Lomɛŋ 1:11 - Eka Eswhī

¹¹ Ńdɔ́ɔ épúp melaʼ mīi, ntē gá si ŋkhʉ́nɛ á lejʉ̄ɔ á wɛ́, ŋ́ghʉ̄, Azwakne Ndém á yá á wɛ́ ndémndēm, ajū mīi á ghʉ pɛ etēte ánɛ lefɛ̄ nnɛ̄t.

Lomɛŋ 1:11 Iomraidhean Croise

Mefaʼ Meziŋ-ntō 16:5

Melúŋ epuɔ Yɛɛ́so mɛ́t, é nɔŋ ntswīʼnɛ efíɛ́ nnɛ̄t ŋgyáa á mbū Yɛɛ́so, ńdɔkɔ ŋgʉ̄ɔ mé mvhɔ. Nnɔ wɔ́p é zéŋ nnɔ̄ŋ ntswīʼnɛ eleʼé tsem.

Mefaʼ Meziŋ-ntō 19:21

Menu muɔ mɛ́t é tɔ́k páʼa, Pɔ́ɔl á wɛ akwaŋte á yí á letɔ̄k ánɛ apak ŋgɔŋ Maseduan pɔ́ Akayi, ŋgʉ̄ɔ mé Yelósalɛm. Ńnɔŋ ndʉ́ɛ́ ŋ́gɛ: «Meŋ shʉʼɛ ŋgʉ̄ɔ tɛ ŋkó éwú, mbɔ á pɔŋ ŋ́gɛ, meŋ egʉ̄ɔ á tésɔŋ Lóma. »

Mefaʼ Meziŋ-ntō 19:6

Pɔ́ɔl á zápa mbū á athū pɔ́p, Ndém á lɛ nnéŋ Azwakne zí ánɛ pɔ́p. Pɔ́ lɛ nzī á leshūŋne melāʼ ndɛʼɛ, ńzéŋ nnɔŋ eshúŋɔ ajū mīi, Ndém mé shúŋ á wɔ́p.

Lomɛŋ 1:12

Anu zīi meŋ ndɔkɔ ndʉ́ɛ́, á si ŋgɔ́ á légɛ, meŋ a shʉʼ eshʉʼe tɛ egɔ́ á tsetsɛlɛ pɛ, ḿpɛ esēmte mennɛ̄t mímpɛ nzeŋne zeŋné. Wɛ́ lefɛ̄ nnɛ̄t, a egē esemte á gá, gá lefɛ̄ nnɛ̄t, a esēmte á wɛ́.

Lomɛŋ 15:23

Á ké mbīŋ ŋgɔ́ tsetsɔŋɔ páʼā, mbɔ meŋ á mak afaʼ zá ánɛ elāʼ tsīi, é eshhʉ̄ ega. Páʼ á gɔ́ meŋguʼ tɛ nzáne, meŋ nɔ̄ɔŋ ntsáa á gá á leshʉʼ á alāʼ pɛ lā,

Lomɛŋ 15:29

Meŋ á si ncuŋtɛ nzhɛ́ɛ á légɛ, meŋ a shʉʼ eshʉʼ tɛ ekó á alāʼ pɛ, mbwɛ́né zīi é fhɔ́ɔ á mbū Klísto, e efūʼte ánɛ pɛ.

Lomɛŋ 15:32

Púp, ŋ́gɔ́ éyi, Ndém a véŋɛ, meŋ shʉ̄ʉʼ á alāʼ pɛ, ŋ́gē eshʉʼe, ntē gá é nɔŋ ŋgáŋtɛ. Meŋ enáʼ eswíte á alāʼ pɛ.

Lomɛŋ 16:25

Awuʼte a egɔ́ á mbū Ndém. Yí mé kuūʼ á leghʉ, lefɛ̄ nnɛ̄t wɛ á tswhí ŋgʉ̄ɔ mé mvhɔ, páʼ ŋke mbɔŋ yīi, meŋ tswii, é si ndʉ́ɛ́ épúp. Ŋ́ke yīi meŋ sáʼa eshúŋɔ epuɔ ánɛ Yɛɛ́so Klísto. Ńzéŋ ŋkūʼ á leghʉ, lefɛ̄ nnɛ̄t wɛ á tswhí ŋgʉ̄ɔ mé mvhɔ, páʼ ntsem zīi, Ndém a le sīā, ŋ́ghʉ̄ ḿpɛ zhɛ́, e leé épúp. Ntsem mɛ́t, Ndém a le lʉɔ̄ tɛ efhó tɛ meŋguʼ meŋguʼ.

2 Kɔlɛŋte 1:15

Meŋ nde nɔ̄ŋ ncuŋtɛ nzhɛ́ɛ épúp, akwaŋte mɛ́t á tshóne á gá, meŋ nɔ̄ŋ ŋkɔ̄ŋɔ á gá á lezi mvhɔ, éshʉ̄ʼ á alāʼ pɛ, ŋgɔŋ é zéŋ mbɔ̄ŋ á wɛ́ mmɔʼ legʉɔ,

2 Kɔlɛŋte 1:21

Ndém mé le tsɔ́ʼ á yímpɛ, ńdɔk ŋghʉ̄ epuɔ pí, yí mé si ŋghʉ̄ɛ pek mbɔɔ pɛ, é kúʼtɛ á Klísto mé taʼ ntē.

2 Kɔlɛŋte 11:4

Meŋ ndʉ́ɛ́ páʼa, melaʼ mīi awɔ́ ŋiŋ lɛ́, a lɛɛ̄ eshʉʼ á mbū pɛ, éshúŋ á wɛ́ menu ndɛʼɛ ánɛ Yɛɛ́so, é gɔ́ te emi, pek le shúŋ á wɛ́ ɛ́, pɛ véŋ veéŋ. Ńnɔŋ ŋgyáa á wɛ́ azwakne ndɛʼɛ, á gɔ́ te Azwakne Ndém ɛ́. Ńnɔŋ ntswīi mmɔ̄ʼ ŋke á mbū pɛ, é té gɔ́ ŋke mbɔŋ yīi, pek le tswī á mbū pɛ ɛ́, pɛ véŋ veéŋ.

2 Kɔlɛŋte 9:14

A egɔ́ épúp, pɔ́ enáŋa eswíŋtɛ á Ndém á athū pɛ, ńdɔk ntswī á légɛ pɔ́ kɔɔ̄ŋ á wɛ́, éghʉ épúp, melaʼ nda‑jʉ́ɔ apɔŋɔ́ ntē te ndhʉ zīi, Ndém a wɛɛ̄ ánɛ pɛ.

Fílíip 1:8

Ndém a á si nzhɛ́ɛ páʼ, á anuúnē á légɛ, meŋ kɔɔ̄ŋ á wɛ́ metsem tɛʼ, mé ŋkɔŋne zīi Yɛɛ́so Klísto a le néŋ á ntē meŋ.

Fílíip 2:26

A ke nɔ̄ŋ mbúu eshʉ́ɛ́ tɛʼ, á lezēŋ njʉ́ɔ á wɛ́ metsem. Á piŋ nnɔ̄ŋ ŋgēnɛ á yí, páʼ pɛ ke júʼ á légɛ, a á si ŋgɔ̄ɔ.

Fílíip 4:1

Púp me epɔ̄ memía pīi, é teē nzwiŋ, páʼ pɛ lɛtneē ánɛ Atsyapuɔ lā, ndɛ́ʼ pɛ eká á lejūʼ nchu yí. Meŋ á si ntsáa tɛʼ, á lezēŋ njʉ́ɔ á wɛ́. Ntē gá é si ndētɛ tɛ́ʼ, melaʼ mīi pɛ é si ŋgɔ́ ayiŋne mefaʼ mbɔŋ mīi, meŋ ke ghʉ̄ʉ̄, á wɛ́ megaŋ ŋkɔŋ pá.

1 Tesalonik 3:13

Ŋ́gɛ a lɛ ŋghʉ̄, mentē mɛ́ e eŋímne nnáŋ té pɔ́k, tɛ ŋgɔ́ yīi Ndém a gɔ le wɛ́ laʼ. Ŋ́ghʉ̄, pɛ egɔ́ té alɔ́ʼ, á mvhɔ Mɔʼɔ́ yímpɛ Ndém, áleʼé zīi, Atsyapuɔ yímpɛ Yɛɛ́so, a piŋɛ nzem pɔ́ a mecɔʼ pí metsem. [Á épúp].

1 Tesalonik 3:2

ńtó á méŋ mɔ́ yímpɛ Timotɛ á mbū pɛ. Timotɛ wuɔ mɛ́t, pɔ́ Ndém mé si ŋghʉ̄ɛ afaʼ, á letswi ŋke mbɔŋ ánɛ Klísto á mbū epuɔ menɔŋ. Pek túɔ́ á yí épúp, ŋ́gɛ a eshʉʼ esēmte á wɛ́, ŋ́ghʉ̄, lefɛ̄ nnɛ̄t wɛ a etswhí ŋgʉ̄ɔ mé mvhɔ.

2 Tesalonik 2:17

Ŋ́gɛ pɔ́ elɛ nnéŋ azaŋne á ntē pɛ, ńtswíte á wɛ́ á leghʉ mefaʼ mbɔŋ, mbɔɔ leshūŋ ashuŋne mbɔŋ.

2 Tesalonik 3:3

Atsyapuɔ a á te sɛt‑nzem, a eghʉ̄, pɛ eŋímne nnáŋ té pɔ́k, ŋ́kápte á wɛ́, tɛ Efɔ menu tepɔŋ a á le á wɛ́ mé azō ghʉ.

Eble 13:9

Ndɛ́ʼ pɛ ecʉ́ʼ mɛ́ lɔk á ntií ntiī menu eswhī mīi, mɛ́ zíʼnɛ á wɛ́ ánɛ Ndém, ŋ́ghʉ̄, pɛ efāa nzhɛ. Mɛ́ é si nzíʼnɛ á wɛ́ ŋ́gɛ, etsō lejhʉ̄ é gɔ eghʉ̄ʉ, ŋiŋ á tete ánɛ mɛnzhɛ Ndém. Epuɔ pīi pɔ́ kuʼteé anu jʉɔ mɛ́t, pɔ́ la amɔ̄ʼ apɛ éwú jhʉ́ ɛ́. Ndém a lɔɔ̄k apɔŋɔ́ ntē te ndhʉ zí tɛ́ ŋghʉ̄, ŋiŋ á tete ánɛ mɛnzhɛ yi.

1 Piɛ 5:10

Pɛ e jʉ́ɔ ŋgʉɔ̄ʼ épúp, áa méŋ afʉʼ, Ndém, a eghʉ̄ akʉ̄ɛ akʉ̄ɛ a ezéŋ mbīŋ á menaŋá yí. A á Ŋghʉɛ‑anu‑mbɔŋ‑té ndhʉ. Yí mé le zapá ánɛ Klísto, ńtɔ́ŋ á wɛ́ nnéŋ á ntē te mi shʉ́shɔ́k yi. Ḿpfēŋ ndo zɛ. Pɛ echʉ́ nnɛ̄t ntēte ánɛ mɛnzhɛ wɛ, tɛ ŋgɔ́ yīi, amɔ̄ʼ azō á gɔ le zéŋ á wɛ́ ŋghʉ̄ ɛ́.

1 Piɛ 5:12

Méŋ atsém akɛtte wuɔ mɛ́t, a á páʼa, mbɔ Silvɛŋ mé ntswíte á gá á letī á mbū pɛ. A á si ŋgɔ́ á méŋ mɔ́ ga á nzem Klísto. Ŋ́gɔ́ á ŋiŋ yīi, mɛ́ gɔ etém nzem ŋgyá á mbū yí. Meŋ á ntíi, ńdɔkɔ ŋgyáa á wɛ́ ŋgate, ńzéŋɛ ndɔkɔ ŋkɛ́ʼtɛ eshúŋɔ á wɛ́ páʼ, Ndém a ghʉʉ̄ anu mbɔŋ té ndhʉ épúp, ánɛ pímpɛ. Pɛ echʉ́ nnɛ̄t ŋkúʼte épúp, ńdɔk nnáŋ.

2 Piɛ 1:12

Á páʼa ŋgɔ́ ajū mīi á ghʉɛ, meŋ ndáʼa nzóko ŋkímtɛ á wɛ́ menu muɔ mɛ́t. Tɛ mbɔɔ páʼ pɛ é si nzi nzhɛ́ɛ, ńnɔŋ ŋkúʼtɛ anuúnē, páʼ mɛ́ le ziʼné á wɛ́.