Yelemiya 4:2 - Chiyawo Bible

² tiyiciŵa yambone kwa m'mwejo kulumbila* mu lina lyangu. Mtendeje yeleyi mwakulungamika ni mwakulupicika. Kaneko ŵandu ŵa mitundu josope tacimbenda kuti nape upile, nipo tacilumba une.”

Yelemiya 4:2 Iomraidhean Croise

Genesesi 22:18

Nipo mitundu josope ja ŵandu ŵa pa cilambo capasi, tijicipata upile kupitila mwa yisukulu yenu, ligongo m'mwejo mgapikene maloŵe gangu.”

1 Ayi 3:6

Solomoni ŵajanjile kuti, “Ŵalakwe AMBUJE ŵalosisye cinonyelo cawo cacikulungwa cangamala kwa jwakutumicila jwawo Daudi, baba ŵangu, ligongo ŵaliji mundu jwambone, jwa kutenda yindu yiŵamlamwile ŵalakwe kuti ayitende mwakulupicika. Ni mwalosisye baba ŵangu Daudi cinonyelo cenu cacikulungwa cangamalaco, pakwapa babawo mwanace, juŵajinjile ucimwene m'malo mwawo.

Masalimo 72:17

Lina lyakwe likaliŵalicika kwa yaka yosope, kupikanika kwakwe kuŵe citamile mpela mulikutamila lyuŵa. Ŵandu apate upile ligongo lya mwenyejo, ŵandu ŵa mitundu josope ajile kuti ŵana upile.

Masalimo 99:4

Ŵalakwe mwenye jwamacili, ŵakunonyelwa ni kulamula kwambone, ajiŵisile ndamo jangali lusagu, ni kulamula kwagoloka mcilambo ca Yakobo.*

Yesaya 45:23

Cilanga* cangu cili cisyesyene, pakamwa pangu paŵecete yangalumbana, maloŵe gele ngasigacenga kose, gakuti, ‘Mundu jwalijose tacindindiŵalila, ŵandu wosope tacilumbila pakulikolanga lina lyangu.’

Yesaya 45:25

Nambo mwa AMBUJE yisukulu yosope ya Isalaeli tiyicipunda ni kupata lumbili.”

Yesaya 65:16

Myoyo utaciŵenda upile mcilambomo, tacitenda yeleyo kwa Mlungu jwakusaŵeceta yakuwona. Nipo jwakutenda cilanga* mcilambomo, tacitenda cilanga mu lina lya Mlungu jwakusaŵeceta yakuwona, ligongo lyakuti yisawusyo yakala yiliŵalicikwe nipo yityosyedwe pameso pangu.”

Yelemiya 10:10

Nambo AMBUJE ali Mlungu jusyesyene, jwalakwejo ali Mlungu jwa cijumi nambo soni ali mwenye jwampaka kalakala. Cilambo capasi cikusatenganyika ni ukali wa AMBUJE, soni ŵandu ŵa mitundu jine ngaŵa mkupakombola kupimilila ni ukali wakwewo.

Yelemiya 12:15

Nambope pitinjatyosyapo, tinjatendela canasa, nipo tinjiwuwucisya soni mtundu uliwose ku cilambo cawo.

Yelemiya 12:16

Naga jemanjajo tacilijiganya cenene ni mitima jawo josope matala ga ŵandu ni kulumbila* mu lina lyangu kuti, ‘Pana AMBUJE ŵacijumi,’ mpela jemanjajo muŵajiganyicisye ŵandu ŵangu, kulumbila mu lina lya Baala,* ni kuti jemanjajo tinjatamika sikati ja ŵandu ŵangu.

Yelemiya 16:19

AMBUJE, ŵalakwe ali macili gangu ni cakunjinjilicisya cangu, ŵalakwe ali kwakutilila kwangu pa ndaŵi ja yisawusyo. Ŵandu ŵa mitundu josope taciyika kwa ŵalakwe kutyocela kumbesi ja cilambo cosope capasi. Tacijila kuti, “Acinangolo ŵetu ŵakwete milungu ja unami, jangali kose mate.

Yelemiya 3:17

Pa ndaŵi jelejo Yelusalemu tacikolanjidwa ‘Citengu ca Ucimwene ca AMBUJE,’ mitundu josope ja ŵandu tijicisongana kulicimbicisya lina lya AMBUJE. Ngasakanilila kujikuya mitima jawo jakusakala.

Yelemiya 33:9

Msinda welewu tiwucijenesya mbili jangu jambone, nipo tiwucimba lukondwa, matogolelo ni ucimbicimbi. Ŵandu ŵa mitundu josope pa cilambo capasi pano tacindogolela ni kunjimbicisya pakupikana ya yindu yambone yosope yiniwutendele msinda welewu. Tacitenda soni ni kutetemela pakuwuwona kuti msindawo niwupele upile ni yambone yangaŵalanjika.”

Yelemiya 5:2

Atamose ŵandu akuŵeceta kuti akulambila mu lina lya AMBUJE, nambope akuŵeceta ya unami.

Yelemiya 7:5

“Mkolosye ndamo syenu ni yitendo yenu. Mtendelaneje yakulungamika jwine ni mjakwe.

Yelemiya 9:24

Nambo naga jwine akusaka kulilumba, alilumbe pa cindu cakuti akusapikanicisya ya une, nambo soni akusamanyilila kuti ndili Mlungu jwawo. Akusamanyilila kuti une ndili AMBUJE ŵakunonyela canasa, cilungamo, ni jwakulungamika pa cilambo capasi. Pa yeleyi mtima wangu ukusasangalala. Une AMBUJE mbecete myoyo.”

Hoseya 2:19

M'mwe Isalaeli, timciŵa ŵamkwangu; Tinjiŵa jwakuwona ni jwakulupicika. Tinjimlosya cinonyelo nambo soni canasa mpaka kalakala.

Yoweli 2:12

Nambo AMBUJE akuŵeceta kuti, “Atamose sambano jino, mwujile kwa une ni mtima wenu wosope, kulijima yakulya ni kulila mwa canasa.

Sakaliya 8:8

ni kuwuja nawo soni kutyocela kungopoko ni kungapilo lyuŵa kuti akatameje ku Yelusalemu. Jemanjaji taciŵa ŵandu ŵangu, soni une tinjiŵa Mlungu jwawo, kwalamulila jemanjajo mwakulupicika ni mwa cilungamo.

Mala 1:11

Palipose ŵandu akusanjimbicisya une. Kulikose ŵandu akusatutumisya ubani* ni kupeleka mituka jambone mu lina lyangu. Wosope ŵeneŵa akunjimbicisya une.

1 Akoli 1:31

Ali ni ligongo lyakwe m'Malemba yilembedwe kuti, “Jwakusosa kulikwesya, alikwesye mwa Ambuje.”

2 Akoli 10:17

Paja Malemba gakuti, “Jwakusaka kulilapilila, alapilile masengo gatesile Ambuje.”

Ŵagalatia 3:8

Mpela mundu akomboleka kuŵalanga mu ndime ja Malemba kuti Mlungu tacalungamisya ŵandu ŵa mitundu jine* ligongo lya cikulupi cakwete jemanjajo. Ni ligongo lyakwe Mlungu ŵamsalile Abulahamu Ngani Syambone kuti, “Mitundu josope ja pa cilambo capasi tinjijipa upile kupitila mwa m'mwejo.”

Detulonomo 10:20

Mwapikanileje AMBUJE Mlungu jwenu, soni mwalambileje womwanja pewo jika. Mŵeje ŵakulupicika kwa womwanjawo jika, ni mŵiceje cilanga mu lina lyawope.

Detulonomo 6:13

Mwacimbicisyeje AMBUJE Mlungu jwenu, mumlambileje jwalakwe jika, mtendeje yilanga yenu mu lina lyakwe pelyo.

Ŵafilipi 3:3

Uwe ngaŵaga jemanjajo ni ŵitwawumbele kusyesyene, pakuti uwe tukusitumlambila Mlungu mwakulongoleledwa ni Msimu wakwe Ŵaswela. Tukusasengwa mu umpepe wetu ni Klistu* Yesu* soni ngatukusakulupilila yayikutendekwa pa yilu yetu.

Lute 3:13

Mgone kunokuno cilo cino mpaka kundaŵi. Patikucepo tukamwusye jwalakwejo naga ali jwakomboleka kumsunga m'mwejo. Naga akakunde tiyikaŵe cenene. Nambo naga akakane, une ngulumbila pameso pa AMBUJE ŵangu ŵa umi, kuti tingamjigale ni kumsamalila. Sambano gonani mpaka ku ndaŵi.”

1 Sam 20:3

Nambo Daudi ŵajanjile kuti, “Baba ŵenu akumanyilila cenenepe kuti m'mwejo mkusimunonyelaga une mnope, nipo sambano aganisisye yakumsisa kuti mkamanyilila kogopa kuti timcitenda canasa. Pali AMBUJE* une ngulumbila, kuti m'mwe Yonatani, ciwa nganiciŵa pakutalicila ni une.”