Eble 1:4 - Eka Eswhī

⁴ Á lɛ épúp, Ndém á ghʉ, Méŋ yi á tsya mecɔʼ Ndém metsem, ḿbú ŋgyá á yí á mía lezēŋ yīi, a puú efáŋ ntsyā etsɔ́p metsem.

Eble 1:4 Iomraidhean Croise

Efɛze 1:21

Á naáŋ éwú, ḿbú ntsyā ajūɔ tsem zīi á wɛɛ̄ mete, ńtsyā ajūɔ tsem zīi, á sáʼa mbʉʼ, ḿbú ntsyā ajūɔ tsem zīi, á sáʼa lefɔ, ḿbú ntsyā ajūɔ tsem zīi, á sáʼa ŋgɔŋ, ńzéŋ mbú ńtsyā ajūɔ tsem zīi, mɛ́ gɔ ekím lezēŋ tsí á ndo esī atsetsáʼ ega, tɛ mbɔɔ á ntē ŋgɔŋ zīi, e e fú tɛ́ eshʉʼe.

Kɔlɔs 1:18

Yí mé si ŋgɔ́ á athū mbe nnɛ̄t, mbe nnɛ̄t mɛ́t, é gɔ́ alúŋ epuɔ Yɛɛ́so. Yí mé si ŋgɔ́ nzií lenāŋ leswhī, ḿvhɔ ŋiŋ yīi, a le zím ánɛ lewhʉ̄. Púp, ńdɔk ŋgɔ́ mvhɔ, ánɛ ajūɔ tsem.

Kɔlɔs 2:10

Páʼ pɛ lɛtneē ánɛ Klísto lā, pɛ wɛɛ̄ ajūɔ tsem zīi, á mbɔŋ á mbū pɛ. Klísto a puú ŋgɔ́ á ŋwɛ́t ajūɔ tsem zīi, á wɛɛ̄ mete, ésáʼa ŋgɔŋ.

2 Tesalonik 1:7

épiŋ eghʉʉ, pɛ pīi mɛ́ swɛ́tɛ á wɛ́, e eswíte, mbɔɔ pek azék. A a láʼ eghʉ épúp, á afʉʼ zīi, Atsyapuɔ Yɛɛ́so a ŋwaka, éfhɔ́ɔ á lephū eshʉ̄ʼɛ, pɔ́ a mecɔʼ pí, páʼ a pɔɔ́ŋ mete lā.

Eble 1:9

O kɔɔ̄ŋ ajū mīi, á ndeŋ ndeŋ, ḿbiŋ mbā azi á té ndeŋ ndeŋ ɛ́. Melaʼ épúp tɛ́, wu Ndém, Mɔʼɔ́ wu Ndém a le kāŋ á wú, á nnɔ megaŋ akhu pú, ńchʉ́ á wú. Ŋ́gē echʉ́ á wú, ńdɔ̄k mevɛ̄t nzɔ́ʼ á wú, ŋ́gɛ o enáŋ mé lekāk.

Eble 12:17

A le pīŋ eshʉʼ tɛ nnɔ̄ŋ ŋkɔ̄ŋɔ ŋ́gɛ, mɔʼɔ́ yi a enéŋ mbwɛ́né ánɛ yí, mɔʼɔ́ yi á piŋ te véŋ, á swíŋte á mɔʼɔ́ yi, ńdā lɛ akɔ̄ lɛ́, á té azō kúmne.

Eble 2:9

Ḿpɛ ké ŋgɔ́ si njʉ́ɔ á légɛ, ŋiŋ yīi Ndém a le soʼné á yí á méŋ afʉʼ lɛ, ánɛ páʼ mecɔʼ Ndém é lɛ épúp, a lɛ á Yɛɛ́so. Ndém a le lɔ̄k atsāmezeŋɛ té ndhʉ zīi, a wɛɛ̄ ánɛ epuɔ menɔŋ, ŋ́ghʉ̄ Yɛɛ́so á kwhʉ́ á athū epuɔ menɔŋ. Á ké ŋgɔ́ tsetsɔŋɔ, mbɔ Ndém a ke chʉ́ á yí, ŋ́ghʉ̄ ŋ́gɛ, mɛ́ ewūʼte á yí, ŋ́gyá mekuʼ mí. Ńchʉ́ á yí épúp, melaʼ mīi a le jʉ́ɔ ŋgʉɔ̄ʼ, ŋ́kwhʉ́ á athū epuɔ menɔŋ metsem.

1 Piɛ 3:22

A le zím épúp, ŋ́kɔ́ʼ mé lephū, ńnáŋ ánɛ ŋkɔʼɔ́ apū ete Ndém. A naáŋ éwú esáʼa mecɔʼ Ndém, mbɔɔ ntií ntiī ajūɔ tsem zīi, á wɛɛ̄ mete á athʉ́ lephū.