Jáak 1:3 - Eka Eswhī

³ melaʼ mīi, azō á nɔɔ̄ŋ nzwíʼɛ á wú, o ezɛ́t efíɛ́ nnɛ̄t ŋgyáa áa mbū Klísto páʼā, ńtswiʼne ntēte ánɛ lefɛ̄ nnɛ̄t mɛ́t.

Jáak 1:3 Iomraidhean Croise

Lúkási 21:19

Pɛ ekāk ete, tɛ́ ndáʼ ŋgɔ́ éwú. »

Lomɛŋ 15:4

Ajūɔ tsem zīi mɛ́ le tí á ntē aŋwaʼne Ndém, tɛ efhó tɛ efʉʼ, mɛ́ le tíī, ńdɔkɔ ntékɛ á yímpɛ, tɛ́ ḿpɛ ezápa ánɛ menu mīi mɛ́ le tí á ntē aŋwaʼne mɛ́t, ŋ́kāk ete, ŋ́kwɛ́t ntē ndɔk nzwíʼte ajū mīi, ḿpɛ é si ntsáa, ńnɔŋ nzhɛ́ɛ á légɛ, ḿpɛ e láʼ ewɛ.

Lomɛŋ 2:7

A a láʼ eghʉ, epuɔ pīi pɔ́ kaāk ete, ŋ́ghʉ̄ menu mbɔŋ, ńdɔkɔ efāʼa ŋ́gɛ, a ekím lezēŋ tsɔ́p á mbɔŋɔ́, ńdɔkɔ efāʼa ŋ́gɛ, a ekɔ̄ŋte á wɔ́p, ńdɔkɔ efāʼa á legɔ̄ le fú ŋkwhʉ́, ŋ́kó ŋkwhʉ́ ɛ́, e etā á lezēŋ yí.

Lomɛŋ 8:25

Ḿpɛ veéŋ ŋ́gɛ, ḿpɛ é wɛ ajū mīi, ḿpɛ zɛɛ́t te jʉ́ɔ páʼā, ńdɔkɔ nzwíʼtɛ azō mɛ́t té ká.

Lomɛŋ 8:28

Ḿpɛ é si ŋké nzhɛ́ɛ á légɛ, Ndém a ghʉʉ̄, ajūɔ tsem a láʼ mmakne áa mbɔŋɔ́, á mbū epuɔ pīi é kɔɔ̄ŋ á yí, épuɔ pīi, a le kɔ̄ŋ ntɔ́ŋ á wɔ́p, ńdɔk ŋghʉ̄ epuɔ pí.

2 Kɔlɛŋte 4:17

Ŋgʉɔ̄ʼ zīi pek é tsetsɔŋɔ njʉ́ɔ, e puú te kūʼ azō, ánɛ mía mía tee nzwiŋ shʉ́shɔ́k te mi yīi, ŋgʉɔ̄ʼ jʉɔ mɛ́t, e cuŋtɛ á mbū pek ɛ́.

Kɔlɔs 1:11

Pek é si eswíŋtɛ á yí ŋ́gɛ, a elɛ ndɔ̄k á mía mía mete mí, ŋ́ghʉ̄ pɛ etēte ánɛ meshhʉ̄ ntsem, tɛ́ ndɔk ŋkūʼ á wɛ́ á lekwɛ̄t ntē, ŋ́kāk ete ánɛ ajūɔ tsem. Pɛ elɔ̄k lekāk,

2 Tesalonik 1:4

tɛ pek nɔŋ ndɔ̄kɔ á wɛ́ ŋkāʼtɛ, á tsetsɛlɛ elúŋ epuɔ Ndém. Éfhó ánɛ wɛ́ á lekak ete, ńdɔk ŋgʉ̄ɔ mé mvhɔ, ńzéŋ efhó ánɛ ntií zīi, pɛ fɛɛ́ nnɛ̄t épúp, á afʉʼ zīi mɛ́ é si ndʉɔ́ʼɔ á wɛ́, mbɔɔ afʉʼ zīi, mɛ́ é si ndɔ̄kɔ á ntií ntiī ŋgʉɔ̄ʼ, éswɛ́tɛ á wɛ́.

2 Tesalonik 3:5

Ŋ́gɛ Atsyapuɔ, a elɛ ntsāŋ á wɛ́, á letswiʼne ŋkɔ̄ŋ á Ndém. Ńtswíte á wɛ́ á lekwɛ̄t ntē ánɛ ŋgʉɔ̄ʼ, páʼ Klísto lā.

Eble 10:36

Á si nzɛ́ttɛ á wɛ́ á lekak ete, tɛ́ ndɔk ŋghʉ̄ ajū mīi, Ndém a á si ŋkɔ̄ŋɔ, a etsīa épúp, pɛ ewɛ̄ ajū mīi, Ndém a le laʼnē á mbū pɛ.

Eble 12:1

Ŋ́gɔ́ mé pímpɛ, mbɔ ḿpɛ é si nzhɛ́ɛ atʉtʉ epuɔ jʉɔ mɛ́t zīi, á le fɛ́ nnɛ̄t ŋgyá á mbū Ndém. Púp, ḿpɛ epú ŋgwáʼ ajūɔ tsem zīi, á gɔ evɛ́ne á yímpɛ, á leziŋ ánɛ mɛnzhɛ lefɛ̄ nnɛ̄t ŋgyá á mbū Ndém, ńdʉɔ́ʼte mefa páʼ, é efʉʼ metsem, ŋ́kɔ̄ŋ á lejhʉ̄ á yímpɛ lā. Ŋ́kāk ete, ńdɔ̄k á lekʉte yīi, Ndém a le tsekné á mbū pímpɛ, ŋ́gʉɔ tɛ nzōko.

Eble 6:12

Púp, ndɛ́ʼ pɛ eká, á cʉ́ʼɛ épúp, pɛ efʉ̄ʼne epuɔ pīi, pɔ́ le fɛ́ nnɛ̄t ŋgyá á mbū Ndém, ŋ́kāk ete, Ndém á yá á wɔ́p ajū mīi, a le laʼnē á mbū pɔ́p.

1 Piɛ 1:7

Pɛ e jʉ́ɔ ŋgʉɔ̄ʼ mɛ́t épúp, tɛ́ mɛ́ ejʉ́ɔ kɛ pɛ zi ŋkwāʼ efɛ́ nnɛ̄t ŋgyá á mbū Yɛɛ́so lɛ́ɛ. Wɛ́ lefɛ̄ nnɛ̄t ŋgyá á mbū Yɛɛ́so, a teē nzwiŋ ntɔ́k á gɔ́ɔl. Mɛ́ gē ezhɛ́ á gɔ́ɔl mbɔŋ, ńtɔ̄ á yí á mmók. Á piŋ ŋké efú ndáʼ ḿbék péke. Ndém a a láʼ efhó ánɛ wɛ́ á lefɛ̄ nnɛ̄t ŋgyá á mbū Yɛɛ́so, tɛ́ ekɔ́ʼne nzwiŋ wɛ́, tɛ́ ewuʼte á wɛ́, tɛ́ eghʉ mekuʼ mɛ́, á aleʼé zīi, Yɛɛ́so Klísto yí méŋwɛ̄t, a ghʉɛ mɛ́ zhɛ́ɛ á yí.

2 Piɛ 1:6

Éshʉ̄ʼ ánɛ lezhɛ̄ ajū mīi Ndém a á si ŋkɔ̄ŋɔ, ńtswīʼne á lekūʼte mbe nnɛ̄t zɛ. Eshʉ̄ʼ ánɛ lekūʼte mbe nnɛ̄t, ńtswīʼne á lesek ntē. Éshʉ̄ʼ ánɛ lesek ntē, ńtswīʼne á lenāŋ páʼ Ndém a á si ŋkɔ̄ŋɔ.