Ŵafilipi 4:3 - Chiyawo Bible

³ M'mwe mjangu jwakulupicika pakamula masengo, ngumŵenda kuti mwakamusye acakongweŵa akamulane; pakuti jemanjaji akamwile masengo mwakulimbangana gakwasalila ŵandu ya Ngani Syambone* pamo ni une ni Klementi ni acimjenu ŵane ŵakamula nawo masengo. Mena ga ŵandu ŵiŵangamucisye uneŵa galembedwe mu buku ja umi.

Lilangano lya Sambano

³ Nomwe katumetume njangu jwakukulupichika, ngummenda mwakamuchisye achakongwe ŵa, pakuŵa ŵalasile kwannope pamo noneji, pamasengo ga kwenesya Ngani Jambone pamo ni che Kelementi ni achinjangu ŵane ŵaŵapanganyisye masengo pamo noneji, wosewo meena gao galembechekwe mchitabu cha umi.

Ŵafilipi 4:3 Iomraidhean Croise

Masalimo 69:28

Ŵasimasye m'buku ja ŵandu ŵacijumi; akasiŵalemba pampepe ni ŵandu ŵagoloka.

Ekisodo 32:32

Nambo sambano, conde mwakululucile ulemwa wawo. Naga ngakwakululucila, conde afute lina lyangu m'buku jiŵalembile.”

Yesaya 4:3

Sambano wosope utacisigala ku Siyoni* ŵele Mlungu ŵasagwile kuti aŵe cijumi ku Yelusalemu, tacikolanjidwa kuti ŵaswela.

Esek 13:9

Sigele panandi kuti nampe cilango jemanja ŵakulocesya ŵimwatiga mwayiwonaga yindu m'mesomkulola ni kulocesyaga ya unami. Ngimŵa nawo yalumo ŵandu ŵangu ndaŵi jitaciŵa pamo ni kuŵecetanaga; mena genu ngasigaŵa nawo mlikuga lya alukosyo lwa Aisalaeli; soni ngasimwujila kumangwenu. Pelepo timcimanyilila kuti Une ni AMBUJE Mlungu.

Daniele 12:1

“Pa ndaŵi jelejo lilayika lyekulungwa Mikaele,* jwakusiŵalondela ŵandu ŵenu, taciyika. Ndaŵi jelejo tijiciŵa ja yisawusyo yakogoya yamkaniyiwoneceje kala kosope, ali ampangenye mundu. Pa ndaŵijo ŵandu ŵenu tacikulupuka, wosope ŵele mena gawo galembedwe m'buku ja Mlungu.

Luka 10:20

Msangalaleje kuti mena genu galembedwe mu buku jakwinani, nambo ngaŵaga ligongo lyakuti misimu jakusakala jaliji mkupikanila jemanja.”

Ŵaloma 12:1

Sambano acalongo acimjangu, pakuti Mlungu atutendele canasa cekulungwa camti myiyi, ngumŵenda kuti mpelece yilu yenu kuti yiŵe mbopesi ja cijumi, jajiswela, ni jakumsangalasya Mlungu. Lyeleli liŵe litala lyenu lyakumlambila Mlungu mu usyesyene.

Ŵaloma 16:12

Mumbelecele moni kwa Tilifena ni Tilifosa, ŵele ŵakamulaga mwamacili masengo ga Ambuje. Mumbelecele moni kwa Pelisisi jungumnonyela jula, jwatesile masengo gejinji ga Ambuje.

Ŵaloma 16:9

Mumbelecele soni moni kwa Ulibano, jwakutumicila mjetu pa masengo ga Klistu, nambo soni Sitakisi jungusamnonyela.

Ŵafilipi 1:12

Ŵakulupilila acimjangu, ngusaka m'manyilile kuti yindu yiyindendekwele une yingamucisye kusyesyene pakwatendekasya ŵandu kuti akulupilile Ngani Syambone.

Ŵafilipi 1:16

Jemanjaji akusalalicila ligongo lya cinonyelo, pakuti akusamanyilila kuti Mlungu ambele une masengo gakucinjilicisya Ngani Syambone.

Ŵafilipi 1:27

Sambano cakusosekwa mnope cili cakuti ndamo syenu siŵe syambone mpela musikuŵecetela Ngani Syambone syakwamba Klistu. Naga ndili jwakupakombola kwika kukumlola, yili yambone nditu, nambo soni atamose naga ngulepela kwika kukumlola jemanja, nambo ngusaka mbikaneje kuti jemanja mkulimbicila ni mtima umpepe. Ngusaka kupikana soni kuti mwakupikanganana ni mwakamucisyana kuputa ngondo ligongo lyakulupilila Ngani Syambone.

Ŵafilipi 1:5

ligongo lya mwele mumŵele mli kungamucisya une pa masengo gakulalicila Ngani Syambone,* kutyocela lisiku limwatandite kulupilila mpaka sambano jino.

Ŵafilipi 1:7

Ndaŵi syosope ngusaganisya mwa lukondwa ya jemanja, pakuti ngusamnonyela jemanja. Pakuti jemanja wosope mkungamucisya une, pa ndaŵi jindili mu ukayidi muno nambo soni pingukamula masengo giŵambele Mlungu gakuwucenjela kuti Ngani Syambone sili syakuwona ni kwatendekasya ŵandu kuti akulupilile mwakulimbangana pa Ngani Syambone.

Ŵafilipi 4:2

Yuwodiya ni Sintike, conde ngumŵenda jemanja kuti mlinje kukamulana mpela ŵakulupilila mwa Ambuje.

Ŵakolosai 1:7

Mwalijiganyisye yeleyi kutyocela kwa Epafula, jwakutumicila mjetu jwakunonyelwa. Jwalakwe jula akumkamulila masengo Klistu mwakulupicika m'malo mwetuwe.

Chunukuko 13:8

Wosope ŵakutama pa cilambo capasi tacicilambila calakweco, ni kuti jwalijose, kugopolela kuti jwalijose jwele cipanganyikwile cilambo capasi, lina lyakwe nganililembedwa mu buku ja ŵa umi ja Mwanace Jwangondolo juŵawulajidwe jula.

Chunukuko 17:8

Cilombo cimwaciweni cila, kala caliji ca umi, nambo sambano nganiciŵa soni cacijumi. Calakweco cikwenela kukopoka kutyocela mwisimbo mula ni kuja kukujonanjidwa. Ŵandu wosope ŵakutama pa cilambo capasi, ŵele mena gawo nganigalembedwa mu buku ja umi cipanganyikwile cilamboci, tacisimongaga pakuciwona cilomboco. Tacisimongaga pakuwona kuti kala caliji ca umi nambo sambano nganiciŵa ca umi soni, nambo msogolo muno ticiciwoneka soni.

Chunukuko 20:12

Naweni soni ŵandu ŵawe, ŵacanandi ni ŵacakulungwa, ali ajimi pameso pa citengu. Mabuku galiji gali gewugulidwe, kaneko buku jine jawugulidwe soni, buku ja ŵacijumi. Ŵandu ŵawe ŵalamulidwe malinga ni yiŵatesile, mpela muyalembedwele m'buku.

Chunukuko 20:15

Jwalijose jwakusimanikwa kuti lina lyakwe nganililembedwa mu buku ja umi jila, ŵaponyedwe m'nyasa ja moto.

Chunukuko 21:27

Nambo mwelemo ngasikajinjila kandu kalikose kakusakala, kapena mundu jwalijose jwakutenda yakusakala kapena jwa unami. Awo pewo ŵele mena gawo galembedwe mu buku ja umi ja Mwanace Jwangondolo jula ni ŵele utacijinjila mu msindamo.

Chunukuko 3:5

Myoyo jwalijose jutacipunda tacim'weca yakuwala yeswela. Lina lyakwe ngasinilisimasya mu buku ja umi, soni tinjimtendela umboni pameso pa Atati ŵangu, ni pameso pa malayika gawo kuti ali ŵa une.