Eble 1:3 - Eka Eswhī

³ Mɔ́ mɛ́t mé si ntswīi páʼ shʉ́shɔ́k Ndém a á épúp. A gɔ́ éyi Ndém a á lɛ akɔ̄ lɛ́, mbɔ a zeéŋ ŋgɔ́ azí épúp. A lɔɔ̄k ashuŋne zí tɛ́ ŋgwɛ̄ ŋgɔŋ ntsem, ashuŋne mɛ́t á wɛɛ̄ mete. A le gɔ́ tɛ mbú efók mefa epuɔ metsem, tɛ pɔ́ cʉ́ʼ té alɔ́ʼ. Á gʉɔ nnáŋ ánɛ mía ajʉʼ, á tɛ athʉ́ lephū, á ŋkɔʼɔ́ apū ete Ndém Esaʼ‑Ŋgɔŋ ntsem.

Eble 1:3 Iomraidhean Croise

Matío 22:24

«Ńziʼnɛ, Mɔɔ́sɛ a le lé ŋ́gɛ: ŋiŋ a kwhʉ́ɛ té mɔ́, ntsiʼnzem yi á cʉ́ʼ esōk á mpfók, ńzhí ewɔŋkhʉ̄, ńdɔk mbwɛ̄t ŋgyā ŋgik yi mɛ́t.

Málkúsi 16:19

Atsyapuɔ Yɛɛ́so á shúŋne á mbū nnɔ yí épúp tɛ mīi, Ndém á ghʉ á kɔ́ʼ mé lephū, ńnáŋ á ŋkɔʼɔ́ apū ete yí.

Jáaŋ 1:14

Ashuŋne jɔ̄, a le sɛ̄t ncʉ́ʼ á kwaʼ ŋiŋnɔŋ, tɛ nnáŋ á tsetsɛlɛ pek, ŋ́gɔ́ á ŋgaŋ apɔŋɔ́ ntē te ndhʉ, ŋ́gɔ́ á ŋgaŋ anuúnē tɛ nzōko. Pek jʉ́ɔ á shʉ́shɔ́k yi, shʉ́shɔ́k wuɔ mɛ́t, Mɔʼɔ́ yímpɛ Ndém mé le yá á mbū tséŋ Méŋ yi mɛ́t.

Jáaŋ 1:29

Njhʉ̄ é lá, Jáaŋ á jʉ́ɔ á Yɛɛ́so, á nɔŋ eshʉ̄ʼɛ mé lezēŋ tsí, á lé ŋ́gɛ: «Mɔ́ njʉnjhʉ Ndém yīi, a lɔkɔ esōko mefa epuɔ menɔŋ, a ewuɔ.

Jáaŋ 1:4

Yí mé ghʉʉ̄, mɛ́ gɔ́ éwú. Leghʉ, epuɔ menɔŋ é gɔ́ éwú, á gɔ́ ŋkaʼ á mbū pɔ́p.

Mefaʼ Meziŋ-ntō 2:33

Mɔʼɔ́ yi Ndém, a ke kɔʼné á yí, ńnáŋ ánɛ apū ete zí, ḿbiŋ ŋgyá Azwakne zí zīi, a le laʼnēē, á mbū yí. Ajū mīi pɛ júʼɔ, ńzéŋɛ njʉ́ɔ ayáʼa lāa, á si ŋgɔ́ Azwakne mɛ́t zīi, Yɛɛ́so a á zéŋ nnéŋ ánɛ pek azí, té ndhʉ.

Mefaʼ Meziŋ-ntō 7:56

Etiɛn á lɛ mvēŋne, ńdé ŋ́gɛ: «Pɛ ecʉte njʉ́ɔ, meŋ á ega njʉ́ɔ mbɔ lephū é tsɔ́ʼɔ ntshí, Méŋ‑Ŋiŋnɔŋ á tshí á ŋkɔʼɔ́ apū ete Ndém. »

Lomɛŋ 1:16

Esē é té si ŋkúu á gá á letswi ŋke mbɔŋ ɔ́. É si ŋgɔ́ mete Ndém á lelɔk ŋghʉ̄, tɛ mbɔɔ awɔ́ lɛ́ yīi, a á fɛ́ nnɛ̄t ŋgyá á mbū Yɛɛ́so, á tswɛ́t. Epuɔ Yúda é zi mvhɔ, ńtswɛ́t, emɔ̄ʼ epuɔ é páte.

Lomɛŋ 8:34

Awɔ́ a gɔ etswá á wɔ́p ŋgʉɔ athʉ́ lepé é? Ŋgaŋ a te éwú ú. Yɛɛ́so Klísto a le kwhʉ́ʉ̄, Ndém á ké ŋghʉ̄ á zím ánɛ lewhʉ̄, a naáŋ á ŋkɔʼɔ́ apū ete Ndém, ńtɔ́kɔ nzem zímpɛ.

2 Kɔlɛŋte 4:4

Pɔ́ té mvéŋɛ ŋke mɛ́t ɛ́ melaʼ mīi, Sɛ́ta ndém ŋgɔŋ wuɔ, a lē ŋkápte leghi tsɔ́p, ḿbɔ́k ŋkaʼ yīi é fhɔ́ɔ ánɛ ŋke mbɔŋ, á lekɛʼɛ á wɔ́p. Ŋke mbɔŋ é si mbiŋɛ ntswīi páʼ, shʉ́shɔ́k Klísto a á épúp. Mɛ́ jʉɔ́ á Klísto, ńzhɛ́ á légɛ mɛ́ é jʉ́ɔ á Ndém.

Kɔlɔs 3:1

Páʼ pɛ a Klísto é lē nzím ánɛ lewhʉ̄ lā, pɛ ecʉ́ʼɛ eshʉ́ɛ́ áa ajū mīi, á athʉ́ lephū. Klísto wuɔ mɛ́t a á éwú, ńnáŋ á ŋkɔʼɔ́ apū ete Ndém.

Tíit 2:14

A le puú ŋgyá athū nnɛ̄t zí, ńdɔk ncūʼ á yímpɛ ánɛ mefa mímpɛ ntsem, ńzéŋ ndɔk ésōk mefa ánɛ pímpɛ, tɛ ḿpɛ cʉ́ʼ á kwaʼ alāʼ zí. Álāʼ zīi, nzi leghʉ anu mbɔŋ e zaáŋ á wɔ́p.

Eble 1:13

Ndém a laá nzi ndé á mbū mmɔʼ cɔʼ yi ŋ́gɛ: «Shʉʼɛ nnáŋ ánɛ ŋkɔʼɔ́ apū ete gá, meŋ eghʉ̄, o etshíte mekhu mú ánɛ megaŋ mbo pú ú. »

Eble 10:12

Klísto a le ké nnɔŋ epɔʼ, é gɔ́ ndaʼ, ńdɔk esōk mefa. A ké ŋgɔ́ tsetsɔŋɔ, ńnáŋ á apū ete Ndém, á lemiʼɛ.

Eble 12:2

Ŋ́gē ekʉte épúp, ńtshí menēk ánɛ Yɛɛ́so. Yí mé le ghʉ̄ʉ̄, ḿpɛ fɛ́ nnɛ̄t ŋgyá á mbū Ndém. Yí mé zéŋ nnɔ̄ŋ ŋghʉ̄ɛ, ḿpɛ e eláʼ ŋgʉɔ tɛ ŋkó á lezēŋ Ndém. Á yí yīi, a le kʉŋnē lepɔŋ tsīi, a lɛ á ntē éwú, ḿvéŋ á lekwhʉ̄ ánɛ mbaŋne paŋné, té kwaŋte esē yīi, é kuú epuɔ pīi, mɛ́ é kwɛte á wɔ́p ánɛ mbaŋne paŋné. A le kwhʉ́ épúp, a ké ŋgɔ́ tsetsɔŋɔ, ńnáŋ á ŋkɔʼɔ́ apū ete Ndém.

Eble 4:14

Ḿpɛ wɛɛ̄ á kwaʼ mía mía nnɔŋ‑epɔʼ eyi ndʉɛ, á ŋiŋ yīi, a le gʉ̄ɔ nnáŋ á lezēŋ Ndém, á gɔ́ á Yɛɛ́so Méŋ Ndém. Púp, ḿpɛ ekúʼte á lefɛ̄ nnɛ̄t ŋgyá á mbū yí á mbɔŋɔ́, ńtswī á mbū emɔ̄ʼ epuɔ.

Eble 7:27

A te pɔŋté á yí á legɔ̄ eleʼé tsem, ŋ́gē enɔŋ epɔʼ, ńzī mvhɔ, ńnɔ̄ŋɔ melaʼ mefa mí, tɛ́ mbiŋ nnɔ̄ŋ melaʼ mefa epuɔ alāʼ, páʼ emɔ̄ʼ wɔ nɔŋ‑epɔʼ epi melʉɛ ɛ́. A le pú ndɔk athū nnɛ̄t zí, ńnɔ̄ŋ epɔʼ á taʼ legʉɔ, á kuʼ épúp.

Eble 8:1

Mɛgém anu yīi, pek é si ŋkɔ̄ŋɔ á leshūŋ ánɛ anu jʉɔ mɛ́t, a awuɔ páʼa: ntií mía mía nnɔŋ‑epɔʼ eyi ndʉɛ páʼa mɛ́t, tɛ́ ḿpɛ wɛ̄ɛ. Yí mé le gʉ̄ɔ nnáŋ á lephū, ánɛ ŋkɔʼɔ́ apū ete Ndém, á ajʉʼ zīi Ndém a naáŋ éwú, ésáʼa ajūɔ tsem.

Eble 9:16

Mɛ́ gɔ le tɔ́ŋ akɛtte lewhʉ̄ ŋiŋ, té gɔ́ yīi, ŋgaŋ a á kwhʉ́, tɛ mɛ́ jʉ́ɔ ɔ̄.

Eble 9:26

Á lɛ te gɔ́ péʼe, ŋ́gɔ́ épúp ɔ́, mbɔ a le gɔ́ á jʉ́ɔ ŋgʉɔ̄ʼ tɛ ŋgʉɔ é záne, tɛ efhó á anɔŋɔ́‑ŋgɔŋ. Táʼ, afʉʼ á le náŋ tɛ ŋkūʼ, á yá athū nnɛ̄t zí, á taʼ legʉɔ épúp, ńdɔk nnɔ̄ŋ epɔʼ á athū epuɔ metsem, melaʼ mefa mɔ́p.

1 Piɛ 1:21

Pɛ zapaá ánɛ yí tɛ́ efɛ́ nnɛ̄t ŋgyá á mbū Ndém. Ndém mé le ghʉ̄ á zím ánɛ lewhʉ̄, yí mé yá á yí lewūʼ te mi, tɛ́ pɛ egē efɛ́ nnɛ̄t eyá á mbū Ndém, ńnɔŋ nzhɛ́ɛ á légɛ, pɛ é ndáʼ ŋgwɛ̄ ajū mīi, pɛ é si eshʉ́ɛ́.

1 Piɛ 3:22

A le zím épúp, ŋ́kɔ́ʼ mé lephū, ńnáŋ ánɛ ŋkɔʼɔ́ apū ete Ndém. A naáŋ éwú esáʼa mecɔʼ Ndém, mbɔɔ ntií ntiī ajūɔ tsem zīi, á wɛɛ̄ mete á athʉ́ lephū.

2 Piɛ 1:16

Pek ke shúŋ á wɛ́ páʼ, Atsyapuɔ yímpɛ Yɛɛ́so Klísto, a le ghʉ̄ mɛ́ chʉ́ nnɛ̄t njʉ́ɔ mete shʉ́shɔ́k yi. Pek kɛ te gē eshúŋ á wɛ́ épúp, éfhó ánɛ menu mīi, mɛ́ chʉʉ́ nnɛ̄t ŋgiŋte yíŋtɛ ɛ́. Pek ke gē eshúŋ á wɛ́, á gɔ́ áa páʼ, pek le lɔ̄k menēk mék, ńjʉ́ɔ á yí, á ntē shʉ́shɔ́k mɛ́t.

2 Piɛ 1:17

Afʉʼ zīi Ndém Mɔʼɔ́ a le kɔʼné nzwiŋ yí, ŋ́gyá á yí á shʉ́shɔ́k, mɛ́ júʼ ŋghi Ndém, á ŋwɛ́t shʉ́shɔ́k, á lé mé yí ŋ́gɛ: «Ŋiŋ wuɔ a á Méŋ ga, meŋ kɔ̄ɔŋ á yí tɛʼ. Meŋ á tsɔ́ʼ á yí, a ghʉʉ̄, ntē gá é gáŋte. »

1 Jáaŋ 1:7

Ḿpɛ piŋ nnɔ̄ŋ nzīŋɛ á ntē ŋkaʼ, ndeŋ ndeŋ páʼ Ndém a naáŋ á ntē ŋkaʼ lā, mbɔ ḿpɛ e gɔ́ á taʼ nchu á tsetsɛlɛ pímpɛ, metshi Méŋ yi Yɛɛ́so, e esōk mefa mímpɛ ntsem.

1 Jáaŋ 3:5

Pɛ é si ŋké nzhɛ́ɛ á légɛ, Klísto a le shʉ̄ʼ á ŋgɔŋ, á efók mefa epuɔ menɔŋ. Yí méŋwɛ̄t, á ké te ŋgaŋ mefa á.

Zwide 1:25

Á mbū ndaʼ Ndém yímpɛ, páʼ a le lɔ̄k á Yɛɛ́so Klísto Atsyapuɔ yímpɛ, ŋ́ghʉ̄, ḿpɛ tswɛ́t. Awuʼte a egɔ́ á mbū yí. Yí mé efɔ yímpɛ, mete e egɔ́ á mbū yí, yí mé pɔɔ́ŋ á lesāʼ á yímpɛ, tɛ efhó tɛ afʉʼ, mbɔɔ tsetsɔŋɔ, ŋgʉɔ ŋkó á meŋguʼ meŋguʼ. Á páʼa.

Menjʉɔ te lí 3:21

Ŋiŋ yīi a á lʉɔ́ʼ tɛ njhʉ́, meŋ a shʉʼ eghʉ, pek yí e enáŋ ánɛ akɔʼ lefɔ zá, ńdeŋ ndeŋ páʼ, meŋ nde lʉɔ́ʼ azá tɛ njhʉ́, ŋ́gʉɔ ntswɛ́tte á Mɔʼɔ́ ga, ánɛ akɔʼ lefɔ zí, ńnáŋ azá éwú lā.

Menjʉɔ te lí 4:11

«Atsyapuɔ Ndém wek, o kuūʼ yīi mɛ́ gɔ eyá mekuʼ á mbū wu, ŋ́gūʼte á wú, ḿvéŋ mete mú, melaʼ mīi wu mé le ghʉ̄ etsō tsem. Wu mé le kɔ̄ŋ ŋ́gɛ, e egɔ́ éwú, ńdɛ ŋghʉ̄. »