Ŵafilipi 4:9 - Chiyawo Bible

⁹ Myitendeje yimwalijiganyisye ni kuyipocela kutyocela kwa une, m'maloŵe ni myitendo yangu. Mlungu jwakusatupa uwe mtendele taciŵa ni jemanja.

Lilangano lya Sambano

⁹ Ntendeje indu yose imwalijigenye ni imwaipochele kutyochela kwangune, ni yanayose imwaipilikene ni imwaiweni kwangune. Ni Akunnungu ŵakwatenda ŵandu atame kwa chitendewele chaŵe pamo ni ŵanyamwe.

Ŵafilipi 4:9 Iomraidhean Croise

Yesaya 41:10

Mkatenda woga pakuti Une ndili ni m'mwejo, Une ndili Mlungu jwenu, mkajasa mtima. Tinjimpa macili, soni kumkamucisya, Tinjimcinjilicisya ni mkono wangu wamlyo wakupunda pa ngondo.

Yesaya 8:10

Mkamulane pamo yakuti mtende, nambo yeleyo ngasiyikamula masengo. Mpangane yakutenda, nambo ngisiyikomboleka, pakuti Mlungu ali ni uwe.

Matayo 1:23

“Mwali tacikola cilu mkanatame ni jwamlume, nipo taciŵeleka mwanace jwamlume, nipo mwanacejo tacimpa lina lyakwe Emanuwele,” lilikugopolela kuti, “Mlungu ali ni uwe.”

Matayo 28:20

ni kwajiganya yosope yele yinamlamulile. Nipo unejo ndili ni jemanja masiku gosope, mpaka mbesi ja cilambo capasi cino.”

Matayo 7:21

“Ngaŵa mundu jwalijose jwakusangolanga une kuti, ‘Ambuje, Ambuje,’ tacijinjila mu Ucimwene wa kwinani iyayi. Nambo ŵitacijinjila ni ŵelepewo ŵakusatenda lisosa lya Atati ŵangu ŵakwinani.

Luka 6:46

“Ana ligongo cici mkungolanga une, ‘Ambuje,’ nambo mli mkakutenda yingusamsalila une?

Luka 8:21

Yesu ŵasalile ŵanduwo kuti, “Mama ŵangu ni acalongo acimjangu ali ŵandu ŵakupikana maloŵe ga Mlungu ni kutenda yigakuti maloŵego.”

Yohana 13:17

Pakuŵapo sambano jemanja amanyilile kuti yimbecete uneyi yili yakuwona, tacilupata lukondwa lwawo naga ayitendeje yele yinduyo.

Yohana 15:14

Jemanja mli acimjangu naga mkusatendaga yele yinamlamulile kuti myitendeje.

Yohana 2:5

Mama ŵawo Yesu ŵasalile ŵamasengowo kuti, “Agambe kutenda yiliyose yitiŵasalileyo.”

Masengo 9:6

Nambo jimukani, mjinjile mu msindamo ni takamsalile yakutenda.”

Ŵaloma 15:33

Mlungu jwakusapeleka mtendele aŵe ni jemanja wosope. Ami.*

Ŵaloma 16:20

Mlungu jwakusapeleka mtendele, pangakaŵa tacimswanya Satana* pasi pa sajo syenu.

1 Akoli 10:31

Sambano, kanga mkulya kapena mkumwa, kapena mkutenda cilicose, mtendeje yeleyo kuti mumcimbicisye Mlungu.

1 Akoli 14:33

ligongo Mlungu ngakusosa cisokonesyo, nambo mwakukamulana ni mwa mtendele. Mpela muyikusatendecekwela m'mipingo josope ja ŵandu ŵa Mlungu,

1 Akoli 4:16

Myoyo ngumŵenda jemanja kuti musyasyeje une.

2 Akoli 13:11

Sambano acalongo acimjangu, sangalalani. Mpikane yele yingumsalilayi nipo mkolosye yele yayilemale. Mpikangananeje ni kuŵa pa mtendele. Pelepo Mlungu jwacinonyelo ni jwa mtendele tacitama namwe.

Detulonomo 5:1

Mose* ŵaŵilasile Aisalaeli wosope ni ŵasalile kuti, “Aisalaeli pikanani malamusi gingumpa jemanja lelo jino. Mlijiganye gele malamusiga soni mlolecesye kuti mkugapikanila.

Ŵafilipi 3:17

Ŵakulupilila acimjangu, jemanja wosope musyasyeje une, soni mwalolecesyeje ŵele ŵakukuya cisyasyo citwampele uwe.

Ŵafilipi 4:7

Mtendele wa Mlungu, wele uli wakupunda umanyilisi wosope wa ŵandu, tiwucisunga cenene mitima jenu ni nganisyo syenu kupitila mukulumbikana kwenu ni Klistu* Yesu.*

1 Ates 1:6

Jemanja mwaliji mkutusyasya uwe ni Ambuje. Atamose kuti mwayiweni yipwetesi yejinji, nambope mwapocele utengawo ni cisangalalo cakutyocela kwa Msimu Ŵaswela.

1 Ates 2:14

Acalongo acimjetu, yindu yiyatendecele jemanjajo, iyoyo soni yatendecekwe ku mipingo ja Mlungu ku Yudeya, kwa ŵandu ŵali ŵakwe wa Klistu Yesu.* Paja jemanja soni ŵandu ŵakumangwenu ŵamlagasisye mpela muŵalagacisye aklistu ŵa ku Yudeya.

1 Ates 5:23

Mlungu msyene, jwele jwakusatupa mtendele, ampitikusye mtima kuti mŵe ŵakweŵakwepe. Amsunjeje ŵambumbu mu msimu, mu umi, soni mcilu, kuti cimŵe ŵangali liŵasi pakwisa Ambuje ŵetu Yesu Klistu.

2 Ates 3:4

Uwe tukwete cikulupi mwa Ambuje kuti jemanja mkuyitenda nambo soni timcipitilisya kuyitenda yindu yitwamsalile.

2 Timoseo 4:22

Ambuje atame ni jemanja. Umbone mtima wakutyocela kwa Mlungu uŵe ni jemanja wosope.

Yakobo 1:22

Kasimlilambusya ni kugapikanilape maloŵe ga Mlungu, nambo mtendeje yigakuŵeceta maloŵego.

2 Petulo 1:10

Ni ligongo lyakwe acalongo acimjangu ŵakulupilila, mtende citema kupunda kala kusimicisya kuti Mlungu ŵamŵilasile soni ŵamsagwile. Naga mkutenda myoyo ngasimgwa mu ulemwa.

1 Yohana 3:22

Akusatupa cilicose cele tukusamŵenda ligongo lyakuti tukusakuya malamusi gakwe, nambo soni tukusatenda yakumsangalasya.