Yohana 7:7 - Chiyawo Bible

⁷ Ŵandu pa cilambo capasi ngaŵa mkumŵenga jemanja, nambo akuŵengana ni une, ligongo masiku gosope ngwasalila kuti matala gawo gali gakusakala.

Lilangano lya Sambano

⁷ Ŵandu ŵa pachilambo ngakombola kunchima ŵanyamwe, nambo uneji akunjima pakuŵa naasalile kuti yakuitendekanya yo ili yangalumbana.

Yohana 7:7 Iomraidhean Croise

1 Ayi 21:20

Eliya piŵamsimene jwalakwe, Ahabu ŵamwusiye Eliya kuti, “Ana musimene lelo, m'mwe m'magongo jwangu?” Eliya ŵajanjile kuti, “Elo nimsimene, ligongo ŵalakwe mwenye alipelece mnope, kutenda yindu yosope yakusakala yakuŵengana nayo AMBUJE.

1 Ayi 22:8

Ahabu ŵajanjile kuti, “Apali mundu jwine jwa mpaka tumwusye, lina lyakwe Mikaya, mwanace jwa Imula. Nambo une ngusaŵengana najo, ligongo jwalakwejo jwangalocesya ngani syambone syakwamba une, akaŵe syakusakalape.” Nipo Yehoshafati ŵajanjile kuti, “Iyayi, ŵalakwe mwenye, akatenda myoyo.”

Masalimo 109:5

Myoyo akusambucisya yakusakala m'malo mwa yambone, ni uŵengani m'malo mwa cinonyelo cangu.

Misyungu 15:12

Mundu jwakunyosya jwanganonyela kumjamuka; ngakusaja kuŵenda msyungu kwa ŵandu ŵalunda.

Misyungu 8:36

Nambo mundu jwakakusimana une akulipweteka msyene; wosope ŵakuŵengana ni une, akusanonyela ciwa.”

Yesaya 29:21

Mlungu tacapa cilango ŵandu ŵakwasinjilila acimjawo, nipo soni ŵakwasokonesya ŵandu ŵali pa magambo. Tacipeleka soni cilango kwa ŵandu ŵakupeleka umboni wa unami, kuti acimjawo ŵangalemwa akasalamulwa mwakulungama.

Yesaya 49:7

AMBUJE, ŵali Mkulupusyo ni Ŵaswela ŵa Isalaeli, akuŵeceta najo jwakunyosedwa mnope jula, jwakuŵenjedwa ni mitundu jine ja ŵandu, kapolo jwa ayimwene ŵa ngalwe. Akuŵeceta kuti, “Ayimwene tacimwona mli ŵagopolwe nipo tacijima kulosya kumcimbicisya m'mweji, ŵakulamulila nombe nawo taciligwisya pasi camakuku. Yeleyi tiyicitendekwa ligongo lya AMBUJE, ŵele ŵali ŵakulupicika, Ŵaswela ŵala ŵa Isalaeli, juŵamsagwile.”

Yelemiya 20:8

Ngusingwesya maloŵe pa ndaŵi jingusaŵeceta, ngusingumila kuti, “Njojo akuno, basi tujonasice!” AMBUJE, maloŵe ga ŵalakwe gandendekasisye une kuŵa jwakunyosyeka ni kunyogodoledwa masiku gosope.

Lefitiko 13:10

jwalakwejo amlolecesye mundu jwakulwalajo. Naga akwete cakuyimba cakuwoneka ceswela pa cilu pakwe, cele cacitendekasisye kuti umbo sya pa malopo siŵe syeswela, soni naga pakuyimbapo pana yilonda

Sakaliya 11:8

Pa mwesi umo natyosisye ŵakucinga ŵatatu ŵala. Ŵayice pakumbisya mtima, mwakuti une nganinapakombola kupimilila. Jemanjajo ŵaŵengene ni une.

Mala 3:5

AMBUJE Ŵamaciligosope akuŵeceta kuti, “Tinjimyicila pakuŵandika kuti tinamjimbe magambo. Myoyo tinjiŵeceta maloŵe gakusisyana ni ŵakutenda ya matipwi, ŵandu ŵacikululu, ŵakupeleka umboni wa unami, ŵakwajiŵila malipilo ŵamasengo ŵawo, ŵakwasawusya acakongwe ni ŵanace ŵamasije, ni ŵakwatendela acalendo yindu yangalumbana nipo soni ŵele ŵangamjogopa Une.

Luka 6:26

“Mkwete likungu ŵandu wosope pakumlumba jemanja; pakuti acinangolo ŵawo ŵatendelaga ŵakulocesya ŵa unami yamti myiyi.”

Yohana 17:14

Une nasalile ŵanduwo maloŵe giŵasalile wawojo, nipo ŵandu ŵa cilambo capasi ŵaŵengene nawo jemanjajo, ligongo nganaŵa ŵa cilambo capasi mpela une nganimba jwa cilambo capasi.

Yohana 3:19

Amu ni muciciŵela cilamulo cakwe: lilanguka liyice mcilambo capasi, nambo ŵandu akunonyela cipi kupunda lilanguka, ligongo yitendo yawo yili yakusakala.

Ŵaloma 8:7

Ŵandu akusaŵengana ni Mlungu naga akulamulilidwa ni yakusaka ya mitima jawo, pakuti jemanjajo ŵangapikanila Malamusi ga Mlungu, soni ngaŵa mkugapikanila.

Ŵagalatia 4:16

Nambi mbele m'magongo jwenu ligongo lyakuti ngumsalila yakuwona yisyesyene?

Yakobo 4:4

Jemanja ŵandu ŵangakulupicika, ana ngamkumanyilila kuti naga mkutenda uganja ni cilambo capasi uli uŵengani ni Mlungu? Iyoyo mundu jwalijose jwakusaka kuŵa pa uganja ni cilambo capasi akusalitenda jika kuŵa m'magongo jwa Mlungu?

1 Yohana 4:5

Ŵakulocesya ŵa unamiwo ali ŵa pacilambo pano, ali ni ligongo lyakwe yakusaŵeceta yili ya pasi pano, soni ŵandu ŵa pasi pano akusiŵapikanila jemanjajo.