Lomɛŋ 1:10 - Eka Eswhī

¹⁰ Ŋ́gɔ́ efʉʼ metsem yīi, meŋ á si eswíŋtɛ á yí, ńnɔŋ ndɔ́ɔ ŋ́gɛ, a elɛ ntsɔ́ʼ nzhɛ ánɛ lekɔŋ yi, meŋ eshʉ̄ʼ á alāʼ pɛ, ŋ́gúa á wɛ́.

Lomɛŋ 1:10 Iomraidhean Croise

Mefaʼ Meziŋ-ntō 18:21

Pɔ́ a pɔ́p é ge efakne, á lé á mbū pɔ́p ŋ́gɛ: «Ndém a shʉʼɛ mvéŋ, mbɔ meŋ a zéŋ eshʉʼ ecʉte á wɛ́. » Ńdé épúp, ŋ́kó á mɛtúa ntshi, ńdɛ efhó á Efɛze ŋgʉ̄ɔ.

Mefaʼ Meziŋ-ntō 19:21

Menu muɔ mɛ́t é tɔ́k páʼa, Pɔ́ɔl á wɛ akwaŋte á yí á letɔ̄k ánɛ apak ŋgɔŋ Maseduan pɔ́ Akayi, ŋgʉ̄ɔ mé Yelósalɛm. Ńnɔŋ ndʉ́ɛ́ ŋ́gɛ: «Meŋ shʉʼɛ ŋgʉ̄ɔ tɛ ŋkó éwú, mbɔ á pɔŋ ŋ́gɛ, meŋ egʉ̄ɔ á tésɔŋ Lóma. »

Mefaʼ Meziŋ-ntō 21:14

Páʼ pek lɛ te kūʼ á leshūŋ tɛ á júʼ á azék ɛ́ lā, pek te zéŋ á yí ndʉ̄tɛ ɛ́, ńcʉ́ʼɛ ndʉ́ɛ́ ŋghʉ̄ɛ áa lɛ, ajū mīi Atsyapuɔ a á kɔŋ, a egɔ́ ŋghʉ ghʉʉ.

Lomɛŋ 15:29

Meŋ á si ncuŋtɛ nzhɛ́ɛ á légɛ, meŋ a shʉʼ eshʉʼ tɛ ekó á alāʼ pɛ, mbwɛ́né zīi é fhɔ́ɔ á mbū Klísto, e efūʼte ánɛ pɛ.

1 Kɔlɛŋte 1:1

Meŋ Pɔ́ɔl, mbɔ Ndém a le tsɔ́ʼ á gá ánɛ lekɔŋ yi, ŋ́gɛ, meŋ ecʉ́ʼ á nziŋ‑ntō Yɛɛ́so Klísto, mbɔɔ méŋ mɔ́ yímpɛ Sostɛn, mé tíi akɛtte jʉɔ.

1 Kɔlɛŋte 4:19

Táʼ, Ndém a véŋɛ, mbɔ meŋ te ezéŋ enáŋ á gá á leshʉʼ á alāʼ pɛ ɛ́. Éké le shʉ̄ʼɛ épúp, ŋ́gɔ̄ á njʉ́ɔ páʼ megaŋ leŋia puɔ mɛ́t, é zhɛɛ́ á leshūŋne épúp ɔ́, éshʉ̄ʼɛ épúp, ŋ́gɔ̄ áa njʉ́ɔ, kɛ pɔ́ zeéŋ nzhɛ́ á leghʉ amɔ̄ʼ ajūɔ ndɛʼɛ lɛ̄ɛ.

Fílíip 4:6

Ndɛ́ʼ pɛ epú ndā nnɛ̄t ánɛ amɔ̄ʼ azō, a cʉ́ʼɛ épúp, mbɔ pɛ tshíɛ ánɛ akɔ̄ anu lɛ́, pɛ elɔ̄ɔk aswiŋte, ńdɔ́ á Ndém ajū mīi á mbū pɛ ŋkíŋɛ, ŋ́gē elɔ́ épúp, ésyákne á yí, ḿbúʼ mbū ŋ́gɛ, a etswíte á wɛ́.

1 Tesalonik 2:18

Pek kɛ páʼā, ńnɔŋ ŋkɔ̄ŋɔ á lezēŋ eshʉ̄ʼ njʉ́ɔ á wɛ́, tɛ meŋ Pɔ́ɔl, meŋ zéŋ ntswhī efāʼ tɛ ŋgʉɔ é záne á leshʉʼ, tɛ́ Sɛ́ta á vɛ́ne á wék.

Filemɔŋ 1:22

Amɔ̄ʼ azō á esī zīi, meŋ a zéŋ ezɛ́tte á wú. Lɛ ncūŋte á taʼ lewup ŋgyā yīi, meŋ a shʉʼ enáŋ éwú. Meŋ á kwaŋ ŋ́gɛ, Ndém a a júʼ meswiŋte mɛ́, éghʉ, mɛ́ efók á gá á ŋgyā atʉɛ́, meŋ eshʉʼ njʉ́ɔ á wɛ́.

Eble 13:19

Meŋ á si nzɛ́ttɛ á wɛ́ ntsaŋne tsaŋne ŋ́gɛ, pɛ eswíŋte á Ndém, á véŋ, meŋ ekūuʼ á lezēŋ ŋgákne mbīŋ nzem ntswɛ́tte á wɛ́.

Jáak 4:15

Á gɔ́ éyi, a ke gɔ́ pɛ elé ŋ́gɛ: «Atsyapuɔ Ndém a véŋɛ, pek enáŋ á ŋgɔŋ, ŋ́gʉɔ ŋghʉ̄ á ajʉɔ ká á azi. »