ńnéŋ á ntē meŋ, á leshūŋ á wɛ́ áa menu mīi, é cʉteē á Yɛɛ́so Klísto. Á Yɛɛ́so Klísto, páʼ mɛ́ le kwɛtē á yí, ánɛ mbaŋne paŋné lā.

1 Kɔlɛŋte 2:4

Meŋ nde shuŋnéē, ŋ́gē etswii ŋke mbɔŋ á mbū pɛ, meŋ te lɔ̄k á azhɛ̄‑anu epuɔ menɔŋ tɛ́ ŋghʉ̄, pɛ evéŋ ɛ́. Azwakne Ndém mé nɔŋ ndɔ̄kɔ mete mí ŋghʉ̄ɛ, pɛ ezhɛ́ á légɛ, ŋke mɛ́t é anuúnē.

1 Kɔlɛŋte 9:12

Emɔ̄ʼ epuɔ é si nzwíʼtɛ etsō á mbū pɛ. Pek mé piŋ nzī mbɔ́ŋte á lezwīʼte etsō á mbū pɛ, ńtɔ́k á wɔ́p. Táʼ, pek le ké te épúp ghʉ. A cʉ́ʼɛ épúp, mbɔ pek é si ŋkwɛ́tɛ ntē, ánɛ ntií ntiī ŋgʉɔ̄ʼ zīi, e shʉʉ̄ʼ ánɛ pek, ńdɔkɔ mbɔ́kɔ á leghʉ ajū mīi, á gɔ evɛ́ne á ŋiŋ, á lejūʼ ŋke mbɔŋ ánɛ Klísto.

1 Kɔlɛŋte 9:18

Tɛ egá ntsɔʼɔ́‑afaʼ, é si ŋgɔ́ áa akɔ̄? É si ŋgɔ́ á gá á letswi ŋke mbɔŋ á mbū epuɔ ndémndēm. Meŋ á mbɔ́ŋte á gá á lelē ŋ́gɛ, mɛ́ eyá azō á mbū meŋ, melaʼ ŋke mbɔŋ yīi meŋ tswii, táʼ, meŋ ké ka épúp zɛ́ttɛ ɛ́.

2 Kɔlɛŋte 2:12

Meŋ nde gʉ̄ɔ á tésɔŋ Tloas, á ntswiī ŋke mbɔŋ Klísto, ŋ́kó éwú, Atsyapuɔ á ghʉ, mmɔʼ mbɔŋ mɛnzhɛ á tsɔ́ʼɔ á mbū meŋ, á lelɔk ŋghʉ̄ á afaʼ mɛ́t.

2 Kɔlɛŋte 4:4

Pɔ́ té mvéŋɛ ŋke mɛ́t ɛ́ melaʼ mīi, Sɛ́ta ndém ŋgɔŋ wuɔ, a lē ŋkápte leghi tsɔ́p, ḿbɔ́k ŋkaʼ yīi é fhɔ́ɔ ánɛ ŋke mbɔŋ, á lekɛʼɛ á wɔ́p. Ŋke mbɔŋ é si mbiŋɛ ntswīi páʼ, shʉ́shɔ́k Klísto a á épúp. Mɛ́ jʉɔ́ á Klísto, ńzhɛ́ á légɛ mɛ́ é jʉ́ɔ á Ndém.

2 Kɔlɛŋte 9:13

Púp, pɔ́ ewūʼ nzwiŋ afaʼ jʉɔ mɛ́t zīi pɛ ghʉɛ, ŋ́gūʼte á Ndém ánɛ páʼ, pɛ kuʼteé ŋke mbɔŋ Klísto. Ńzéŋ ŋgūʼte á yí melaʼ mīi pɛ wɛɛ̄ azō, ŋ́gap ŋgyá azɔ́p, mbɔɔ azi emɔ̄ʼ epuɔ metsem.

Galat 1:7

Meŋ eké eshúŋ á wɛ́, mmɔʼ ŋke mbɔŋ ndɛʼɛ é zi te éwú ú. A cʉ́ʼɛ épúp, mbɔ emɔ̄ʼ epuɔ mé si efāʼa á lemaʼ atāk á nnɔ pɛ, ńnɔŋ ŋkɔ̄ŋɔ á wɔ́p á lekūmne ŋke mbɔŋ yīi é cʉteē á Klísto.

1 Tesalonik 2:13

Amɔ̄ʼ ajū mīi á zéŋɛ ŋghʉ̄ɛ, tɛ́ pek syáknɛ á Ndém té ká, ánɛ athū zɛ́, a ajʉɔ: pɛ le júʼ ashuŋne Ndém, páʼ pek le shúŋ á wɛ́ lā, ŋ́kúʼte á mbɔŋɔ́, pɛ te kuʼté páʼ ashuŋne zīi, á fhɔ́ɔ á mbū ŋiŋnɔŋ lā á, ŋ́kúʼte áa páʼ á ajʉʼ éwú ŋgɔ́ épúp, áshuŋne zīi, á fhɔ́ɔ á mbū Ndém méŋwɛ̄t lā. Ashuŋne mɛ́t, á zém ntá á ntē pɛ wɔ fɛ́‑nnɛ̄t.

1 Timotɛ 1:11

Anu jʉɔ zīi, meŋ zíʼnɛ á wɛ́ la, á fhɔ́ɔ á ntē ŋke mbɔŋ páʼ Ndém a le tsekné á mbū meŋ épúp. Ndém wuɔ mɛ́t, a á ŋiŋ, shʉ́shɔ́k yi á gɔ́ éwú. A naáŋ efʉʼ metsem, á ntē lepɔŋ.

2 Timotɛ 1:12

É melaʼ épúp tɛ́, meŋ jʉ́ɔ ejʉɔ ntií ŋgʉɔ̄ʼ. Esē é ké te si ŋkúu á gá melaʼ épúp ɔ́, melaʼ mīi, meŋ á si nzhɛ́ɛ á ŋiŋ yīi, meŋ ndē efɛ́ nnɛ̄t za ŋgyá á mbū yí. Meŋ á si ncuŋtɛ nzhɛ́ɛ á légɛ, ŋgaŋ a wɛɛ̄ mete, á lelɔk ŋkápte ŋke mbɔŋ, páʼ a le tsekné á mbū meŋ. Ŋ́kápte tɛ ndáʼ ŋkó á aleʼé zīi, a piŋɛ nzem, ŋ́gɔ̄ á nzáʼ ntsaŋ.

2 Timotɛ 1:16

Ŋ́gɛ Atsyapuɔ a elɛ ŋkápte epuɔ metsem pīi, é mba Onezifɔɔ. A kɛ efʉʼ metsem, ńnɔŋ ntúŋnɛ á gá. A te kú esē á mvhɔ epuɔ, ánɛ páʼ meŋ á ŋgyā atʉɛ́ ɛ́.

2 Timotɛ 1:8

Púp, ndɛ́ʼ esē é kú á wú á leshūŋ ajū mīi, o ó si nzhɛ́ɛ ánɛ Atsyapuɔ yímpɛ. Ndɛ́ʼ esē é kú á wú á lelē ŋ́gɛ, o ó si nzhɛ́ɛ á gá, páʼ meŋ á ŋgyā atʉɛ́ melaʼ yí lā. A cʉ́ʼɛ épúp, pɔkɔ ejʉ́ɔ ŋgʉɔ̄ʼ á leghʉ, ŋke mbɔŋ é saŋ ejʉʼ. Pɔkɔ ké nnɔ̄ŋ esáŋa ánɛ mete Ndém.

Eble 4:12

Ashuŋne Ndém á te kwhʉ́, á wɛɛ̄ mbʉʼ, ńdó tɛ ntɔ́k apuʼ yīi, mɛ́ ntsakne meshhʉ̄ mbīa. Á koó á ntē ŋiŋ, tɛ mpfēŋ agega zí, ŋ́gʉɔ tɛ njúʼ akwɛ́, ŋ́gʉɔ tɛ njúʼ epɔŋ. Á tshoneé á ŋiŋ á lelɔk akwaŋte zīi, á ntē yí, ésáŋ tɛ nzhɛ́ ajū mīi, á mbɔŋ á leghʉ.

1 Piɛ 4:16

Ŋiŋ a ké ŋgē ejʉ́ɔ ŋgʉɔ̄ʼ, á gɔ́ melaʼ mīi ŋgaŋ a á ŋiŋ Klísto, ndɛ́ʼ esē é kú á yí. A cʉ́ʼɛ épúp, ŋgaŋ á wuʼte á Ndém melaʼ mīi, mɛ́ é si ntɔ́ŋɔ á yí lɛ ŋiŋ Klísto.