Ŵafilipi 4:6 - Chiyawo Bible

⁶ Mkadandawula ni kandu kane kalikose, nambo pa ndaŵi jimkupopela mumŵendeje Mlungu yindu yayikumsoŵa, nipo ndaŵi syosope myiŵendeje yindu yeleyi ni mitima jakutogolela.

Lilangano lya Sambano

⁶ Kasinlisausya nkati chindu chachili chose, nambo kwa chachili chose mwasalile Akunnungu kwa kupopela ni kwachondelela ni kwatogolela.

Ŵafilipi 4:6 Iomraidhean Croise

1 Ayi 8:28

Nambo ŵalakwe AMBUJE Mlungu jwangu, alipikane lipopelo ni kuŵenda kwangu, kungupeleka une jwakutumicila jwawo, kwa ŵalakwe lelo jino.

2 Mbi 32:20

Mwenye Hesekiya pamo ni jwakulocesya* Yesaya mwanace jwa Amosi, ŵapopesile kwa Mlungu kuŵenda cikamucisyo.

Masalimo 51:15

AMBUJE,* awugule ngomo syangu, ni pakamwa pangu tipaciŵeceta yakwalumba ŵalakwe.

Masalimo 55:17

Ngudandawula ni kulila ligulo, kundaŵi, ni musi, ŵalakwe tacigapikana maloŵe gangu.

Masalimo 55:22

Mwatulile AMBUJE msigo wa yakudandawula yenu, ni Jwalakwe tacimcenjela, ngasakunda kose kuti mundu jwawo jwagoloka, atenganyice.

Masalimo 62:8

Ŵandu ŵangu, mumkulupilileje Mlungu ndaŵi syosope. Mumsalileje jwalakwejo yakusawusya yenu yosope, pakuti jwalakwejo ali kwakutilila kwetu.

Misyungu 15:8

Mbopesi ja ŵandu ŵakusakala jikusijanyalaya AMBUJE, nambo lipopelo lya ŵandu ŵakulungama likusilyasangalasya.

Misyungu 16:3

Cilicose camkutenda, mciŵice m'magasa ga AMBUJE, ni yamkuganisyayo tiyicimjendela cenene.

Nyimbo ja Solomoni 2:14

M'mwejo mli mpela ngunda jajikuŵa m'mapesa ga maganga. Sambano ndole ngope jenu ja cinonyelo soni kuti mbikane maloŵe genu gakupikanika cenene.

Yelemiya 32:16

Pinampele Baluki mwanace jwa Neliya yikalata ya cilanga yila, natandite kupopela kwa AMBUJE njitiji kuti,

Yelemiya 33:3

Jwalakwejo akuŵeceta kuti, “Mumbilanje nipo tinjimjanga, tinjimsalila ya asili yejinji yele ngimkuyimanyilila.

Daniele 3:16

Shadileki, Misheki ni Abedenego ŵasalile Mwenye Nebukadinesa kuti, “Nganikuŵa kwakusosekwa kuti twajanje pa ngani jeleji.

Daniele 6:10

Daniele piŵapikene kuti lilamusi lyeleli alitamilisye, jwalakwe jwajinjile m'nyumba jakwe mcipinda ca mwinani. Cipindaci cakwete mawindo gakulolegana ni Yelusalemu. Jwalakwejo jwaliji mkutindiŵala ni kupopela mcipindamo katatu pa lisiku kaneko ni kumtogolela Mlungu jwakwe, mpela mujwatendelaga kala kosope.

Matayo 10:19

Pitacimjigalila ku magambo, mkaja kudandawula ni kuganisya kuti, ‘Ana tukaŵecete camtuli?’ Kapena kuti, ‘Ana tukaŵecete cici?’ Pakuti timcipegwa ndaŵi jijojo maloŵe gakuti mŵecete.

Matayo 13:22

Mbeju sisyagwilile pa mawukutu ga miŵa sila, sili mpela mundu jwakusapikana maloŵe ga Mlungu, nambo akusatanda kudandawula ni yakusosekwa ya umi awuno, soni kunonyela mnope yipanje mwakuti pambesi pakwe yeleyi yikusanyolosya maloŵe gala, ni ngasogosya cisogosi cilicose.

Matayo 6:34

Ni ligongo lyakwe mkaŵaga ŵakusingalilwa ni kuganisya ya malaŵi. Ya malaŵi ni ya malaŵi. Lisiku lili lyose lyana yakusawusya yakwe yakwepe.

Matayo 6:8

Jemanja mkatendaga iyoyo, pakuti Atati ŵenu ŵakwinani, akusamanyilila cile yayikumsoŵa mkanimtande kwaŵenda.

Luka 10:41

Ambuje ŵatite, “M'mwe Malita, mkujijilika ni kulaga ni yindu yejinji,

Luka 12:22

Yesu ŵasalile ŵakulijiganya ŵakwe kuti, “Sambano ngumsalila kuti, mkasimdandawula ni ya umi wenu kuti timlye cici, kapena tim'wale cici.

Luka 12:29

“Myoyo mkadandawulaga mciganisyaga kuti ana tindye kapena timwe cici?

Luka 18:1

Yesu* ŵasalile ŵakulijiganya* ŵakwe citagu* cakwajiganya jemanjajo kuti aŵeje ŵakupopela ndaŵi syosope mwangawujila panyuma.

Luka 18:7

Nambi Mlungu ngasiŵacenjela ŵakusagulidwa ŵakwe ŵakusapopela kwa jwalakwejo musi ni cilo? Ana tacigamba kwaleka?

1 Akoli 7:21

Ana mwaliji kapolo pa ndaŵi jimwaŵilanjidwaga ni Mlungu? Mkalaga nayo yeleyo, nambo naga mkupata upile wakuti mŵe mundu jwagopoka, mwukamulisye masengo wele upilewo.

1 Akoli 7:32

Ngusaka kuti jemanja mkadandawulaga. Mundu jwangalombela akusagamba kujijilika ni masengo ga Ambuje, ligongo lyakuti jwalakwejo akulinga kwasangalasya Ambuje.

2 Akoli 1:11

Conde mtukamucisye pakutupopelela. Pelepo ŵandu ŵajinji tacimtogolela Mlungu m'malo mwetuwe ligongo lya yiŵatutendele jwalakwe mwa kusalala mtima kwakwe.

Ŵaefeso 5:20

Mumtogoleleje Mlungu Atati ndaŵi syosope ligongo lya yosope mu lina lya Ambuje ŵetu Yesu* Klistu.

Ŵaefeso 6:18

Mtendeje yosopeyi mwakupopela, ni kuŵenda cikamucisyo ca Mlungu ndaŵi syosope. Ndaŵi jilijose mpopeleje mwakulongoleledwa ni Msimu Ŵaswela, kwa ligongo lyeleli mŵe cile ni kupopela mwangalecesya, ni kwapopelela ŵandu wosope ŵa Mlungu.

Ŵakolosai 3:15

Mtendele wa Klistu umlongoleleje m'mitima mwenu. Mlungu ŵamŵilasile kuti mŵe nawo mtendele welewu, pakuti jemanja ni yiŵalo ya cilu cimope, ni soni mŵeje ŵakutogolela.

Ŵakolosai 3:17

Cilicose cele campaka mcitende, mwine pakuŵeceta, kapena pakamula masengo, mcitendeje mu lina lya Ambuje Yesu,* pakumtogolela Mlungu Atati kupitila mwa Jwalakwe.

Ŵakolosai 4:2

Mpopeleje mwangalecesya, nipo ndaŵi jimkupopela mŵeje cilepe soni ni kumtogolela Mlungu.

1 Timoseo 2:1

Cakusosekwa mnope mwa yosope yene cili cakuti paŵeje mapopelo gakwapopelela ŵandu wosope. Mapopelo gakwe gaŵeje gakucondelela, gakuŵenda ni kumtogolela Mlungu.

1 Timoseo 5:5

Jwamkongwe jwele jwali jwam'wilwe, jwamkanakola mundu jwalijose jwakuti amsamalileje, jwalakwejo aŵisile cembeceyo cakwe pa Mlungu. Jwalakwejo akusapopela mwangalecesya cilo ni musi kuti Mlungu amkamucisyeje.

1 Petulo 4:7

Mbesi ja yosope jiŵandicile. Ali ni ligongo lyakwe mŵeje ŵakalamuka ni ŵakulilekasya, kuti mpakombole kupopela.

1 Petulo 5:7

Mtule pa jwalakwejo yidandawulo yenu yosope, pakuti jwalakwejo ni jwakusamsamalila jemanja.

1 Sam 1:15

Jwamkongwe jula ŵajanjile kuti, “Iyayi ambuje ŵangu une nganimwa finyo kapena ukana uliwose. Mundune ngwete canasa cakogoya nipo mbele ndili mkupopela kwa AMBUJE ligongo lya canasa canguco.

1 Sam 30:6

Daudi ŵaliji pa yipwetesi yakogoya ligongo ŵandu ŵaŵecetaga yakumponya maganga, pakuŵa canasa cakamwile pakukumbucila ŵanace ŵawo ŵacalume ni ŵacakongwe. Nambo AMBUJE* Mlungu jwakwe ŵamlimbisye mtima Daudi.

1 Sam 7:12

Kaneko Samuele ŵajigele liganga, ni kulijimika pasikati pa Misipa ni Sheni, nipo ŵalipele ligangalyo lina lyakwe Ebenesa, nikuti “Liganga lyacikamucisyo,” pakuŵapo ŵatite kuti, “Mpaka sambano jino AMBUJE aŵele mkutukamucisya.”