Yohana 1:3 - Chiyawo Bible

³ Mlungu ŵapanganyisye yindu yosope yene kupitila mwa jwalakwe, mwa yiwumbe yosopeyi pangali cindu cimo ciŵacipanganyisye pangali jwalakwe.

Lilangano lya Sambano

³ Indu yose yagumbichikwe ni ŵelewo ni pangali ŵelewo nganichipagwa chachili chose chichagumbichikwe.

Yohana 1:3 Iomraidhean Croise

Genesesi 1:1

Pandanda Mlungu ŵapanganyisye kwinani ni cilambo capasi.

Genesesi 1:26

Piyamasile yeleyi Mlungu ŵatite, “Kwende tupanganye ŵandu mcilandanicisyo cetu, kuti taŵe mpela Uweji. Kuti alamulile somba sya m'nyasa, yijuni ni yinyama yosope ya pa cilambo capasi, yakulanga ni ya mwitinji, ni yinyama yiliyose yakwaŵa ya pa cilambo capasi.”

Masalimo 102:25

Ŵalakwe ŵayiŵisile kala yilimbilimbi ya cilambo capasi; nombe ya kwinani ŵayipanganyisye ni makono gawo.

Masalimo 33:6

AMBUJE ŵaŵecete nipo ya kwinani yapanganyidwe, yosope yayili kweleko yapanganyidwe piŵaŵecete jwalakwejo maloŵe gakwe.

Misyungu 8:30

Pa jele ndaŵijo ni kuti ndili capambalipo mpela m'misili jwakwe. Naliji mkumsangalasya ndaŵi ni ndaŵi, ni kuŵa jwakondwa pameso pakwe ndaŵi syosope.

Yesaya 45:12

Une ni junacipanganyisye cilambo capasi ni kupanganya mundu kuti atameje mwelemo. Nayiŵisile ya kwinani ni makono gangu, nipo sambano ngusinalilamulila likuga lyosope lya kwiwunde.

Yesaya 45:18

AMBUJE uŵapanganyisye ya kwinani akuti myoyo, Ŵalakwewo ni ŵali Mlungu juŵagumbile ni kupanganya cilambo capasi, nipo ŵacitamilicisye mwamacili. Nganacipanganya kuti ciŵe cangali kandu, nambo kuti ciŵe malo gakutama ŵandu. Ŵalakwewo akuŵeceta kuti, Une ndili AMBUJE, pangali soni ŵane iyayi.

Yohana 1:10

Liloŵe lyaliji mcilambo capasi, ni atamose Mlungu ŵapanganyisye cilambo capasi kupitila mwa jwalakwe, nambope cilambo capasi nganicim'manyilila jwalakwe.

Yohana 1:2

Kutandila pandanda pasyesyene Liloŵe lyaliji ni Mlungu.

1 Akoli 8:6

Uwe tukwete Mlungu jumpepe, jwele jwali Atati. Jwalakwejo jwapanganyisye yindu yosope, soni uwe tukusakulupilila kuti pana Ambuje ŵampepe, Yesu* Klistu,* kupitila mwa jwalakwejo yindu yosope yapanganyidwe soni twapegwile umi.

Ŵaefeso 3:9

Ŵambele masengo gakwasalila ŵandu wosope ya mutacitendela Mlungu yosope yele yiŵapanganyisye cilepe mwamtemela. Mlungu ŵiŵapanganyisye yosope, ŵawusunjile mtemelawo, mkanijikwane ndaŵi.

Ŵaeblania 11:3

Pakuŵa ni cikulupi tukusapikanicisya kuti yosope yayipali yiyapanganyicikwe ni maloŵe ga Mlungu, mwakuti yindu yayikuwonekayi yapanganyidwe kutyocela kuyangawoneka.

1 Yohana 5:1

Mundu jwalijose jwakulupilila kuti Yesu ali Klistu,* jwelejo ali Mwanace jwa Mlungu; jwalijose jwakwanonyela Atati akumnonyela soni mwanace jwakwe.

Chunukuko 3:14

“Kwa jwakulongolela mpingo wa ku Laodikeya mlembe kuti: “Awu uli utenga wakutyocela kwa jwele jwakusakolanjidwa kuti Ami ŵala, ŵele ŵali mboni jakulupicika ni jakuwona nambo soni ndande ja yosope yapanganyisye Mlungu.

Chunukuko 4:11

“Ambuje Mlungu jwetu, ŵalakwe ali ŵakwenela kupocela lumbili, ucimbicimbi ni macili. Ŵalakwe ŵapanganyisye yindu yosope, mwa lisosa lya ŵalakwe, ŵasacile kuti yosopeyi yiŵe yana umi.”