Ŵafilipi 4:8 - Chiyawo Bible

⁸ Pakumalisya, ŵakulupilila acimjangu, mŵiceje mitima jenu pa yindu yiliyose yayili yakuwona, yakucimbicikwa, yakulungama, yayiswela, yakunonyelesya, ni ya ucimbicimbi.

Lilangano lya Sambano

⁸ Mbesi, achalongo achinjangu nganisyeje nkati yose yambone ni yaikuŵajilwa kulapikwa ni indu yose ya usyene ni indu yambone ni indu yaikwanonyelesya Akunnungu ni yose yaili yambone, ni yakuŵajilwa kwilapa, ni yose yakusalala ni yakuchimbichikwa.

Ŵafilipi 4:8 Iomraidhean Croise

Genesesi 18:19

Namsagwile jwalakweju kuti tiŵalamulile ŵanace ŵakwe ni yisukulu yakwe ya msogolo, kuti tagapikanileje maloŵe gangu, pakutenda yindu yambone ni yakulungamika Nipo une tinjimtendela jwalakweju yindu yosope yinaŵisile cilanga.”*

2 Sam 1:23

“Saulo ni Yonatani ŵaliji ŵakunonyeledwa, soni ŵakusangalasya nganalekanganaga ali cijumi atamose pa ciwa; ŵaliji ŵacitema kujipunda nyanga, ŵaliji ŵamacili kugapunda masimba.

2 Sam 23:3

Mlungu jwa Aisalaeli aŵecete, lwala lwa Aisalaeli lusalile kuti, “Mlungu jwakulamulila ŵandu mwa cilungamo kulamulila kwakumjogopa Mlungu,

Masalimo 82:2

Akuti, “Timciŵa mkulamula mwangalungamika ni kulosya kwanonyela mnope ŵangalumbana mpaka cakaci?

Misyungu 11:1

Mpimo wakunyenga ukusiwanyalaya AMBUJE,* nambo mpimo wacilungamo ukusiwasangalasya.

Misyungu 12:4

Jwamkongwe jwambone ali mpela cisoti ca ucimbicimbi kwa ŵamkwakwe, nambo jwamkongwe jwakutesya soni ali mpela cilonda ca uwowu kwa ŵamkwakwe.

Misyungu 16:11

AMBUJE akusasosa milingo ni masikelo gacilungamo, maganga gakulinjila gosope ga m'misaku juŵapanganyisye ni jwalakwejo.

Misyungu 20:7

Mundu jwambone jwakusajenda mwakulungama, Mlungu akusapeleka upile kwa ŵanace ŵakuya panyuma pakwe.

Misyungu 31:10

Ana nduni jwampaka apakombole kumsimana jwamkongwe jwambone? Ali jwamtengo wakwe kupunda maganga ga mtengo wa penani mnope!

Misyungu 31:29

Akusati, “Elo apali acakongwe ŵajinji ŵakusicilila kwabasi, nambo m'mwe mkwapunda wosopewo.”

Misyungu 31:31

Mumcimbicisyeje ligongo lya yitendo yakwe, masengo gakwe gampeje ucimbicimbi ku nganya.

Nyimbo ja Solomoni 5:16

Pakamwa pakwe pali pakunonyelesya mnope; soni cilicose mwa jwalakweju cikusanjigala mtima mnope. Mwelemu ni mwaŵelele ŵakunonyelwa ŵangu, jemanja acakongwe ŵa ku Yelusalemu.

Yesaya 26:7

Ŵalakwe AMBUJE ali ŵakulungama, litala lya mundu jwakwapikanila ŵalakwe akusalisalalisya.

Matayo 22:16

Ŵatumile ŵakulijiganya* ŵawo ŵane pamo ni ŵane ŵa mcipani ca Helodi* kwa Yesu. Jemanjaji ŵamsalile Yesu kuti, “Cemwalimu, tukumanyilila kuti ŵalakwe akusaŵecetaga yisyesyene, nipo akusajiganya mwakuwona ya malamusi ga Mlungu, soni ŵangamjogopa mundu jwalijose, ligongo ŵalakwe ngakusawona kuti ŵalakwe ali mundu jwamti uli.

Maliko 6:20

ligongo Helodi ŵamjogopaga Yohane, pakuti ŵamanyililaga kuti ŵaliji mundu jwakulungama ni jwagoloka mtima. Myoyo ŵamsungaga cenene. Ŵanonyelaga kugapikana maloŵe gakwe, atamose kuti yiŵaŵecetaga Yohanejo yam'masyaga lunda.

Luka 16:15

Yesu ŵasalile jemanjajo kuti, “Jemanja mkusalilosya mpela ŵakulungama pameso pa ŵandu, nambo Mlungu akusajimanyilila mitima jenu. Pakuti yindu yejinji yele ŵandu yakusaganisyaga yili yambone yikusaŵa yangali mate pameso pa Mlungu.”

Luka 2:25

Pandaŵi jeleji ku Yelusalemu kwatamaga mundu lina lyakwe Simiyoni. Jwalakwejo jwaliji jwakulungama ni jwakogopa Mlungu. Ŵaliji mkwembeceya ndaŵi jele Mlungu jitacakulupusya Aisalaeli.

Luka 23:50

Ŵapali mundu jwine lina lyakwe Yosefe, jwa ku Alimateya msinda wa ku Yudeya. Jwalakweju jwaliji mundu jwambone ni jwakulungama, nambo soni jwaliji jwa mwikuga lyekulungwa lya Ayuda.

Yohana 7:18

Mundu jwakuŵeceta ni macili ga msyene jikape akwamba kulijigalila ucimbicimbi wa msyene pejo basi. Nambo jwele jwakusosa lumbili lwa jwele pejo juŵamtumilejo ali jwakulupicika soni mwa jwalakwejo mwangali cilicose ca unami.

Masengo 10:22

Jemanjajo ŵajanjile kuti, “Jwamkulungwa jwa likuga lya asilikali ŵa ngondo, Koneliyo atutumile uwe. Jweleju ni mundu jwambone nipo jwakogopa Mlungu, soni Ayuda wosope akusamcimbicisya. Lilayika lya Mlungu lyasalile kuti ŵaŵilanje wawojo ajawule ku nyumba jakwe, kuti akapikane maloŵe gele gali ni ŵalakwe.”

Masengo 22:12

“Kweleko kwapali mundu jwine lina lyakwe Ananiya. Ŵaliji ŵakogopa Mlungu nipo kusamala Malamusi getu nipo Ayuda wosope ŵakweleko ŵampaga ulemu.

Masengo 6:3

Acimjangu, msagule ŵandu msano ni ŵaŵili pasikati penu ŵali ni mbili jambone, ŵele Msimu Ŵaswela ukwalongolela nipo soni ŵalunda kuti twape masengo gelega.

Ŵaloma 13:13

Kwende sambano ndamo syetu siŵeje syambone, mpela ŵandu ŵakusatama mu lilanguka. Pakapagwa kutunduka kapena kukolelwa, pakapagwa ya lilama kapena cisembwele, pakapagwa ya ndeu kapena wiwu.

Ŵaloma 13:3

Pakuti ŵakulamulila ŵangatesya woga ŵandu ŵandamo syambone, nambo ŵa ndamo syakusakala. Ana mkusaka kuŵa ŵangajogopa ŵakulamulila? Mtendeje yayili yambone nipo jwalakwejo tacimlapilila,

Ŵaloma 14:18

Jwalijose jwakutumicila Klistu mu litala lyeleli, akusamsangalasya Mlungu, soni akusaŵa jwakwiticisidwa pameso pa ŵandu.

Ŵaloma 2:29

Myuda msyesyene ni jwali Myuda mu mtima mwakwe, soni kuwumbala kusyesyene kukusaŵaga kwa mu mtima, kwele kukusatendekwaga ni Msimu Ŵaswela, ngaŵaga ni Malamusi gakulembedwa. Mundu jwamti myoyo akusapocela matogolelo kutyocela kwa Mlungu, ngaŵaga kwa ŵandu.

1 Akoli 4:5

Myoyo mkamlamula mundu jwalijose Ambuje mkanayice. Ŵelewo ni ŵitaciyikopocesya pelanguka yosope yakusisika mu cipi, soni tacijuwula nganisyo sya m'mitima ja ŵandu. Pelepo mundu jwalijose tacipocela matogolelo kutyocela kwa Mlungu.

2 Akoli 13:7

Tukupopela kwa Mlungu kuti jemanja kasimtenda yangalumbana yiliyose. Ngaŵa kuti uwe tuwonece mpela ŵakupunda, nambo kuti jemanja mtende yele yayili yakwenela, atamose kuti uwe tuwonece mpela tulepele.

2 Akoli 6:8

Ŵandu ŵatucimbicisyaga, nambo soni ŵatunyosyaga. Ŵatuŵecetelaga yangalumbana, nambo soni yambone. Ŵatuganicisyaga uwe kuti tuli ŵa unami, nambope twaŵecetaga yakuwona.

2 Akoli 8:18

Pampepe ni Titojo tukumtumisya mlongo mjetu jula, jwele mipingo josope jikusamtogolela ligongo lya masengo gakwe ga kulalicila Ngani Syambone.*

2 Akoli 8:21

Yitukusaka uwe ni kutenda yindu yambone, ngaŵa pameso pa Ambujepe, nambo soni pameso pa ŵandu.

Ŵagalatia 5:22

Nambo Msimu wa Mlungu ukusatutendekasya uwe kuti tuŵe ŵa: Cinonyelo, lukondwa, mtendele, kuwusimana mtima, umbone mtima, kwatendela ŵane yambone, kulupicika,

Ŵaefeso 4:25

Sambano mwulece unami, jwalijose aŵeceteje yakuwona yisyesyene ni mjakwe, pakuŵa wosopewe tuli yiŵalo ya cilu ca Klistu.

Ŵaefeso 5:9

Pajatu palili lilanguka, pakusasimanikwa umbone wosope, cilungamo ni usyesyene wene.

Ŵaefeso 6:14

Jimani sambano, mli m'wete usyesyene mpela lamba mciwunu mwenu, walani cilungamo mpela malaja ga cisyano gakucinjilicisya pa mtima penu,

Detulonomo 16:20

Mkalamuleje magambo mwa cilungamo ni mwangali lusagu ndaŵi josope. Naga mkuja kutenda myoyo, timkatamilicice mcilambo citakampe AMBUJE Mlungu jwenu.

Ŵafilipi 3:1

Pakumalisya ŵakulupilila acimjangu nguti, “Sengwani mu umpepe wenu mwa Ambuje.” Ngangudandawula kuwilisya kumlembela yinalembile kala, nipo maloŵego gali gakumkamucisya jemanja mwacimsyene.

Ŵakolosai 4:5

Msamalile utame wenu pasikati pa ŵandu ŵangakulupilila, nipo mkamulisye cenene ndaŵi jenu jimkwete.

1 Ates 4:12

Pakutenda myiyi timcikola ucimbicimbi pasikati pa ŵandu ŵangakulupilila, nipo kuti jemanja mŵe ŵangajegamila kwa mundu jwalijose ku yakusoŵa yenu.

1 Timoseo 2:2

Mwapopeleleje ayimwene ni wosope ŵakwete ulamusi, kuti mwalitala lililyose tutameje mu umi wakutulala ni wa mtendele, kulosya kulipeleka ni ucimbicimbi pameso pa Mlungu ni kutama mwakulungama ni mwa ndamo syambone pameso pa ŵandu ŵane.

1 Timoseo 3:11

Yalumo soni acakongwe akwenela kucimbicisidwa, nambo soni akaŵecetaga yakusakala yakwamba mundu jwine. Aŵeje ŵakuligosa ni ŵakulupicika pa yosope yakusatenda.

1 Timoseo 3:4

Aŵe jwakumanyilila kwendesya cenene liŵasa lyakwe, ni kwalela cenene ŵanace ŵakwe kuti aŵe ŵakupikanila ni ŵa ucimbicimbi.

1 Timoseo 4:12

Mkakunda kuti mundu jwalijose amcembulusye ligongo lyakuti mli mcanda, nambo mŵe cisyasyo kwa ŵakulupilila mu yakuŵeceta yenu, mu wende wenu, mu cinonyelo cenu, mu cikulupi cenu ni mu uswela wenu mtima.

1 Timoseo 5:10

Aŵe jwamkongwe jwakuti ŵandu akusamtendela ucimbicimbi wakuti jwalakwejo akusatenda masengo gambone. Aŵe jwakuti ŵalelaga ŵanace cenene, ŵapocelaga cenene acalendo, nambo soni ŵacapaga sajo sya ŵandu ŵa Mlungu, soni ŵakamusyaga ŵandu uŵaliji myisawusyo. Aŵe soni jwamkongwe jwakuti ŵalipelekaga pa masengo gosope gambone.

1 Timoseo 5:2

Acakongwe ŵacekulupe mnope mtameje nawo mpela mama ŵenu. Ŵali mtameje nawo cenene mpela acalumbu ŵenu, mu uswela mtima kusyesyene.

Tito 1:8

Aŵe jwakwapocela cenene acalendo, jwakunonyela yambone, jwakumanyilila kulilamulila msyene, jwakulungama, jwamswela mtima nambo soni jwakulilekasya msyene.

Tito 2:14

Jwalakwe ŵalipelece msyene pa ligongo lya uwe, kuti atukulupusye ku yakusakala yetu yosope, ni kutuswejesya kuti tuŵe ŵandu ŵakwe ŵakutenda citema pa masengo gosope gambone.

Tito 2:2

Mwasalile acalume ŵacikulile kuti aŵeje ŵangakolelwa, ŵakutenda ya ucekulu, ŵa nganisyo sya lunda, ŵakulimbangana pa cikulupi, pa cinonyelo ni soni pakupilila.

Tito 2:7

Mu yosope yene m'mwejo mŵeje cisyasyo pa masengo gambone. Cijiganyo cenu ciŵeje cisyesyene nipo mcijiganyeje mwa ucimbicimbi, ni lung'wanu.

Tito 3:14

Ŵandu ŵetu akwenela kulijiganya kulipeleka pa masengo gambone, kuti akamucisyeje papakuwoneka kusoŵa kusyesyene. Atendeje myoyo kuti ma umi gawo gakaŵa gangapindulisya.

Ŵaeblania 11:2

Pakuŵa ni cikulupi, acinangolo ŵetu ŵala Mlungu ŵasangalele nawo.

Ŵaeblania 13:18

Mkaleka kutupopelela uwe. Pakuti tukwete mtima wangali kandu kakuwusisya, nipo tusimicisye kutenda yosope mwacilungamo.

Yakobo 1:27

Dini jisyesyene jajili jangali ulemwa pameso pa Mlungu Atati, ni aji: kwakamucisya ŵanace ŵa masije ni acakongwe ŵawililwe myisawusyo yawo, nambo soni kuligosa jika ku yangalumbana yosope ya mcilambo capasi.

Yakobo 3:17

Nambo lunda lwakutyocela kwinani pandanda luli lwakulenjela, nipo soni luli lwa mtendele, lwa kuŵeŵa, lwakupikanicisya cenene. Lukwete canasa soni yisogosi yakwe yambone yili yejinji. Lundalo luli lwangali lusagu kapena ulamba.

1 Petulo 1:22

Sambano pakuti mliswejesye mwacimsyene pakupikanila yayili yakuwona yisyesyene, myoyo soni mwanonyeleje aklistu acimjenu ni mtima wenu wosope.

1 Petulo 2:12

Msamale wende wenu pimkutama pasikati pa ŵandu ŵa mitundu jine,* kuti atamose amlambucisye jemanja kuti mli ŵandu ŵakutenda yakusakala, nambotu aloleje yitendo yenu yambone. Pakutenda myoyo tacimcimbicisya Mlungu pa lisiku lyakwika kwakwe.

1 Petulo 4:8

Penani pa yosope yene, cekulungwa mnope cili cakuti mnonyelaneje, pakuti cinonyelo cikusasisa ulemwa wejinji.

2 Petulo 3:1

Ŵakunonyelwa acimjangu mwa Ambuje, aci sambano cili cikalata cangu caŵili cilembele kwa jemanja. Mu yikalata yosopeyi sacile mkulimbisya mitima jemanja kuti mkoleje nganisyo sisyesyene.

1 Yohana 3:18

Jemanja ŵanace, cinonyelo cakwe cikagambaga kuŵa capakamwa, nambo ciwoneceje pa yitendo yenu.

1 Yohana 3:3

Mundu jwalijose jwakwete cembeceyo celeci pa Klistu,* akusaliswejesya mpela Klistu ali jwamswela.

1 Yohana 4:1

Jemanja ŵakunonyelwa acimjangu, mkakulupililaga misimu jilijose, nambo mjilinjeje misimujo kuti mlole naga jili jakutyocela kwa Mlungu; pakuti ŵakulocesya ŵa unami ali posepose pacilambo pano.

Lute 3:11

Myoyo mkasimdandawula mwanangu, une tinayitende yosope yimŵendileyo. Pakuti mundu jwalijose jwa m'musi awuno, akumanyilila kuti m'mwejo mli jwamkongwe jwambone.