Lomɛŋ 1:13 - Eka Eswhī

¹³ Epɔ̄ memía, meŋ á si ŋkɔ̄ŋɔ ŋ́gɛ, pɛ ezhɛ́ á légɛ, meŋ ndé zii ŋkwāŋte á gá á leshʉʼ á alāʼ pɛ, táʼ, azō á piŋ mvɛ́ne á gá tɛ ntshí tsetsɔŋɔ. Meŋ nde nɔ̄ŋ ntsáa á gá á leshʉʼ épúp, ŋ́ghʉ̄, afaʼ zá, á zém ntá á alāʼ pɛ azɛ́, ńdeŋ ndeŋ páʼ, á si nzémɛ ntá épúp, á tsetsɛlɛ emɔ̄ʼ melāʼ.

Lomɛŋ 1:13 Iomraidhean Croise

Jáaŋ 12:24

Kwaʼ anuúnē anuúnē, meŋ shúŋɔ á wɛ́ ŋ́gɛ, mvem ŋgesáŋ zīi mɛ́ é phi á atsáʼ, e gɔ́ te kwhʉ́, mbɔ e e gɔ́ áa yíléyī. E piŋɛ ŋkwhʉ́, mbɔ e e sáʼ, ézém emɔ̄ʼ memvem tɛ é záne.

Jáaŋ 15:16

Pɛ mé lɛ te gá kaŋ, meŋ mé le tsɔ́ʼ á wɛ́, ńchʉ́ á wɛ́, ŋ́gɛ pɛ egʉɔ nzém ntá mbɔŋ, ńtá mbɔŋ zīi é náŋa náŋa. Tɛ́ ajūɔ tsem zīi, pɛ é lɔk lezēŋ tsá ndɔ́ á Mɔʼɔ́ ga, a eyá á mbū pɛ.

Jáaŋ 4:36

Efaʼ‑etsō, a á ndáʼ nzī á letswī ntsɔʼɔ́ afaʼ yí, a á si ndāka etsō, ńtáŋa á lezēŋ Ndém. Púp, mbhi‑etsō pɔ́ efaʼa, é si mbúu ŋkáka.

Mefaʼ Meziŋ-ntō 1:15

Á shʉʼ ŋgɔ́ amɔ̄ʼ aleʼé, epuɔ Yɛɛ́so é cúʼte tɛ ŋgɔ́ á ŋiŋnɔŋ ajūɔ ŋkhʉ mé megēm mbīa. Piɛ á pʉ́ʼɛ nnɛ̄t á tsetsɛlɛ pɔ́p, ńdé ŋ́gɛ:

Mefaʼ Meziŋ-ntō 14:27

Ŋ́gʉɔ tɛ ŋkó éwú, ńtɔ́ŋ megaŋ alúŋ epuɔ Yɛɛ́so, éshúŋ á wɔ́p páʼ, leziŋ a ke tɔ́k épúp. Éshúŋ á wɔ́p páʼ Ndém a ke tswitéē, ńtsɔ́ʼ á mɛnzhɛ, epuɔ pīi é té epuɔ Yúda á, é fɛ́ nnɛ̄t ŋgyá á mbū Yɛɛ́so.

Mefaʼ Meziŋ-ntō 15:12

Piɛ á shúŋne épúp, epuɔ metsem é pú ndáŋte, ŋ́gɔ̄ á njúʼ anu zīi Baanabas pɔ́ Pɔ́ɔl é gɔ á eshúŋɔ. Pɔ́ lɛ mbɛ́te eshúŋ á wɔ́p páʼ, pɔ́ ke wúa epuɔ pīi, é té epuɔ Yúda á, Ndém á nɔŋ ntsīa ánɛ pɔ́p, ŋ́ghʉ̄ɛ meŋkʉʼne anu mīi, é tswii mete mí á tsetsɛlɛ pɔ́p.

Mefaʼ Meziŋ-ntō 19:21

Menu muɔ mɛ́t é tɔ́k páʼa, Pɔ́ɔl á wɛ akwaŋte á yí á letɔ̄k ánɛ apak ŋgɔŋ Maseduan pɔ́ Akayi, ŋgʉ̄ɔ mé Yelósalɛm. Ńnɔŋ ndʉ́ɛ́ ŋ́gɛ: «Meŋ shʉʼɛ ŋgʉ̄ɔ tɛ ŋkó éwú, mbɔ á pɔŋ ŋ́gɛ, meŋ egʉ̄ɔ á tésɔŋ Lóma. »

Mefaʼ Meziŋ-ntō 21:19

Pɔ́ɔl á tsaʼte á wɔ́p, ḿbiŋ mbɛ́te á taʼ á taʼ eshúŋ á wɔ́p menu mīi, Ndém a ke tsīa ánɛ mbū mí, ŋ́ghʉ̄ á tsetsɛlɛ epuɔ pīi, é té epuɔ Yúda á.

Mefaʼ Meziŋ-ntō 28:14

Ŋ́kó éwú, ńjʉ́ɔ mmɔʼ epɔ̄ memía, ŋ́gɔ́ epuɔ Yɛɛ́so. Pɔ́ swíŋte á wék ŋ́gɛ pek a pɔ́p e enáʼ nnáŋ. Pek véŋ, pek a pɔ́p é náŋ á taʼ ŋgap. Ewek legʉɔ tɛ ŋkó á tésɔŋ Lóma, a gɔ́ ŋgɔ́ ewuɔ páʼa.

Lomɛŋ 1:12

Anu zīi meŋ ndɔkɔ ndʉ́ɛ́, á si ŋgɔ́ á légɛ, meŋ a shʉʼ eshʉʼe tɛ egɔ́ á tsetsɛlɛ pɛ, ḿpɛ esēmte mennɛ̄t mímpɛ nzeŋne zeŋné. Wɛ́ lefɛ̄ nnɛ̄t, a egē esemte á gá, gá lefɛ̄ nnɛ̄t, a esēmte á wɛ́.

Lomɛŋ 11:25

Epɔ̄ memía, meŋ á si ŋkɔ̄ŋɔ ŋ́gɛ, pɛ ezhɛ́ ajū mīi, Ndém a le lʉ̄ɔ̄, tɛ́ a etsīa épúp, pɛ é le pfēŋ á kíkhí ŋ́gɛ, pɛ é si ŋgɔ́ megaŋ azhɛ̄‑anu ú. Azō mɛ́t á lɛ: apak epuɔ Islaɛl pīi, pɔ́ é si ntʉ̄ɛ̄ athū á mbū Ndém lā, pɔ́ e láʼ ete á athū tee, tɛ Ndém a eghʉ̄, epuɔ metsem pīi a le tsɔ́ʼē, é gɔ́ te epuɔ Islaɛl ɛ́, e etswɛ́t.

Lomɛŋ 7:1

Epɔ̄ memía, anu zīi meŋ gɔ á eshúŋɔ la, meŋ á kwaŋ ŋ́gɛ, pɛ é si nzi nzhɛ́ɛ, pɛ zhɛɛ́ anu ánɛ lepé Mɔɔ́sɛ. Pɛ é si nzhɛ́ɛ á légɛ, lepé é saáʼ á ŋiŋ, áa afʉʼ zīi a zɛɛ́t á ŋgɔŋ.

1 Kɔlɛŋte 1:10

Epɔ̄ memía, meŋ á si ŋké mbiŋɛ esēmtɛ á wɛ́, ánɛ lezēŋ Atsyapuɔ yímpɛ Yɛɛ́so Klísto. Ŋ́gɛ pɛ egɔ́ á taʼ nchu. Ŋ́gɛ ndɛ́ʼ tákátáká, á gɔ́ á tsetsɛlɛ pɛ. Pɛ epú ncʉ́ʼ á taʼ ŋiŋ, ŋ́gɔ́ á taʼ ntē, ŋ́gwɛ̄ á taʼ akwaŋte.

1 Kɔlɛŋte 10:1

Epɔ̄ memía, meŋ á si ŋkɔ̄ŋɔ ŋ́gɛ, pɛ ezéŋ nnáʼ ŋ́kímte anu zīi, á le ghʉ̄ wɔ maŋgānjʉʼ pímpɛ, ŋguʼ Mɔɔ́sɛ. Ndém a le lɔ̄k alɔ ŋkápte á wɔ́p, ŋ́ghʉ̄ pɔ́ metsem é ge etó á mía paŋ ntshi, ńzīŋ á esī ntshi.

1 Kɔlɛŋte 12:1

Epɔ̄ memía, ŋ́gɔ́ ánɛ páʼ Azwakne Ndém á yaá eyi nthū awíɛ awíɛ á lelɔk ŋghʉ̄ mefaʼ Ndém lā, mbɔ meŋ á si ŋkɔ̄ŋɔ ŋ́gɛ, pɛ ecuŋte nzhɛ́ á anuúnē zīi á éwú.

1 Kɔlɛŋte 14:20

Epɔ̄ memía, ndɛ́ʼ pɛ esáŋ menu páʼ mezízí ewɔŋkhʉ̄ lā. Pɛ esáŋ menu páʼ melʉɛ lā. Ŋ́gɔ́ ánɛ mefa, mbɔ pɛ egɔ́ páʼ mezízí ewɔŋkhʉ̄ lā, éwɔ te fa.

1 Kɔlɛŋte 14:26

Epɔ̄ memía, anu zīi meŋ a ge emakne, élé mé pɛ, a ajʉɔ páʼa. Pɛ cúʼtɛ nnɔ̄ŋ ŋgɔ̄ á eswíŋte Ndém, ŋ́gɔ́ éyi, ŋiŋ a gɔ ezɔ̄ɔp ntshi, á zɔp. Ŋ́gɔ́ éyi, ŋiŋ a gɔ eshúŋne, ńdɔk nték epuɔ, á shúŋne. Ŋ́gɔ́ éyi ŋiŋ a tswi ŋke yīi, é fhɔ́ɔ á mbū Ndém, á tswi. Ŋ́gɔ éyi ŋiŋ a gɔ elé anu mé alāʼ zīi, a laá nzíʼne ɛ́, ŋgaŋ á lé. Ŋ́gɔ́ éyi ŋiŋ a gɔ ekɛ́ʼte alāʼ mɛ́t eshúŋ epuɔ, ŋgaŋ á kɛ́ʼte eshúŋ. Ajūɔ tsem a eké ŋgɔ́ áa lelɔk ntswíte á leghʉ, alúŋ epuɔ Yɛɛ́so, á tswiʼne efɛ́ nnɛ̄t, ńdɔk ŋgʉ̄ɔ mé mvhɔ.

1 Kɔlɛŋte 9:2

a piŋɛ ŋgɔ́ éyi á mbū emɔ̄ʼ epuɔ, meŋ gɔ́ te á nziŋ‑ntō ɔ́, mbɔ á mbū pɛ, meŋ ŋké ŋgɔ́ ewiɛ́. Á épúp melaʼ mīi, páʼ pɛ lɛtneē ánɛ Atsyapuɔ lā, pɛ elɔ̄ɔk ŋgɔ́ ayiŋne zīi, á tswii á légɛ, meŋ á nziŋ‑ntō.

2 Kɔlɛŋte 1:8

Epɔ̄ memía, pek é si ŋkɔ̄ŋɔ ŋ́gɛ, pɛ ezhɛ́ ntií ŋgʉɔ̄ʼ zīi, pek le jʉ́ɔ̄, á apak ŋgɔŋ Azíi. Ŋgʉɔ̄ʼ mɛ́t, e le zɛ̄t á wék tɛ ntɔ́k ndhʉ, tɛ pek te zɛ́t ŋkūʼ ɔ́. Ŋ́gɔ́ gɔ́ɔ, tɛ pek te zhɛ́ á légɛ, pek gɔ ezéŋ nnáŋ á ŋgɔŋ ɔ́.

2 Kɔlɛŋte 2:14

Awuʼte a eké ŋgɔ́ á mbū Ndém. A á efʉʼ metsem, ŋ́ghʉ̄ pek gɔ́ á nnɔ wɔ asaʼa‑ndʉɔ́ʼ, Klísto á tshí mvhɔ. A zapaá ánɛ pek, ŋ́ghʉ̄ mɛ́ zhɛ́ á Klísto ejʉʼ tsem, páʼ azík alamńda á jhʉ́ɛ ejʉʼ tsem lā.

Galat 3:15

Epɔ̄ memía, meŋ a pɛ́ efʉʼ ánɛ menu mīi, ḿpɛ é si njʉ́ɔ eleʼé tsem, élɔk ekɛ́ʼte, éshúŋ á wɛ́. Ŋiŋ pɔ́ ŋiŋ é cuŋteē anu á mbɔŋɔ́ tɛ nzyɛ̄t péʼe, ŋ́gɔ́ éyi ŋiŋ a gɔ eshʉ̄ʉʼ mbík anu mɛ́t e? Ŋ́gɔ́ éyi ŋiŋ a gɔ eshʉ̄ʉʼ ntswīʼne anu éwú u?

Galat 6:18

Epɔ̄ memía, ŋ́gɛ Atsyapuɔ yímpɛ Yɛɛ́so Klísto, a elɛ ŋghʉ̄ anu mbɔŋ té ndhʉ ánɛ pɛ, ŋ́gɔ́ mé pɛ efʉʼ metsem. Á páʼa.

Fílíip 1:22

A piŋɛ ŋgɔ́ éyi, meŋ zéŋɛ nnáŋ á ŋgɔŋ, mefaʼ má é tswíte epuɔ, mbɔ á páʼā, meŋ te zɛ́t nzhɛ́ eshhʉ̄ yīi, meŋ a kaŋ á.

Fílíip 4:17

Meŋ ndʉ́ɛ́ páʼa, meŋ te ndɔ̄kɔ ŋ́gɛ, meŋ á si ntshíɛ ntē gá ánɛ ecū mīi, mɛ́ e yá mé meŋ ɛ́. Ajū mīi meŋ á si ntsáa, á gɔ́ áa lɛ, Ndém a elɛ nzápa ánɛ ecū mīi, pɛ gɔ eyá mé meŋ, ńnéŋ mbwɛ́né ánɛ pɛ.

Kɔlɔs 1:10

Púp, ńdɔk nnáŋ páʼ Atsyapuɔ a á si nzɛ́ttɛ. Ŋ́gɔ́ efʉʼ metsem, ŋ́ghʉ̄ ajū mīi, á pɔŋ á yí, e elɔk ŋgɔ́ ntá mbɔŋ zīi, pɛ zémɛ. Ńtswiʼne nzhɛ́ á Ndém, ńdɔk ŋgʉ̄ɔ mé mvhɔ.

Kɔlɔs 1:6

Ŋke mbɔŋ é le shʉ̄ʼ tɛ ŋkó á mbū pɛ, tɛ́ ŋghʉ̄, pɛ ezhɛ́. Ŋke mbɔŋ mɛ́t, é si esāŋa ŋgɔŋ ntsem, ńnɔŋ nzémɛ ntá. É si nzéŋɛ ŋghʉ̄ɛ épúp á tsetsɛlɛ pɛ, tɛ efhó mvhɔ legʉɔ zīi, pɛ le júʼ á leshūŋ menu mbɔŋ té ndhʉ mīi, Ndém a ghʉɛ, ńzéŋ njʉ́ɔ, ḿvéŋ á légɛ é si ŋgɔ́ anuúnē,

1 Tesalonik 2:18

Pek kɛ páʼā, ńnɔŋ ŋkɔ̄ŋɔ á lezēŋ eshʉ̄ʼ njʉ́ɔ á wɛ́, tɛ meŋ Pɔ́ɔl, meŋ zéŋ ntswhī efāʼ tɛ ŋgʉɔ é záne á leshʉʼ, tɛ́ Sɛ́ta á vɛ́ne á wék.

1 Tesalonik 4:13

Epɔ̄ memía, pek é si ŋkɔ̄ŋɔ ŋ́gɛ, pɛ ezhɛ́ anuúnē ánɛ epuɔ Yɛɛ́so pīi, pɔ́ lē ŋkwhʉ́te, ḿbɔ́k á wɛ́ á lenāŋ á ntē lemek, páʼ emɔ̄ʼ epuɔ pīi, é té si nzwíʼtɛ azō ɔ́ lā.

2 Tesalonik 2:7

Á páʼa ndɔkɔ ŋ́gɛ, ŋiŋ yīi a lʉɔnɛ ŋghʉ̄ɛ, tɛ́ mɛ́ té nzɛ́t nzīŋɛ ánɛ mekhu Ndém ɛ́, a á ndáʼ ŋgɔ́ si ŋghʉ̄ɛ azí afaʼ. Á ké ŋgɔ́ áa lɛ, ŋiŋ yīi a wɛɛ̄ á yí tɛ ntshí tsetsɔŋɔ, a a láʼ egɔ́ mbaʼne paʼne, a eghʉ̄ afaʼ mɛ́t esa saá.

2 Timotɛ 4:17

Pɔ́ le wáʼ á gá páʼā, Atsyapuɔ á ké nnɔ̄ŋ ntɔ́tɛ á gá, éfho á nchu mena nzwi, ésāʼ á gá. Ŋ́gyá á gá mete á lelɔk ntswī ŋke yí, páʼ mɛ́ pɔŋteé á letswi épúp. Meŋ tswīi épúp, tɛ epuɔ metsem pīi, é té epuɔ Yúda á, é júʼ.