Lomɛŋ 1:14 - Eka Eswhī

¹⁴ Ndém a le tsekné afaʼ á mbū meŋ, á épúp tɛ́ meŋ mbɔŋteé á letswi ŋke mbɔŋ á mbū epuɔ metsem. Á mbū epuɔ pīi é lé zíʼne azhɛ̄‑anu, mbɔɔ á mbū epuɔ pīi, é lɛ te zíʼne. Á mbū epuɔ pīi é lé zíʼne azō, mbɔɔ mbū epuɔ pīi é la zíʼnɛ ɛ́.

Lomɛŋ 1:14 Iomraidhean Croise

Matío 11:25

Yɛɛ́so á ghʉ ndé ŋ́gɛ: «Mɔʼɔ́ ga, Atsyapuɔ, wu yīi, o pɔɔ́ŋ lephū pɔ́ esī atsetsáʼ, meŋ á syákne á wú, páʼ o ke lʉ̄ɔ menu mú, á mbū megaŋ azhɛ̄‑anu mbɔɔ á mbū meghi, ḿbiŋ ntswī á mbū epuɔ pīi, é páʼ ewɔŋkhʉ̄ lā, éwɔ te zhɛ́‑anu.

Lúkási 10:21

Yɛɛ́so a le māk ajʉɔ anu mɛ́t, Azwakne Ndém á ghʉ, ntē yí é gáŋte, á tɔ́ŋ á Ndém ndé ŋ́gɛ: «Mɔʼɔ́ ga, Atsyapuɔ, wu yīi, o pɔɔ́ŋ lephū pɔ́ esī atsetsáʼ, meŋ á syákne á wú, páʼ o ke lʉ̄ɔ menu mú á mbū megaŋ azhɛ̄‑anu, mbɔɔ á mbū meghi, ḿbiŋ ntswī á mbū epuɔ pīi, é páʼ ewɔŋkhʉ̄ lā, éwɔ te zhɛ́‑anu. Ŋŋ me Mɔ́ʼɔ, á gɔ́ épúp páʼā, ŋ́gɔ́ áa páʼ wu mé kɔŋ. »

Mefaʼ Meziŋ-ntō 22:21

Atsyapuɔ á zéŋ ndé á mbū meŋ ŋ́gɛ: “Ké efhó á tésɔŋ ega ntó tó, meŋ méŋwɛ̄t e tó á wú tɛ ŋgia e esāk, á mbū epuɔ pīi, é té epuɔ Yúda á.”»

Mefaʼ Meziŋ-ntō 28:2

Epuɔ alāʼ mɛ́t é pú ŋkókne á wék á mbɔŋɔ́. Ńtswákne á mía mmók, pek eshʉ̄ʉʼ nzók, melaʼ mīi mbeŋ e le nɔ̄ŋ ndúu, efwɔ̄k é piŋ mbú nnɔŋ ŋkúu.

Mefaʼ Meziŋ-ntō 28:4

Epuɔ alāʼ mɛ́t é jʉ́ɔ páʼ nnū e tseŋneé ánɛ apū Pɔ́ɔl, ńdé á tsetsɛlɛ pɔ́p ŋ́gɛ: «Mbaŋa wuɔ a á kwaʼ ŋiŋ yīi, a lé zwhí á ŋiŋ. A á tswɛ́t á lewhʉ̄ á ntē ntshi, ŋ́kɔ́ʼ tɛ ŋkó á ndo ŋgia, Mbʉʼɛ‑Anu yí méŋwɛ̄t á zéŋ te véŋ ŋ́gɛ, a egɔ́ éwú ú.

Mefaʼ Meziŋ-ntō 9:15

Atsyapuɔ á tsɔ́ʼ ŋ́gɛ: «Ké ŋgʉ̄ɔ gʉɔ. Meŋ á tsɔ́ʼ á ŋiŋ mɛ́t ŋ́gɛ, a eghʉ̄ afaʼ zá, ńzéŋ eshúŋ á ŋiŋ yīi meŋ á ewiɛ́, á mbū melāʼ ndɛʼɛ, mbɔɔ á mbū mefɔ pɔ́p, mbɔɔ á mbū epuɔ Islaɛl.

Lomɛŋ 1:22

Pɔ́ le nɔ̄ŋ ŋkwāŋa ŋ́gɛ pɔ́ é megaŋ azhɛ̄‑anu, káʼā, ḿbiŋ ŋgɔ́ áa epia.

Lomɛŋ 11:25

Epɔ̄ memía, meŋ á si ŋkɔ̄ŋɔ ŋ́gɛ, pɛ ezhɛ́ ajū mīi, Ndém a le lʉ̄ɔ̄, tɛ́ a etsīa épúp, pɛ é le pfēŋ á kíkhí ŋ́gɛ, pɛ é si ŋgɔ́ megaŋ azhɛ̄‑anu ú. Azō mɛ́t á lɛ: apak epuɔ Islaɛl pīi, pɔ́ é si ntʉ̄ɛ̄ athū á mbū Ndém lā, pɔ́ e láʼ ete á athū tee, tɛ Ndém a eghʉ̄, epuɔ metsem pīi a le tsɔ́ʼē, é gɔ́ te epuɔ Islaɛl ɛ́, e etswɛ́t.

Lomɛŋ 12:16

Pɛ enáŋ á tsetsɛlɛ pɛ, ŋ́gɔ́ á taʼ nchu. Ndɛ́ʼ pɛ enáŋa ŋŋīa. Pɛ eghʉ̄ áa ajū mīi, á tswii á légɛ, pɛ soʼneé nnɛ̄t zɛ ŋgyá á esī. Ndɛ́ʼ pɛ esáʼ ŋ́gɛ, pɛ é megaŋ azhɛ̄‑anu.

Lomɛŋ 13:8

Ndɛ́ʼ ŋiŋ á wɛ njú á mbū ŋiŋ, té gɔ́ áa ŋkɔŋne. Pɛ ekɔ̄ŋne mennɛ̄t mɛ́ nzeŋne zeŋné. Ŋiŋ yīi, a kɔɔ̄ŋ emɔ̄ʼ epuɔ lā, a á páʼā, ńdɔkɔ ŋkúʼtɛ lepé Ndém tɛ ntséknɛ.

Lomɛŋ 16:19

Epuɔ metsem é si nzhɛ́ɛ páʼ, pɛ juúʼ nchu Atsyapuɔ. A épúp tɛ́, ntē gá é si ŋgáŋtɛ melaʼ mɛ́. Meŋ á si ŋké ntsáa ŋ́gɛ, pɛ ewɛ̄ azhɛ̄‑anu, á lelɔk ŋghʉ̄ anu mbɔŋ, ŋ́gɔ́ efʉʼ metsem, ŋ́kʉ̄ anu tepɔŋ.

Lomɛŋ 8:12

Púp me epɔ̄ memía, ḿpɛ wɛɛ̄ njú. Njú mɛ́t e gɔ́ te á mbū mbe nnɛ̄t, tɛ ŋgɔ́ yīi, ḿpɛ gɔ ezīŋ páʼ, e é si ntshónɛ á yímpɛ ŋ́gɛ, ḿpɛ ezīŋ épúp ɔ́.

1 Kɔlɛŋte 14:11

Ŋiŋ a nɔŋɔ eshúŋnɛ alāʼ zīi, meŋ te si njúʼɔ á mbū meŋ, mbɔ ŋgaŋ a a gɔ́ á mbū meŋ, égɔ́ áa ŋge, meŋ ezéŋ ŋgɔ́ azá á mbū yí, ŋ́gɔ́ áa ŋge.

1 Kɔlɛŋte 14:16

O ge esyákne á Ndém, ńdɔ̄k áa ashuŋne zīi Azwakne Ndém mé néŋ á ntē wu, mé alāʼ zīi ŋiŋ a gɔ le júʼ, mbɔ ŋiŋ yīi, a lɛɛ̄ nnáŋ azí á esī njúʼu, a gɔ le júʼ tɛ ndé ŋ́gɛ: «Á páʼa á», melaʼ mīi a te si njúʼu ashuŋne jú zīi, o lɔkɔ esyáknɛ á Ndém ɛ́.

1 Kɔlɛŋte 2:13

Á épúp, tɛ́ pek ka lɔ̄k á azhɛ̄‑anu zīi, á fhɔ́ɔ á mbū epuɔ menɔŋ, tɛ́ eshúŋ menu mɛ́t ɛ́. Pek é si ndɔ̄kɔ áa ashuŋne zīi, Azwakne Ndém á le yá me pek. Púp, pek é si eshúŋɔ anuúnē zīi, á fhɔ́ɔ á mbū Azwakne Ndém, á mbū epuɔ pīi, Azwakne mɛ́t á ntē pɔ́p.

1 Kɔlɛŋte 3:18

Ndɛ́ʼ ŋiŋ méŋwɛ̄t, á pɔpte mbe nnɛ̄t zi. Ŋiŋ a gɔ́ɔ á tsetsɛlɛ pɛ, ńnɔŋ ŋ́gɛ yí é ŋgaŋ azhɛ̄‑anu, ánɛ ezi ntií epuɔ ŋgɔŋ puɔ, ŋgaŋ á lɛ ncʉ́ʼ áa páʼ apia lā, tɛ́ ndɔk ŋgwɛ̄ á kwaʼ azhɛ̄‑anu.

2 Kɔlɛŋte 10:12

Pek te ŋkwāŋtɛ á wék á letshī á ajʉʼ epuɔ pīi, pɔ́ méŋwɛ̄t é tswii ajū mīi, pɔ́ aziɛ́ ɛ́, ńnɔŋ te efāʼa á lepɛ̄ efʉʼ ánɛ pɔ́p ɔ́. Athū epuɔ mɛ́t á té tshí. Pɔ́ zhɛɛ́ á légɛ, mɛ́ gɔ epɛ́ efʉʼ áa ánɛ pɔ́p, ńzhɛ́ á légɛ, mɛ́ fhoó ánɛ pɔ́p, tɛ́ nzhɛ́ ajū mīi, ŋiŋ a á aziɛ́.

2 Kɔlɛŋte 11:19

Pɛ kwaāŋ ŋ́gɛ athū zɛ́ á éwú, ŋ́ké mbiŋ ŋ́gɔ́ si mvéŋɛ á letswīʼte epia.

Kɔlɔs 3:11

Púp, mɛ́ le zéŋ ŋghʉ̄ á tɛʼte ŋ́gɛ, ŋiŋ Glɛk a awuɔ, ŋiŋ Yúda á gɔ́ ewuɔ ɔ́. Ŋ́gɛ, ŋiŋ yīi mɛ́ lē ntém á yí a awuɔ, ŋiŋ yīi mɛ́ la á yí tém ɛ́, á gɔ́ ewuɔ ɔ́. Ŋ́gɛ, ŋiŋ alāʼ ndɛʼɛ a awuɔ, epuɔ pīi pɔ́ naáŋ páʼ mena mbaʼ lā, é gɔ́ epuɔ ɔ́. Ŋ́gɛ, apuʼ a ajʉɔ, ŋiŋ yīi a naáŋ á ŋga athū yí, á gɔ́ ewuɔ ɔ́. Klísto mé puú ŋgɔ́ ndaʼ mɛgém anu, ńnáŋ á ntē epuɔ metsem pīi, pɔ́ fɛɛ́ nnɛ̄t ŋgyá mé yí.

2 Timotɛ 2:10

Melaʼ épúp tɛ́, meŋ kaka ete mvéŋɛ ŋgʉɔ̄ʼ mɛ́t ntsem, melaʼ epuɔ pīi, Ndém a le tsɔ́ʼē, ŋ́gɛ pɔ́ é epuɔ pí, tɛ́ Yɛɛ́so Klísto a eghʉ̄, pɔ́ etswɛ́t azɔ́p, ńtā á ntē shʉ́shɔ́k á lemiʼɛ, á lezēŋ Ndém.

Tíit 3:3

Á lɛ amɔ̄ʼ afʉʼ, ḿpɛ gɔ́ wɔ ghʉ‑anu té sáŋ, ŋ́gɔ́ wɔ tʉɛ‑athū á mbū Ndém, ńnɔŋ efā nzhɛ. Mbɔ ntií ntiī ekwaŋte, mbɔɔ leziŋ páʼ mbé nnɛ̄t e é si ndʉ́ɛ́, e lē mbú njhʉ́ á yímpɛ. Ḿpɛ nɔŋ nzáa esɔ̄, ńnɔŋ esʉ́ɛ́ etsō epuɔ. Ńnɔŋ ŋghʉ̄ɛ mɛ́ paa á yímpɛ, ńnɔŋ mbānɛ mennɛ̄t mímpɛ.