Yohana 11:11 - Chiyawo Bible

¹¹ Yesu ali aŵecete yeleyi ni ŵatite soni, “Mjetu Lasalo agonile lugono, nambo une tinjawule ngamjimusye.”

Lilangano lya Sambano

¹¹ Che Yesu paŵamasile kuŵecheta yeleyo ŵaasalile, “Mbusanga jwetu che Lasalo agonile, nambo uneji chinyaule kukunjimusya.”

Yohana 11:11 Iomraidhean Croise

Daniele 12:2

Ŵajinji mwa ŵagonile mwitaka tacijimuka. Ŵane tacapa umi wangamala,* ŵane tacipocela soni ni cilango cangamala.

Yohana 11:13

Yesu ŵagopolelaga kuti Lasalo ŵaliji ali awile, nambo ŵakulijiganya ŵaganisyaga kuti ŵagambaga ya lugono basi.

1 Ates 5:10

ŵele ŵiŵatuwilile uwe kuti tukaŵe ni umi pampepe ni Jwalakwe, ndaŵi jituli cijumi atamose tuli tuwile.

1 Akoli 15:51

Mpikanicisye, ngumsalila yamtemela yakuwona. Ngaŵagatu wosope ŵene kuti tuciwa, nambo kuti wosope ŵene tucicenga uwonece.

Masengo 7:60

Nipo ŵatindiŵele pasi ni ŵagumisile kuti, “Ambuje, kasimwasunjila ŵandu ŵeleŵa magambo ga wele ulemwawu.” Piŵaŵecete maloŵe gelega, ŵawile.

Matayo 27:52

Malembe gawugwice nipo ŵandu ŵa Mlungu ŵajinji ŵaŵawile kala, ŵajimwice ku ŵawe.

Ŵaefeso 5:14

Myoyo cilicose cacikusawonecela pakulanguka cikusaŵa lilanguka. Ni ligongo lyakwe akusati, “Mjimuce ŵamlugonomwe, jimukani kutyocela ku ŵawe, nipo Klistu tacimŵalila m'mwejo.”

Maliko 5:39

Jwalakwe ali ajinjile m'nyumbamo, ŵawusisye ŵanduwo kuti, “Ana ligongo cici mkutenda lisegwe lyosopeli ni kulila? Mwanaceju nganawa nambo agambile kugona lugono basi.”

Matayo 9:24

Jwalakwe ŵasalile kuti, “Mkopokangane wosope! Pakuti mwanaceju nganawa agambile kugona lugono basi.” Papopo ŵanduwo ŵatandite kumseka mwakumnyosya.

Ekisodo 33:11

Myoyo AMBUJE ŵaŵecetanaga ni Mose pameso ni pameso, mpela mundu mwakusaŵecetelanaga ni m'mbusangagwe. Mose ŵawujilaga soni ku masakasa kula. Nambo Yoswa, mwanace jwa Nuni, juŵaliji jwakutumicila jwa Mose, nginatyokaga ku citentiko.

Yakobo 2:23

Myoyo yatendekwe yiyalembedwe m'maloŵe ga Mlungu kuti, “Abulahamu ŵakulupilile Mlungu, ni ligongo lyakwe Mlungu ŵamtesile kuŵa jwakulungama,” nipo ŵamkolangaga kuti mlongo jwa Mlungu.

1 Akoli 15:34

Mlijongoleleje mwasyene, nipo mlece matala genu ga ulemwago. Apali ŵane ŵa jemanja ngakum'manyilila Mlungu. Ngumsalila yeleyi kuti mtende soni.

1 Akoli 15:18

Ŵele uŵawile ali ŵakulupilila mwa Klistu, ŵajasice nditu.

Yohana 11:3

Myoyo acalumbugwewo ŵamtumicisye mtenga Yesu:* “Ambuje, mjawo jwakusamnonyela jula akulwala.”

Yohana 3:29

Jwakulombedwa akusaŵa m'myala mwa jwakulombela, nambo mjakwe jwa jwakulombela, jwakusajimililaga ni kupikanilaga, akuŵa jwakusangalala pakupikana maloŵe ga jwakulombela. Myoyo soni une kusengwa kwangu kukwanile.

Yesaya 41:8

“Nambo m'mwe Isalaeli jwakutumicila jwangu, m'mweji Yakobo* jwele junamsagwile, m'mwejo mli cisukulu ca Abulahamu,* mjangu.

2 Mbi 20:7

Wawo ali AMBUJE ŵetu. Aisalaeli piŵayice ku kutama mcilambo muno, wawo ŵatopwesye ŵandu ŵa mitundu jine* ŵaŵatamaga mcilambo muno nipo wawo ŵapelece cilamboco kwa yisukulu ya Abulahamu* kuti ciŵe cawo mpaka kalakala.

Detulonomo 31:16

AMBUJE ŵamsalile Mose kuti, “M'mwejo msigele panandi kuwa. Patimtyoce m'mwejo, Aisalaeli ŵa takajinjile mcilambo cele cakulambila milungu jine ja cilendo, jemanjaji takatande kujilambila milungu jeleji, takakase cilanga citwalangene ni une.

2 Ayi 4:31

Gehasi ŵalongolele, nipo ŵajile kugoneka simbo jila pa mtembo wa mwanace jula, nambo nganigapikanika maloŵe kapena cimanyisyo cine cakulosya umi. Nipo ŵawujilile kuja kusimana ni Elisha, ni ŵamsalile kuti, “Mwanace jula nginajimuka.”

Yohana 11:10

Nambo naga akwenda ndaŵi ja cilo akasakuŵalaga, ligongo nganakola lilanguka lililyose.”

Yohana 11:12

Myoyo ŵakulijiganyawo ŵamjanjile kuti, “Ambuje, naga ali mlugono, ŵelewo takaŵe cenene.”