Lomɛŋ 1:12 - Eka Eswhī

¹² Anu zīi meŋ ndɔkɔ ndʉ́ɛ́, á si ŋgɔ́ á légɛ, meŋ a shʉʼ eshʉʼe tɛ egɔ́ á tsetsɛlɛ pɛ, ḿpɛ esēmte mennɛ̄t mímpɛ nzeŋne zeŋné. Wɛ́ lefɛ̄ nnɛ̄t, a egē esemte á gá, gá lefɛ̄ nnɛ̄t, a esēmte á wɛ́.

Lomɛŋ 1:12 Iomraidhean Croise

Mefaʼ Meziŋ-ntō 11:23

Á gʉɔ tɛ ŋkó éwú, ńjʉ́ɔ páʼ Ndém a ke tswī apɔŋɔ́ ntē te ndhʉ ánɛ epuɔ mɛ́t, ŋgɔŋ é pɔŋ á yí, á semte á wɔ́p ŋ́gɛ, pɔ́ etswiʼne ndɔ̄k á taʼ ntē, ńdɛ̄tne ánɛ Atsyapuɔ Yɛɛ́so.

Lomɛŋ 1:11

Ńdɔ́ɔ épúp melaʼ mīi, ntē gá si ŋkhʉ́nɛ á lejʉ̄ɔ á wɛ́, ŋ́ghʉ̄, Azwakne Ndém á yá á wɛ́ ndémndēm, ajū mīi á ghʉ pɛ etēte ánɛ lefɛ̄ nnɛ̄t.

Lomɛŋ 1:13

Epɔ̄ memía, meŋ á si ŋkɔ̄ŋɔ ŋ́gɛ, pɛ ezhɛ́ á légɛ, meŋ ndé zii ŋkwāŋte á gá á leshʉʼ á alāʼ pɛ, táʼ, azō á piŋ mvɛ́ne á gá tɛ ntshí tsetsɔŋɔ. Meŋ nde nɔ̄ŋ ntsáa á gá á leshʉʼ épúp, ŋ́ghʉ̄, afaʼ zá, á zém ntá á alāʼ pɛ azɛ́, ńdeŋ ndeŋ páʼ, á si nzémɛ ntá épúp, á tsetsɛlɛ emɔ̄ʼ melāʼ.

Lomɛŋ 15:24

meŋ á jʉ́ɔ ŋ́gɛ, meŋ a shʉʼ enɔŋ egʉɔ mé alāʼ epuɔ Apaŋyáŋ, éshʉʼ á alāʼ pɛ. Meŋ á si ntsáa á gá á leshʉʼ ŋgē egʉɔ mé éwú, ńtsia tɛ njʉ́ɔ á wɛ́, pɛ emāʼ mvēŋ ánɛ meŋ, ńdɔk ntswíte á gá á legʉɔ tɛ ŋkó éwú. Mbɔ meŋ á jhʉ́ apɛ ánɛ páʼ, ḿpɛ é náʼ nnáŋ.

Lomɛŋ 15:32

Púp, ŋ́gɔ́ éyi, Ndém a véŋɛ, meŋ shʉ̄ʉʼ á alāʼ pɛ, ŋ́gē eshʉʼe, ntē gá é nɔŋ ŋgáŋtɛ. Meŋ enáʼ eswíte á alāʼ pɛ.

2 Kɔlɛŋte 7:13

Á si ŋgɔ́ ajū mīi, á le ghʉ̄ʉ̄, ntē wék é swíte. Ntē wék é lɛ te swíte ndaʼ á, é le zéŋ mbúu ŋgáŋte páʼ, pek le jʉ́ɔ̄, Tíit á nɔŋ ŋkáka melaʼ mīi, pɛ metsem é le pú eswíte ntē yí.

Efɛze 4:5

Atsyapuɔ a gɔ́ áa taʼ. Lefɛ̄ nnɛ̄t ŋgyá á mbū yí, á zéŋ ŋgɔ́ á taʼ ntií. Mɛ́ le nōʼ á yímpɛ á ntshi, áa ánɛ lezēŋ taʼ ŋiŋ.

2 Timotɛ 1:4

Meŋ á si kímtɛ páʼ pɔkɔ le gē efakne, meŋ egʉ̄ɔ, o elāa épúp. Meŋ á si ntsáa á gá á lezēŋ njʉ́ɔ á wú tɛʼ, ntē gá é pú ŋgáŋte.

Tíit 1:4

Meŋ tíi páʼa, á mbū wu Tíit, kwaʼ méŋ ga, á nzem Yɛɛ́so, á ŋiŋ yīi pɔkɔ fɛɛ́ nnɛ̄t ŋgyá á mbū yí. Ŋ́gɛ Ndém Mɔʼɔ́, mbɔɔ Yɛɛ́so Klísto Ŋghʉɛ‑mɛ́‑tswɛ́t, e elɛ ŋghʉ̄ anu mbɔŋ té ndhʉ, á mbū wu, ŋ́ghʉ̄ o enáŋ mé apwɛne.

2 Piɛ 1:1

Meŋ Simɔŋ Piɛ, ŋ́gɔ́ á ŋgaŋ afaʼ Yɛɛ́so Klísto, ńzéŋ ŋgɔ́ á nziŋ‑ntō yi, mé tíi akɛtte jʉɔ páʼa. Ńtíi á mbū epuɔ pīi, é lē efɛ́ nnɛ̄t ŋgyá á mbū Yɛɛ́so, páʼ pek lā. Lefɛ̄ nnɛ̄t ŋgyá mé Yɛɛ́so, á azō ntē nzwiŋ tɛʼ, á mbū pɛ, mbɔɔ á mbū pek. Yɛɛ́so Klísto mé le ghʉ̄ épúp ánɛ pímpɛ, melaʼ mīi, a lɔɔ̄k á ndeŋ ndeŋ, tɛ́ ŋghʉ̄ azō ánɛ awíɛ awíɛ. A á Ndém yímpɛ, ńzéŋ ŋgɔ́ á Ŋghʉɛ‑mɛ́‑tswɛ́t.

2 Jáaŋ 1:4

Ŋgɔŋ ke pɔ̄ŋ á gá tɛʼ, á lejʉ̄ɔ emɔ̄ʼ ewɔŋkhʉ̄ pú, á leziŋ ánɛ mekhu Ndém, ńdeŋ ndeŋ páʼ, a le tswī á mbū pímpɛ épúp.

Zwide 1:3

Mepɔŋ mesoó pá, meŋ ke nɔ̄ŋ mbúu ntsáa tɛʼ, á gá á letī á mbū pɛ, ńdɔk eshúŋ á wɛ́ anu, ánɛ páʼ Ndém a a láʼ eghʉ, ḿpɛ metsem e epú ntswɛ́t. Meŋ á piŋ njʉ́ɔ ŋ́gɛ, á mbɔŋ á gá á letī ndɔ̄k ntswíʼte á wɛ́ á lelʉɔ̄ʼ, tɛ amɔ̄ʼ anu ndɛʼɛ, á le tswīʼne ánɛ anu Ndém, páʼ Yɛɛ́so a le ziʼné á mbū pímpɛ epuɔ Ndém, ḿpɛ pīiŋ mbɔ́ŋte á lekūʼte ɛ́. Anu mɛ́t á gɔ́ áa zɛ́mɔʼɔ́, ŋiŋ á piŋ te pɔŋté á lelāʼ aleʼé, ńtswīʼne amɔ̄ʼ éwú ú.