Eble 1:1 - Eka Eswhī

¹ Ndém a lɛ efʉʼ mvhɔ, ŋ́gē eshúŋne á mbū wɔ maŋgānjʉʼ pímpɛ, ńzápa ánɛ metswi‑ŋke pí. Éshúŋne á mbū pɔ́p ŋgʉɔ tɛ nzá, mbɔɔ ánɛ mentií tɛ nzá.

Eble 1:1 Iomraidhean Croise

Lúkási 1:55

A ka lēkne á letswi apɔŋɔ́ ntē zí, á mbū Ablaham pɔ́ ndhu zi, á meŋguʼ meŋguʼ ɔ́. »

Lúkási 1:72

A le láʼ ndāʼne ŋ́gɛ, yí e fú etsá mezeŋɛ wɔ maŋgānjʉʼ pímpɛ. Épiŋ ekímte eka yīi, pɔ́ a pɔ́p é le wɛ̄tē.

Lúkási 24:27

Ńdé épúp, ńzī á lekɛ̄ʼte menu ntsem mīi é cʉteē á yí á ntē aŋwaʼne Ndém, éshúŋ á wɔ́p, tɛ efhó ánɛ aŋwaʼne Mɔɔ́sɛ, ŋ́gʉ̄ɔ ŋkó ánɛ etsi metswi‑ŋke Ndém metsem.

Lúkási 24:44

Ḿbiŋ ndé á mbū pɔ́p ŋ́gɛ: «Á páʼa ŋgɔ́ anu zīi meŋ ndɛɛ́ eshúŋɔ á wɛ́, afʉʼ zīi ḿpɛ kɛɛ́ nzóko. Meŋ nde shúŋ á wɛ́ ŋ́gɛ: «Ajūɔ tsem zīi mɛ́ le tí ánɛ meŋ, á ke pɔŋté á legɔ̄ mbo poo. Á akɔ̄ lɛ́ zīi, á ntē aŋwaʼne Mɔɔ́sɛ, pɔ́ etsi metswi‑ŋke Ndém, mbɔɔ á ntē aŋwaʼne azɔp ntshi. »

Jáaŋ 16:13

Afʉʼ zīi Azwakne Ndém a shʉʼ shʉʼe, á ŋiŋ yīi a a kwaʼ eshúŋ á wɛ́, á ŋiŋ yīi Ndém a á ewíɛ́, a eghʉ̄ pɛ ezhɛ́ á anuúnē ntsem. A te shʉʼ eshúŋ menu mīi, é fhɔ́ɔ á mbū yí í. A a shʉʼ eshúŋ ajū mīi, a ke júʼē. A a shʉʼ epú eshúŋ á wɛ́ ajū mīi, a shʉʼ tɛ́ shʉʼe.

Jáaŋ 7:22

Mɔɔ́sɛ a le tswī ŋ́gɛ, pɛ etém ewɔŋkhʉ̄ pɛ́. A le zī ŋgē etswi épúp, á té fhɔ́ɔ á mbū yí í, wɔ maŋgānjʉʼ pímpɛ mé le zī á letēm ewɔŋkhʉ̄. Pɛ ké mbiŋ ŋkúʼte á letēm epɔ̄ mbaŋa, tɛ ŋkó mbɔɔ aleʼé aswite.

Jáaŋ 9:29

Pek é si nzhɛ́ɛ á légɛ, Ndém a le shuŋné á mbū Mɔɔ́sɛ. Ŋ́ké ŋgɔ́ mé ewuɔ ŋiŋ mɛ́t, mbɔ pek zi té si nzhɛ́ɛ ajʉʼ zīi, a fhɔ́ɔ éwú ú. »

Mefaʼ Meziŋ-ntō 13:32

Pek méŋwɛ̄t azék, é shʉʼ páʼa, ŋ́gɔ̄ á eshúŋ pɛ ŋke mbɔŋ Ndém wuɔ mɛ́t. É gɔ́ lɛ, ajū mīi Ndém a le laʼnē á mbū wɔ maŋgānjʉʼ pímpɛ,

Mefaʼ Meziŋ-ntō 2:30

A le tswī ŋke Ndém, ḿbiŋ nnɔ̄ŋ nzhɛ́ɛ alaʼne zīi, Ndém a le tswī á mbū yí tɛ ŋkā ŋ́gɛ, yí e shʉʼ eyá lefɔ tsí á mbū mmɔʼ ŋiŋ yīi, a á tó ánɛ nzwɛt zi.

Mefaʼ Meziŋ-ntō 28:23

Mekém mɛ́t e lé épúp, pɔ́ a Pɔ́ɔl e táŋ aleʼé zīi, pɔ́ a pɔ́p e zéŋ epote. Á láʼ aleʼé mɛ́t, pɔ́ shʉʼ ntswɛ́tte á yí á mba yí. Ŋ́gē eshʉʼ tsetsɔŋɔ, ḿbú nzá tɛ ntɔ́k á aleʼé mvhɔ. Pɔ́ɔl á zi nzemɛ́nzēm, ŋ́kɛ́ʼte menu eshúŋ á wɔ́p tɛ ŋkó eseéŋ‑njhʉ̄. Éshúŋ á wɔ́p anu ánɛ Lefɔ Ndém. Ḿbiŋ ŋgē efaʼ eshhʉ̄ á leghʉ tɛ pɔ́ méŋwɛ̄t e evéŋ anu ánɛ Yɛɛ́so, éfók anu ánɛ lepé Mɔɔ́sɛ mbɔɔ á ntē aŋwaʼne metswi‑ŋke Ndém, tɛ́ eshúŋ á wɔ́p.

Mefaʼ Meziŋ-ntō 3:21

Ánɛ tsetsɔŋɔ, a pɔŋteé á yí á lenāŋ á lephū, tɛ ndáʼ ntshí ánɛ afʉʼ zīi, Ndém a a ghʉ, akʉ̄ɛ akʉ̄ɛ, a ecʉ́ʼ eswhī, páʼ a le lɔ̄k nchu metswi‑ŋke pí, ńdé épúp, tɛ efhó tɛ afʉʼ.

Eble 11:18

ńdé ŋ́gɛ, Izak mé láʼ eghʉ, nzwɛt zi e esá.

Eble 11:2

Ndém a le gē evéŋ á légɛ, epuɔ efʉʼ mvhɔ, é si ŋgɔ́ epuɔ pí, éfhó ánɛ páʼ, pɔ́ é fɛ́ nnɛ̄t ŋgyá á mbū yí.

Eble 12:25

Pɛ epá á wɛ́ á legɔ̄ le júʼ á ŋiŋ yīi, a shúŋnɛ á mbū pɛ ɛ́. Epuɔ pīi pɔ́ lɛ te véŋ á lejūʼ nchu ŋiŋ yīi, a lɛɛ́ ntswɛtɛ á wɔ́p á ndo esī atsetsáʼ á, Ndém a le tswá á wɔ́p ŋgʉɔ athʉ́. Ḿpɛ lʉʼɛ á lejūʼ ŋghi Ndém zīi, é fhɔ́ɔ á lephū eshúŋnɛ á mbū pímpɛ, mbɔ a gɔ le néŋ té tswá á yímpɛ ɛ́.

Eble 2:2

Ŋke yīi mecɔʼ Ndém é le lɔ̄k eshʉʼ amɔ̄ʼ afʉʼ, é lɛ te á méŋ agáʼ anu ú. Ŋiŋ ntsem yīi a le tē athū, á te zīŋ páʼ ŋke mɛ́t é si nzɛ́ttɛ épúp ɔ́, Ndém a le tswá á yí ŋgʉɔ athʉ́ lepé, páʼ á pɔŋteé á legɔ̄ épúp.

Eble 2:3

Ḿpɛ piŋɛ te lɔ̄k ŋke yīi, é ghʉɛ mɛ́ tswɛ́tɛ ntɔ́ŋ á azō ɔ́, mbɔ ḿpɛ gɔ eghʉ̄ʉ páʼ lā, ḿvūʼɔ ŋgʉɔ athʉ́ lepé é? Atsyapuɔ méŋwɛ̄t, a le zī á letswi ŋke mɛ́t. Epuɔ pīi é le júʼē, é véŋ. Pɔ́ mé le shúŋ á yímpɛ ŋ́gɛ, é anuúnē.

Eble 3:5

Mɔɔ́sɛ a lɛ á ŋgaŋ afaʼ Ndém, ńjúʼ nchu Ndém páʼ, a le nɔ̄ŋ ŋghʉɛ afaʼ, á athū alāʼ zí, mbɔ Ndém a le tsekné á mbū yí á légɛ, a eshúŋ anu zīi, yí Ndém mé nnɔŋ ŋgɔ̄ á eshúŋɔ.

Eble 4:8

Á le wíʼe ŋ́gɔ́ éyi, Jozwie a le lɔ̄k epuɔ Islaɛl, ŋ́kó á ntē kwaʼ alāʼ azwite, mbɔ Ndém a lɛ te zéŋ ŋkím amɔ̄ʼ aleʼé azwite ɛ́.

Eble 5:5

Á le zéŋ ŋgɔ́ ndeŋ ndeŋ épúp, á mbū Klísto. A le gē ecʉ́ʼ á nnɔŋ‑epɔʼ páʼā, yí méŋwɛ̄t mé té kāŋ ecʉɔ lewūʼ mɛ́t ɛ́. Ŋiŋ yīi a le lé mé yí ŋ́gɛ: «O ó méŋ ga, tɛ efhó ayáʼa, meŋ gɔ́ á Mɔʼɔ́ wu,» mé le yá me yí.

Eble 9:19

Mɔɔ́sɛ a le tshí á mvhɔ alāʼ ntsem, ńzī mvhɔ, ńdɔ̄k ŋghi teté, ńtɔ́ŋ mbé ntsem mīi, Ndém a le tsekné mɛ́ tí á ntē aŋwaʼne. Tɛ́ ntswíʼ metshi epɔ̄ efɔŋ, ńtēmte ánɛ emi mbwɔ̄p, ńnéŋ ntshi éwú. Éfāʼ apū amɔ̄ʼ athʉ́ zīi, mɛ́ tɔ́ŋɔ lɛ izɔp, ŋ́kwɛ́t á paŋ menɔŋ njʉnjhʉ á athū éwú, ńdɔk ŋŋīkte aŋwaʼne mɛ́t, mbɔɔ alāʼ ntsem.