Ŵafilipi 4:5 - Chiyawo Bible

⁵ Kulitimalika kwenu kuwoneceje pameso pa ŵandu wosope. Ambuje ŵetu akwisa pangakaŵa.

Lilangano lya Sambano

⁵ Kulitimalika kwenu kumanyiche kwa ŵandu wose, Ambuje ali chiŵandi kuuja.

Ŵafilipi 4:5 Iomraidhean Croise

Matayo 6:25

“Ni ligongo lyakwe ngumsalila kuti mkasimdandawulaga ya umi wenu, kuti timlye cici, kapena tim'mwe cici, pane soni ya cilu cenu, kuti tim'wale cici. Ana umi wenu ngawukusapunda yakulya? Ana cilu ngacikupunda yakuwala?

Matayo 6:34

Ni ligongo lyakwe mkaŵaga ŵakusingalilwa ni kuganisya ya malaŵi. Ya malaŵi ni ya malaŵi. Lisiku lili lyose lyana yakusawusya yakwe yakwepe.

Luka 21:34

“Nambo mlilolecesye mwacimsyene, kuti mitima jenu jikasitopelwa ni kulya kapena kukolelwa kapena kusitopelwa ni yakusawusya ya umi awuno, kuti lyele lisikulyo likamyicilila mwacisisimucisya.

1 Akoli 16:22

Naga mundu ngakwanonyela Ambuje, jwele mundujo alwesece. Malanata! Ambuje ŵetu, ayice!

1 Akoli 6:7

Kwimbana magambo kwa jemanja acimsyene kukulosya kuti mlepele mwacimsyene. Ana ngaŵa mpaka yiŵe yambone kuti ŵandu amlemwecesye? Ana ngaŵa mpaka yiŵe yambone kuti ŵandu ŵane kuti asumule yayili ya jemanja?

1 Akoli 8:13

Myoyo naga yakulya yikumlemwecesya mlongo mjangu, ngisilya soni nyama, ni cakulinga cakuti ngamkuŵasya mjangujo.

1 Akoli 9:25

Jwakuwutuka jwalijose akusaligosa mu yosope. Akusatenda yeleyi kuti akapocele singwa ja maluŵa gele gakusakomboleka kunyala. Nambo mbote jele tucipocela uwe jili janganyala mpaka kalakala.

2 Akoli 10:1

Une Paulo namsyene ngumŵenda jemanja, mwa kuŵeŵa kwa Klistu,* uneji jundili jwakulitulusya pameso penu, nambo jwakulimba mtima ndili ndalikangene namwe.

2 Ates 2:2

Ŵandu ŵane akusaŵeceta kuti Lisiku lya Ambuje liyice kala, nambo une ngumŵenda jemanja ŵakulupilila acimjangu kuti mkakunda kuti ŵandu ŵamti myoyowo amsokonesye nganisyo syenu kapena kumtendekasya kuti mŵeje ŵakudandawula. Jemanjajo komboleka kuŵecetaga kuti agapikene gele maloŵega kutyocela kwa Msimu Ŵaswela kapena kwa mundu jwine jwene, kapena kugaŵalanga kutyocela mu cimo ca yikalata yetu.

Tito 3:2

Mwasalile kuti akaŵecetaga yakusakala ya mundu jwine jwalijose, aliŵambasye ku ya ukangani, aŵeje ŵakuŵeŵa, nipo ndaŵi syosope alosyeje ucimbicimbi kwa ŵandu wosope.

Ŵaeblania 10:25

Kwende tukaleka ndamo syetu syakusongana pampepe, mpela mwakusatendela ŵane. M'malo mwakwe, kwende tulimbisyaneje mitima jwine ni mjakwe mnope, mnopemnope pakulola kuti Lisiku lya Ambuje likuŵandicila kwika.

Ŵaeblania 10:37

Paja malemba gakuti, “Pasigele kandaŵi panandi, kuti Jwele jwakwisa, ayice. Ngakokoŵa iyayi.

1 Petulo 1:11

Ŵalinjilile kusimana ndaŵi jitiyicitendekwa yeleyi, nambo soni mwa litalaci? Jeleji jaliji ndaŵi jakuti Msimu wa Klistu uwaliji mwa jemanjajo waliji mkwalosya, pakwasalila ya msogolo kwambaga ya yisawusyo yele Klistu ŵajenele kupilila nambo ya lumbili lulwaliji mkwisa.

1 Petulo 4:7

Mbesi ja yosope jiŵandicile. Ali ni ligongo lyakwe mŵeje ŵakalamuka ni ŵakulilekasya, kuti mpakombole kupopela.

Chunukuko 22:20

Jwele jwakupelecela umboni pa yeleyi akuti, “Elo, ngwisa pangakaŵa.” Yiŵe myoyo. Ayice, Ambuje Yesu!

Chunukuko 22:7

Yesu* akuti, “Mpikanicisye, une ngwisa pangakaŵa! Ŵana upile ŵandu ŵakukuya maloŵe ga m'buku ajino gagakusala cilepe ya msogolo.”