Eble 2:3 - Eka Eswhī

³ Ḿpɛ piŋɛ te lɔ̄k ŋke yīi, é ghʉɛ mɛ́ tswɛ́tɛ ntɔ́ŋ á azō ɔ́, mbɔ ḿpɛ gɔ eghʉ̄ʉ páʼ lā, ḿvūʼɔ ŋgʉɔ athʉ́ lepé é? Atsyapuɔ méŋwɛ̄t, a le zī á letswi ŋke mɛ́t. Epuɔ pīi é le júʼē, é véŋ. Pɔ́ mé le shúŋ á yímpɛ ŋ́gɛ, é anuúnē.

Eble 2:3 Iomraidhean Croise

Matío 23:33

Pɛ é páʼ menū lā, ŋ́gɔ́ nzwɛt menū, pɛ gɔ gaá, ńdáʼ nnéŋ té lákne á ntē mmók é?

Matío 4:17

Yɛɛ́so á gɔ́ á Kafaanawum épúp, ńzī á lesāʼ eshúŋ ŋ́gɛ: «Pɛ egɔ̄ nnɛ̄t zɛ, ŋ́gwáʼ atswhī tepɔŋ zɛ́, melaʼ mīi, afʉʼ zīi Ndém a gɔ á esáʼ lefɔ tsí, á tshóne tɛ mbáte. »

Málkúsi 1:14

Mɛ́ le gɔ̄ á Jáaŋ nnéŋ á ŋgyā atʉɛ́. Afʉʼ mɛ́t, Yɛɛ́so á gʉɔ mé Ŋgaliléa. Ŋ́kó éwú, ńnɔŋ ntswīi ŋke mbɔŋ Ndém, ésáʼa eshúŋɔ ŋ́gɛ:

Lúkási 1:69

A á fhó ánɛ nzwɛt ŋgaŋ afaʼ yi, Efɔ Ndavít, ńtó á taʼ Ŋghʉɛ‑mɛ́‑tswɛ́t á mbū pímpɛ.

Lúkási 24:19

Á zɛ́tte ŋ́gɛ: «Akɔ̄ á ke ghʉ̄ éwú ú?» Pɔ́ gɛ: «Ménu mīi, é ke ghʉ̄ á Yɛɛ́so ŋiŋ Naázalɛt. A kɛ á kwaʼ ntswi‑ŋke Ndém, tɛ epuɔ metsem é jʉ́ɔ ánɛ mefaʼ mí, mbɔɔ ánɛ ashuŋne zí. Ndém á zéŋ nnɔ̄ŋ ŋkɔ̄ŋtɛ á yí.

Jáaŋ 15:27

Pɛ azɛ́, pɛ etswí ntāŋ za, melaʼ mīi, tɛ efhó á afʉʼ zīi, pɛ le zī á lejūʼ ŋke mbɔŋ, ḿpɛ mé gɔ́ nnɔ.

Mefaʼ Meziŋ-ntō 2:22

Piɛ á zéŋ ndé ŋ́gɛ: «Pɛ epuɔ Islaɛl, pɛ echʉ́ nnɛ̄t njúʼ anu jʉɔ. Pɛ é si nzhɛ́ɛ á légɛ, Yɛɛ́so ŋiŋ Naázalɛt, a kɛ ŋiŋ, mbɔ Ndém a ke tswī á wɛ́ á légɛ, yí mé le tó á yí. A ke yá mete á mbū yí, á lelɔk ŋghʉ̄ meŋkʉʼne anu, pɔ́ ndajʉ́ɔ menu á tsetsɛlɛ pɛ.

Mefaʼ Meziŋ-ntō 4:12

Epuɔ menɔŋ é gɔ ezápa á nzem Yɛɛ́so, tɛ́ ndáʼ ntswɛ́t, melaʼ mīi, mmɔʼ ŋiŋ a te éwú á ndo esī atsetsáʼ ega yīi, Ndém a le néŋ ŋ́gɛ, ḿpɛ eláʼ ntsīa á nzem yí, ńtswɛ́t ɛ́. »

Lomɛŋ 11:14

Meŋ a ghʉ afaʼ mɛ́t, tɛ́ elɔk eghʉ, ntɔ̄ŋ epuɔ alāʼ pék, e efūʼ, ńzhɛ́ páʼ, Ndém a a shʉʼ á nnɔ pɔ́p, éghʉ, emɔ̄ʼ ntaʼné shɔ́ʼɔ́ lɛ́, e etswɛ́t.

Lomɛŋ 2:3

Wu yīi, o thúɔ alɔ́ʼ epuɔ pīi, pɔ́ fʉʼtɛ ejʉɔ ntií menu, ḿbiŋɛ nnɔ̄ŋɔ ŋghʉ̄ɛ ajú páʼ pɔ́p, o ó jʉ́ɔ ŋ́gɛ, o gɔ ekʉ̄ʉ azāŋalɔ́ŋ Ndém, tɛ ntswɛ́t lɛ́?

1 Kɔlɛŋte 1:21

Páʼ epuɔ ŋgɔŋ puɔ, é kɛ te lɔ̄k azhɛ̄‑anu zɔ́p, éfhó ánɛ ajū mīi, Ndém a á lɔk azhɛ̄‑anu zí ŋghʉ̄, ḿvéŋ á yí lā, Ndém a á piŋ ŋkɔ̄ŋ á yí á lefhō ánɛ ŋke mbɔŋ yīi, pek tswii, pɔ́ piŋ nnɔ̄ŋ ntɔ́ŋɔ lɛ apiá‑anu, tɛ́ ŋghʉ̄, epuɔ pīi, pɔ́ é véŋ ŋke mɛ́t, e tswɛ́t.

1 Tesalonik 5:3

Epuɔ menɔŋ e láʼ enáŋ tɛ nɔŋ elʉ́ɛ́ egɛ: «Alāʼ á si nnáŋa mé apwɛne, mɛ́ té si mbɔ́kɔ amɔ̄ʼ azō ɔ́», tɛ́ mía mía ŋgʉɔ̄ʼ a elɛ ŋkó ánɛ pɔ́p, páʼ ŋgʉɔ̄ʼ ŋgɔ menzwí yīi, a á si ŋgɔ̄ á nzhíɛ lā. Ŋiŋ a epīŋ le kʉ̄ tɛ mvūʼɔ ɔ́.

1 Timotɛ 1:15

Anu zīi meŋ gɔ á ndʉ́ɛ́ la, á ajʉʼ éwú, ŋ́gɔ́ épúp, ŋ́gɔ́ azi epuɔ metsem é gɔ evéŋ mé taʼ ntē: Yɛɛ́so Klísto, a le shʉ̄ʼ á ŋgɔŋ, ŋ́gɔ̄ á ŋghʉɛ́, megaŋ mefa e etswɛ́t. Meŋ á páʼa, ŋ́gɔ́ ŋgaŋ mefa té mmɔʼ.

Tíit 2:11

Epuɔ Yɛɛ́so e ezīŋ páʼ meŋ á lé lā, melaʼ mīi Ndém a ke tswī á mbū epuɔ menɔŋ ntsem á légɛ, yí é si ŋgɔ́ á ŋiŋ mbɔŋ té mmɔʼ, ŋ́kūʼ á yí á leghʉ, ŋiŋ tsem á tswɛ́t.

Eble 1:1

Ndém a lɛ efʉʼ mvhɔ, ŋ́gē eshúŋne á mbū wɔ maŋgānjʉʼ pímpɛ, ńzápa ánɛ metswi‑ŋke pí. Éshúŋne á mbū pɔ́p ŋgʉɔ tɛ nzá, mbɔɔ ánɛ mentií tɛ nzá.

Eble 1:14

Mecɔʼ Ndém é gɔ́ áa mezwakne, ńnɔŋ ŋghʉ̄ɛ afaʼ á mbū Ndém. Ndém a toó á wɔ́p ŋ́gɛ, pɔ́ egʉɔ ntswíte epuɔ pīi, a a láʼ eghʉ pɔ́ etswɛ́t.

Eble 1:2

A piīŋ ŋgɔ́ tsetsɔŋɔ, ánɛ meleʼé muɔ mīi, ḿpɛ é éwú la, ńzápa ánɛ Méŋ yi, mbɔ a lē nchʉ́ á yí ŋ́gɛ, a esáʼ ajūɔ tsem, tɛ́ eshúŋnɛ á mbū pímpɛ. A le zī nzápa ánɛ yí tɛ́ ŋghʉ̄ ŋgɔŋ.

Eble 12:25

Pɛ epá á wɛ́ á legɔ̄ le júʼ á ŋiŋ yīi, a shúŋnɛ á mbū pɛ ɛ́. Epuɔ pīi pɔ́ lɛ te véŋ á lejūʼ nchu ŋiŋ yīi, a lɛɛ́ ntswɛtɛ á wɔ́p á ndo esī atsetsáʼ á, Ndém a le tswá á wɔ́p ŋgʉɔ athʉ́. Ḿpɛ lʉʼɛ á lejūʼ ŋghi Ndém zīi, é fhɔ́ɔ á lephū eshúŋnɛ á mbū pímpɛ, mbɔ a gɔ le néŋ té tswá á yímpɛ ɛ́.

Eble 4:1

Ndém a le laʼnē á mbū pímpɛ ŋ́gɛ, ḿpɛ e láʼ enáŋ á ajʉʼ zīi, a naáŋ éwú, ézwite. Ḿpɛ elāk athū zímpɛ á légɛ, ndɛ́ʼ ŋiŋ á nnɔ pɛ, á láʼ nnéŋ té kó azí, ánɛ ajʉʼ azwite jʉɔ mɛ́t.

Eble 4:11

Ḿpɛ ekāk ete á lekō á ntē azwite á lezēŋ Ndém. Ḿpɛ eghʉ̄, tɛ tsɔ ŋiŋ nnɔ yímpɛ, a á le tē athū á mbū Ndém, éfā nzhɛ páʼ, wɔ maŋgānjʉʼ pímpɛ, é le ghʉ̄ épúp ɔ́.

Eble 5:9

Ndém á náŋ á yí ánɛ mía ajʉʼ, á cʉ́ʼ á mbū epuɔ pīi é juúʼ nchu yí, ŋ́gɔ́ á Ŋghʉɛ‑mɛ́‑tswɛ́t á lemiʼɛ.

Eble 9:28

Púp, Klísto a le yá athū nnɛ̄t zí, á taʼ legʉɔ páʼā, ńdɔkɔ esōko mefa atʉtʉ epuɔ. A a fú ezéŋ eshʉʼ mmɔʼ legʉɔ, é le gɔ́ melaʼ mefa á, a gɔ́ á leghʉ, epuɔ pīi, pɔ́ nnɔŋ nzwíʼtɛ á yí, e etswɛ́t.

1 Jáaŋ 1:1

Pek tíi akɛtte jʉɔ páʼa, ńdɔkɔ eshúŋɔ á wɛ́ ashuŋne zīi, á ghʉɛ mɛ́ gɔ́ɔ éwú, áshuŋne zīi mɛ́ le gē enɔŋ ŋgɔŋ, á gɔ́ áa éwú. Pek le júʼ ashuŋne mɛ́t, ńdɔ̄k menēk mék njʉ́ɔ, ńchʉ́ nnɛ̄t mbēte á yí, ńdɔ̄k mbū mék mpfēŋ á yí.

Zwide 1:17

Ŋ́ké ŋgɔ́ mé pɛ, mépɔŋ mesoó pá, pɛ ekímte menu mīi, meziŋ‑ntō Atsyapuɔ yímpɛ Yɛɛ́so Klísto, é le té njhʉ̄ eshúŋ á wɛ́.

Menjʉɔ te lí 7:10

Ńnɔŋ esáʼa mé ŋghi teté ŋ́gɛ: «Ndém yímpɛ, ńnáŋ ánɛ akɔʼ lefɔ, mbɔɔ Mɔ́ Njʉnjhʉ, mé ghʉʉ̄ mɛ́ tswɛ́t. »