Yuda 1:3 - Chiyawo Bible

³ Acalongo acimjangu ŵakunonyelwa, naliji jwakusosasosa kuti namlembele cikalata, kuti namsalile ya cikulupusyo cetuwe. Nambo mtima wangu, wanganganicisye kuti namlembele cikalata kumsalila kuti, mputeje ngondo ja cikulupi, ciŵacipelece Mlungu kampepe kwa ŵandu.

Lilangano lya Sambano

³ Achambusanga ŵangu, panaliji nkulimbichila kunlembela nkati ukulupusyo watuli nawo uwe wose, naiweni yambone kunlembela ni kunlimbisya ntima kwa ligongo lya kuchichenjela chikulupi, Akunnungu chiŵapele ŵandu ŵao kamope kwa katema kose.

Yuda 1:3 Iomraidhean Croise

Nehemiya 13:25

Najamwice jemanjajo, mwakuti nalwesile, naputile ŵane mwa jemanjajo ni kwacuŵa umbo. Kaneko nasalile jemanjajo kuti alumbile mu lina lya Mlungu naga ngasiŵalombekanya ŵanace ŵawo ŵacakongwe ni ŵacalume kwa ŵandu ŵa yilambo yine.

Yesaya 45:17

Nambo Isalaeli ŵakasamkulupusya ali AMBUJE, nipo cikulupusyo cakwe ticiciŵa mpaka kalakala, ŵandu ŵakwe ngasiŵatendesya soni kose, ngasaŵa ŵakunyosyeka kose.’ ”

Yesaya 45:22

“Jemanja ŵandu ŵosope ŵa cilambo capasi, mpitikucile kwa Une kuti mkulupuce. Une ndili Mlungu, pangali ŵane soni.

Yelemiya 9:3

Jemanjajo akusapinda lulumi mpela ukunje; cilambo cigumbele ni unami ngaŵaga yakuwona yisyesyene. AMBUJE* akuŵeceta kuti; Ŵandu ŵangu akusajaga mcijonjecesyajonjecesya yakusakala, soni une ngakumanyilila une mpela AMBUJE ŵawo.

Masengo 17:3

Ŵagopolelaga ya m'Malembamo ni kwasimicisya kuti Klistu* akwenela kulaga nipo soni kwimuka ku ŵawe. Paulo ŵatite, “Yesu* jwele jungumlalicilaju, ni jwali Klistu.”

Masengo 18:28

Paja jwalakwe ŵasisyanile ni Ayuda pa luŵala, ni kwasimicisya kutyocela m'Malemba kuti Yesu ni Mkulupusyo.

Masengo 20:27

Pajatu nganinamsisila kandu kalikose, nambo namlalicile yosope yakusaka Mlungu.

Masengo 28:28

Paulo ŵasalile soni kuti, “M'manyilile sambano kuti, Mlungu akutumisya cikulupusyo kwa ŵandu ŵa mitundu jine.* Jemanjajo tacipikana.” [

Masengo 4:12

Nipo pangali jwine jwalijose jwele mpaka akombole kulupusya ŵandu, pakuti pa cilambo cosope capasi pangali lina line lyele Mlungu liŵapelece kwa ŵandu kuti tukulupuce nalyo.”

Masengo 6:7

Maloŵe ga Mlungu galiji mkwendelecela posepose, nipo ŵandu ŵakulijiganya ŵaliji mkutupilatupilape ku Yelusalemu. Ŵakutaga mbopesi ŵajinji ŵajiticisye cikulupico.

Masengo 9:13

Ananiya ŵatite, “Ambuje, ŵandu ŵajinji asalile ya mundu jweleju, kuti ŵatendele ŵandu ŵenu yakusakala yejinji ku Yelusalemu.

Masengo 9:22

Nambo macili ga Saulo galiji mkulilakulila, nipo ŵamasisye lunda Ayuda ŵiŵatamaga ku Damasiko pakwasimicisya kuti Yesu kweli ni Mkulupusyo nditu.

1 Akoli 15:3

Pakuti maloŵe ginampele ni gagogo gele une soni nagapocele. Maloŵego gali gakuti Klistu* ŵawile ligongo lya ulemwa* wetu, mpela muyilembedwele m'Malemba,

Ŵagalatia 2:5

Nganitukamulana nayo yiŵasakaga jemanjajo, pakuti twasakaga kumsalicisya jemanja yakuwona yisyesyene ya Ngani Syambone.

Ŵagalatia 3:28

Myoyo pangali kulekangana sikati ja Ayuda ni ŵandu ŵa mitundu jine, sikati ja acikapolo ni alukosyo, kapena soni sikati ja acalume ni acakongwe, pakuti jemanja wosope mli ŵampepe mwakulumbikana ni Klistu Yesu.

Ŵagalatia 6:11

Mlole malemba gekulungwa gingulembela kwa jemanja ni ligasa lyangu sambano.

Ŵaefeso 1:1

Cikalataci cikutyocela kwa une Paulo, ndumetume* jwa Klistu* Yesu* mwa lisosa lya Mlungu. Ngulembela cikalataci kwa ŵandu ŵa Mlungu ŵali ku Efeso, ŵele ŵali ŵakulupicika mu umpepe ni Klistu Yesu.

Detulonomo 21:9

Naga mkuja kutenda yakusaka AMBUJE, jwalakwejo ngisamjimba magambo gakuti jemanja mwuleje mundu jwangalemwa.

Detulonomo 9:10

AMBUJE ŵambele mawubawo gaŵili ga maganga, giŵalembile asyene ni yala yawo maloŵe gosope kwambaga yiŵaŵecete ni jemanja, ali m'moto, pa lisiku lyelila, limwasongene kwitumbi kula.

Ŵafilipi 1:1

Cikalataci cikutyocela kwa une Paulo ni Timoteo, ŵatuli ŵakutumicila ŵa Yesu* Klistu.* Tukulembela cikalataci kwa ŵandu wosope ŵa mu msinda wa Filipi* ŵali mu umpepe ni Klistu Yesu nambo soni kwa acimlongola sikati ja acakulungwa ŵa mpingo* ni ŵakwakamusya.

Ŵafilipi 1:27

Sambano cakusosekwa mnope cili cakuti ndamo syenu siŵe syambone mpela musikuŵecetela Ngani Syambone syakwamba Klistu. Naga ndili jwakupakombola kwika kukumlola, yili yambone nditu, nambo soni atamose naga ngulepela kwika kukumlola jemanja, nambo ngusaka mbikaneje kuti jemanja mkulimbicila ni mtima umpepe. Ngusaka kupikana soni kuti mwakupikanganana ni mwakamucisyana kuputa ngondo ligongo lyakulupilila Ngani Syambone.

Ŵakolosai 1:2

Tukumlembela jemanja ŵandu ŵa Mlungu ŵakutama ku Kolose, acalongo acimjetu ŵakulupilila mwa Klistu. Mlungu Atati ŵetu ampe umbone mtima ni mtendele.

1 Ates 2:2

Mpela mumkukumbucilila, kuti ŵandu ŵa ku Filipi* ŵatulagasisye ni kututendelela cipongwe. Nambope Mlungu jwetu ŵatulimbisye mitima mpaka twalalicile Ngani syakwe Syambone, atamose kuti ŵandu ŵajinji ŵasisyanaga ni uwe.

1 Timoseo 1:18

M'mwe Timoteo, juli mpela mwanangu ngumpa maloŵe gelega mwakulingana ni yiŵaŵecete kala ŵakulocesya yakwamba m'mwejo. Maloŵe gelega mgakamulisye masengo mpela yida yakuputila ngondo kuti mpakombole kuputa cenene ngondojo,

1 Timoseo 6:12

Mkukulupilila mwa Klistu, myoyo mlinjilile mwakulimbika mnope kugakuya majiganyo gakwe kuti mkole umi wangali mbesi. Umi welewo tiwuciŵa mbote jenu. Mlungu ŵamŵilasile m'mwejo kuti mtameje mu umi wamti myiyi pimwaŵecete pameso pa ŵandu ŵajinji kuti, “Ngukulupilila mwa Klistu ni mtima wangu wosope.”

2 Timoseo 1:13

Mkamulisye maloŵe gasyesyene gimwapikene kutyocela kwa une, kuti gaŵe cisyasyo cakuti mtendeje. Mtendeje yeleyi mwa cikulupi ni mwa cinonyelo, cacili mwa Klistu Yesu.

Tito 1:4

Cikalataci ngumlembela m'mwejo Tito jumli mpela mwanangu msyesyene mwa cikulupi cetu cimpepe. Umbone mtima ni mtendele yakutyocela kwa Mlungu ni Klistu Yesu Mkulupusyo jwetu.

Ŵaeblania 13:22

Ngumŵenda jemanja acalongo acimjangu, kuti mgapikanile cenene maloŵe gakulimbikasya mtimaga, pakuti ngambile kulemba mwakata.

Ŵaeblania 6:9

Nambo atamose tuŵecete yeleyi, acalongo acimjangu, uwe tukumkulupilila jemanja kusyene. Tukumanyilila kuti jemanja mkwete yindu yambone yele yikwendelana ni cikulupusyo cenu.

1 Petulo 5:12

Ngumlembela jemanja cikalataci mwakata mwakamucisidwa ni Sila. Ngusinamwona jwalakwejo kuti mjetu mwa Ambuje jwakulupicika. Sambano sosile kumlimbisya mtima jemanja ni kutendela umboni wakuti umbone mtima usyesyene wa Mlungu ni welewu. Ligongo lya umbone mtimawo, limbicilani.

2 Petulo 1:1

Cikalataci cikutyocela kwa une Simoni* Petulo,* jwakutumicila ni ndumetume* jwa Yesu* Klistu.* Cikalataci cikuja kwa ŵandu ŵiŵapocele cikulupi citwapocele uwe soni. Jemanja soni ŵacipocele ligongo lya cilungamo ca Mlungu ni Mkulupusyo jwetu Yesu Klistu.

2 Petulo 2:21

Yikaliji yambone yikaŵe kuti jemanjajo ngakulimanyilila litala lya cilungamo, kulekangana ni kulileka ali amanyilile lilamusi lyeswela liŵapelece Mlungu kwa jemanjajo.

Yuda 1:1

Cikalataci cikutyocela kwa une Yuda, jwakutumicila jwa Yesu* Klistu,* nambo soni mpwakwe jwa Yakobo.* Ngulemba cikalataci kwa jemanja ŵiŵamŵilasile Mlungu, ŵimkutama mcinonyelo ca Mlungu Atati ni mcitetelo ca Yesu Klistu.

Yuda 1:17

Nambo acalongo acimjangu ŵakunonyelwa, mkumbucileje maloŵe gaŵaŵecete ŵandumetume ŵa Ambuje ŵetu Yesu Klistu kalakala.

Yuda 1:20

Nambo jemanja ŵakunonyelwa mkamusyaneje, kuti umi wenu wacikulupi uwe uli mkulilakulila. Mpopeleje ni macili ga Msimu Ŵaswela.

Chunukuko 12:11

Acalongo acimjetuwo ŵampundile jwalakwejo ni miasi ja Mwanace Jwangondolo jula, nambo soni pa maloŵe gasyesyene yiŵatendelaga umboni. Jemanjajo ŵalipelece mnope mwakuti nganajogopa atamose kuwa.

Chunukuko 2:10

Mkatenda woga ni yisawusyo yimkusimana nayo. Satana tacimponya ŵane ŵa jemanja mu ukayidi kuti amlinje, nipo timcilaga kweleko kwa masiku likumi. Mŵeje ŵakulupicika, atamose mli mkuyiwona kuti tiyimjigalile ku ciwa, nipo une tinjimpa umi mpela mbote pakupunda kwenu.