Eble 3:3 - Eka Eswhī

³ Mɛ́ wuʼteē á mbɔɔ‑meŋgyā, ńtɔ́k ŋgyā zīi a á pɔ́. Púp, mɛ́ pɔŋteé á lewuʼte á Yɛɛ́so, ńtɔ́k á Mɔɔ́sɛ.

Eble 3:3 Iomraidhean Croise

Matío 16:18

Meŋ á ké ndé á mbū wu ŋ́gɛ: o ó lɛ Piɛ, ńdɔkɔ ŋ́gɛ tɔ́. Meŋ a shʉʼ etshí alúŋ zá á ndo tɔ́ wuɔ mɛ́t. Emɔ̄ʼ mete lewhʉ̄, e epiŋ mbú ńdáʼ le alúŋ mɛ́t cʉʼne.

1 Kɔlɛŋte 3:9

Pek yí é páʼā, ńnɔŋ mbútɛ ŋghʉ̄ɛ afaʼ Ndém, pɛ gɔ́ páʼ ŋkaʼ Ndém lā, ŋ́gɔ́ páʼ ŋgyā zīi, Ndém a á si ŋkwɛ́tɛ lā.

2 Kɔlɛŋte 3:7

Mɛ́ le gē etí mbé ánɛ metaáflɛ tɔ́, shʉ́shɔ́k Ndém á nɔŋ ŋŋwāŋnɛ, eshhʉ̄ Mɔɔ́sɛ é nɔŋ ŋŋwāŋnɛ tɛ ŋgɔ́ yīi, epuɔ Islaɛl é le gɔ le kūʼ á lecʉte á yí í. Shʉ́shɔ́k mɛ́t á le lɛ ŋwaŋne áa ánɛ méŋ atsém njhʉ̄ lɛ. Páʼ mɛ́ le gē etí mbé mīi, é ghʉʉ̄ mɛ́ pí pií, shʉ́shɔ́k Ndém á ŋwaŋne épúp lā,

Kɔlɔs 1:18

Yí mé si ŋgɔ́ á athū mbe nnɛ̄t, mbe nnɛ̄t mɛ́t, é gɔ́ alúŋ epuɔ Yɛɛ́so. Yí mé si ŋgɔ́ nzií lenāŋ leswhī, ḿvhɔ ŋiŋ yīi, a le zím ánɛ lewhʉ̄. Púp, ńdɔk ŋgɔ́ mvhɔ, ánɛ ajūɔ tsem.

Eble 2:9

Ḿpɛ ké ŋgɔ́ si njʉ́ɔ á légɛ, ŋiŋ yīi Ndém a le soʼné á yí á méŋ afʉʼ lɛ, ánɛ páʼ mecɔʼ Ndém é lɛ épúp, a lɛ á Yɛɛ́so. Ndém a le lɔ̄k atsāmezeŋɛ té ndhʉ zīi, a wɛɛ̄ ánɛ epuɔ menɔŋ, ŋ́ghʉ̄ Yɛɛ́so á kwhʉ́ á athū epuɔ menɔŋ. Á ké ŋgɔ́ tsetsɔŋɔ, mbɔ Ndém a ke chʉ́ á yí, ŋ́ghʉ̄ ŋ́gɛ, mɛ́ ewūʼte á yí, ŋ́gyá mekuʼ mí. Ńchʉ́ á yí épúp, melaʼ mīi a le jʉ́ɔ ŋgʉɔ̄ʼ, ŋ́kwhʉ́ á athū epuɔ menɔŋ metsem.

Eble 3:4

Ŋgyā e gɔ le tshí á ajʉʼ, té gɔ́ yīi, ŋiŋ mé le pɔ́ɔ̄. Ndém mé piīŋ ŋgɔ́ á ŋiŋ yīi, a le pú ŋghʉ̄ ajūɔ tsem.

Eble 3:6

Klísto, páʼ a á si ŋgɔ́ á Méŋ Ndém lā, a juúʼ nchu Ndém, mbɔ Ndém a le tsekné alāʼ zí á mbū yí. Ḿpɛ gɔ́ ŋké ŋkúʼte menu muɔ mɛ́t á ntē pímpɛ, ńnɔ̄ŋ ncuŋtɛ nzwíʼtɛ mé lekāk, mbɔ ḿpɛ mé si ŋgɔ́ alāʼ zí mɛ́t.