Ŵafilipi 4:7 - Chiyawo Bible

⁷ Mtendele wa Mlungu, wele uli wakupunda umanyilisi wosope wa ŵandu, tiwucisunga cenene mitima jenu ni nganisyo syenu kupitila mukulumbikana kwenu ni Klistu* Yesu.*

Lilangano lya Sambano

⁷ Ni chitendewele kutyochela kwa Akunnungu chachikupunda umanyilisi wauli wose wa ŵandu, tichigose mitima jenu ni miningwa jenu uchenene mu kulumbikana kwenu ni Kilisito Yesu.

Ŵafilipi 4:7 Iomraidhean Croise

Nehemiya 8:10

Kaneko Nehemiya ŵasalile ŵandu ŵala kuti, “Jawulagani kumangwenu mkalye yakulya yambone ni kumwa yambone yakulyolyopela. Mkagaŵile soni acimjenu ŵikanakola cilicose. Lelo lili lisiku lyeswela lya AMBUJE, myoyo mkaŵa ŵa canasa, pakuti lukondwa lwakusampaga AMBUJE tilucimlimbisya.”

Yobu 22:21

M'mwe Yobu, msyoŵekaneje ni Mlungu kuti mtameje mu mtendele, naga mkutenda myoyo timciyiwona yindu yambone.

Yobu 34:29

Ana Mlungu naga ali jii, ŵani ŵa mpaka aŵecete kuti jwalakwejo alemwisye? Naga jwalakwejo akusisa ngope jakwe, ŵani mpaka apakombole kumwona? Nambo jwalakwejo ni jwakusasamalila mundu kapena mtundu wa ŵandu,

Masalimo 29:11

AMBUJE akupeleka macili kwa ŵandu ŵakwe ni kwapa upile ni mtendele.

Masalimo 85:8

Mbikane yitaciŵeceta AMBUJE Mlungu, pakuŵa taciŵeceta ya mtendele kwa ŵandu ŵakwe, kwa ŵandu ŵakwe ŵaswela mtima, naga ngakuwujila soni kuyitenda yakuloŵela yawo.

Misyungu 2:11

Ganicisya cilepe ya msogolo tikucimsunga m'mwejo soni kupikanicisya cenene yindu, tikucimcenjela.

Misyungu 4:6

Mkaluleka lunda, tulucimsunga. Mlunonyeleje, tulucimcenjela.

Misyungu 6:22

Pakwenda pa ulendo, tiyicimlongolela kumlosya litala; pamkugona, tiyicimlondela, soni pamkwimuka tiyiciŵeceta namwe kumpa lunda.

Yesaya 26:12

AMBUJE, akatupa mtendele ligongo lyakuti yiliyose yitukusatenda, akusatulinganyicisya ni ŵalakwe.

Yesaya 26:3

Ŵalakwe AMBUJE,* akusapeleka mtendele usyesyene kwa ŵele ŵakwete umi wakutamilicika, ligongo lya cikulupi cawo pa ŵalakwe.

Yesaya 45:7

Ngusapanganya kuŵala ni cipi, ngusayikasya upile ni likungu. Une ndili AMBUJE, jungusatenda yosopeyi.

Yesaya 48:18

“Mkambikanile malamusi gangu, Mtendele wenu ukamyicilile mpela mesi ga mu lusulo, cilungamo cikaliji kumwunicila ndaŵi syosope, mpela matumbela ga pa nyasa.

Yesaya 48:22

“Nambo ŵandu ŵakulemwa ŵangali mtendele,” akuti myoyo AMBUJE.

Yelemiya 32:16

Pinampele Baluki mwanace jwa Neliya yikalata ya cilanga yila, natandite kupopela kwa AMBUJE njitiji kuti,

Yelemiya 33:6

Nambo msogolo mwakwe tinjiwupa umi msindawo ni kuwuposya. Tinjaposya ŵandu ŵakwe ni kwapa yambone yejinji ni mtendele usyesyene.

Numeli 6:26

AMBUJE amlolele mwa canasa, nipo ampe mtendele.

Luka 1:79

Lilanguka lyakwe tilicamulicila ŵandu wosope ŵakutama mu cipi soni ŵele ŵakogopa ciwa soni tilicitulongolela uwe mu litala lya mtendele.

Luka 2:14

“Ucimbicimbi uŵe kwa Mlungu kwinani ni mtendele pa cilambo capasi pano kwa ŵandu ŵakunonyelwa ni Mlungu.”

Yohana 14:27

“Mtendele ni ungumlecela jemanja, mtendele wakwe wa une namsyene ni ungwapa. Nganguwupeleka mpela mwakupelecela ŵandu wa cilambo capasi. Akasadandawula ni kulaga pa yindu yitiyitendece, akatenda woga uliwose.

Yohana 16:33

Une namsalile yeleyi kuti jemanja timcikola mtendele pakulumbikana ni une. Mcilambo capasi cikwete yisawusyo. Nambo mŵe ŵakulimba mtima! Nacipundile cilambo capasi!”

Ŵaloma 1:7

Myoyo ngumlembela jemanja wosope ŵimli ku yilambo ya ku Loma, ŵimkusanonyeledwa ni Mlungu, nipo ŵimŵilanjidwe ni Mlungu kuti mŵe ŵandu ŵakweŵakwepe. Umbone mtima ni mtendele yakutyocela kwa Mlungu Atati ŵetu ni kwa Ambuje Yesu Klistu yiŵe ni jemanja.

Ŵaloma 14:17

Pakuti mu Ucimwene wa Mlungu* cakusosekwa mnope ngaŵa cakulya kapena cakumwa, nambo cilungamo, mtendele ni lukondwa yakusapeleka Msimu Ŵaswela.

Ŵaloma 15:13

Mlungu jwakusatupa cikulupi, agumbasye mitima jenu ni lukondwa ni mtendele wosope pakumkulupilila jwalakwejo, kuti cembeceyo cenu cipitilisyeje kukula mwamacili ga Msimu Ŵaswela.

Ŵaloma 5:1

Pakuti tuli ŵakulungamisidwa pameso pa Mlungu ligongo lya cikulupi citukwete mwa Mlungu, myoyo Ambuje ŵetu Yesu* Klistu* ŵatutendesye uwe kuti tuŵe pa mtendele ni Mlungu.

Ŵaloma 8:6

Naga ndamo syakusakala sikulamulila cilu cenu ni kuti yakuyicisya yakwe yili ciwa, nambo naga tukulamulidwa ni Msimu Ŵaswela mbesi jakwe jili jakuti tucikola umi ni mtendele.

2 Akoli 10:5

ni kandu kalikose kakulikusya nako kakumtendekasya mundu jwalijose ngam'manyilila Mlungu. Tukusagomeka nganisyo sya ŵandu ni kusitenda kuti sipikanileje Klistu.

2 Akoli 13:11

Sambano acalongo acimjangu, sangalalani. Mpikane yele yingumsalilayi nipo mkolosye yele yayilemale. Mpikangananeje ni kuŵa pa mtendele. Pelepo Mlungu jwacinonyelo ni jwa mtendele tacitama namwe.

Ŵagalatia 5:22

Nambo Msimu wa Mlungu ukusatutendekasya uwe kuti tuŵe ŵa: Cinonyelo, lukondwa, mtendele, kuwusimana mtima, umbone mtima, kwatendela ŵane yambone, kulupicika,

Ŵaefeso 3:19

Kusyene ngupopelela kuti m'manyilile cinonyelo ca Klistu cakupunda lunda lwa ŵandu, kuti mgumbalilwe mnope ni umi wa Mlungu msyene.

Ŵafilipi 1:1

Cikalataci cikutyocela kwa une Paulo ni Timoteo, ŵatuli ŵakutumicila ŵa Yesu* Klistu.* Tukulembela cikalataci kwa ŵandu wosope ŵa mu msinda wa Filipi* ŵali mu umpepe ni Klistu Yesu nambo soni kwa acimlongola sikati ja acakulungwa ŵa mpingo* ni ŵakwakamusya.

Ŵafilipi 1:2

Umbone mtima ni mtendele yakutyocela kwa Mlungu Atati ŵetu ni kwa Ambuje Yesu Klistu yiŵe ni jemanja.

Ŵafilipi 4:19

Mlungu jungusinamtumicila une akwete yipanje yejinji, nipo tacimpa yosope yimkuyisoŵa kupitila mwa Klistu Yesu.

Ŵafilipi 4:21

Mu lina lya Klistu Yesu mumbelecele moni kwa jwalijose jwa mu mpingomo. Akumpa moni ŵakulupilila acimjangu ŵindili nawo akuno.

Ŵafilipi 4:9

Myitendeje yimwalijiganyisye ni kuyipocela kutyocela kwa une, m'maloŵe ni myitendo yangu. Mlungu jwakusatupa uwe mtendele taciŵa ni jemanja.

Ŵakolosai 3:15

Mtendele wa Klistu umlongoleleje m'mitima mwenu. Mlungu ŵamŵilasile kuti mŵe nawo mtendele welewu, pakuti jemanja ni yiŵalo ya cilu cimope, ni soni mŵeje ŵakutogolela.

2 Ates 3:16

Ambuje asyene, ŵali ndande jetu ja mtendele, ampe jemanja mtendelewo ndaŵi syosope mwa litala lililyose. Ambuje aŵe ni jemanja wosope.

Ŵaeblania 13:20

Mlungu ŵajimwisye Ambuje ŵetu Yesu ku ŵawe, jwele jwali Jwamkulungwa Jwakucinga ngondolo, ligongo lya ciwa cakusimicisya cilanga* cangali pambesi.

Yuda 1:1

Cikalataci cikutyocela kwa une Yuda, jwakutumicila jwa Yesu* Klistu,* nambo soni mpwakwe jwa Yakobo.* Ngulemba cikalataci kwa jemanja ŵiŵamŵilasile Mlungu, ŵimkutama mcinonyelo ca Mlungu Atati ni mcitetelo ca Yesu Klistu.

Chunukuko 1:4

Une, Yohane, ngulembela cikalataci ku mipingo msano ni jiŵili ja ku upande wa Asiya.* Ngupopela kuti mpocele Umbone mtima ni mtendele yakutyocela kwa Mlungu. Jwelejo ni jwali sambano, soni juŵapali kala, nambo soni ni jwele jwakwisa, ni kutyocela kwa Misimu msano ni jiŵili jijikusatama pasogolo pa citengu ca Ucimwene wa Mlungu.

Chunukuko 2:17

“Jwele jwakwete mapikanilo, apikanicisye yele Msimu akujisalila mipingoji. “Kwa ŵele utacipunda, tinjapa cakulya cakusisika ca mana. Tinjapa soni liganga lyeswela pelembedwepo lina lyasambano, lyakulimanyilila jwalakwejo msyene, ngaŵaga jwine jwalijose.